朋友話帶我試愛爾蘭菜，我覺得幾特別，就一齊試下 侍應安排我地坐室內下層，可以聽音樂又有波睇 麥時利自家製香蔥蟹餅，外脆內軟，每啖都係一絲絲嘅蟹肉，蟹肉份量比我想像中多，係真材實料 斧頭牛扒見得多，戰斧豚肉扒係見第一次有， 份量都幾大，非常厚，仲有薯條，夠哂兩個人食 豚肉扒燒得表面有焦香，炭燒味幾濃， 肉質味濃，口感比一般豬扒嫩滑得多，同時帶點爽口 麥時利Signature burger 超誇張，洋蔥圈都有， 連酸瓜洋蔥蕃茄生菜都放唔落，要另上 漢堡扒超厚，有成寸厚，肉質結實味濃 配埋薯條，香脆可口 飲品，叫左杯apple 味既fruit fizz，味道好重薄荷味

已經黎食過幾次, 但我真係忍唔住要寫食評啦 講真, 小菜款式唔夠多, 我只揀到幾款, 而自己本身鍾意食西檸雞, 所以黎親都會叫 但由上年冬天起, 我食過一次之後, 之後黎親叫西檸雞, 侍應都話無 每一次黎之前都話俾多次機會佢啦, 點知去到又係無, 已經失望左3-4次啦, 有次侍應話係因為未解凍 直到呢次, 我係門口等入座前, 已經問定有無西檸雞, 收錢阿姐話有 坐低左, 阿姐俾左例湯我地後, 我地就order啦, 呢個落單阿姐又話今日無西檸雞 我話門口果個話有架喎, 佢話門口果個唔知嘛 我心諗~你唔知就唔好亂UP 啦~妖 就係咁, 又俾人呃左入黎食 小菜款式真係好少, 好難揀先揀個蒸鲩魚, 但條魚唔新鮮, D 肉晦晦地, 真係好失望 蝦醬通菜鮮魷, 唔知點解條魚黎左, 但碟菜都未黎, 明明係一齊落單 之後我發現阿姐係特登較時間晏D 黎先上碟菜, 可惜好心做壞事, 我地變左食完條魚先黎菜 而且碟菜好咸 我決定以後都唔再黎食, 連西檸雞咁common 既食材都無, 我理得你之後有無西檸雞呀

去左荃灣探朋友, 係Citywalk 附近發現呢間酒吧幾大, 又有野玩, 就入去食埋野
入面有飛鏢機, 桌球等, 想玩都唔使排隊, 仲有大電視可以睇波 豬肋骨, 只係半份, 但比其實餐廳的既半份多, 差唔多7條骨, 賣相唔錯, 表面焗到勁有焦香, 肉質軟腍入味, bbq醬汁又惹味, 配菜跟薯條&沙律 小食拼盤, 款式多, 配搭幾新穎 雞翼夠香口, 香腸似台式腸 雞鎚變成西蘭花咁樣, 揸住支骨食, 好方便 連煙文魚都捲成花, 幾有心思 炸甜薯, 係黃蕃薯, 好食過薯條 香辣蒜片欖油蝦, 感覺有D 油 北海道帶子煙肉菠菜香辣蒜片鮑魚汁扁意粉, 帶子厚身大粒, 份量又係好多 扁意粉al dente 口感煙韌, 醬汁係鮑魚汁, 加上菠菜, 有少少中式既感覺 飲品, 叫左Rose garden, 顏色幾靚, 充滿果香 Victoria secret 比較清新, 帶桃味, 好入口

朋友介紹係天后有間唔錯既西餐，打算嘆完個lunch 先過去cwb 原來食lunch 都唔係好貴，有set ，包麵包，前菜，主菜，飲品，飲品 侍應好快送上麵包，暖暖地，皮脆脆地，內裡鬆軟 前菜其中一款係煙三文魚凱撒沙律， 羅馬生菜啖啖爽脆新鮮，煙三文魚散發住好香既燻香味 另一款前菜係cold cut platter，有幾款唔同火腿，夠哂咸香，單獨品嘗，唔使加蜜瓜都好好食 主菜來了，tipsy burger 個包好軟熟，係經典BLT burger，漢堡扒充滿肉汁，味濃帶炭燒味，好驚喜原來配埋蕃薯條，香甜又香脆，抵讚 Rip eye 燒得表面有焦香，炭燒味好濃 要左七成熟，生熟度掌握得唔錯，肉味濃， 肉質嫩滑，油份重，肉汁在口裡慢慢滲出 甜品係奶凍，奶味重，口感滑溜，令我好想食多個 飲品，叫左杯檸茶外，聽講lemonade 好好飲，所以特登叫黎飲 味道不只檸檬味，仲有熱情果香味，酸酸甜甜，味道好清新 食物果然唔錯，服務亦令大家都好滿意

