老坑火鍋

營業中

休息中

友人生日去返我地中學時代已經幫襯既呢間打邊爐，超過十年啦，還好佢個水準都keep 到👍🏻 識食一定叫蕃茄蟹湯底，我次次都預約左先，驚無啊嘛🙈 水滾記得飲碗湯食左蟹先😆 如果唔係蟹就老架啦，同埋放心飲多幾碗湯啦，佢加湯係真。加湯，唔係加水架❤️ 係呢度班 fd 一定叫田雞，因為好生猛，上枱仲郁緊架大佬😳平時食開脆鯇片今次試鯇魚腩仲出色，唔會話好實好嚡，又少骨，正啊😍 韮菜拼椰菜餃係我至愛🤤 隻隻都好飽滿，好多餡架🉐仲有油炸鬼炸魚皮蘿蔔薯仔呢 d 都係必點既~ 蠔都唔錯架，夠大隻，可以一試😉我地仲試左螄蚶同螺做小食，都幾好，下次又可以再叫多幾樣野啦☺️

早於十幾年前香港打邊爐未算盛行年代時。香港有火井。九龍有老坑都係走偏鋒的老店。配料都是獨突。貴。例如：花膠。豬爽脆。等等。最馳名一定是蕃茄蟹煲。一一定要訂定先可以品嘗。到後來花巧火煱店出現無數。先被人遺忘！

老坑火鍋🍲一直有兩大著名1）手切肥牛2）生獅含 shell但今天才發現 原來煲仔飯這這麼高質素呀！我們三心兩意思考到底應該吃田雞還是臘味煲仔飯 臘腸臘鴨非常香 飯焦超正啊另外牛白肉也是有驚喜 比新東記還大片兼爽脆 鵝腸、四寶丸、魚腩卻一般般雖然環境很一般 但伙記很有人情味建議提早訂位 附近有停車場Highly recommend for Big fans of Good beef, Bo Jai Fan and beef collagen 🥰

今晚有fd吹雞話打邊爐，介紹間嘢我試，即管聽佢講去試吓先唔係個fd同我去都找唔到，原來都幾隱蔽但入到去座無虛席未選湯底打邊爐前，我哋叫左兩個小食醫吓肚先炸魚皮，甘香爽脆鹵水鴨舌，好厚肉，而且個汁好杰，鴨舌入晒味，超正！最後選左個白果鹹菜豬肚湯底，鹹菜幾鹹，但豬肚幾爽唔係好腍鮮牛肉，真係好正，好鮮甜好濃牛味鮮四寶（牛丸、鯪魚丸、墨魚丸、蝦丸）樣樣食落都好彈牙韮菜餃，餡料十足，隻隻好飽滿新鮮八爪魚，新鮮真係唔同d，特別鮮甜爽囗豬沙腩，好好味，好似同食牛既崩沙腩一樣感覺肥牛肉，普普通通，冇得同鮮牛肉比所以來呢到一定要選鮮牛肉，泥猛魚，幾大條多肉，食落肉好結實好鮮甜最後埋單都係$1380，每人只需$345，算係平，朋友冇介紹錯

秋冬季節涼涼地，梗係去打邊煱啦，連鎖店呀雞煲呀食過好多，今次朋友話要試下呢間人氣小店，知道佢地晚晚爆，而且我地有8個人就一定要訂位啦。店鋪位於紅磡曲街，長生店臨立，位置在街中間有少少難找，朋友話驚驚喎😂😂。朋友未到齊，叫咗碟沙薑雞腳食住等，雞腳軟硬剛剛好，夠晒沙薑味👍。人齊了，湯底揀咗蕃茄蟹湯，料好多，多蕃茄味，蟹大隻多肉鮮甜，唔怪得係招牌皇牌啦。先叫碟大手切本地牛，好靚有少少脂肪，切得唔算薄，但入口一啲都唔靭，好香牛肉味，比起以前確實少見，真係多謝老闆揾到啲靚食材🙏。黃鱔好爽好新鮮，另外隻唔知咩蜆/蚝，好鮮甜肉好大有啲似北寄貝，四寶丸樣樣都好味又彈牙，仲有推介豬腳筋，店員話要烚20分鐘，我地當然跟足啦，一夠鐘就食，仲有少少爽唔唔硬，有少少豬肉味，都幾香幾好食，又可以補足骨膠原😍。之後仲食多個排骨臘味煲仔飯，打開蓋已經好香，唔洗餸都得😂😂，食到尾仲加啲邊爐嘅蕃茄湯，浸一浸啲飯焦，嘩真係大滿足呀！總括嚟講，淨係食牛肉已經值得再嚟👍👍

