老馮茶居 (大棠路)

依家好少去酒樓飲茶反而鍾意去細間既點心鋪。心思思想試老馮茶居好耐，有次星期日下晝12點半去到排哂長龍即係唔駛試。咁啱今日星期五同屋企人搏一搏睇吓等唔等到位，結果都起碼等左30-45分鐘先入到去。裝潢同餐具散發住懷舊氣色。點心係即叫即蒸，不過落完單佢會即刻問你仲駛唔駛加單，因為之後就唔比加單，都明既，始終咁多人等位。4個人叫大左9個點心2個飯...不能盡錄！點心好快就上台，推介流沙芋泥包，好似食緊香芋味雪糕，包口感軟身足料芋泥，連平時對芋頭冇乜興趣既我都要大讚👍🏻其次就係炸物，鹹水角、金牌炸芋角同鮮蝦腐皮卷，全部新鮮炸起。腐皮卷同出面食開唔同，啖啖蝦肉，彈牙又脆口。其他蒸點心都不俗，好少地方會有仲有古法千層糕,不過本身唔太喜歡冬瓜蓉所以無試。可惜屋企人擺到最後先食凍哂有D硬,建議包類一到就要即刻食。好少可山竹牛肉仲有咁大粒，真係真材實料。另外仲叫左特別啲既黑椒牛仔骨飯，個汁撈飯真係可以食多兩碗。如果唔駛排到會去食多幾次😂

放假終於有時間去元朗老馮茶居，8點一開門已經響門口等，可以第一批入座！入面舖頭裝飾全部都係好香港情懷佈置，雞公碗筷，好多古舊物件，見到都覺得開心！呢度地方真係唔係好大而且限時60分鐘，比較適合二人撐枱腳，容易搵位。如果4個人可能要等耐少少叫左古法馬拉糕、山竹牛肉、鹹水角、叉燒飽、蝦米腸粉、豬大腸，全部都好好味下次再黎過，早到吾駛等位可以帶埋媽咪去試吓望吓啲懷舊裝飾😊😋Dim sum yummy foods

之前同朋友食過一次覺得質素幾好又唔貴，今日再帶男朋友嚟試下😚裝修走懷舊風，位置不多，兩次去都要等位，有一定人氣❣️-1️⃣老馮鮮蝦餃 $282️⃣鵪鶉蛋燒賣皇 $283️⃣黑椒牛仔骨 $334️⃣蜜汁叉燒腸 $235️⃣椰紅棗螺頭燉瘦肉湯 $38-本來想要雞湯不過賣晒，瘦肉湯都唔錯，但下次會想試番雞湯😝蝦餃燒賣正正常常不過不失，叉燒腸🆗，上次好食啲🤔黑椒牛仔骨係one of my fav點心，唔係好多地方有得食，所以見到有我都一定會試下🥰呢間味道不錯不過略嫌份量少左啲🙉整體都係上次鮮蝦腐皮卷同魷香肉餅飯比較有驚喜，下次再翻單❣️-總結：兩個人連茶錢免加一埋單百六蚊，抵食之餘味道也不錯，會繼續幫襯💛

老馮茶居😻想試呢間點心好耐啦！星期日11點幾去到，門口都幾多人等最後等左40分鐘先有位🙈一入去 就會問你想飲咩茶，跟住緊係即刻落單！唔知係咪因為係假期關係，店員話只可以落一次單，所以大家想叫咩就一次過啦👍🏻老馮鮮蝦餃($28)皮薄蝦爽，熱辣辣出黎都幾好食鵪鶉蛋燒賣($28)呢個燒賣比我想像中失色，無咩特別薑蔥牛柏葉($26)我覺得幾好食，牛柏葉夠爽口，唔會硬👍🏻黑椒牛仔骨($33)牛仔骨都幾嫩，一開始驚會好金牌炸芋角($18)第一之食炸芋角，炸到金黃色，一黎到好熱仲出緊煙，一咬落去好多芋頭，仲有小小豬肉，值得試下！老馮鮮蝦腸($26)正常味道，唔會得幾隻蝦仔😂流沙芋泥包($20)呢個包係我覺得最好食既一款點心！雖然佢唔係實係好流沙，但係芋泥味好重，食食下仲有d似芋頭雪米糍味😂薑汁桂圓紅棗糕($20)味道比較淡，唔會好甜，我覺得麻麻地，給果好鍾情於紅棗糕既話都可以食下，如果唔係既可以簡其他😶

