老厝邊

營業中

休息中

📍老厝邊▪銅鑼灣好少行到渣甸街揾食 原來開左間台式料理店內外裝潢皆充滿🇹🇼台灣獨有古早風味仿似於九分街頭享受道地台式料理餐點種類衆多✨經典牛肉麵、滷肉飯、蛋餅等等同朋友都選擇困難XD下次有機會都想試埋個蛋餅🥹♡眷村牛肉麵 $70後期翻查”眷村牛肉麵” 同普通牛肉麵不同會加上豆瓣醬🧐入口更香口惹味 牛𦟌炆得相當軟腍 但又未至於碎散😋仍然保留到口感仲煮得好入味 吸收哂啲湯汁麵質軟硬適中有咬口 讚👍🏻♡塔香鹹酥雞 $40鷄肉炸得剛好 肉質唔會太柴過乾炸皮輕薄香脆 仲滲出香濃九層塔香味🌱喜愛炸物嘅朋友必點！♡炸甜不辣 $34之前一直都唔知🫢原來甜不辣個名係源自日本天婦羅Tempura🍤將魚漿造成條狀再炸 有點似港式炸魚蛋、魚片頭但食落更彈牙 帶點點煙靭口感炸皮夠薄 唔會Heavy之餘又香口♡烏龍奶茶 加仙草 $27烏龍茶味香濃 加上大大舊仙草😍每啖都飲到滿滿仙草 大滿足！♡蜂蜜綠茶 $27蜂蜜味道天然易入口🍯唔係淡茂茂個種蜂蜜味配搭清甜綠茶甜度適中味道剛剛好 最適合配台式料理解解膩🤪

喺銅鑼灣渣甸街度見到呢間台灣小店，平時出邊都有一個小人龍，就知道呢間都應該好受歡迎👏🏻星期五lunch就同朋友過嚟呢間食，試試佢嘅古早台灣味😋Lunch 都係嗌 a la carte，今日就試呢d 先😉🥚起司肉鬆蛋餅($40) 本身做已經Mark低一定要試佢嘅蛋餅，今次都係揀咗最經典嘅配搭，入邊餡料十分豐富，芝士嘅都會拉絲。呢個一定係必食😋🐤炸雞扒便當($72) 炸雞非常香脆，配上旁邊嘅小菜，大大份好夠飽👏🏻🍅甜酸蕃茄雞肉涼麵 ($52) 呢個涼麵適合一啲口味比較清嘅朋友，但係估唔到配上酸甜蕃茄同埋雞肉，入邊都加咗啲麻油，所以食落去特別嘢味😋🧋珍珠奶茶($25)泥到台灣店就當然要試吓珍珠奶茶啦😉中午時候小店都通常會坐滿，但係都唔算話等太耐先有位。同埋小店嘅服務員態度好好，好有台灣嘅親切感 ☺️

又到放lunch時候，同事話要帶我去食好食到暈嘅蛋餅，見同事咁誠意拳拳邀請我, 我亦卻之不恭，跟住同事食好西。《老厝邊》 ，台語「老鄰居」嘅意思 。餐廳主打古早味台式料理，店內裝修亦令我有種夢回當年喺九份老街食嘢嘅感覺。由於同事自稱係小鳥胃，所以兩個人只點咗牛肉麵、蛋餅、小食各一，以及兩杯嘢飲。「半筋半肉麵」 有紅燒或麻辣兩款湯底可以選擇，或者將佢變成蔥油拌麵亦得，得咗。雖然平日嘅我係清湯派，但正所謂人菜癮還大，最後都係選擇咗麻辣湯，湯底相當濃郁，亦唔會太辣，如果係同為清湯派的可以一試。配菜方面不論係筋或者牛腱就連蘿蔔都煮得相當入味，亦夠腍，不錯。「起司肉鬆蛋餅」 同事心心念念嘅食物，同時亦係舖頭招牌之一。蛋餅入邊係滿滿嘅肉鬆同可以拉絲嘅芝士，加埋被同事稱為令蛋餅提升一個境界嘅靈魂醬汁--蒜味醬油，醬汁沒有蓋過肉鬆同芝士嘅香之餘，仲令蛋香更為突出，有別於一般用鹹口醬油膏嘅蛋餅，確有驚喜。「酥炸魷魚」 個人認為相當出色嘅一道小食，粉漿唔會太厚，食落相當鬆脆又唔會油膩，加上炸得酥脆嘅九層塔，正。如果唔係仲要返工，真係想再嗌多一碟+2罐啤酒同同事啤啤佢。