勞蘇食繼續打邊爐如果你鍾意打邊爐，而又追求高質加新鮮加特別既，又或者你聲稱成日打非任食高質邊爐，而你未食過老坑既，我真係鄧你慘食左咁多年老坑都正爆無得輸打去book位記住book埋牛肉同油炸鬼，如果唔係好可能無得食架先黎個麻辣拼香茜鍋，佢既麻辣係唔錯既其實佢仲有好多正可以試既，推介番茄蟹湯醬油有俾蒜、辣椒、葱，唔記得使唔使錢，不過因為湯底好唔錯既，所以唔使好多醬留左碟手切牛，係老闆每日自己去屠房拎，新鮮爆而好重牛味既，未失望過另一個必食就係油炸鬼，油炸鬼打邊爐特別，幾好食，但你食左老坑既，就發現同其他唔同，脆、索味、口感好，當然你淥十秒就唔好怪人，但真係要留黎試下配濃味湯如麻辣，效果加乘手打四寶丸都好正，特別就唔算話好脱頴而出既，可好多私房/自稱高質邊爐差唔多老闆推薦 —— 脆骨腩，黎到個樣幾靚，點知真係好好味，口感又爽又彈，肉質好正，值得一食但記住唔好淥得耐老闆推薦二 —— 豬面肉，話係豬最好味既肉，Well，個人認為無太大特別由於食麻辣鍋，竹笙就走唔甩啦如有無既，搵生根、腐皮代替都ok老闆推薦之後到勞蘇食推介 —— 墨魚拼八爪魚，兩個都好正，墨魚又滑、濃鮮味，八爪魚又爽、彈、口感正

朋友生日飯選定了打邊爐，大班人一齊烚下烚下最開心。老坑火鍋名副其實後巷的火鍋店，稍一不留神就行過左。記得睇到個招牌，請不要懷疑，轉入條巷仔就係火鍋店所在位置。一坐底，店員就超快手set好檯，幫手倒埋鼓油。店內環境光猛，餐具都好乾淨，印象分UP!!餐前小食就叫左碟秘制螄蚶，作為第一次嘗試的朋友，生螄蚶味道鮮甜味美，沒有難於入口的海鮮腥味。湯底點左雙拼：胡椒豬肚＆蓄茄清湯，送黎時我們都滿臉？？？問號，以為黎錯左２個清湯。事實證明我們有眼不識泰山，雙拼湯底落足料，而我們都特別鍾意胡椒豬肚湯底的咸菜。LIKE雖然我不是肉食狂熱粉絲，但呢個鮮牛肉好嫩滑，忍唔住食左幾舊。打邊爐不能沒有丸，自家製鮮四寶丸，全部都好鮮味，強烈推薦！（開始詞窮，請見諒……）最後介紹是日VIP：「油炸鬼」。不是配麻辣火鍋的超硬老油條，而係平時粥店脆卜卜那種，浸一下湯底再食，簡直無得彈！真心希望其他火鍋店都有提供，咁我朋友就可以放棄響鈴啦ㅋㅋㅋ另外仲點左蜆、午餐肉，新鮮八爪魚（呢個都推介）、油麥菜、生菜、淮山……「自己生日飯自己預訂。」我打左幾次電話預約都無人聽，最後反而壽星自己成功預約。問番原來係要營業時間前少少打去⋯⋯

