老闆娘雲南米線

營業中

休息中

呢間以前被譽為隱世好食嘅米線，相信而家已經唔再隱世，已經變成長期排隊嘅米線店。當日六點未夠去到排隊，等咗10分鐘就已經可以入去食。呢間米線舖比較特別嘅係店員好有系統咁樣安排入座，點好晒餐之後佢亦都會順序上餐。點咗呢度出名嘅唔同炸物，店員好好佢都會分碟上，唔會放到湯裏面浸到淋晒。鯪魚球彈牙出色。春卷大份，裏面嘅餡係用唔同嘅茹做，比較特別。雞球一份三粒，每粒都係比出邊嘅日式雞球更大，但味道普通。至於炸豬扒就比較薄同埋乾身，建議試其他炸物更好。至於米線嘅湯底一個嗌咗小辣，另一個嗌咗中辣，顏色上見到有明顯嘅分別。湯底嘅味道有少少似連鎖店雲貴香嘅味道，未算係太特別。

呢間鋪都係米線群組入面響曬名堂預左都要排一段時間雖然佢係荃灣， 但佢位置係比較唔近地鐵站要花d 時間行過去今日平日， 相對冇咁多人等都等左15分鐘有多排隊位置冇冷氣的如果夏天大熱天時黎既話自己都要準備d 風扇仔涼住咁等好d 入座叫左一款麻辣, 朋友叫左個黃酒之類既湯底佢呢到炸物都出名叫左炸腐皮卷同雞球兩者都好食， 唔淋油， 乾身米線既味道有層次， 唔會死固固湯入面既腩肉都有滷既味道， 唔會太肥overall 係好食既米線不過如果夏天大熱天時就未必想黎等

世一米線老闆娘米線難得平日夜晚去開愉景新城，又好耐未試過堂食老闆娘，難得見唔算好多人，等左10分鐘都唔算就有位坐❤️ 不過有位坐都唔代表即刻有得食，因為老闆娘每碗米線都係即叫即整，要啲時間先整好，所以都等左成20至30分鐘先有得食。我地分別叫左🍲麻酸辣米線+酥炸雞球麻酸辣湯底一向配料豐富，有肉碎、芽菜、韭菜、酸菜、蔥。米線口感彈牙又吸湯，我叫Bb辣，起初第一啖都冇咩麻味，心諗唔通今日輕手左，點知愈食就愈麻，後勁凌厲。而酥炸雞球有4粒，分量十足，外脆內Juice，炸雞一流。果然老闆娘係唔會令我失望。🥰🍲麻酸辣米線+牛腩而中辣的麻酸辣湯底味道有層次，第一啖就已經食到濃濃的麻味，令你舌頭麻痹。但同時酸和辣都平衡得好好，唔會俾麻味搶晒味😋 不過今次叫牛腩比起雞球就失色不少，雖然同湯底都好夾，但冇其他的牛腩店好食。🥤山楂楊梅茶今次仲叫左枝山楂楊梅茶，老闆娘話呢個係每日香港新鮮製作，成份天然。入口酸酸甜甜，好開胃，可以中和一下米線的麻辣嘅感覺。但分量較少，好快飲完，性價比低。

Tucked away in the vibrant Heung Che Street Market Cooked Food Centre in Tsuen Wan, Proprietress Yunnan Rice Noodles​ stands as a beacon for rice noodle enthusiasts in Hong Kong. The evening-exclusive establishment, however, comes with its challenges—the made-to-order policy coupled with the surge in patrons forms queues that snake around the entrance. The aroma of robust soup bases and the sizzle of exceptional fried items, though, make it worth the wait.Spicy and Sour MixianEmbarking on our cu

呢間米線一直都想試好耐, 今日去開荃灣即管去試試我點了碗酸辣米線，少辣的，酸味和辣味相互融合，刺激味蕾，湯底濃郁，配料有肉碎、芽菜、米線既軟爽口感與湯汁調和，令呢碗湯米線口感豐富，令人食後感到滿足又滿意。呢度既炸物好出色，我點咗呢度既招牌酥炸雞球同酸菜辣牛腩。酥炸雞球外層炸得金黃酥脆，內裡仲鮮嫩多汁，口中留低微微既油脂香氣，令人回味無窮。酸菜辣牛腩肉質軟嫩多汁，酸菜既酸同牛腩既辣味互相融合， 味道恰到好處。

聞名不如見面，終於一試！炸物比米線出色！椒鹽雞翼比炸雞球更正，更惹味呢！大推！！！！可惜今次飽肚去食每人叫一餸都飽可以再試🆗不過我更愛天水圍麗江米線❣️所以又未至於覺得是「米線天花板」😅🥹然而呢間老闆娘嘅米線質地較硬，老公食晒成碗都可以👍🏻👍🏻👍🏻👍🏻碗米線仲要大大碗😳😳😳😳佢食譚仔太滑潺潺嗰啲會嘔🤮堅嘔咗🤦🏻‍♀️🤦🏻‍♀️去開荃灣可以考慮♥️♥️如果再經過，相信我會再試：）