2021年10月17 日 晴天氣開始涼, 同朋友入元朗諗住飲茶再行山。留意返餐廳只俾客人落一次單, 有咩想食要一次過叫lu。餐廳裝修到以前d 生活環境, 好有風味。牆身都放左好多唔同裝飾。仲整左個閣樓係上面, 真係好特別鮮蝦腐皮卷 $26好多蝦, 夠脆, 唔錯。金牌炸芋角 $18好好食, 香口, 推介蜆介綾魚球 $28一共有五粒, 鯪魚球都彈牙, 重點係佢冇陳皮味老馮流沙芋泥包 $20好熱, 夠流心, 但略嫌唔夠芋頭味, 但都好食ge古法千層糕 $26呢個幾有驚喜, 中間夾住好似奶皇咁, 幾好食喎招牌牛腩腸粉 $38呢個有d 失望, 以為係包住d 牛腩, 點知係淋上面only牛腩都淋, 但就唔算話好香, 下次會叫返普通個d 腸粉。魷香肉餅飯 $35肉餅好香, 朋友就覺得個飯乾左d, 但我又覺得幾好食我地仲叫左好多野食, 佢個辣椒油唔錯, 係mix 左xo 醬黑椒牛仔骨 $33 - 冇咩牛味, 黑椒味都唔重, 唔特別。蠔皇鮮竹卷 $23 - 正常豉汁蒸鳳爪 $23- 好食, 但一籠得4 隻, 有點少呢古法牛肉球 $23 - 牛肉球夠淋, 芫茜唔多, 馬蹄好似冇, 唔中意食馬蹄的我覺得幾好

諗住行河背水塘 千里迢迢入左元朗 行山前緊系要食飽飽先有力行😂 好耐無飲過茶 決定左去試下呢間茶居 朋友四方八面咁黎 到既時間吾同 所以早到既人就拎位先 茶居齊人先入得 我地好好彩 一齊人就入得😆叫左好多樣點心 評語如下外皮脆 入面系芋蓉 平時吾食芋頭既我都覺得好好味皮都脆 但味道普普其實我吾好鯪魚球 因為吾中意陣芫茜味 但佢呢個出色 無食到芫茜味 似炸魚旦 點左蜆介醬之後有啲太䶢芋泥包 食落似流沙奶黃包 芋頭味吾出 但都好味既 同真 流心！會叫千層糕 純粹系門口見報紙影到好特別 覺得同平時見個啲吾同 食左之後就覺得叫得好 佢有啲似食月餅🧐個種texture 吾識形容 不過系好味既見到個名幾得意所以叫 原本以為系腸粉包住牛腩 點知原來系湯腸粉咁 有啲失望 腸粉單食吾入味 牛腩味道都吾錯既最後叫左個魷香肉餅飯 飯系硬飯 中意咬口既朋友就岩食 豉油如果淋埋飯上面就好 因為佢系淋左系肉餅上 比肉餅吸哂啲豉油 所以無咩豉油可以撈飯😅 可惜了P.S.繁忙時間一張枱只可以order 一次 大家要好好珍惜🤣🤣

潮流興懷舊，老馮裝修到舊香港咁款，咁既，我都鍾意懷舊嘅，不過又有少少潔癖，呢種舊同殘，真係一綫之差… 所以，個裝修我覺得唔加分亦唔扣分啦講番食物，個燉湯一流！燉得夠長時間，出晒味之餘，啲雞骨仲全部化晒，可以食晒落肚，好少食到咁足火喉既燉湯！之後個蝦餃都唔錯，個蝦餃皮係一般，唔算薄又唔薄煙靭，不過啲蝦肉幾彈牙個燒賣就… 一般啦… 啲豬肉有啲靭總結：OK呀，食物ok、環境ok、服務ok、價錢ok，如果住元朗，得閒食下ok的 特登去食就唔洗了

