老闆娘雲南米線

營業中

休息中

人氣惹味雲南米線早上一早到場 已有人排緊隊!一碗麵就要等十分鐘,可想而之要等幾耐環境熟食中心放十幾張 普通木槢枱  每碗一定要分開獨立烹煮 米線江西粗米線 米味濃香特別滑溜 用料講究加辣汁加肉碎爆香 酸辣湯色淺咖啡色 食到好多肉碎 湯底有層次酸先辣後單點配料或小食都係另碟上不會放左湯麵上影響口感,細心之處可見魚肉腐皮卷 自家出品 豆皮包住鮮魚肉再炸至脆口 外脆魚肉彈牙鮮味牛肚滷得夠香又彈牙 麵線吸湯後非常美味, 如果秋天黎食就舒服好多,因為唔熱排隊無咁辛苦老闆娘雲南米線荃灣曹公街8號香車街熟食中心3樓28-29號舖平均消費$77評分8/10

老闆娘呢個名喺米線group曝光率極高，終於有機會拜訪下，時為星期二晚上未夠7點，等15分鐘有得入座被安排到一間細房，有冷氣，啲枱凳地板幾光鮮又無表面污漬，唔係傳聞中咁污糟，咁當然喺正舊街市唔好期望有幾乾淨啦，食住嘢地下有隻小強喺腳邊行嚟行去，我哋嘅底線係佢唔飛唔爬上嚟都接受到，所以專心食麵唔四圍望其實相安無事嘅店員態度唔係傳說中咁差，安排得好有系統，問多句會耐心解釋，攞住筷子桶繞房一周叫大家攞筷子..以街坊小舖來講都算係咁食物方面喺入座前已經落好單，當晚無酸菜牛肉同豬軟骨，風聞炸物出色，我哋都嗌好多炸嘢嗌咗炸雞球、炸鯪魚球、蝦膠豆卜+腩肉，強烈推薦炸雞球肉質鮮嫩多汁；炸鯪魚球都食得出有細碎魚骨唔係淨得粉，不過略嫌唔夠彈牙(可能咁先好?!)；蝦膠豆卜，蝦膠做得幾好，但豆卜酥脆到已經無咗豆卜嘅原形，好似一堆包裹住蝦膠嘅炸粉，男友愛食炸嘢就好欣賞，我就麻麻；最後都強烈推薦豬腩肉，好似南乳炆肉咁煮嗰陣迫曬豬腩肉啲油脂出嚟，食落一啲肥膩感都無，取而代味係入味且鬆軟嘅口感米線偏淋但夠滑溜，湯底部分我哋一碗嗌咗麻辣小辣，另一碗要麻酸辣BB辣，唔知點解，食嗰陣覺得麻酸辣BB辣嗰碗更辣更麻，睇嚟辣度唔

來過超逾五次，但總是嚐不到！要麼休息、要麼停業、要麼說不做午市了。每次跑上兩層樓梯，望著那條長長的、暗暗的、靜靜的走廊，只好又一次失望而回。今天晨早十一左右到達，已見四五人排隊輪候進場午膳。人數不多，想必肯定可以吃到。但原來頭輪賓客剛剛進內，代表了我又得等待至少一碗麵時間。店家應是使用飢餓營銷手法，特意讓賓客整齊地、乖乖地門外排隊。環境濕熱難耐，在炎夏滾燙的鐵皮密封陰暗密室內，只憑籍兩把軟弱無力的家庭式掛牆風扇吹出那道弱風。仿佛店主竊笑在說：要吃本娘的美食，就拿出你的能耐來吧!!排到隊頭時，收銀員會為你落單及付款，然後入座。內裡陳設簡單，擺放十數張普通木槢枱。座位迫窄，佩服傳菜員工竟能捧著兩碗熱騰騰麵條，縱橫交插於人群中。工作上，每當接見曾任雲南米線店的廚師，都必問其獨自蹺妙米線烹調秘訣之處。他們薪金普遍不高，都是兩萬頭左右，旺舖每日煮約三百碗麵。技巧，每家如是：每碗一定要分開獨立猛火烹煮。麵條是中來貨，要選江西粗米線。先落高湯，再按客人味道，加辣汁肉碎香料調味，沸至滾騰倒入碗內即成。問他們為何必要猛火烹調，他們都說能這才能迫出出香料味道。付款後，在出餐處窺入廚房內。兩個爐頭，紅紅烈焰

