老馮茶居 (大棠路)

近期吃晚餐, 一般都提前在六點左右入座, 否則六點半後幾乎都要等位了星期日傍晚六點前到, 店內只是半滿, (六點半後已經滿座了), 招呼 環境 :一入到店內, 店員就提醒要量體溫及掃安心 (每張枱都有安心, 可以坐低先掃).拎來的碗碟貌似沒有洗得好干淨， 還有回漂白水的味道 （又可能我們坐得近廚房吧)。裝修係六, 七十年代的懷舊風， 打卡一流， 中間的圓枱的隔板， 卡位就偏窄， 男士坐得應該有點辛苦食物 ：全部點心係即叫即蒸， 要等１０—１５分鐘， 但食物就會熱辣辣， 尤魚， 金錢肚， 棉花雞， 燒賣， 馬拉糕， 蝦捲等， 味道都唔錯， 而且味精也很輕手。除了個窩蛋牛肉飯， 呢家係俾只生雞蛋另上的， 因為有小朋友， 所以店員又拎回蒸飯打只蛋上去再蒸， 如果成碟蒸飯好硬， 連牛肉都蒸到老晒， 唔好食，  當然我們都唔知道呢家係生蛋的， 否則一定要求蛋牛一起蒸。費用 ： 兩大一小  八九個點心加一個蒸飯， 大約２９０元， 平均每人差不多１００元， 價錢稍高一點， 而且只收現金， 有點不方便。 

充滿懷舊香港風格嘅茶居🍵全日都有茶飲有點心食🥢滿足到由朝到晚/晏起身都想飲茶食點心嘅人😛🔴蜆介鯪魚球🟠蟹子燒賣皇🟡砵仔蒸排骨🟢咖哩蒸魷魚🔵豉汁蒸鳳爪🟣薑蔥牛柏葉⚫️八珍糯米雞

當日一行三人，冒著大雨到老馮茶居嚐一嚐他們的點心，友人一心想試他們的芋泥點心。當日平日中午，門外已有不少人等取外賣，我們也等了20分鐘左右，才可以入內。店內檯數不多，少量卡位，其餘都是圓檯，如果想坐得舒服既朋友要有心理準備，主要是舊式懷舊裝修為主。食物方面，朋友最想試的芋泥包，一籠兩個，內裏的餡料不太甜，有輕微流沙，味道不過不失，略嫌不夠芋頭香味。土魷肉餅蒸飯，肉餅略帶醃過既酒香，肉餅份量足夠，味道不錯👍🏻金錢肚味道略鹹。燉湯飲完都有少少渴，但都算足料。味道未算非常清甜。叉燒腸粉味道都不過不失。紅棗糕口味太像啫喱，過於有彈性。

晚上和朋友來飲茶，第一次試他們的點心。懷舊風的裝修幾有心思，值得加分的。我們四個人叫了八款點心，茶介每位$5，埋單每人大約$50，好抵！金牌炸芋角 $18一碟兩隻，喜歡芋頭的一定要試！酥脆外皮包着芋頭蓉，完全不油膩，幾好食！蜜汁叉燒腸 $22腸粉皮都幾滑，幾個人好快就食晒。老馮鮮蝦餃 $30一籠四隻，大大隻都幾足料。薑蔥牛柏葉 $23牛柏葉大大件，幾有口感。四寶滑雞扎 $30正常水準，不過不失。豉汁蒸排骨 $23值得一試，排骨好大件，幾鬆化，肉質一啲都唔實，幾入味。古法千層糕 $26第一次食，一層黃一層白好靚，橙黃色的食得出有鹹蛋黃和椰絲味，幾香，食一件都好夠，多食會滯。片香馬拉糕 $18正常水準，不過不失。點心水準不錯，茶介也不貴，下次再來！

餐廳外貌已經有特色（懷舊feel)，一進茶樓，已經被它的古色古香所吸引，好像回到50，60年代的香港。食物一點都不貴，有特色，也好吃😋！平日早上也不用排隊，下次會再來。

另一間黃店點心係元朗叫做老馮茶居係大埔都有分店好似話之前係大陸有分店都摺左不過亦都聽過話有藍小二茶居位於大棠路條街都幾旺門口其實無咩位可以排隊同同事lunch time十二點去到仲有位唔洗等兩個人坐四人卡位好古色比埋盤洗杯茶居裝修都係用番懷舊設計牆身仲特突舖左鐵皮點心係好傳統既lunch限時一個鐘職員都會講清楚不過語氣就怪怪地咁另外上網睇話好似只可以落一次單呢樣就無講既不過我地亦都無加單無試到一共叫左六個點心一個飯仲有杯野飲點心標榜小店即日手工制作鳳爪都係自己剪咁樣樣都算發揮正常係蝦餃皮比較厚同埋佢話個即炸既芋角呢就凍凍地既另外佢地係唔乾淨方面都係好懷舊feel既荼錢5蚊位無加一埋單187都要九十幾蚊位唔算平收銀位係得意既不過成個場環境真係有d混亂同埋飲茶限一個鐘只係岩岩好即叫即蒸都要時間真係食完就夠鐘我自己就唔算好鍾意