去左中環接朋友收工順便食飯，帶我去蘭桂坊附近食泰國菜
餐廳有兩層，環境寧靜，侍應安排左我地坐窗台，可看到下面的蘭桂坊 侍應馬上送上免費的泰式蝦片，好香脆 留意返，要飲水，每人要$8，不過任飲，可以揀sparkling water 我開頭以為係中環食泰國菜會好貴，原來都唔係，每款大約一百多左右 牛肉沙律，我地開頭以為牛肉份量唔會多，點知多到應該有成塊牛扒，加上泰式酸辣汁，又開胃，又刺激味蕾 精選拼盤，呢個係細size，包括豬肉串燒，春卷，蝦餅，香蘭葉包雞，可配上三款不同醬汁，其中的沙嗲醬的香濃香葉味令我印象最深刻 係餐牌留意到海鮮清湯，我從來都未見過泰式都有清湯，見未飲過叫左黎試下 海鮮清湯清澈無油，好足料，青口大大隻又鮮味，清湯根本係淡色無油的冬陰公湯，一樣咁好味 蝦膏炒飯 ，色香味俱全，飯粒分明，蝦膏味突出，配菜有中式臘腸，好特別 飲品，叫左mango mango，係芒果沙冰，沙冰打得幼細，不過味道甜左少少 整體食物唔錯，份量都幾大碟，原本開頭諗定想食芒果糯米飯，但最後我地都飽到唔使叫了

係佐敦想食西餐, 發現呢間有超多好評, 見到價錢都可以, 就特登黎試下
我地2個人都揀左dinner set 可以share 食, 其中個special dinner 仲包埋甜品 是日餐湯係甘筍忌廉湯, 香滑creamy, 新鮮天然既味道, 食到粒粒甘筍, 配上香脆蒜茸包, 鋪滿粒粒蒜茸, 好香, 係呢餐飯既好開始 忌廉茄茸蟹肉龍蝦扁意粉, 連半隻龍蝦, 龍蝦鉗都已經扑開, 餐廳幾細心 蕃茄汁濃厚, 用上新鮮茄肉, 絲絲蟹肉也混入蕃茄汁中, 扁意粉 al dentle掛汁, 好好味 另一個set, 我地 想食牛, 有得揀美國安格斯西冷或者肉眼, 我地都係鍾意肉眼口感軟腍D, 10OZ都幾大塊 要左7成熟, 生熟掌握得好, 用炭燒, 表面焦香 肉眼扒要左7成, 生熟度掌握得唔錯, 牛扒肉質軟腍好易切, 內裡顏色粉嫩均勻 肉質有牛味, 肉質嫩滑, 油份較重, 被鎖住的肉汁在每啖口裡慢慢滲出 配上紅酒汁, 更突出肉味 甜品係朱古力MOUSSE, 朱古力味好濃好creamy 套餐亦包埋飲品, 不過凍飲要加$3

朋友介紹佐敦有間唔錯既小菜館, 價錢仲好平, 於是我就帶左屋企人黎食
係牆上寫左好多每日推介, 都有我地日常鍾意食既小炒 我地研究緊食咩時, 老細話今日紅蟹好靚, 係凍食 老豆一聽到, 就話想食, 話平時食凍蟹無咁平, 就叫左隻中size 黎滿足佢 其實我好少食凍蟹, 應該係潮州凍蟹, 不過肉質幾鮮甜, 多肉, 用最簡單既煮法, 反而愈食得出蟹既鮮味 另外, 我地叫左海南雞飯, 價錢超值, 只係$38 海南雞, 肉質OK, 雞皮爽, 最重要係碗雞油黃飯, 香而不膩 咕嚕肉, 汁醬酸甜醒胃, 肉質嫩滑, 好有家的味道 椒鹽墨肉咀, 炸得通透, 咬後好爽有口感 豉椒蟶子, 蟶子飽滿肥美, 醬汁惹味, 係我最喜歡既小炒 呢到食小炒, 除左白飯, 仲有鵝油飯, 係白飯上淋上鵝汁及醬油, 未食已經聞到咁香, 入口更加無得頂! 食任何野都可以用優惠價加飲品, 加$4 就有凍檸茶了 結果, 屋企人都話下次再話可以返黎食, 已經諗埋下次食咩喎