睇左米線group 既排名 見到老闆娘米線一直都好想試😍😍😍今日終於同男朋友試到了 ☺️黎到大概12點 本身都好驚好多人排隊 好彩去到見到條人龍都係10個人！我拿拿林去排 大概都等左20mins 先入到去坐🤣我覺得都算可以接受而店員都有講好多單 所以坐低都要繼續等 但有得坐住等都好好😄男友揀左腩肉蒙古湯 我揀左呢度最出名既蝦卷同酸辣湯☺️到左就真係大大碗 勁香！！我地拿拿林試湯 真係超！級！正！終於明點解咁多人黎食 無論兩個湯底同d 材料都係好高汁👏🏻👏🏻👏🏻👏🏻我地唔洗一陣就食晒🤣我一定會再黎❤️‍🔥

次次黎到都排長長長長長長龍，今次係正平日放工時間黎博博運氣，果然係大幸運日呀😎（仲要撞岩今日老闆娘態度好好唷😛）．👅 蒙古湯，清湯米線蒙古湯湯底好特別，食到有陣孜然粉味，👄好似去左蒙古，食左一個蒙古包落肚咁😂肉碎好充足，好有誠意😜清湯出奇地有味，好似有啲魚湯加雞湯咁，下次都會揀清湯黎食👍🏻．👅 招牌酥炸雞球，魚肉響鈴，豆腐魚丸黎到呢度一定要食佢個炸雞球🤤炸到外皮勁脆，然後又勁juicy ，好抵食😆首試魚肉響鈴，魚肉一向都正，難得炸完唔會乾，但係響鈴就炸得太硬，食落口好界咀😛豆腐魚丸食到有少少豆腐係入面，都係唔錯，不過就細粒左啲🤏🏻

見到米線關注組好多人介紹話好食咪去試吓囉，點知勁多味精勁難食，環境又污糟，唔明白點解咁多人會去食，好彩今日唔係好多人食，真係譚仔好食過佢好多囉，企門口嗰個員工服務態度又差，熟客唔齊人就可以入先，我哋就要等齊人先可以入，嗌佢幾次唔應，我就放啲單喺枱面，佢特登唔撳實啲單由得啲單票落地，仲話我揼啲單落枱面，我真係費事睬佢，真係請我我都唔會再食🤮🤮🤮🤮🤮🤮🤮🤮🤮🤮🤮🤮🤮🤮🤮🤮

前個排終於鼓起勇氣接受排隊挑戰去食傳說中嘅老闆娘。最後係又熱又焗又有陣味嘅街市到排左一個鐘之後，終於排到啦！！！！😵‍💫😵🙈😆點咗最岀名嘅炸雞，春卷，同雞翼，揀左麻酸辣湯。炸物餸真係好岀色，唔粉又脆又juice。米線滑到su su 聲！湯底都夠麻，鐘意麻味嘅會好開心。整體來講真係幾好食，但又未去到話非食不可。不過要排咁耐隊，真心怕，差d中暑。走個陣3點左右見無人排隊。建議大家想試可以3,4點去，可能可以免卻排隊勞累之苦。

📍老闆娘米線===========================👄 麻辣米線一餸 $47米線質地比較粗生，不過放心唔會好淋，個湯底就贏曬啦唔洗講🙈🙈，要麻辣夠麻，要酸夠酸，佢哋嘅麻辣係真係會辣到個嘴麻痹嗰隻，不過食完頸唔頸喝就🤔🤔大家自行判斷🤣🤣D肉碎都好多啖啖都有‼️必食小食招牌酥炸雞球🍗：即叫即整熱辣辣，雞球香脆嫩滑，炸粉超薄，而且份量都好多，總結嚟講係好食🤤野菌腐皮卷：腐皮卷都即叫即整，入面有好多菇，好足料🤩，呢兩款都係必食推介👍👍=========================環境：入面有冷氣但係唔係好涼，喺街市入面環境都唔會話好好但係未話差到有老鼠曱甴==========================📍地址荃灣曹公街8號香車街熟食中心3樓28-29號舖===========================‼️ 等候時間 ‼️等候時間應該係大家最關注嘅問題😅，如果大家想食嘅話真係要早啲過去排隊如果唔係要等個幾鐘先至可能食到由於而家天氣炎熱所以佢開 17:00-22:00（21:30）截單，===========================‼️ 提示 ‼️如果大家想食嘅話最好就係