大熱天時，日日都卅十幾度（氣溫），但都無阻香港人去🥘打邊爐。好耐無去老坑打邊爐，識食當然係點蕃茄蟹湯底啦😋🦀蕃茄蟹鍋明顯見到d蕃茄浮浮吓，蕃茄味特濃。入面有一整隻蟹，滾一滾，湯底更鮮甜。值得一提：加湯都係加蕃茄湯㗎，食到尾都仲好蕃茄🐂手切牛肉（小）(忘記了拍照）手切牛肉雖然點咗份細，份量好足，四個人都夠食。牛肉唔係嗰d脂肪多過肉一夾起就解體嗰種。係鮮牛肉🐂係鮮牛肉🐂係鮮牛肉🐂仲帶少少肥，好味四寶丸🍡四寶：牛🐮魚🐟蝦🦐墨魚🦑比較喜歡蝦及墨魚🐚花螺限量花螺，已熟，可以喺湯未滾時做小食，好味😋🌮韮菜餃 椰菜餃 （冇相）雲吞上次試咗韮菜餃同棷菜餃雙拼，鍾意佢菜夠多，隻隻餃都漲卜卜。今次再試雲吞，不過好失望😖好咸，又多味精。好彩係加單order，滾完個湯都咸晒。🥗雜菜蟹、湯同牛肉都好有水準，係最後個雲吞出事。下次都會再嚟，不過見雲吞怕怕。

係紅磡舊區小街入面，幾有特色嘅個地方服務招呼好好，訂左枱嘅寫晒係板安排入座，要左胡椒豬肚湯底普普通通啦，胡椒味唔突出，但足料嘅咸菜，豬肚，粉腸都有齊價錢中中庭庭啦新鮮魚皮係必點之選，可惜韌左啲，做得唔夠爽脆大量蔥絲味道唔錯椒鹽九肚魚 $100呢個價錢嚟講就胡啲唔抵食而且有種香料味掩蓋左椒鹽味6人安排方枱，大家要坐得比較親密手切鮮牛肉$320係有位兄台不停出面密密切確保新鮮羊片$100有羊膻味但響鈴就失色$40係出去任色邊爐個款切得好好有咬口，見食評都大讚呢個牛牛係不俗嘅其他都普普通通地道環境一試無防，再試。。。。

今日收工後同屋企人去打邊爐......叫左個蕃茄蟹鍋..D蟹好新鮮必食肥牛, 幾好食呢個都好新鮮, 好鮮甜正常野, 不過不失九肚魚,,好野味呢個我無食...因為我麻麻地中意食正常野, 不過不失呢間價錢唔算平, 平均一個人都要成400幾蚊

雖然何文田站行去幾分鐘到，但一個人夜媽媽行條街泊滿靈車都有d驚。朋友大大力推薦，有好野食無辦法啦都要去!全部野都係朋友發板，所以我唔知咩名堂，menu都未望過蕃茄蟹湯底⭐️⭐️⭐️⭐️⭐️係烚完既野食有陣濃蕃茄湯味，點樣做到咁濃咁容易入味架😮脆肉鯇⭐️⭐️⭐️⭐️⭐️真心推介，好好味呀！鮮得黎好脆，脆得黎好有魚味。蠔⭐️⭐️⭐️⭐️都好新鮮，不過唔會太大驚喜，同出面桶蠔一樣聖子⭐️⭐️⭐️⭐️都好新鮮手打牛肉⭐️⭐️⭐️⭐️⭐️濃濃既牛味，同出面打邊爐既真係有分別炸魚皮⭐️⭐️⭐️⭐️⭐️大大碟，脆卜卜，正呀！鮮魚皮⭐️⭐️⭐️⭐️我地呢枱六個人真係鐘意食魚皮，鮮魚皮都ko兩碟，好脆好爽架！不過個人鐘意炸魚皮多d，鮮魚皮無乜魚味。鐘意打邊爐既絕對值得入去試試打邊爐黎講呢度都算乾淨，唔知夏天係咩情況呢。

