影片
以上資料只供參考, 請與餐廳確認詳情
有關獎賞計劃
一間chill嘅中菜，一啲都唔簡單。“聚星居”，算係滿足晒所有條件。首先要有景，包括環境同景觀，呢度有包廂，有海景，枱嘅分布合理。跟住要有嘢食，呢度嘅種類多不勝數，最重要係質素高，一陣再講。當然唔少得服務，呢度上菜隻碟都係熱嘅，而且收碟快，亦會幫客人換碟，算係唔錯。聚星居焗蟹蓋 $168蟹肉香、洋蔥絲嘅份量合理。但以上都唔及蟹醋嘅威力。一個蟹醋可以將蟹蓋提升不只一個層次。脆蔥燒鮑魚 $128用脆蔥燒嘅效果係令到鮑魚本身嘅香味好突出，味道上都會有一絲絲嘅蒜蔥味。鮑魚本身已經切咗片，方便分享。香茅脆皮乳鴿 $138果然係用上香茅脆皮燒出嚟。首先香茅味突出，同乳鴿嘅味道好合襯。最重要係乳鴿嘅皮燒得香口，夠脆，亦有一定油份。呢度會提供埋手套同胡椒享用。陳皮黑毛豬叉燒 $268黑毛豬叉燒本來已經唔會輸，佢嘅肥瘦均秤同質感已經係一絕。但個人最欣賞係佢嘅蜜糖，因為加咗陳皮，令到佢更有層次，唔會好似一般酒樓得個甜字。鳳梨黑醋松阪肉 $148相當打卡嘅一道菜。黑醋本身嘅質素好高，甜酸得宜，令到松阪肉味道足。菠蘿喺度嘅作用係中和呢道菜同其他肉類嘅累贅感。椰汁雪燕桃膠 $60區區$60嘅甜品都可以打卡。表面充滿雪燕，原來桃膠嘅份量仲多。椰汁味唔算好突出，但亦唔會好甜。相比起環境或者服務，其實我更欣賞喺呢度嘢食嘅質素。以餐廳嘅定位，佢嘅中菜的確做得唔錯，難怪呢度幾個包廂都坐滿人！
繼續閱讀
銅鑼灣V Point 「聚星居 Sing Garden」，坐落大廈28樓樓層，環境一流可以飽覽維港夜景，主打頂級粵菜及海鮮火鍋，主廚楊師傅擅長粵菜、上海、川菜、准扬菜等等，而且曾獲廚神獎項，怪不得每晚高朋滿座！喜歡食中菜嘅我，今晚和朋友特意來品嚐，對菜式超級期待，平日嘅晚上都可以全場爆滿，真係好厲害，而且仲有主場樂手和歌手獻唱耳熟能詳嘅廣東歌，非常好氣氛🫰▪️雙剁椒鳳凰鴿 $ 188中山妙齡鴿以雙色剁椒蒸焗，已經去骨啖啖肉，鴿胸粉嫩多汁，辣度溫和作為頭盤，非常開胃▪️陳皮黑毛豬叉燒 $ 268肉質柔軟，脂肪分布適度，肥瘦層次恰到好處，酥脆甜香味道適中，外酥內嫩每一口都非常多肉汁，超級推介超好食▪️蔥燒脆蔥指天翅 $ 148我真係孤陋寡聞，原來指天翅係是龍躉菜最矜貴的部位之一，魚鰭啖啖膠質，這道菜魚皮帶點香脆，肉質超級腍滑味美，加上惹味的蔥燒脆蔥，愛吃魚嘅朋友真係唔可以錯過▪️脆米和牛鬆炒飯 $ 268用瓦煲出場新鮮滾熱辣，份量大得驚人，炒得粒粒分明好有鑊氣，而且仲帶點焦脆，炒飯夾雜和牛鬆、菜脯、椰菜和香蔥粒，香口惹味▪️椰汁雪燕桃膠 $ 60用雪榚杯盛載非常足料，每一啖都係滿滿，雪燕桃膠，甜度適中口感細滑，滋補養顏之選
繼續閱讀
聚星居裝潢時尚優雅，落地大玻璃，引入自然光，可無死角飽覽維港海景。柔和的燈光設計，設有私密的包廂，還有KTV音響設備，適合大伙兒聚餐。座位舒適寬敞，盡情享受美食，十分寫意。雕王醉鄉蝦 (158)醉蝦色澤鮮艷，蝦頭飽滿晶瑩，肉質彈牙、紮實，加上花雕酒，散發純純花雕酒香，令人垂涎。鳳梨黑醋黑松板肉 (148)松板肉肉質軟嫩，外皮微脆，掛滿甜酸黑醋醬汁，油脂豐富，搭配鳳梨，清新怡人，開胃解膩。酥香烤籽魚 (148)魚塊烤得酥香可口，表面帶焦糖甜香，咀嚼間散發麻香味道，香以不辣，加上芝麻粒粒，滋味更加升華。燶邊叉燒豉油王炒麵 (188)炒麵香氣四溢，麵條充滿豉油的鮮美，加上燶邊厚切的叉燒，香口軟腍，加上青蔥及銀芽，口感豐富。濃湯花膠稻庭烏冬 (88)湯頭奶白清甜，呷一口鮮甜味突出，稻庭烏冬十分滑溜，花膠口感黏糯，充滿骨膠原，啖啖滋味! 椰汁雪燕桃膠 (60)最後來一碗桃膠湯水，椰汁散發純樸甜香，清新濃郁，雪燕滑不溜口，配上晶瑩桃膠，甜度天然柔和，養顏窩心。