利申我個人對有湯的粉麵一向麻麻哋，不過男朋友說好想吃就唯有陪佢排隊一次🙈排了大約半個多小時，等食物大概又等了20分鐘，個人覺得真的不值得去排🤣🤣不管是天寒地凍，還是大熱天時，在街市站著等真的有點不舒服。餐廳有點微妙，先上了炸豬扒，然後再等10分鐘左右才有米線。所以我應該先把炸豬扒吃完再齋食米線，還是等到米線來了才吃不夠脆的豬扒好呢？米線就是一碗普通的米線啦🤣🤣加上我又不吃麻辣和酸辣之類，叫清湯就是超普通了🤣炸豬扒是大塊夠酥脆的，是那種打到較薄的港式炸豬扒。港女想點沙律醬吃🥺平心而論，這個價錢算抵食，不過時間就是金錢呢～

1️⃣安排混亂呢間舖分咗前後兩條隊排，前面個條隊入剩幾個人，店主都仍然唔叫後面隊嘅人上前，搞到超多人插隊，我自己7點半排，要8點15分先入得，入到去發現有一半枱都係空枱，好明顯店主想製造好多人排隊，超高人氣嘅假象叫好餸入去坐低後，所有人你眼望我眼，等咗半個鍾先嚟雞球同炸物，再等10分鐘先嚟米線，個陣雞球同炸物已經差唔多凍晒2️⃣食物質素欠佳本身睇網上評論，以為呢間米線係超高質素、驚天地泣鬼神嘅高質美食。點知一食碗米線，發現湯底同某一間雲字頭嘅連鎖米線一樣味道；名物雞球嘅話，土瓜灣某間南乳雞球米線好食超多倍；最出色嘅所謂炸蝦豆卜，得半隻細蝦同大量炸粉，仲要每個餸都加$14，見每一枱食一碗米線，平均都俾$80-$94不等，完全唔值得等個半鍾食碗咁嘅米線3️⃣總結抬頭一望，發現舖頭四角都有監控鏡頭，牆壁仲有大大個mon睇住四個監控鏡頭拍緊你，普通食客食都食得唔係好舒服。建議大家諗清楚先揀呢間安排混亂、質素欠佳嘅所謂”世一”米線🤢🤮

愛食米線嘅對老闆娘雲南米線一定唔會陌生。每次想食佢都會比佢門口啲人龍嚇親就唔會排，選擇食第二間。今次終於去到冇咁長人龍。雖然都係要排，但排咗二十分鐘就入得，都算係咁。入到餐廳地方都算闊落，冷氣勁凍啱晒食米線唔會滴汗。- 蒜香辣湯米線BB辣（連兩個餸）⁶⁶蒜香味濃郁，米線有咬口沒有過腍。辣度是我揀嘅BB辣，沒有過辣。好怕有啲店食米線揀辣度唔對稱，BB辣就調到鬼咁辣。- 招牌酥炸雞球雞球外皮炸得香脆，內裡肉質嫩滑，肉汁豐富雞味濃郁。- 野菌腐皮卷外皮炸得香脆，裡面有香菇粟米粒等素菜。非常香口好味，係我大推嘅一款餸。

一聽荃灣老闆娘米線，朋友就講到好好食，排晒長龍咁。咁啱嗰晚就經過荃灣，見有啲時間去排吓隊，7:00左右去到都已經排到出門口啦，等咗大概20分鐘我哋就入咗去坐，見到入邊其實仲有好多吉枱，唔知點解要啲人喺出邊排隊，然後我哋每台客人搭枱坐，你眼望我眼等多25分鐘就有得食😂。麻酸辣米線小辣 雙拼餸 3/5 $66即叫即整所以熱辣辣大大碗既👍🏻，但麻又唔係好明顯，酸就正常，小辣唔算好譚仔小辣，配料例如肉碎芽菜就幾夠多，但米線份量就少得滯，食完唔夠飽😂。蒜香椒鹽雞翼 5/5係幾出色😋，新鮮啱啱炸好，面頭滲咗一啲蒜鹽粉，咬落去外皮脆口，肉質夠嫩有汁水🤩。魚肉腐皮卷 4/5炸到好脆卜卜，入面嘅魚肉仲夠嫩口。招牌酥炸雞球 5/5又係外脆內嫩大大啖肉好滿足，相比之下更喜歡雞球🥰。雲醬豬軟骨 3/5係夠味但唔係好淋骨都食得嗰種。地點:位於荃灣香車街熟食中心三樓，記住行2層樓梯先3樓，地下嗰層係1樓，見到黃色招牌就係老闆娘啦。環境:暫時夠涼，出面等位唔算辛苦，我見都有掛牆風扇有需要會開。入面係有涼冷氣乾淨企理光猛燈光。價錢:炸物幾出色，但要等40分鐘物食到碗米線就要考慮下，雙拼米線$66。服務:店員態度差左啲