第一次幫襯老坑火鍋，起初真的有點抗拒， 因為無論餐廳嘅地點及裝橫， 真的對它沒有什麼期望， 直至侍應第一碟手切牛肉擺上枱， 令我另眼相看。把牛肉放進番茄清湯碌兩碌， 肉質嫩口，肉味香濃， 我們五個人很快便把一整碟吃光， 在來的手打四寶丸及脆肉鯇亦非常新鮮。 炸魚皮異常香脆，一點油益味也沒有！ 後加的一碟芫茜，30蚊，大大碟， 吸收牛肉湯的精華，十分惹味！總結這餐，5個人消費了 845元，真的超值，難怪我看到樓上的師兄說每逢打邊爐必定諗起老坑火鍋。

因為訂咗位，所以唔洗等就有得入坐，「老坑」已經嚟過好多次，每次的指定動作「蕃茄蟹湯底」，佢用嘅蟹啖啖肉又鮮甜，好味又新鮮呢個新鮮魚皮亦係每次必食嘅前菜，好爽脆，撈埋d蔥絲一齊食好香口，仲有圖中嘅油炸鬼，好啱用嚟打邊爐，浸一浸吸咗d湯好好味手切肥牛，今晚呢碟夠淋有牛味，啱我口味墨魚鬚同牛骨髓都係每次必叫除咗以上食物，仲叫咗貴花蚌x2、鵝腸(肥美)、韮菜餃、三拼丸(蝦、牛、魚)、沙鯭魚1條、白魚蛋、烏冬x2、雜菜籃、炸魚皮、沙薑雞腳(小食)等等，不過顧住食，無影相😅我哋共8大1細，埋單承為$2,115。

而家周圍都開火鍋店，老坑火鍋係我去嚫紅磡都想再去光顧嘅食肆。呢度無華麗嘅裝修，亦無舒適嘅座位，但係呢度嘅食材質素好，湯底又好味。我同朋友兩個揀咗馳名蕃茄蝦湯底，叫咗碟特色小食，幾碟火鍋料，開心又滿足嘅一餐。必食秘製獅蚶，用好多料醃，新鮮又大碟。手切肥牛肉，食完仲想食，又嫩又有牛味，正。龍躉翅，我好鐘意食龍躉，但係未試過打鞭爐，一樣咁好味。黃鱔，入口爽脆新鮮。鮮四寶丸夠彈牙用料足。雪吞同水餃較普通，不過不失。

香港人一年四季都喜歡打邊爐， 是晚和另一半又興起放工後到老坑止癮！秘製螄蚶： 懂得吃的朋友會覺得螄蚶鮮味無比，不懂欣賞的朋有會覺得有腥味及血淋淋！ 老坑的螄蚶用了大量蒜頭及秘製醬汁辟腥味，不錯！不懂用手開的朋友可以問店員借工具幫忙！薑蔥鮮魚皮：魚皮在蔥山下 魚皮爽口，連蔥及麻油醬吃，正！手切本地肥牛（大）： 是晚主角！每次光顧都沒有失望！牛味重，又大塊！蟶子皇： 巨型版！ 但下湯後兩分鐘離殻便可上碟！鮮味無窮！不用點豉油也很甜！黑/白牛柏葉： 雙拼款，方便有選擇困難的我們！水餃： 半碟份量。本人覺得水餃比椰菜餃更好味！一樣大大粒非常足料！懂得欣賞雞子的人不多，但識食之人見到這些大大粒雞子應該會瘋狂！火鍋除了可樂，椰子亦是一個較健康的良伴！ 青甜又可清清飽肚飽再出發！