老川皇

營業中

休息中

一直都好鍾意食辣野/川菜😋這天晚上又心思思想食辣野🌶禁岩經過見到位於旺角這家的老川皇📍見到價錢都幾抵食，所以決定試下!🔎-這間絕對係抵食的川菜，好多唔同款📝絕對岩輕鬆食野的晚上!首先我點了2串四川小食🍢分別係燒烤牛肉同燒烤墨魚咀🦑第一次試燒烤墨魚咀，原來好彈牙爽口呢!🤩幾好食! 加上有少少四川的辣味! 食落更加好食😜另外仲有燒烤牛肉~ 一樣惹味，而且好香口🥩-另外，我都點了最愛的酸菜魚，選了小辣!🌶🥣而且價錢都幾抵食! 💰份量都十足呢! 在酸菜魚內整碗魚肉都滿滿!😋而且魚身好滑，但間中會有少少骨😍呢一點都留意呢!🧡但味道好足夠，而且唔會太咸!🥢配上仲有滿滿的酸菜，岩晒鍾意酸菜魚的我呢🧂-另外，也點了四川擔擔麵~🍜這次選了無辣，怕整晚的食物都太辣😁麵身順滑好食! 相信食川菜時也必點🧡-滿足的晚上，價錢都好相宜!💡間中想食辣野絕對可以過下癮呢🙌🏻

適逢深夜時分，屋企附近個間老川皇總是人來人往。睇黎又係宵夜嘅不二之選，搞到我都有啲心郁郁入左去。其實一開始都對呢到冇咩興趣，因為我唔係好食得辣 (平時譚仔食開3小辣)。但食完之後，我都會推篤唔係好食得辣嘅朋友仔試下。個陣我係揀左最低辣度，你知架啦呢啲川菜嘅最底辣度通常都已經好鬼死辣，都係穩陣啲好。當日我地兩個人叫左4味餸，以下係少少feedback：-辣子雞香口野黎，食得多會好熱氣。個人認為唔係幾岩餸飯，因為會破壞佢個脆卜卜嘅口感，當零食咁單獨食個口感先會出到。-涼拌土豆絲本人土豆絲愛好者私心推介。有水準、合格嘅土豆絲。唔會話太淋、爽口，但唔好expect佢好特別。如果你去到咁岩想食土豆絲的話，唔洗遲疑！-鐵板水晶粉非常之飽肚，食完呢個可以唔洗嗌白飯都得。啲水晶粉好入味而且熱辣辣，可以先熱食一半之後等佢涼左之後再食。咁就試到兩種唔同嘅風味。-孜然羊肉呢個係今日嘅MVP 。最惹味嘅一道菜 ，用黎配白飯食簡直就係大滿足。通常惹味嘅餸都會好咸，但呢個冇個種好似直接隊啲調味料落口嘅feel。最後建議大家食個陣一定要order返罐加多寶，消熱解辣一流。而且啲野食大多數都落左好多油，飲返啖涼茶解膩

這天晚上屋企冇人煮飯，唯有出外覓食。突然好想食辣，就去左旺角歐美廣場既老川皇。雖然場內人山人海，但好在唔駛點排隊就有得入座。超正，前面就係電視，抬頭就睇到，同屋企一樣：所有可以點的食物都喺曬外賣紙上：飲品名單：最後叫左幾個餸，解決一餐之餘又可以過下口癮。因為家人不喜歡，所以平時很少有機會食辣。第一道來的菜是蒜泥白肉$65。剛上來的樣子長這樣：上面全都是蒜蓉，喜歡蒜蓉的朋友一定會很興奮。試得出蒜蓉是新鮮切的，有種刺激的辣味，放久了就沒有。這個是冷盤，就算辣一點也能接受，而且可以幫忙冷卻之後上來的熱食。一整塊的白肉長這個樣子：都幾大塊，很足料，讚！四川擔擔麵$30麵條細小又彈牙，點了小辣，已經很足夠，因為其他的食物都有點辣。當被其他食物辣到時吃幾口麵中和一下，簡直一流。如果嫌不夠辣，可以加點蒜泥白肉裡的蒜。我感覺只用蒜也可以把一碗麵吃下去。鐵板黃鱔$128這個是我最期待的，雖然黃鱔很美味，但因為很難處理，所以平日很少機會吃。今天選擇到這店也是因為它有黃鱔，還有幾個煮法可選擇。最後選了鐵板這款，由於預先去了骨，所以吃起來很方便，不用吐骨。黃鱔肉質鮮嫩，口感彈牙，吃後齒頰留香。埋單$245，有