呢間米線關注組成員冇理由唔識啦今次終於有機會比我試😍6點幾去到已經有幾個人等緊，排左陣已經打哂蛇餅，果然係米線名店😋😋排隊個陣就可以拎張紙揀定好餸，排到比店員開好單就可以安排入座不過坐位方面都坐得比較迫，而且衛生環境麻麻🤢🍜雞肉麻辣BB辣 $47碗米線超級大碗🤩一開始食以為BB辣冇咩料到，但係慢慢食到後面都幾麻，好夠惹味😋🌶加上個場嘅冷氣唔係太夠，真係一到食一到流汗🥵配料有芽菜、肉碎同蔥，但係叫左多蔥都好似唔算太多😂雞肉好嫩滑，而且都幾大舊不過我反而唔鍾意佢啲米線，對我嚟講有啲淋，我會鍾意食有啲啲彈性嘅米線🥺🥠魚肉響鈴 $10外層炸到好乾脆，真係脆卜卜，咬落「颯颯聲」，脆卜卜嘅腐皮包住啖啖嘅魚肉😍🍢招牌酥炸雞球 $10炸粉超級薄，唔會食好好厚粉，炸到內脆外軟，雞肉十分嫩滑🍹野飲得罐裝同支裝飲品，選擇唔算太多總括嚟講，佢地嘅小食幾出色，而且餸有好多特色選擇，麻辣都好有驚喜😍但係始終食米線，米線嘅口感好重要，我覺得係有少少失望，未到我想像中咁好食🥲加上仲要排勁耐隊先食到，但係環境又唔算坐得好舒服同埋都有啲壓迫咁

人氣米線店. 長期都要排隊🤦🏼‍♀️排隊既地方比較逼. 會辛苦少少差唔多排到你既時候就會同你落定單. 坐低一陣就有得食啦！🤩枱同枱之間都有適當既距離. 風扇數量都唔少. 夏天食都唔使太擔心🍜~酸辣湯米線~餸：魚肉腐皮卷. 反斗蝦膠豆卜.魚肉響玲. 酥炸雞球樣樣野都想試唯有叫哂🙄每款餸大約2-3件. 每樣都熱辣辣脆卜卜😈蝦膠豆卜有種懷舊既感覺. 蝦膠份量一啲都唔少. 同酥脆既豆卜好夾雞球好juicy. 肉亦好都嫩滑🤤響玲咬落就硬左少少🤏腐皮卷餡料好多. 個皮略油米線好大碗🤣米線亦都比較有咬口湯既味道好濃郁. 不過我就鍾意再酸啲既湯但其實都夠好味😝抵佢要排隊

荃灣老闆娘雲南米線！🥰🥰好好彩今次有開門，因為上次去摸門釘 sad。今次lunch去，排咗差唔多30 mins～t^t 好餓。不過突然想食無計，其實呢間都食過幾次嫁喇~  孜然豬頸肉好香，野菌腐皮卷都幾特別，最鍾意係炸雞球，可以講話呢度啲餸好食過米線。其實呢間啲配料係足料又大份，可惜我最唔鍾意，亦都令我唔會成日嚟原因，係呢度啲米線次次都煮到好腍，好易斷，質地一般，簡單嚟講唔係好米線。今次試咗酸辣同蒙古，味道豐富，雖然唔係我最鍾意嘅酸味，下次想試埋麻辣～ 荃灣米線店，除咗唯一雲貴川同金寶，呢間係第三食得比較多嘅～～ 🤤

