聆渢咖啡廳

營業中

休息中

如果你兩個人比一千蚊食一餐自助餐，你可以去第二度。這裡的食物質素和種類都非常差。魚生一早切好，感覺不衛生。熱食類都不夠熱。甜品除了哈根達斯雪糕好吃，其他都不及格。真的非常失望！

除左難食冇野可以可以形容 第一次食自助餐食到唔想拎野食熟食冇一樣野好食 環境強力見議唔好坐出面一食凍海鮮會有好多好多好多烏蠅陪你食個鵝肝凍既 仲要係唔令既 ⋯。 真係好鬼失望 成晚完全唔知自己食緊咩⋯除咗個燒乳豬入得口其他真係不敢恭維⋯⋯

呀公呀婆既味覺有時堅係好難理解，我完全唔明白點解好地地既黑松露咁香咁正，佢地話似石油氣味... 真係唔知應該要話佢地有創意好呀定話佢地味覺特殊 🤔 終於！終於！佢地今晚同我講「啊！原來黑松露都唔係好似石油氣味！」 😼每次Hong Kong Gold Coast Hotel 香港黃金海岸酒店聆渢咖啡廳有新主題自助餐，我地都會黎試試，一來住得好近好方便，二來黃金海岸既自助餐永無甩拖，所以今次主題好正得兩大最愛「鵝肝！」同「黑松露！」😍點呀？好難唔黎囉！今晚呢個「鵝肝黑松露盛宴」自助晚餐終於改變了呀公呀婆對黑松露既觀感，一連串黑松露dishes，「黑松露醃三文魚」、「黑松露蒸蛋配蟹肉及黑魚子」、「黑松露海鮮龍蝦凍批」、「炸黑松露芝士汁意大利飯球」、「黑松露蝦多士」、「焗黑松露薯茸田螺撻」、「黑松露帕爾瑪火腿薄餅」、「焗三文魚玫瑰配淡黑松露忌廉汁」... 公公一邊食一邊講「開始明你點解咁鐘意黑松露陣味啦，又真係幾香呀下！」😏我本人比較高貴😆唔係好鐘意連住食咩回到本，但今次都請容許我講呢個「香煎帆立貝配黑松露牛油汁」同「香煎鵝肝多士配蘋果茸」真係好回本，原隻帆立貝煎至略帶金黃色後，配上黑松露牛油

長者有小童價好抵，食物種類不過不失，但海鮮好新鮮好好味。一家大細啱哂，會再次來食晏。食完仲可以去出去花園影下相，睇下風景，隔離泳池戶設施外玩下水，行去海灘都係幾分鐘。好方便。

今日係我地男朋友既紀念日，所以我地就特登去到平時都比較少去既屯門..黎到黃金海岸酒店食自助餐。呢到既環境真係好靚，如果住下層仲可以對住個海景用餐。可惜因為過節關係..實在係好full..我地只應夠全喺上一層，其實坐上一層環境都唔係差..只係拎食物就比較辛苦..因為大部分既食飯都喺下層拎既。呢間自助餐餐廳食物種類都幾好，但刺生就較少，對中意食日本野既人黎講可能就唔多選擇喇。而且佢有個特別之處..當晚侍應話我地知有兩個不同時段都會有一啲不同既食物，例如7點會有green salad, 8點就有另一啲特別口味既意粉。對於中意食熟食既我真係完全冇得挑剔。仲有幾張不同銀行既信用卡都有85折。$5xx一位都算抵食！

嘩哈哈，公司請食飯吖仲要食自助餐，我咁大食緊係仆到去其實呢間餐廳我好耐之前同老公黎過，所以感覺好懷念，因為個陣仲係拍拖嘅，記憶中D野食係不過不失嘅，不過當年我同老公食晚餐，今日黎係食Lunch，所以睇下有冇失水準先😊環境仍然係好有心思佈置，而且食物種類都幾多，頭盆我推介D蝦係非常新鮮，都算係爽口有鮮味👍🏻熱食都係Okay的，不過有一排係外面燒烤的牛排真係可以不試，香味十足很吸引但........味道是淡的一點牛味也沒有，十非奇怪😅我推介兩個湯也十分不錯，不論西式磨菇湯或是中式嚮螺湯都好好飲甜品都非常多款，係好睇，但味道都可以嘅

琴日朋友生日同佢去食左個lunch buffet慶祝刺身有八爪魚、三文魚、吞拿魚、希靈魚，三文魚都幾肥美🍣最多人食海鮮（蝦、蟹腳、螺、青口），但有啲有沙熱食好普通......唔特別講喇室外仲有西冷同燒蝦都幾正🤤同埋佢地有幾種汁泰式酸辣汁配蝦好好食啲甜品都好靚同幾好食，可惜係雪糕得芝麻、紅豆味整體而言，值得一吃但天氣好坐室外或者靠窗應該仲正☀️