放工後，想跟同事食重口味食物到了一個商場找川菜吃餐廳裝修簡單，環境雅致，空間感很大餐牌的菜式都是spicy foooood我先點了一個酸辣粉，顏色10分搶眼，味道又酸又辣，香味撲鼻麵質十分挺身，爽口，彈牙膠質黏感很重另外，友叫了一個四川擔擔麵湯底金黃紅色，味道是BB辣度，可入口，不是太辣，麵質地為硬身及十分柔滑味道有很重花生味，不嗆小食：榴連金球脆口的榴連波波，一咬下很有濃烈的榴槤味及果肉，味道不油膩，帶有香口的味道榴連汁媛媛溜出，味道清新甜美小食：酥炸雙皮奶雙皮奶很脆口，有很重及糊狀的奶味炸物配合奶味，效果很澎湃，及獨特味道香醇順口，甜膩串燒：金菇肥牛、花枝丸、墨魚丸串燒調味得宜，有焦香的味道透過燒的串燒，很令人開胃，絕對貨真價實果汁：蘋果雪梨及蘋果奇異果🥝新鮮及清淡，口感浠，有細醉的果肉很清新🙏🙏

之前唔知道呢一間老川皇係旗艦店，經常去樓下嗰間，呢一間更加闊落坐得更加舒適。平時食開串燒，今日決定食新嘢，叫咗水煮魚、干鍋肥腸同埋鐵板茄子。食後感係會再黎！水煮魚我叫左桂花魚，貪佢無骨！呢個餸麻而不苦，辣而不燥，魚嘅質感細緻嫩滑。花椒同辣椒味融合喺湯底，好味！干鍋肥腸滋味鮮香，加埋洋蔥、紅椒青椒口感十足，肥腸油份早已被迫出，唔會太油膩。鐵板茄子驚喜度有100分，開頭我諗住只係食個普通嘅菜，點知茄子入面原來釀左肉碎，佢先煎香再打入芡汁放上鐵板。茄子煎香左有微焦，好香，連同林身茄子放入口，口感豐富

估唔到咁旺場平日夜晚八點到去到都八九成滿座話哂間野係個舊商場入面唔特登搵都發覺唔到間野—————————————-酸辣粉（$30）嗌左中辣 個人口味覺得可以再辣啲鐘意酸既朋友就應該會幾鐘意薯粉份量都幾多 口感煙韌酸菜魚（$142）大大煲魚片份量非常多而且厚肉感覺唔止一斤口感嫩滑 不過有啲細骨 食既時候要小心啲啲入面仲有唔少酸菜同酸蘿蔔燒雞中翼（$18）雞翼好香孜然既味道外皮燒得頗為香脆入面既肉質保留到肉汁唔乾身

隊長B真係隔段時間就想食辣野…按捺不住誘惑終於逼到友人一齊去食~ 開心!今日食老川皇~其實唔係第一次食呢間, 之前係外賣既, 不過外賣始終無即席炒完食甘有鑊氣甘正平時都係食樓下果間小甜甜, 但對上一次食小甜甜果陣, 質素真係差左起碼成倍, 完全唔辣水份極多, 食得一D都唔膠興, 真係要罷吃怪唔之得樓上老川皇甘爆座, 因為人地真係好食好多! 雖然我地叫左中辣, 整出黎既味道都係似小辣…但起碼有個辣味, 而且惹味夠鑊氣又好食先丫水煮牛肉好大一盤, 牛肉極多而且嫩滑, 咸度適中墊底的芽菜都吸晒湯汁, 入味熗炒土豆絲超爽脆, 證明浸得夠時間, 中意呢個辣版多過其他酸辣版干鍋魚雜好意外竟然有呢味餸, 因為隊長B真係好好好中意食魚雜不過美中不足就係魚春太多, 有少量魚肝及魚腸, 但因為干鍋底, 所以有事先炸過, 好香口, 如果多D其他料均勻D有埋魚卜真係完美!涼拌腐竹呢個原本只係當一般小食食, 點知極有驚喜!!芫茜完美襯托出腐竹的味道, 而且涼拌醬調得好岩味, 濕濕地唔乾, 係最好食一樣餸!!口水雞(例)呢個味道都夠既, 雞身滑嫩, 不過可能例牌啦, 部位上一定無甘靚, 骨會多DD但有埋其他佐料花