🙋🏻‍♀️米線關注組成員又係荃灣呀今次仲要係黃店💛💛💛位於香居街街市嘅老闆娘米線真係好出名每次嚟都至少要排個半鐘排完之後入到去坐低仲要等好耐先有得食不過覺得老闆娘係全港最好食嘅米線所以就算要排好耐隊都覺得值得🙋🏻‍♀️嚟到記得食佢哋嘅麻酸辣湯底食完會覺得個嘴麻痹咗好似俾蟻咬而且肉碎亦都整得好好食😭小食嘅話推介大家除咗嗌雞球之外仲可以叫埋腐皮野菌春卷佢哋嘅炸物配米線真係好夾😍😍但奉勸大家真係要預留充足嘅時間先好食排隊加食嘢差唔多要成兩個半鐘🤧

唔知點解嚟親荃灣只係想食米線，見呢間好多好評而且係熟食中心都咁出名，係時候去朝聖一下。預咗上到熟食中心係唔容易搵，要穿過好多麻甩佬先至會到呢間野。差唔多9:00都仲有小小龍，不過我自己一個人，所以大概等咗5分鐘就有位。排隊嘅時候已經填好要招牌炸雞同魚肉春卷米線，但係等咗半個鐘先淨係嚟咗炸雞，因為實在太肚餓已食咗兩件先，一路再等嘅同時同侍應哥哥講我仲叫咗春卷，佢話收到，點知再隔左唔知幾耐終於嚟碗超普通嘅米線，攞命！跟住有個亞姐之後先話漏咗無落春卷，我話宜家加番俾我我照加錢(正常加$10)，佢話已經俾咗4件雞我，正常係得3件，要加就加$46先有，當時我竟然無爆佢，可能太想快d食完就走，如果唔係平時我一定會話搞X錯，漏單係你問題，俾咗4件雞亦都係你問題，我鬼知你雙併嘅話係只得3件，仲要我等起碼半個鐘先嚟碗咁嘅嘢，麻辣多過酸辣，米線超林身，好似公仔麵浸咗喺湯好耐而發脹哂咁，佢仲好意思叫我下次先點過，但Sorry 唔會再有下次，嘥晒我啲時間。

荃灣香車街街巿嘅老闆娘米線🍜尋日難得黎荃灣，幫襯下黃店米線💛呢間米線大家應該唔陌生，成日都排哂隊佢開喺街市入面，環境方面就無乜要求架啦，只係睇食物質素之前食開麻辣米線，成日辣到流哂汗太刺激尋日試蒙古湯小辣😀味道就啱啱好👍🏼同埋特別推介個炸雞，真係超好食皮脆肉又嫩，味道偏濃好惹味😋 仲有成4舊咁多，好抵呢間絕對係食過番尋味，想一食再食嘅米線店不過大家去之前記住去fb睇佢今日開幾點佢地有時會更改開門時間都會fb公怖架😉我通常如果知佢地開晚巿，就5點鬆d去到就通常都唔洗等😉

排隊很久。（人流極多）環境非常焗促，但由於街市，所以不會有什麼抱怨地方，但對於怕熱的人比較辛苦。（汗流浹背）服務態度方面，極度不滿！！！！點解？第一 收錢個女仔（紮馬尾、年輕的）會同你爭吵，我講一句都勁大聲話返我，大佬，黎幫襯你，話哂都叫客人比錢食你野呀，又唔係唔洗錢，仲要受你氣，老實講，因為咁，唔會再有下一次，咁巴閉，留返比佢自己食啦。第2 仲要眼超超，好唔順氣咁。 想受氣食野既一定要來叫到，講幾句野都會比佢話返你。仲要好似自己岩咁。咁食物方面啦，很出名啦間野。好多又話咩米線呢間世一，又話咩荃灣最好食咁，咁就試下啦，見到個蒙古湯底，當然試下啦，很多孜然味，叫左個小辣，係咪好辣呢？我又唔係好覺，味道算係咁啦，不過不失，叫左2個餸，佢最出名既招牌酥炸雞球，反斗蝦膠豆卜。雖然態度好差，不過說實話，豆卜同雞球係好正既，但米線同湯底係味真係好驚喜呢？我就….你憧的不要抱太大期望，或許你會開心更多。份量亦足夠的，女朋友叫的酸菜辣牛腩亦好好味，好大舊，但唔會好難咬開佢，好淋下。總結食物唔係話好有驚喜，但餸係好食既，蒙古湯我覺得可以試下既，但唔好太期待個態度好好，比我感覺係我地多客，少你唔少多你唔