影片
更多
2016-09-23
6128 瀏覽
公司做節，阿頭訂了呢間佢推介嘅火鍋店，去到在舊紅磡區一條橫街內，唔講都唔留意有間食店，店內乾淨光猛，裝修簡單，牆上全是火鍋料嘅相片！比咗張大枱我哋，摺枱膠櫈！店員幾親切，比櫈我哋放袋！好熟手咁介紹食物！秘製螄蚶（$80）呢個小食一定要試，香港有螄蚶食嘅店已經唔多，仲要新鮮好味！上枱比埋碗仔盛殻，螄蚶凍上，打開好多汁（滿手鮮血）加上泰式辣汁醃得剛好，提升鮮味又唔會過鹹！我同另一個同事停唔到手，連一向唔食螄蚶嘅同事都試食，都話唔腥，不過佢哋只係輕嘗！我哋兩個清碟！炸魚皮（$45）卜卜脆又唔乾，香脆好味！鮮魚皮（$80）大量青蔥絲醃漬，魚皮滑溜唔腥，加爽脆青蔥絲！好味！蕃茄清湯底（$60）微酸清爽！響鈴（$40）卜卜脆無油益味！手切牛肉（$360）勁正！牛肉新鮮肥美，牛味濃淥完都唔會嚡！好好味，食咗三碟大！四寶丸（$100）食咗蝦丸，唔係好大粒，爽口彈牙！滑雞（$75）自己一向唔食滾湯嘅雞，試咗一件，嫩口幾滑！鵝腸（$90）一個字「爽」鮮八爪魚（$100）食咗八爪魚腳，個吸盤仲會吸力，好新鮮爽脆！椰菜餃拼韮菜餃（$65）食咗韮菜餃，韮菜皮薄新鮮，香味濃，新鮮蔬菜（$40）芥菜心太澀，唐生菜爽
店員幾親切，比櫈我哋放袋！好熟手咁介紹食物！
秘製螄蚶（$80）呢個小食一定要試，香港有螄蚶食嘅店已經唔多，仲要新鮮好味！上枱比埋碗仔盛殻，螄蚶凍上，打開好多汁（滿手鮮血）加上泰式辣汁醃得剛好，提升鮮味又唔會過鹹！我同另一個同事停唔到手，連一向唔食螄蚶嘅同事都試食，都話唔腥，不過佢哋只係輕嘗！我哋兩個清碟！炸魚皮（$45）卜卜脆又唔乾，香脆好味！
鮮魚皮（$80）大量青蔥絲醃漬，魚皮滑溜唔腥，加爽脆青蔥絲！好味！
蕃茄清湯底（$60）微酸清爽！
響鈴（$40）卜卜脆無油益味！
手切牛肉（$360）勁正！牛肉新鮮肥美，牛味濃淥完都唔會嚡！好好味，食咗三碟大！
四寶丸（$100）食咗蝦丸，唔係好大粒，爽口彈牙！滑雞（$75）自己一向唔食滾湯嘅雞，試咗一件，嫩口幾滑！
鵝腸（$90）一個字「爽」鮮八爪魚（$100）食咗八爪魚腳，個吸盤仲會吸力，好新鮮爽脆！
椰菜餃拼韮菜餃（$65）食咗韮菜餃，韮菜皮薄新鮮，香味濃，
新鮮蔬菜（$40）芥菜心太澀，唐生菜爽脆！
木耳（$40）木耳大塊爽脆！好味！午餐肉（$60）好邪惡又好吸引，午餐肉夾帶啲肉碎，好肥美！
牛骨髓拼牛柏葉（$75）骨髓滑，黑牛柏葉有咬口！
草菇拼鮮菇（$45）好少見到餐廳有草菇（因為草菇比較難保持）呢度嘅草菇又大粒，白雪雪好靚，鮮菇脹卜卜好靚！好好味呀！
店員爽手，攞飲料加湯都好快回應！
呢度嘅食材樣樣都新鮮，價錢雖然唔便宜，水準高！
本地風味！
張貼