繼續閱讀
今次去了一間很有特色私房菜餐廳，位於登龍街V Point樓上鋪的〔聚星居〕，坐擁180度維港景色，裝潢雅緻，餐廳主廚擅長制作粵菜、上海、川菜及准揚，更有Fusion菜及意境特色菜式，不過因為有很多菜式都很受歡迎，所以建議最好打電話訂位及預訂想吃的菜式，感覺很適合一家人去品嚐及聚餐的地方，難怪晚上7時已經差不多滿座。而餐廳每逢星期三及星期六晚，更有駐場琴師和歌手獻唱，而表演的女歌手亦很有水準，令現場氣氛大大提升，令聚餐更熱鬧更開心。【雙剁椒鳳凰鴿】(HK$188)鳳凰鴿肉是冷盤已預先去骨，所以入口啖啖肉，鴿脾位置帶皮很滑嫩，雙剁椒有紅椒及黃椒，夾著鴿肉吃，口感豐富又提升不少食慾。【鳳梨黑醋松板肉】(HK$148)松阪豬是豬的後頸肉，外層蘸上黑醋煎至焦糖的醬汁，入口外皮微脆，肉質軟腍並帶有獨特柔韌脆度，夾上鳳梨一起吃，一口一啖，酸甜開胃好味道，推薦。【堅果辣子羊肉】(HK$288)叫了小辣，一上檯已經聞到一陣很香的麻辣味，整碟都佈滿紅色炒香的辣椒，羊肉粒入口有很香的麻辣及花椒味道，很惹味又不會辣得過火，而且有一粒粒腰果，很可口香脆，整碟份量多很足料。【脆米和牛鬆炒飯】(HK$268)上到檯時是一個很大的砂煲，感覺份量4個人吃亦可以，炒飯粒粒分明不油膩而且炒得乾身，加入和牛鬆、脆米及椰菜絲，增加了不少口感，口感豐富又飽肚。
繼續閱讀
found this new chinese resto in town with private rooms and live band performance which is a major win (not daily tho). the food was absolutely on point! 今次試咗呢間新開嘅中菜樣嘢真心高質，有私人房，好啱家庭朋友聚會，原來仲會有live band表演，不過咁啱我去嗰日冇🦪spicy marinated clams 撈汁花甲so juicy and had just the right level of spice花甲肉超飽滿鮮甜，醬汁調得剛剛好，只是輕微辣🦐drunken shrimp w huadiao wine 雕王醉鄉蝦hvn‘t had this dish in so long! the prawns were a bit small, but the shrimp roe was srsly good真係好耐無食過醉蝦，蝦身就細隻咗啲，但啲蝦膏真係好正☘️lemongrass crusted crispy squab 香茅脆皮乳鴿hands down one of the best i‘ve ever had. i LOVE the unique lemongrass crust—so fragrant and the skin was insanely crispy個香茅脆皮好獨特，皮脆肉香，超鍾意🍲braised baby greens w dried scallops 瑤柱扒菜苗the veggies were ok, but major points for presentation—loved how it came out piping hot, literally saw the sauce sizzling!正常味道啦，但夠晒熱辣辣，上枱時碟菜嘅醬汁仲滾緊🍚abalone rice bowl 鮑魚撈飯was the richest, most luxurious way to end the meal! ps this is one serving撈飯超級濃味，圖中顯示嘅係一人份量
繼續閱讀