有多款沙律菜，味道不錯！燕窩雞絲粥，非常推介，廚師豪不吝嗇給了很多燕窩。右圖是魚肚羹，見住廚師用猛火煮，寒冷天氣下享用，份外好味！必食！雪糕有這兩款，算是很不錯了！Movenpick 朱古力味最好味！還有應節甜品。由於只顧住食，其他的菜式也忘記拍下。一般刺身也有幾款選擇，包括：三文魚、八爪魚，吞拿魚等。另外，泰式木瓜絲及泰式鳳爪非常入味，很值得試試！湯水有兩款，包括：人蔘湯、羅宋湯。人蔘湯很香濃，很補！戶外有燒菠蘿、燒腸、燒羊架、燒鴨、燕窩粥、魚肚羹、天婦羅，飲品可以飲汽水及啤酒。整體來說，這餐廳很值得推薦！

第一次黎到呢間自助餐食野，雖然足足等左成廿分鐘，時間都算長。但好彩食物質素都唔差，算係等得有價值。先講環境，環境方面唔錯，幾是正，夠光猛，幾高級，而且服務態度都好好，唔錯。去到食物方面，好多野食揀，賣相都好好睇， 真係好想樣樣都食曬落肚，所以每樣都拎左少少食，味道真係好唔錯。

有朋友生日，信和旗下洒店自助餐有生日免費優惠，故選擇了屯門黃金海岸的聆渢咖啡廳。這裏地方很大，分上層、下層和露天。一星期前訂枱時下層已滿，幸好還有露天座位，不想坐上層的朋友，真的要早點訂位。這裏環境非常好，坐露天更有氣氛。這裏菜式的種類很多，一般自助晚餐有的都會有，唯是缺少了生蠔，不過可食到其他自助餐吃不到的，如各種BBQ，也就足夠補償。今次自助餐的主題是「尋味滋旅」，就是有鮑魚、人蔘、海參、燕窩等名貴食材。就重點介紹幾款吧。青芥末凍鮑魚每位人客送一隻。鮑魚一點也不韌，很好吃，加上芥末，味道出奇的配。海蔘北菇扣鴨掌只取了海蔘吃，味道較淡。魚肚羹最初以為是碗仔翅之類，原來是魚肚羹，不過味道很像碗仔翅，很好吃。XO醬煎虎蝦大大隻，很美味燒乳豬即場燒的，燒得很脆，很好吃。刺身種類不多，不過新鮮肥美。長腳蟹很新鮮雪糕這裏的食物款式很多，不能盡錄，而且汽水啤酒任飲。最難得是有現場駐唱，氣氛一流。小朋友還有扭氣球，無論是一家大小，還是情侶拍拖，都是一個很好的選擇。

今晚去左黃金海岸酒店食自助餐餐廳位於黃金海岸酒店而家用信用卡仲有七折同八折的優惠詳情您要問返邊間信用卡公司有幾多折啦呢段期間仲有一人一隻鮑魚送 都幾好食揸車去的朋友要注意啦因為係無免費泊車的如果要泊 就要去隔離的黃金海岸泳灘泊錶位車位都算多至於食物方面對於呢個價錢黎講我覺得已經係符合性價比訂位的朋友可以選擇坐室內同室外室外就近燒烤風情區值得推介的首選係燒羊架，燒菠蘿，泰底燒魷魚現場汽水任飲不過燒西冷 個人覺得有D乾室內方面有香港人最中意食的刺身有一個日式壽司BAR甜品的種類非常多加上樣子美觀所以中意食甜品的朋友仔要試下啦又有朱古力噴泉凍海鮮方面就係沒生蠔的 （講真咁的價錢無都好正常的） 不過都有好多選擇的，好似凍蝦，蟹腳呀，青口呀熟食方面都係D中菜種沒咩特別但食的環境超級舒服涼快的天氣坐係戶外侍應們的反應都好快收野都好快好有效率

