老馮茶居 (大棠路)

依家好少去酒樓飲茶反而鍾意去細間既點心鋪。心思思想試老馮茶居好耐，有次星期日下晝12點半去到排哂長龍即係唔駛試。咁啱今日星期五同屋企人搏一搏睇吓等唔等到位，結果都起碼等左30-45分鐘先入到去。裝潢同餐具散發住懷舊氣色。點心係即叫即蒸，不過落完單佢會即刻問你仲駛唔駛加單，因為之後就唔比加單，都明既，始終咁多人等位。4個人叫大左9個點心2個飯...不能盡錄！點心好快就上台，推介流沙芋泥包，好似食緊香芋味雪糕，包口感軟身足料芋泥，連平時對芋頭冇乜興趣既我都要大讚👍🏻其次就係炸物，鹹水角、金牌炸芋角同鮮蝦腐皮卷，全部新鮮炸起。腐皮卷同出面食開唔同，啖啖蝦肉，彈牙又脆口。其他蒸點心都不俗，好少地方會有仲有古法千層糕,不過本身唔太喜歡冬瓜蓉所以無試。可惜屋企人擺到最後先食凍哂有D硬,建議包類一到就要即刻食。好少可山竹牛肉仲有咁大粒，真係真材實料。另外仲叫左特別啲既黑椒牛仔骨飯，個汁撈飯真係可以食多兩碗。如果唔駛排到會去食多幾次😂