老坑火鍋

營業中

休息中

火鍋聚來這裡，是喜歡這裡的湯底，除了款式多，用料也十分豐富，就像這晚的兩鍋共四款湯底，一款是至尊滋補鴛鴦湯(瑪卡湯鍋及佛跳牆)，瑪卡有秘魯人蔘之稱，營養價值甚高，還配以清雞及比利至愛的烏雞作湯料，乃坊間較少見的另一個鍋哩，則是龍蝦鴛鴦湯鍋，大家可先淺嚐一下，番茄味會較重，另一邊則是較淡的龍蝦清湯~成晚都食得好滿足，尤其是最尾可以食翻個雪糕。所有野都可以任食，包括豚肉，牛肉，配菜，飲品.雖然係最平，但係肉質一啲都唔差，豚肉幾爽，唔係太瘦亦唔會好靱

今日同朋友約左打邊爐, 之前都有聽過人講哩間打邊爐ok, 所以都冇意見.黎到就有碟生姜皮蛋, 我好鍾意食皮蛋, 所以都唔介意佢charge之後揀左蜆肉同沙嗲湯底, 佢既湯底最平$90 最貴好似150. 咩tirumisu湯底我就冇乜興趣試啦.原本諗住叫和牛, 不過$3xx 得4片, 唔夠分喎, 所以叫返普通牛, 都係3xx 不過一大碟.之後我地都係叫返平時打邊爐o個d 菜, 生根, 蟹柳, 芝士腸, 粟米, 等等.一時即興想食雞煲朋友推介食一品好味，睇openrice最近係旺角，就係賽馬會樓上黎到見已經好多人係度等位，大概等左半個鐘先有得入座2個女仔都為食雞煲黎，點左一只雞

點解又愛又恨？你明既.....愛，當然喺老坑出名的手切本地肥牛；恨，就係點解間舖要喺紅磡的呢個區域呢....？老坑的火鍋材料全部都好新鮮，我想講佢地最出名的手切本地肥牛，只係睇牛肉的色澤就知道係靚料啦！食落牛味都十分重！係喺其他火鍋店少見到的！另外每次必點脆鯇魚片，爽口少骨，沾豉油食真係好好味！另外唔好睇少佢地的冷盤，香蔥魚皮及螄蚶係好好味！螄蚶的蒜汁絕對會令你食上癮！（雖然師傅都算整得乾淨，不過腸胃不太好的就要少食啦！始終係生冷野）因為食材吸引，所以就算地點有少少奇怪，我諗我都會繼續幫襯！

聽聞老坑火鍋食物質素高，雖然喺紅磡隔涉位置，都專誠約埋班老友嚟開餐。舖面唔算大，每枱都坐滿客，好地踎嘅裝修同迫夾嘅環境，夠哂地道風味一睇餐牌就知佢選擇多，有好多刁鑽嘢係其他火鍋店冇嘅呢度都有得食，生腸粉腸雞腸鵝腸、油炸鬼、田雞、牛脆骨、豬下青、豬腳筋、黃鱔、魚唇、魚咀、魚卜、喉叮、新鮮八爪魚、即劏田雞都有得你食，仲要價錢合理，問你死未！湯底叫咗個蕃茄蟹湯$350，有一隻新鮮大肉蟹，肉質鮮甜無比，但係個湯冇蟹味⋯蕃茄味都算濃郁，欣賞佢加湯嘅時候真係加蕃茄湯唔係清湯，唔會搞到個湯底淡哂。其實普通湯底只係$60，下次會選擇叫返普通湯底。炸魚皮$45超脆好味！迅速秒殺咗成碟。油炸鬼得返最後一條，阿姐問我地要唔要，梗係幾大都話要啦，可惜擺耐左味道一般。響鈴$40非常麻麻，每件大小不一，連個腐皮樣都有出入，唔係即炸，仲要有啲個心係硬嘅，可能係溝咗唔同牌子嘅現成貨。隆重推介手切本地肥牛$320，有咁嘅價位，真係俾到呢個級數嘅牛肉你，牛肉味濃仲要肉質係鬆軟嘅，好正！算係近年食過最好嘅手切牛！椰菜餃$65一打，好大粒，漲卜卜，爆多椰菜，唔錯鵝腸$90，係勁肥嘅鵝腸！大大條，唔會話驚烚完縮到唔見咗，肥美到

聽過不同圈子嘅朋友推薦老坑火鍋，特別係牛肉決心約埋一班老表黎大食一餐選擇都好多，牛肉有肥牛 n 鮮牛牛柏葉都有黑有白骨髓都有得食我地點得真係唔少，因為好味足足點左三輪！柏葉都算唔錯，好爽口就算我地大頭蝦唔記得佢地，煮得太耐撈返上黎都唔覺難食朱潤雖然睇落細細塊煮完係咁大架👇🏼👇🏼👇🏼非常新鮮，好嫩滑朱潤味都好香骨髓，無乜味我就唔係太識欣賞就覺得都幾實，好滑不過我表哥食曬全盤豬面青認真勁過豬頸肉又香又新鮮，仲夠爽口十個like！埋單人均300，不過係飽到扶牆出去好想快d約多次，多d人 試多d野！