晚餐時間喺元朗搵食，突然想飲茶，就搵到呢間懷舊裝修嘅小店💛牛肉腸粉$23腸粉好新鮮，個皮夠煙韌，厚度啱啱好。香芋流沙包$20較一般，可能雪太耐唔流沙，食一粒都濟濟地。蟹子燒賣$28豬肉比較韌，不過蝦好大隻，都值得一試。沙嗲豬大腸$23份量好多，豬大腸幾重黑椒味。蝦餃$28蝦餃係飲茶必食，正正常常。牛肉球$23牛肉球好大粒，但咸咗少少。茶芥$5一位，兩個人去食嗌咗6樣嘢埋單都係$80幾一位，性價比都幾高！

店內裝修充滿香港懷舊風格，店面以舊式雜貨店為背景主題，餐具用上港式懷舊公雞🐓碗碟、杯，真係充滿舊時香港嘅風味。— — — — — — — — — — — — — — — — — — —價錢方面，兩位茶芥$10，食左5款點心、1個飯、1個菜，合共$198。重點係高質，每款點心都好食😋— — — — — — — — — — — — — — — — — — —【蟹子燒賣皇】$28【豉汁蒸鳳爪】$23【香滑牛肉腸】$23【流沙芋泥包】$20【XO醬蘿蔔榚】$28【黑椒牛仔骨飯】$48【唐生菜】$18— — — — — — — — — — — — — — — — — — —超推介【流沙芋泥包】，新鮮蒸出黎，好香芋頭味，影左一陣相，都重係好流沙，如果個包再鬆軟d就更好了。【蟹子燒賣皇】有成兩隻蝦，而且好爽滑。【黑椒牛仔骨飯】好有驚喜，牛仔骨醃得好入味，濃濃黑椒味，重點係個牛仔骨唔會好硬好難咬，用黎送飯真係好正！其他點心都係好食嘅，以上三個就最有驚喜，總括嚟講，我會再嚟食，下次再試吓唔同點心😋😋

點心店嚟講，老馮茶居嘅質素相當唔錯。我唔食魚，所以平時好少叫蜆蚧鯪魚球，就算同枱叫咗，我都淨係會揀哂啲蜆蚧食😂，不過今次呢碟外貌炸得香脆，的起心肝一試，肉質彈牙，一啲都唔腥，配埋酒味偏濃嘅蜆蚧醬，高質👍。其他點心質素亦唔錯：片香馬拉糕又軟又香，熱辣辣非常好食😋；沙嗲金錢肚雖然略為偏腍但非常入味；鮮蝦腐皮卷外皮又薄又脆，入面嘅蝦膠厚實彈牙，唔錯。意猶未盡，再叫多個蝦醬蒸腩仔飯，腩仔肥膏唔少😨，雖然好邪惡，但就好好食🤤，同蝦醬可謂絕配；另外，個飯底都值得一讚，唔知係咪因為用砵仔蒸嘅關係，粒粒分明，彈牙好食。最後叫埋甜品薑汁燉鮮奶，呢個就正常水準，薑汁味唔算強，唔係我最鍾意嘅口味。

老馮茶居 (大棠路) (元朗)小編與屋企人一盅兩件，試了這間佈置懷舊的港式茶居，它用了紅公雞🐓圖案的碗筷🥢、茶具🫖，別具特色～香滑米皇腸 $18腸粉以手拉古法製作而成，配上甜醬油，食落滑捋捋但略嫌不夠熱。咖哩蒸魷魚🦑 $23咖哩味香濃，不會太辣😋 魷魚爽身不韌，十分惹味👍🏻*無需加一服務費

Visited a few times and still coming back for it!! Wonderful dim sums with reasonable price! One of my favourites is their 鮮蝦腐皮卷， never fails to impress me! Pay attention though, they always have relatively longer queues, especially at peak hours!