襯住老公生日，book左間酒店房住番晚，包自助早餐，而晚餐就用信和會員買一送一優惠，計過咁樣就2000蚊都唔駛可以食兩餐buffet加住番晚，應該算係最抵？！以我食過咁多間自助餐黎講，如佢無買一送一算唔抵，正價6百幾蚊一位，但無生蠔，而因佢加枱加到出樓梯底，人真係好多，而當天我地就坐樓梯底，得長腳蟹蝦螺之類，因人太多關係，真係要排長龍去夾，都還可以既，但因無至愛既生蠔，都食好少，而老公為左等無咁多人先夾變左得d殘骸咁，如想食至靚就要畀d時間去排長龍了刺身方面都ok,係個吞拿魚，老公拎左4片都食唔哂，因無乜味，而樣又麻麻，佢拎返黎我以為佢夾左西瓜返黎，因真係好似！而最好味我反而覺得係d甜品，勁勁勁多款式，甜得黎又好好食喎！即整餐黎講最滿意係d甜品，一流的出面設置燒野區應該係該酒店最突色既一樣野黎，d燒牛燒雞翼都好好味，佢仲有個蟹皇魚肚羹超好味，老公食左兩碗，要排隊去拎，佢會即場倒落瓦碗再加熱，落埋d配料，一流～老公連食兩碗仲想追加可惜d煲仔洗吳切暫停供應，等到供應翻又排曬長龍唯有放棄琵琶燒鴨配酸梅醬都好食，仲有燒乳豬佢仲有d素食類，其實都算多元化，見唔少上年紀都喜愛去夾素食總結黃金海岸d

之前登記做左信和薈嘅會員,咁就可以喺生日月份免費食一次自助餐，佢有幾間揀架，我自己就揀左黃金海岸，起初入坐安排左坐樓梯附近，但好熱，我同經理講佢即刻幫安排轉枱，值得一讚，呢度都算多野食，連啤酒都任飲添，不過就冇生蠔，我本身唔食生嘢嘅，所以唔影響我嘅，坐底首先食D長腳蟹，蟹肉都鮮甜👍，唔係淨得個咸嗰D，跟住翡翠螺，凍蝦都好食，另外仲有個室外拎嘢食，有好多種唔同嘅BBQ品種，熟食甜品亦多款式，我地兩個人去食，埋單$602.8,計番平均$300/位，絕對超值之選，除左有生日優惠佢仲有中銀信用咭7折，對於一D唔食生嘢嘅朋友仔(好似我咁)，呢到多款式值得一試

幾個月前屋企人生日 (而家先黎補返食評), 特登黎呢到食buffet, 當然要預先book 位我地準時去到, 侍應安排我地坐室內樓梯下既座位, 個位好似無乜冷氣, 覺得有D 焗, 不過好過坐室外既隔左半個鐘到, 個場已經座滿由於見人多, 我地都好快手去拎野食, 不過好難影到相, 唯有影下自己拎到咩野食自助餐範圍好大, 室外室內都有, 咁啱呢期做緊東南亞美食, 係室外有好多燒物, 串燒等係室外最吸引既係燒乳豬, 係現場燒完即切,所以唔係一出去排隊就有乳豬燒得皮脆肉嫩, 但我之後排多幾次, 拎到既乳豬部位差好多, 多肥膏另一吸引係竟然有任飲啤酒Hoegaarden, 有原味同新味Rosée粉紅莓啤選擇, 我地可以趁機會試下Rosée, 好彩味道唔似藥水味, 甜甜地, 幾易入口跟住食返室內既野, 主要都係魚生, 海鮮, 甜品同埋熟食長腳蟹&蝦, 味道唔差, 都算幾鮮甜, 竟然有提供有泰式辣汁, 充滿泰式風味瀨尿蝦太細隻了, 剝完都無乜肉剩甜品類算出色, 種類多三角形既係榴槤pancake， 擺入口都唔知似乜，只得cream同埋餅皮估唔到仲有movenpick雪糕

今日，10/9/2017, 成個月前卜定4人自助晚餐，預早同個仔慶祝生日，之前都有黎食過幾次，但無寫食評，而家終於寫番編。呢間係食得過架，都有好多野食 :有長脚蟹，翡翠螺，蝦，青口，魚生刺身類，即燒乳豬，即燒燒鴨，即燒雞全亦，即燒大虎蝦，即燒羊架鮑絲雞粥，即串燒，即燒波蘿, pizza, 天富羅，炒麵,waffle, 多款名牌杯裝雪糕，有朱古力噴泉，仲有好多熱薰，不能盡錄。總知就係好食架，但甜品好多款但唔多掂* d冷盤好新鮮，好正* 之前有翅食架，好好食，但依家無左* 呢間係無生蠔食嘅* 唔包野食嘅，因為有任飲汽水/啤酒，仲有咖啡/熱檸茶* 記得卜枱時，要講明坐室內，定係室外，因為燒烤野食係室外架，比較大陣味，同埋無冷氣，但係就可以快d 排隊，因為都多人排，你地要注意喇~