想試呢間好耐，不過唔就腳，所以成日同D朋友聚會都冇揀呢度～今次朋友們俾我決定食咩，就諗起呢度啦！今次一行5人，終於可以黎呢度試，前一日先打去book,好彩仲有一張細枱，星期五都book到位，好期待！最後原來係紅磡火車站行過黎都好快！睇住Google map都好容易搵到！難得黎到，梗係要試蕃茄蟹湯，果然不負眾望！好好味大家都飲左幾碗湯！朋友鍾意食油炸鬼，加埋呢個湯、真係好正！好甜！同埋一定要食手切牛，好新鮮！真係好想叫多碟，哈哈！不過大家已經好飽！唯有下次再食過啦！今次叫左桶蠔，同埋蟶子，椒鹽九肚魚，手打丸，響鈴，2碟菜，埋單每人$340走果時9點幾，仲見到好多人係出面等位！

幾條冷食番餐成員沉大師生日，一於吃盡D去打邊邊，選了我從未到訪的老坑火鍋 。位處紅磡幽暗處的老坑火，地點不夠就腳，但卻高朋滿座，究竟它有什麼魔力呢？穿過後巷便是老坑的心臟地帶。一入到巷中已見碟碟粉嫩肥牛等待出發到老饕咀邊👄。店家免首兩枝自帶酒水，這天我帶了枝男山大吟釀給大家享用，而好友就帶上枝紅酒。我就剛病好還是乖乖飲椰青吧！椰青個子不少，清甜多汁，椰肉軟滑十分解渴，不過清麗村姑那個就變種了，整個椰青丁點肉也沒有，只有椰青水，好驚驚啊~點了兩湯底，左芫荽皮旦湯🍀，右係蕃茄清湯🍅。這兒有我愛吃的醃螄蚶當然要來一客啦，螄蚶鮮味很足，沒有腥味，新鮮好味道。薑葱魚皮質感爽脆，沒帶泥味，但撈味亦不强烈，食味就一般了。手切肥牛🐂車爸爸話佢好滿意，羊肉🐏就一般呢！呢個鮮豬腳筋🐷係麵包太太指定要吃的，要早D放湯呀因為需時久一點才吃到煙韌的成品，食落肉味香濃兼好咬口真的好好味架！肥美桶蠔，身型超壯建，食味亦算香，但質感就較Creamy。脆肉鯇🐟肉質脆口，魚味挺香，夠晒新鮮。大墨魚樣子光鮮，吃下鮮甜煙韌，好味道呀😋。手打四寶丸，我試了墨魚丸和蝦丸，咬口不俗而是富鮮味。潮州魚蛋，質感較削，味道沒太强烈，可以

和家人慶祝居於附近久聞此店但第一次幫襯整體感覺ok食物(尤其海鮮)夠新鮮蟹湯底👍手切牛非常好人少所以試得少款下次搵多D人再試多D款店外環境不太好但店內ok多客所以就算平日幫襯都最好book枱先

在隠閉的角落，一堆殯儀服務店附近，竟然有一間海鮮火鍋店。筆者2人沒有預訂，老闆只能在冷巷加張小枱。火鍋首重湯底，為免影響食物味道，叫了芫茜皮旦湯，主菜先來四寶（有蝦丸丶鯪魚球丶牛肉和墨魚丸），粒粒精釆。另亦叫了鱔片丶鮮雞片丶豬面肉、菜⋯等，鱔片厚切並新鮮，入口啖啖鱔香，一絕！鷄肉是雞脾肉去皮，嫩滑兼醃得剛好，而豬面肉亦很爽口。最後來一客准山麪，加上鮮甜而濃郁的皮旦湯，十分滿足！註: 1）因友人不食牛，但看見很靚很新鮮，下次一定要試。2）特色蕃茄蟹湯底，因要$400-，人太少，也沒有試。

上次黎老坑係由星期前，上次食嘅野同今次都差唔多，都係牛肉，餃類，鱔片，滑雞件，響鈴，魚皮之類。上次係用蕃茄蟹湯底食，今次朋友們想試新野，話要雙拼！胡椒豬肚拼蕃茄清湯！出事了！！！食物質素同上次大同小異，都係新鮮，出事在湯底胡椒豬肚湯d胡椒多到呢，痴住哂d食物，啖啖都係黑椒碎，成個湯底都係辣胡椒味，最後放棄佢，轉移隔離蕃茄清湯....無諗過會清得咁清淡淡清湯配上新鮮食材，一邊食一邊後悔點解唔點蕃茄蟹湯底！好彩佢提供生蒜，紅綠紫天椒同豉油，都有番d味牛肉一碟幾個唔同部份，塊塊質感都唔同，有d滑有d鞋口。雲吞水餃一般般，響鈴就卷到好厚身，鱔片好新鮮，如果切薄d口感就一流啦下星期要再返黎完夢