繼續介紹元朗小店,嚟到元朗呢間💛店可謂無人不識,小小茶樓特登裝修成6/70年代老香港嘅形式,懷舊風味濃打卡一流,見茶杯碟具全部都係用上紅公雞好有feel🥰主打港式懷舊點心 平均$20-$30一籠,另外有砵仔飯都係講緊$3x左右 可謂非常抵食👍🏻.🌟($28)當中首推呢款點心,原來係傳統順德點心,平時其他酒樓好少見到鯪魚球會配蜆介醬,而蜆介醬就係將沙蜆肉伴以酒,薑,陳皮等製成,咸香至餘另有蜆嘅鮮味,與鮮炸嘅鯪魚球相輔相成,聽講老一輩嘅食法係會先咬開一啖鯪魚球,然後夾起蜆介醬入面嘅蜆仔肉,同鯪魚肉一齊擺入口😋, 利申返有人可能會覺得蜆介醬太咸大腥未必個個接受到🙊.🌟($26)另一點心推介,腐皮炸至金黃色非常爽脆,入口蝦肉都算大粒新鮮,一口一啖好快清哂🤟🏻 至於其餘點心如蝦餃,鵪鶉蛋燒賣(呢加買少見少了)等水準都唔差,牛柏葉直頭會剪成啱入口嘅size,唔會平時你去其他酒樓會一大串咁趙到牙都攰🤣.($38)飯以砵仔蒸上嚟已經聞到蝦醬嘅香味,配以肥瘦均勻嘅豬腩肉非常惹味,雖然冇其他配菜但簡單得來好好食👍🏻.三個人叫左以上多款點心加個飯已經啱啱好夠哂飽,埋單人均都係一百以內好抵食,至於店內職員加茶

下午2時到達拎完票等位要齊人先可以入座又要限時1個鐘同行1位親友正在途中問女職員可否先入座立即落單女職員起初不願意我說不是1小時後還枱便可以了麼然後女職員才不情願地安排入座做事欠缺彈性！落單後女職員才說只可落1次單不可加單因師傅限時1小時內蒸唔切！落單前又無提醒不可加單好彩最後親友5分鐘內來到趕及可以加多1碟明白如果有茶客嘆茶嘆幾個鐘會阻住你翻枱做生意但去得飲茶都係想輕輕鬆鬆嘆茶如果咁趕客 不如唔好叫自己做茶居改做包點先生外賣點心算啦同行另一位親友因身體狀況欠佳本來需要慢食好好消化因時間所限心急進食導致只吃了2碟點心就頂住胃部無法再食只好說如果各位要慢食的還是選擇其他茶樓好了這裡環境雖然100分 態度負100分相信不會再幫襯了👎🏻

啲間舖非常之出名 一嚟裝修靚 二嚟少有嘅懷舊點心 喺入面食嘢好似返咗去80年代嘅時候 所以一直都吸引好多人嚟😍而且好多點心都真係未食過亦都熱辣辣嫁-🧏🏻‍♀️溫馨提示：因為真係好多人 果日都排左成個鐘 所以想去試嘅人要俾啲耐性 另外佢出名嘅點心都要早啲去啊 如果唔係好快俾人買曬😞-▪️鵪鶉蛋燒賣皇 $28▪️正宗潮州粉果 $20▪️四寶滑雞扎 $25▪️古法千層糕 $26▪️ 老馮鹹水角 $▪️八珍糯米雞 $28-#鵪鶉蛋燒賣皇啲款點心已經好少見到😢底層係豬肉，而皮做到好薄，同埋食到豬肉同蝦肉嘅鮮味，而且豬肉吾會太肥，鵪鶉蛋好軟同蛋香味。#正宗潮州粉果裏面非常多料，食落去有微微嘅辣，同埋好軟身，皮都唔厚，已經睇到入面有咩料，而且佢嘅調味非常足夠，平時我都要加辣椒油，但係佢整得好惹味都唔需要再調味。#四寶滑雞扎裡面包住雞肉、魚肚、冬菇同埋豬肚，佢啲料全部都大大舊，冬菇見到有半舊都有啲驚訝，平時都係切碎或者切絲，不過雞肉有骨，我個人就吾太中意，但雞肉魚肚都滑身，食落去都味道豐富。#老馮鹹水角食落口唔係好脆，佢係比較煙韌，一咬就食到蝦米嘅鹹香味，非常之有口感，不過入面嘅餡略少。#古法千層糕 啲樣點心做法非

今日黎到元朗飲茶，普通茶樓緊係滿足唔到我啦， 今次黎到老馮茶居，裝修得好有舊時香港情懷，有舊式公屋走廊既牆，有碌架床，綠白地磚，真係好好feel，好岩帶埋老人家黎懷勉一下過去。食物方面，晚餐都唔會要你叫小菜，都係一籠籠點心，一兩個人都可以黎食！今晚就叫左兩個湯，一個椰子鱷魚肉湯，一個蟲草花煲雞， 好好味好抵飲，$38蚊一盅，足料又夠味！點心方面，叫左古法馬拉糕，xo醬炒羅白糕，蝦餃燒賣，一碟菜同牛仔骨。蝦餃燒賣好多蝦好足料，啲蝦隻隻都彈牙，唔係出面比啲死左既蝦黎包，牛仔骨都好好味， 係厚厚既牛肉 唔會得啲骨冇乜肉，醬料又夠濃！大推！馬拉糕都好大件，有黑糖香味，但就乾左少少。總體黎講都好值得黎食，淨係食個懷舊感已經抵晒！