餐廳：老厝邊地點：銅鑼灣渣甸街菜式：古早味台灣菜餐牌：牛肉麵，便當類，粉麵類，飯類，蛋餅類，炸物類，拼盤類，涼菜同小食類，價錢平民。飲品有柚子，珍珠，爽口，鮮奶，古早味，蜂蜜，鮮奶茶同果汁。無加一。半筋半肉麵 $78半筋半肉麵有牛腱同牛筋各三件。牛腱非常稔，仲食到有筋，滿滿骨膠原，好味道。牛筋好有彈性，味道入味。麵可選不同口味湯麵或者拌麵，我揀左蔥油乾拌麵，麵條上嗮色，幼身較淋，味道好入味，少少辣，好惹味呀。鹹菜放係匙羹度另上。我覺得蔥油乾拌麵加鹹菜味道好好。蔬菜有小棠菜兩條同白蘿蔔一大舊，最後灑上葱花。呢碗麵保持一貫水準。起司肉鬆蛋餅 $40起司肉鬆蛋餅一客六件已經切好，入面有勁多肉鬆同芝士！薄薄嘅外皮煎得薄脆，微微燶，入面有層薄薄雞蛋，加上拉絲芝士同肉鬆，口感層次豐富。點另上嘅醬汁提味之後更加好味！燙青菜 $26燙青菜係生菜加上少少醬汁，有微微蒜蓉味，健康好味。柚子芒果冰沙 $32柚子芒果冰沙用外賣膠杯裝，係好香甜柚子味既冰沙，有好多碎冰咬，叫左微甜同微冰，甜度適中。椰果蜂蜜檸檬 $24椰果蜂蜜檸檬下底好多爽口椰果粒。飲品顏色呈淺黃色，味道酸酸甜甜，一樣叫左微甜同微冰，甜度適中。總

<銅鑼灣食lunch系列>平日lunch都要排15分鐘，正正常常⭐️香蔥牛肉起司蛋餅 $44正常發揮，覺得之前食過芋泥蛋餅比較好食 ⭐️麻醬雞肉涼麵 $52雞肉嘅份量好多，似係雞胸，但係唔會好鞋。反而個醬同平時有啲唔一樣，多咗浸醋味，我就覺得一般🥲我覺得個麵質幾煙靭，好少食到呢個質地👍🏻⭐️滷肉乾拌麵 $45呢個幾好食，滷肉嘅份量好多，加埋啲麵味道啱啱好🤓⭐️塔香鹽酥雞 $40有d乾，麻麻地⭐️柳丁綠茶$24飲得出係真果汁，不過有少少苦😳

銅鑼灣幾多人排隊嘅抵食台灣菜😗起司肉鬆蛋餅🧀 $40大推一定要叫蛋餅😼超多拉絲芝士，加肉鬆好夾，蛋餅皮煙靭 ，仲有個甜甜地嘅醬點嘅，好好味！藥燉排骨湯米粉🥢 $65一上枱已經聞到好大陣藥材味，不過食落OK，湯底幾清嘅，米粉係彈牙台灣米粉，排骨燉到好腍。塔香鹹酥雞🐔 $40新鮮炸起熱辣辣嘅鹹酥雞，雞件都幾大舊，雞肉入味juicy，炸物控可try。清香烏龍鮮奶茶加珍珠🧋 $24+3蜂蜜檸檬愛玉🍯🍋 $24野飲價錢幾平同都好飲，奶茶係用真鮮奶 明治4.3牛乳沖，奶香濃郁。蜂蜜檸檬愛玉好清新解渴，我叫咗微糖，有淡淡蜜糖香甜同檸檬味，配上微甜啫喱狀愛玉。