公司做節，阿頭訂了呢間佢推介嘅火鍋店，去到在舊紅磡區一條橫街內，唔講都唔留意有間食店，店內乾淨光猛，裝修簡單，牆上全是火鍋料嘅相片！比咗張大枱我哋，摺枱膠櫈！店員幾親切，比櫈我哋放袋！好熟手咁介紹食物！秘製螄蚶（$80）呢個小食一定要試，香港有螄蚶食嘅店已經唔多，仲要新鮮好味！上枱比埋碗仔盛殻，螄蚶凍上，打開好多汁（滿手鮮血）加上泰式辣汁醃得剛好，提升鮮味又唔會過鹹！我同另一個同事停唔到手，連一向唔食螄蚶嘅同事都試食，都話唔腥，不過佢哋只係輕嘗！我哋兩個清碟！炸魚皮（$45）卜卜脆又唔乾，香脆好味！鮮魚皮（$80）大量青蔥絲醃漬，魚皮滑溜唔腥，加爽脆青蔥絲！好味！蕃茄清湯底（$60）微酸清爽！響鈴（$40）卜卜脆無油益味！手切牛肉（$360）勁正！牛肉新鮮肥美，牛味濃淥完都唔會嚡！好好味，食咗三碟大！四寶丸（$100）食咗蝦丸，唔係好大粒，爽口彈牙！滑雞（$75）自己一向唔食滾湯嘅雞，試咗一件，嫩口幾滑！鵝腸（$90）一個字「爽」鮮八爪魚（$100）食咗八爪魚腳，個吸盤仲會吸力，好新鮮爽脆！椰菜餃拼韮菜餃（$65）食咗韮菜餃，韮菜皮薄新鮮，香味濃，新鮮蔬菜（$40）芥菜心太澀，唐生菜爽

此店多次光顧，牛肉水準依舊一絕！這是必點的一道手切肥牛。來這裡，新鮮材料的食材都很好。至於那些雪藏羊肉、雪藏肥牛的大路貨，就無謂浪費錢！到處都食到，何必跑到這裡吃？至於湯底，叫最普通最平的就好，那個招牌蕃茄蟹鍋，根本就不值。情願將那些錢叫多碟手切肥牛還好。食火鍋，最重要是嚐鮮，太花巧的湯底實在浪費。鱔片、生蠔、鵝腸等才是皇道！說到底，一個新鮮就ok，值得一去再去的火鍋店。

前幾日同朋友一齊去呢間聞名已久嘅老坑火鍋，我哋揀平日夜晚去，如果唔係都應該要等,我哋訂左七點，準時到唔使等位，先叫幾個小食，有水準，然後點左個皮蛋芫荽鍋，清清地要嘗鮮，有朋友之前去過，一早就打電話留咗龍躉翅，果然冇介紹錯，一個字“正”，手切牛燙耐左D都唔會韌，要提一提個八爪魚，第一次打邊爐食八爪魚，估唔到咁爽，其他D丸，響鈴整體嚟講都唔錯，埋尾跟個黃鱔煲仔飯一流，為很有風味的一餐畫上完美句號。埋單一人350，唔算平，但值。

This restaurant defines the classic definition of hotpot in Hong Kong....no frills type of decoration with plastic chairs and wobbly tables with a small gas burner and impatient waiters hahaha.....this time we were even seated on the sidewalk outside! The hotpot at this place is one of my favorites due to these factors and the food is simply awesome. We ordered the usual large portion of specially selected handcut US angus marbled beef . You can see the marbling, and this is really flavourful &

生日本來想食另一間名氣火鍋點知超full book唔到位就轉食老坑爭d都book唔到呢間野 知道左好耐 但係一直都無機會試估唔到佢咁光猛 地方咁大咁乾淨服務態度都唔錯tim一場黎到梗係叫最出名既蕃茄蟹湯底雖然叫左細蟹 但係都好多肉 七個人都夠晒分!蟹又鮮甜!鮮四寶 真材實料椰菜餃 粒粒飽滿 最緊要皮薄羊肉片 羊味足 好味都不得了 必叫手切牛 林得黎仲有咬口 有牛肉味 份量好多不過已經比羊肉比下去筒蠔超肥美!!又鮮甜~仲試左新野 豬腳筋好多膠質好滑 口感不錯 個個朋友都讚不絕口午餐肉都是厚切的!螄蚶勁大碟 乾淨但偏辣 最後食唔晒 有機會一定會最來!