女朋友想去大橋街市睇燈籠，所以我地專登入去元朗，順便食下野我地都好鐘意食點心，所以就試左呢間老馮茶居入面既裝修好懷舊～🐮招牌牛腩腸粉腸粉配埋牛腩同腩汁，原來係咁夾~牛腩稔滑，牛筋又入晒味，意想不到既好食~🐮沙嗲金錢肚金錢肚好入味~🦐老馮鮮蝦餃皮薄加上大大舊蝦肉，足料！🦐鮮蝦腐皮卷呢個略嫌太油~可以乾身D～🦑咖喱魷魚魷魚爽口彈牙，好入味！🍰馬拉糕夠鬆軟又唔太甜~整體幾好食，價錢合理！想食下點心可以試下~

走香港懷舊風情路線，店內大至椅桌，小至碗筷甚至裝飾都帶有老香港情懷，茶居食品甚有特色如沙嗲大腸、鵪鶉蛋燒賣、黑椒牛仔骨等 價錢亦公道抵食蒸鮮肉排骨 新鮮肉排切件 醃香即蒸,鮮肉特別嫩滑一咬離骨配埋芋頭一齊食,又粉又入味,好食!鮮餃蝦 招牌之作 每日以新鮮蝦包餡,一客4隻,鮮甜肉汁豐,咬開爽甜肉厚鵪鶉蛋燒賣皇 鮮肉餡包上一客小鵪鶉蛋,古派傳統點心,街邊小店也難食得到蜜汁叉燒腸 即拉腸粉,包上蔥同切絲叉燒,香甜餡多,最重要個腸粉好滑溜魷香肉餅飯 新鮮肉混魷魚粒既肉餅,蒸香淋上豬油豉油,又香又好食凍檸凍咖啡 元朗大棠路66號地舖$140

舊式茶居 別有一番風味兩個下午茶等左40分鐘 終於入座叫左七籠點心當中有四籠係想回頭再食包括：紅棗糕、芋泥包、蘿蔔糕、燒賣建議大家都可以一試😛😛至於腸粉、順德鯪魚球、粉果比較普通 唔太岩口味Openrice價錢💸：8/10抵食👍：7/10環境🤳：6/10味道😻：7.5/10份量🍽️：7/10良心♥️：7/10

今日同中同入咗來元朗國，食一間出名嘅點心店，呢間舖頭對元朗人同大埔人絕對唔陌生！呢間係少有自己制作既點心、而且即叫即蒸！上台仲係熱辣辣！正👍！我哋叫咗五樣點心首先上碟既係叉燒腸，腸粉皮有少少厚，而且都幾足料，腸粉嘅質地都算滑之後上菜既係金錢肚，雖然賣相只係普普通通，但味道絕不馬虎！味道都算入味，而且都林。好容易就咬到！👍又一個加分位鳯爪雖然份量比較少！但係味道都有上级既質素，有好香豉汁味已經足夠，而且林度適中！而且入味！good最後牛肉同排骨！牛肉普普通通，無什麼特別，但係都幾足份量口感唔差。至於排骨驚喜大d，有好香既蝦醬南乳味！而且又幾林，沒有Overcook 仲好夠熱！Very Good overall, 野食高質！環境舒服！服務幾好！一定會再回頭！下次可以試吓大埔分店