老川皇係我嘅宵夜食堂 越夜越多人 氣氛真係好熱鬧 重點係佢嘅川菜款式較多而且味道夠正宗店內乾淨企理 座位多 冷氣夠勁 唔會食到成身汗 最怕食川菜唔夠冷氣干鍋肥腸（$98）食得辣嘅朋友仔真係可以挑戰呢到嘅大辣 我自問本人好食得辣 可以原隻辣椒生吞 我食佢呢個大辣肥腸乾鍋 食到我口水鼻涕都流埋 配料炒得夠乾身又夠香口 肥腸堅韌有咬口 惹味指數爆燈泡椒雞腎（$32）辣度柔和 味道帶酸 雞腎砌到好薄 所以夠入味 而且唔會好韌 涼拌吃法 做餐前小食一流 酸酸辣辣夠曬開胃酥炸雙皮奶（$32/3條）脆漿好薄 冇油益味 有酥脆效果 雙皮奶甜甜的 入口細滑 是一道熱吃的甜點重慶風味燒烤：牛肉（$16）牛舌（$28）墨魚嘴（$18）澳州珍寶蠔（$36）全部即叫即燒 好重孜然粉味道 夠曬重口味 一串串放便易吃 一邊同朋友吹水 一邊食串燒係人生一大樂事特別推介珍寶蠔 燒完都冇縮水好大隻 好肥美 蒜蓉同蠔嘅香味真係好夾

早兩日去了老川皇，一間已經食過又食的餐廳，價錢平民而且份量大件，食完又飽肚 。我說的就是旺角有兩間分店的老川皇，通常我去歐美廣場上面那一間 ，可能因為感覺地方面積好像大一點吧，哈哈，而且冷氣都好像比較涼快一點，整個空間舒服。一上到去當然要做例牌功夫，就是掃安心出行，以及掃針卡之類，現在去餐廳食飯每次都要做啲例牌功夫。隨即就坐低看餐牌點菜了。先來一個四川擔擔麵$30，一整碗的四川擔擔面份量都不少，麵條比較細軟，要趁熱食。上面有少許辣油辣椒，但其實食下去都不辣的，只是會食到一點點辣椒籽，所以不食辣的朋友都食到。至於爽口小木耳，就$46一碟，這是涼菜，木耳爽口有咬口，加上有辣油，開胃又醒神，食完一隻又一隻。每隻小木耳中，都會有一些蒜粒，令到整個味道增添一些色彩。宮爆蝦仁$88，哇，這款餸菜份量很大碟，而且裏面的蝦肉和花生都頗多。蝦仁一小隻一小隻，但每一隻都好爽口 ，而且吵得火候幾好，每一隻蝦仁都外邊包住醬汁，餸酒或者餸飯都好味，不過今次因為我叫了四川擔擔麵，所以就沒有另外叫其他飯類，呵呵，否則就實在太飽了。另外因為口乾所以叫了兩杯凍飲，分別是奇異果汁，即刻即榨木瓜珍珠奶，價錢是$22和$23

終於久違地可以同朋友食夜巿，咁耐冇吃，當然要來吃個川菜啦，過下癮，所以今次就來這間「老川皇」。好近油麻地地鐵站，好方便。我地叫了紅糖糍粑，酸菜生魚片，手撕包菜和麻辣香鍋。紅糖糍粑，咬下去糯米超軟熟，即叫即整，再加上黃豆粉和紅糖，可以中和食辣野的味道。酸菜生魚片，生魚片較少魚骨，啱晒我們唔鍾意揀骨的朋友湯底清爽，不會很油膩，送飯食一流。魚片好大塊，食落口亦很新鮮，配上酸菜，酸酸辣辣很過癮。手撕包菜，炒得很有火候，配上辣椒乾和辣油，很惹味。麻辣香鍋，超多配料的一道菜，有魷魚，田雞，蝦，蓮藕，薯仔等，好豐富，配上麻辣的味道，很過癮。而且亦都是即叫即炒，所以上枱的時候也是熱到出煙好滿足的一餐呀，吃飽飽了。

好耐無食辣了決定要同朋友過吓口癮🤣尖椒皮蛋 -46個味係Ok的唔好睇上面Pat醬咁多但其實唔會好辣不過粒皮蛋就唔太好食我哋一致都係鍾意食啲深色啲嘅皮蛋多啲🤣酸辣粉 -30重可以額外加餸嘅不過我哋今次就咁一碗酸辣粉就夠了份量都幾多因為在座有人唔係好食辣所以淨係叫咗BB辣但佢都話可以再辣啲🤣🤣薯粉煙煙韌韌咁好好食！而且份量好多4個人Share平均每人都食到1碗半重有我最鍾意嘅芫荽同花生對我嚟講呢2樣嘢對酸辣粉都幾重要😝串燒嘅孜然味好勁呀！不過其實我自己就唔係特別好嘅但有就好似惹味啲😳串燒牛舌 -28牛舌睇落好似好乾水咁本身都驚會唔好食但食落又幾淋雖然唔算Keep到好Juicy但都唔會乾水👍🏼-串燒金菇肥牛 -28都係睇落乾水但應該係因為有啲金菇係度整體口感都幾Juicy肥牛有淡淡嘅油脂香-串燒茄子 -28茄子燒得好淋😋都幾入味，但可以再辣啲🤣有大量蒜蓉係上面蒜蓉愛好者應該會好開心🤣紅糖糍粑 -30好掛住糍粑因為真係太耐無食過了🥹糍粑本身無乜味但就好煙韌啱晒我呢啲煙韌控🥰點埋紅糖醬同黃豆粉就啱啱好啦又唔會太甜😋脆皮牛奶卷 -38/3條食落呢個個口感都幾得意個皮有啲曲奇嘅感覺甜甜哋咁入面有啲似