一直想吃這間名氣米線店，第一次和朋友來的時候，店家卻休息了（店家每逢星期三休息，但那天不是星期三），建議大家先瀏覽店家的社交平台專頁，留意營業時間。第二次和朋友來終於吃上了！！！《反斗蝦膠豆卜+魚肉響鈴+蒙古湯+銀針粉》（$66）蝦膠豆卜和魚肉響鈴非常酥脆，而且熱騰騰，即叫即炸，不過兩款口感同味道很類似。湯底方面，滿滿的孜然和香料味，比較重口味，個人覺得有些油膩。《招牌酥炸雞球+魚肉腐皮卷+酸辣湯+米線》（$66）炸雞球果然是招牌菜，雞球外脆內嫩，味道好像兒時街邊小店的炸雞味道，非常juicy。魚肉腐皮和蝦膠豆卜、魚肉響鈴是一樣的口感和味道，沒有太大的分別。酸辣湯底味道不錯，有肉碎、酸菜和蔥花，酸酸辣辣，味道濃郁。由於這家店很有名氣，排隊才能吃上，大家要有心理準備，推介大家吃招牌酥炸雞球搭配酸辣米線！

其實中意米線嘅人都唔會唔識老闆娘XD 淨係望住相都已經想食…每一碗都係分別整，唔係一煲過咁煮好多碗，所以都要預返時間嚟等啊(我仲因為驚要排隊果陣會肚餓，事先打定底XD)但好彩果日咁啱唔洗點排好快就入到啦 好大碗! 份量都好多如果比較細食嘅話可以少米線，我平時食得唔算好多，但米線嘅話份量就啱啱好啦 每次必食嘅麻酸辣湯，同埋好少見到嘅蒙古湯湯底好香濃，落足料去整，肉碎嘅份量都好多食到麻香但又唔會辣到無晒感覺，同酸辣湯兩者都無搶大家嘅味，互相好夾啊 蒙古湯有好香好濃郁嘅孜然味，相對辣味唔算好重 其實除咗米線之外，我相信大家嚟到都係為咗食佢嘅招牌酥炸雞球，真心必食!!!每一份都熱焫焫送上，外脆內JUICY本來因為想試多啲而同朋友SHARE一份，但之後又後悔應該每人叫一份至係另外嗌嘅酥炸鯪魚球就一般肥牛就唔太好食 雖然係遠咗小小，但都會為咗佢而再嚟食!

點了大辣酸麻湯底配炸雞同蝦膠，另加了18元飲梅汁👍最驚喜的是米線 浸極湯都仲有點咬口！😊湯底有層次碎肉亦唔太肥👏炸物真係非常出色👏👏👏👏蝦膠的話叫兩份都不為過💕炸雞是多汁的但味道只有少許咖哩粉香唔見得特別，要是可以配上泰國甜酸醬反而可能再出色？👀😈等位時間大約20分鐘，是可以接受的程度👌🏽服務態度好好👍我怕冷氣凍佢地有調較風口💕位置唔太難搵，距離地鐵站行約10分鐘街市的三樓 🌻會再去食的！

自從試咗第一次老闆娘之後佢就成為咗我同老公心目中嘅No. 1米線 🍜要食到老闆娘去之前記得上佢社交平台睇下當日有冇開免得摸門釘今次同平時一樣叫咗酸辣小辣同埋麻酸辣小辣由於今次冇炸物所以叫咗豬軟骨，豬潤同雞肉米線配一餸$52另加餸每款 +$14米線湯底味道偏濃啱晒重口味人士豬潤啱啱好熟送到來要即刻食如果唔係放太耐會過熟變硬雞肉嫩滑大大嚿👍🏻豬軟骨夠入味但今次軟骨位略嫌唔夠淋飲品除咗汽水之外今次多咗一啲養生茶養生茶甜味適中❤️好好飲花果園 - 桃膠杞子桂圓茶 + $18Fanta - 提子🍇汽水 +$8

今天我要分享一家名為「老闆娘米線」的餐廳。這家餐廳以米線為招牌菜，而我試了他們的酸辣湯米線配雲醬豬軟骨。首先，讓我談談米線本身。老闆娘米線的米湯非常好喝，清澈透明且充滿米的香氣。湯底的酸辣味道恰到好處，既有微微的酸味，又帶有一點辣度，讓人食指大動。每一口都能品味到湯底的豐富層次，令人回味無窮。接下來是配料部分，我選擇了雲醬豬軟骨。豬軟骨軟嫩多汁，入口即化，帶著豬肉的香氣。與米線湯的酸辣味相輔相成，讓整個菜餚更加豐富且有層次感。雲醬的加入使得口感更加順滑，帶來一絲絲的甜味，與酸辣湯的風味形成絕妙的對比。總的來說，我對老闆娘米線的酸辣湯米線配雲醬豬軟骨印象深刻。米湯的味道令人驚艷，香辣的口感讓人回味無窮。豬軟骨的烹調技巧獨特，融合了豬肉的香氣，雲醬的加入更是點睛之筆。如果你喜歡辣味的米線料理，我強烈推薦你來試試老闆娘米線的這道招牌菜。