諗住夜晚少啲人飲茶唔洗等咁耐🤫星期六既夜晚7點黎到都等左35分鐘左右先有位🥲🥲店舖細座位唔多難免排隊時間較長🚶🏻‍♀️🚶🏻3個女仔叫左11個點心😂😂咁難得黎到樣樣都想試🤰🏻❤️推介流沙芋泥包 $20 ，評分:9/10上枱熱辣辣不過偏細隻，中間勁流沙唔會過甜絕對滿足到芋頭迷😍😍❤️推介咖喱蒸魷魚 $23，評分: 8/10魷魚入味重咖喱香但唔辣👍🏻肉質彈牙大件😋❤️推介❤️古法千層糕 $23，評分:8/10其他點心都唔差😋比起一般酒樓好好多先😵‍💫😵‍💫蝦餃大大粒皮唔會話勁厚👌🏼桂圓紅棗糕意外地唔會太甜，質地好彈好Cute🤣🤣炸芋角勁足料好有飽肚感🤛🏻

元朗飲茶之選➖老馮茶居🫖晏就想飲茶但怕假期好多人要等位 係外賣平台叫左老馮茶居 見佢都好似幾高分評價咁💛🥰〰️老馮鹹水角 $18鹹水角好高質 小編好中意佢嘅外表 好有咬口 價錢又平😚〰️流沙芋泥包 $20好欣賞呢個芋泥包☺️唔太甜又有芋香味 仲要都真係有流沙👅〰️老馮鮮蝦餃 $28有4隻大大隻 正常蝦餃😁〰️四寶滑雞札 $25不過不失 唔太入味 未必會再叫😿外賣少左一番出街飲茶嘅傳統風味 尤其無熱茶飲🥺不過夏天係屋企足不出户嘆住冷氣食又幾開心嘅haha🤣價錢係標示左老馮茶居堂食餐牌價格 而非外賣平台價錢😉#hkcp_元朗 #hkcp_飲茶 #hkcp黃店➖➖➖➖➖➖➖➖➖➖📍老馮茶居 (大棠路) (元朗)元朗大棠路66號地舖

難得入到元朗就試一試上次食唔到嘅呢間茶居，可能太早，今次唔使等好耐就可以入座同朋友叫左5樣野蝦腸，皮薄，好滑，但如果鍾意蝦腸入面有韮黃就會有啲失望，腸粉入面只有蝦，但啲蝦好爽口。牛柏葉就比較普通，但算幾大碟，個底無蘿蔔墊底，足料蝦醬蒸鮮魷好入味，朋友都好鍾意鹹水角熱辣辣，似係即叫即炸😋但令我最鍾意係蝦醬蒸腩仔飯好好食呀！啲腩肉唔算係好肥，又好入味同唔會好咸可惜嘅係今日無芋泥包同糯米雞咁唯有下次再黎食😀想試埋佢嘅芋角

之前行經老馮茶居已經覺得好特別 而且外面永遠有人等緊今次想飲茶又諗起佢 就碰碰運氣特登平日食 又避開食飯時間 好彩真係唔洗排😁✌🏻外面門面已經覺得特別 入到去更加覺得好適合打卡懷舊得黎又新式仲用雞公碗 有feel~~一日既第一餐 2個人都叫左9個點心😂都有幾多特別點心其實點心鋪無既茶方面叫左香片 正常普通首先鳳爪 都幾濃味 但唔深刻 底下放左舊齋（無乜興趣試）😅第二 金錢肚 幾爽口彈牙 幾好味 之後係本日number ONE!!!咖哩魷魚 我同同行朋友一致贊成✅佢係第一名！好香咖哩味 加上魷魚係新鮮彈牙 好惹味😋再之後係本人是日number TWO😂蝦腸 表皮腸粉係有薄而滑既感覺 而入面既蝦彈口☺️👏🏼接著 古法牛肉球 做到牛肉球既嫩口感 又幾大粒 不過可能好多點心鋪都做到甘既效果仲有 一致贊好既 燒賣😻粒粒彈牙 仲有料 有蝦有肉 而唔係麵粉既感覺幾唔錯👍🏻之後有 排骨 正常 冇特別但有蒜粒 幾加分😌跟著要講 最差既2款點心1係芋泥流沙包入面芋香幾足 但包細 1籠得2個 仲要味道唔會特別出色 略貴2差係 炸芋角外面脆脆層皮係幾好食但內淊就相對乾又普通下次有機會再試試！