原本約左朋友黎太子打邊爐, 發覺餐廳轉左名, 不過見價錢又幾平喎, 就無所謂, 照去 呢到醬油係自助式, 免醬油費, 小食都係免費 湯底大約有10 款, 都係傳統湯底, 雙併湯底只不過以價高者再加$5, 咁抵實在無理由唔要雙拼 揀左蕃茄薯仔牛腩鍋 拼 馬來沙爹鍋, 沙爹鍋零舍惹味 我地食火鍋一定要食牛, 叫左極級安格斯牛頸脊, 份量睇落幾多見到有D驚訝, 牛頸脊顏色鮮紅, 油脂分佈靚, 算係薄切, 牛味唔錯 鮮四寶丸, 粒粒都係新鮮自家製, 呢個價錢又係好抵食 牛肉丸帶陳皮味, 豬肉丸& 墨魚丸都好彈牙, 可惜鯪魚球咬落幾多骨 自家炸魚骨, 一睇就知餐廳自己炸, 炸得好薄 放落湯底淥一淥, 入口依然香脆 韮菜餃, 厚度適中, 正常水準 唐生菜都幾新鮮 豬肉豆卜, 份量都幾多, 粒粒豆卜鑲上鮮豬肉膠 飲品, 本身我地都無諗住飲啤酒, 但見到Budweiser 大支600ml 裝, 都只係 $15, 而且愈夜愈平, 實在抵飲 最後仲有生果請我地食

要係香港食墨西哥菜真係唔易搵，但原來都有間咁正宗既墨西哥餐廳，全靠朋友帶我黎食生日飯 我地踏入餐廳，聽著激昂的音樂，酒吧的熱鬧，完全感覺到墨西哥氣氛，圍著酒吧差唔多8成都係外國人 墨西哥菜選擇多，我地揀左party platter，同埋Fajitas combo Party platter 賣相比我想像中吸引，包括香辣雞翼，辣肉腸薄餅，墨西哥辣椒，手撕豬肉漢堡，雞肉&豬肉串燒，仲有大量牛油果醬配玉米薄脆 我鍾意香炸墨西哥辣椒&手撕豬肉漢堡 墨西哥辣椒唔太辣，裡面包住濃郁芝士，好味 而漢堡看似迷你，但夾住好多豬肉絲，口感好似食緊啖啖無骨既豬肋骨咁，煙燻醬亦好惹味 兩個人未食完個party platter，已經有7成飽了，跟住再上埋個Fajitas combo Fajitas combo，係墨西哥鐵板燒，係墨西哥傳統家常菜 combo有齊豬牛雞，三文魚，大蝦，配以三款醬，隨意自己配搭在軟薄餅上，就好似食中式片皮鴨咁 薄餅暖暖地，幾軟熟，最後加勁多牛油果醬，口感很rich很豐富，一次過食哂咁多款 飲品方面，叫左Sangrita de la casa， 紅酒比例較重，味道fruity 另一杯就係Virgin Margarita， on the rock，加自己任揀一款果汁，我地揀左pineapple，溝出黎既味道係酸酸甜甜，都幾fresh & 解膩 整體黎講，食物份量多，仲有食唔完既玉米薄脆，都幾抵食

知道cwb 開左間有音樂元素既火鍋店，但日光日白無理由就食火鍋架，見weekend原來都有lunch set，唔算好貴，就一於試下




每個set 可以揀一款小食+ 一碗粉麵，另外加杯飲品

和牛芝士春卷，外層香脆，內裡用左和牛西冷部位，牛味零捨濃郁，加上軟心瑞士芝士，芝味滿分

而脆炸鱈魚皮，非常香脆，口感好似食緊蝦片

法式海鮮湯幼麵，包括蝦，墨魚丸，蜆，魚，櫻花蝦，湯底鮮味十足
麵條好爽口，吸收湯汁，每口掛有海鮮湯味，麵條係廚房每日新鮮手造，可以係櫥窗見到廚房整緊唔同款既麵條
和牛清湯闊麵，和牛賣相靚，顏色粉嫩，入口腍滑，在咀嚼之間滲出肉汁
而麵條煙韌彈牙，一樣係自家製
湯底叫清湯但味道一d 都唔清淡架
飲品，叫左黑糖寒天珍珠奶茶，鋪上一層海鹽芝士奶蓋加上阿華田脆脆，奶蓋幼滑，芝味濃，好好味
而茶底濃郁，用左三種茶葉，錫蘭+烏龍+伯爵茶調配而成
平時係街邊飲得太多太甜既珍珠奶茶了，換上寒天，好似涼粉咁，都好夾