老川皇位於旺角一間地道嘅川菜，價錢平民，整體環境整潔，喜歡食辣嘅朋友不妨試試。🍜川北涼粉 （$40）經典傳統川菜，每次去到川菜館必定會叫。有不同辣度選擇，辣油好香，涼粉軟硬適中，係作為前菜嘅一個好選擇😛🧄蒜泥白肉 （$65）蒜泥白肉賣相特別，上面鋪滿一層厚厚嘅蒜蓉，絕對唔會擔心啲蒜唔夠🥰🐖干鍋肥腸 （$98）連同火爐一齊上菜，熱辣辣之餘仲有小菜鑊氣🔥肥腸炒到金黃色，非常惹味🤤🍢串燒（🐓雞腎 $16、🍆茄子 $28）串燒有得選擇辣度，可以根據自己嘅喜好落單。🐓雞腎燒得好香，孜然粉唔會太多，唔會覺得好濟，但又有好濃嘅辣味。🍆茄子上面鋪滿蒜蓉，再加上孜然粉、辣粉調味，味道好香，有種食完想繼續食嘅感覺😛

好耐冇嚟食啦因為以前中過伏今次應朋友約 俾多次機會啦😅我哋基本上所有嘢都叫中辣但係講真仲衰過BB辣 一啲都唔辣嘅土豆絲有味但係唔辣 黃金海中蝦不錯至少蝦肉唔會霉 鹹蛋黃醬入味 孜然羊肉 感覺啲羊肉好似切碎咗嘅肥牛 朋友話一啲蘇味都冇好正🤣 我就覺得麻麻地 佢啲串燒都入得口嘅 個雞皮望落去嚇死我以為成隻田雞落去燒🤣 好脆口但唔會好乾 雞軟骨太細粒又少咗啲 不推 水煮牛肉正 牛肉有拿過佢 好嫩滑 味道就真係似返中辣 份量不太少 推👍🏾泡椒田雞特登最後外賣攞走放到第二日食 即使用微波爐叮返肉質都可以唔會嚡十十 但係敗筆就好多背好少脾 冇乜特別

好味就吾使講，見到甘多正評就知但估佢吾到啲分量真係好大碟尤其個毛血旺，吾會好多辣椒好多芽菜而係所有食材分量控制得好平均我地叫左小辣，吾算好辣，我個人比較重口味，略嫌佢咸度有啲唔夠個胡椒豬肚雞都好均真湯同埋雞件，豬肚係分開上仲要大大煲唯一可以批評嘅地方，就係落單嘅時候，冇同我哋講會有咁大煲如果唔係我哋淨係叫呢個胡椒豬肚雞，再加啲火鍋料，兩個人就已經好夠食我哋仲另外叫咗啲串燒因為上面兩盤製作都需時反而串燒都叫做好快小辣吾算好辣，老公吾食得辣都話下次可以叫中辣晚巿到8:30先少人啲，不過都未需要排隊目測好多真。中國人，應該睇中佢地道得嚟，大大碟又坐得舒服 (對比附近嘅地舖)仲有好多正嘢(主食),分享俾大家佢堂食仲到零晨二點架，宵夜必備

已經收藏左呢間野好奈 諗住今日出嚟試下🤔Lunch set 黎 連飯 全部叫中辣 但一啲都唔辣1. 點左個干鍋手撕包菜 🥬$50 味道可以 正常 🆗2. 尖椒牛肉🐂 $50一上枱見到已經好油 樣貌唔吸引☹️食落好普通 茶餐廳炒茶仲好食過佢 鍋氣唔夠🥵3. 酸菜魚🐟 $60只有酸 魚係滑嘅 但無味😵‍💫好似用煲水 加酸菜 同魚落去 味道係完咗分開😵超級難食 價錢便宜 但味道真的普通 可能我order既野唔係佢拿手🤷🏻‍♀️最後食剩勁多 飯都無食到一半 完全送唔到飯浪費左 雖然唔貴🥲