渣甸街有間台灣菜，平時lunch都會去食下 ♥ 半筋半肉麵 $78同事係辣妹子，嗌咗麻辣湯湯底又幾濃郁有風味而且唔會太辣，牛肉每塊都好厚好有肉伴湯浸住好入味，牛筋夠淋夠膠質，夠哂台灣風味♥ 香蔥油嫩雞乾拌麵 $48雞肉件同同事都大讚超滑身一啲都唔榎而且份量多 ！面頭鋪滿大量乾蒜，，蔥油撈飯夠哂香，入口亦唔會覺得太油膩好快就食晒成碗♥ 玉米起司蛋餅 $36台灣野緊係必叫蛋餅🤩芝士同粟米係一個完美嘅配搭🥳熱辣辣整好嘅蛋餅，芝士係半瀜狀態下，蛋餅煎香入口淡淡蛋香味♥ 珍珠茉莉奶綠 $26綠茶底帶淡淡茉莉花香，加埋珍珠好邪惡♥ 凍蜂蜜檸檬愛王 $24一定係夠醉先好飲！😆仲有愛玉咬下好清新

新屎坑見開左係銅鑼灣，試試啦...個牛肉麵牛肉淋之之麵又淋之之，一D都唔Q彈，無口感可言應該要淋的白蘿蔔，反而唔淋😂😂咩玩法味道一般，湯底亦都唔出色 香酥排骨便當厚粉而無味如果唔知自己點豬肉，根本唔知自己食緊咩肉鹽酥雞雪味未過哂就拎黎整成粒雞既味道真的很怪珍珠奶茶...珍珠應該都未煮透🤦‍♀️口感都是怪怪的值得一讚只有蛋餅，係幾好食講真🤦‍♀️八方雲集碗牛肉麵仲好食過呢度Never again

呢間台灣嘢已經食過幾次，都覺得好高質，特別鍾意佢哋嘅蛋餅🤩今次試吓銅鑼灣分店，夜晚去到等咗一陣就可以入去～香蔥油嫩雞乾拌麵🍝$46呢個蔥油拌麵望落好吸引，聞到好大浸蔥油味，一食落就停唔到口，另外仲有幾塊雞胸喺面，雞胸係類似慢煮雞胸咁食落好滑😙滷肉飯（大）🍛 $42台灣嘅味道👅滷肉入口即溶，滷肉汁夠撈晒成個飯，夠晒入味😋薯餅起司蛋餅🫔$36呢個配搭其實幾特別，同埋自己本身都好鍾意食薯餅，蛋餅皮煎到香脆食落煙靭，入面仲有好多芝士，係好邪惡嘅組合😈塔香鹽酥雞🐥$39炸到金黃酥脆嘅鹽酥雞，炸粉唔會太厚，咬落肉質嫩滑多汁

係大角咀起家嘅台灣菜老厝邊之前打響名堂嘅時候已經聽過，之前經過銅鑼灣原來都開咗分店，今次就去試吓😛餐牌有招牌牛肉麵、涼麵、米粉、蛋餅、炸物、台式飲品等經典台灣菜，價錢相宜。Lunch time都幾多人排隊。麻醬雞肉涼麵出面好多餐廳嘅涼麵多數細細碗，呢度就勁大碗🤣🤣麻醬份量多，彎曲嘅麵條每條都可以掛滿醬汁💦麻醬味道好香，無芥末味但有芥末般微微刺激感🤪令整體味道更豐富同開胃。雞胸肉啖啖肉唔會乾柴，仲有唔少青瓜絲、蘿蔔絲以及豆皮😙😙蜂蜜柚子綠茶（加愛玉）酸酸咪咪好清爽嘅味道👍🏻底下有唔少柚子粒增添咬口，仲加咗滑捋捋愛玉，不過愛玉份量唔夠多。人均消費：$80推介指數（10分為滿分）：7.5分

見到好多人推介呢間台灣嘢 史努比又心思思走去試下😎我哋坐喺門口位 冇乜冷氣好彩而家天氣唔熱 所以都唔會話好焗👌🏿裝修得幾靚 史努比好鐘意佢個格仔牆🤣好有童話啲木屋feel🫣但加入咗台灣風嘅插畫之後成件事就好有台式風味😂-👍🏿海陸炸物拼盤 $82呢個拼盤真系好大份🫣有魷魚魷、鹽酥雞、甜不辣、粟米筍、花枝丸同埋四季豆落咗啲懷鹽調味 略為鹹咗啲啲魷魚鬚外面酥脆 食落爽口彈牙👍🏿鹽酥雞炸得好香口 雞肉都算嫩滑 略嫌未夠juicy🙌🏿甜不辣有驚喜🤩食落煙煙韌韌 味道甜甜鹹鹹咁好過癮😝花枝丸夠彈牙～粟米筍同四季豆微脆 而且keep到蔬菜嘅甜味😚所有野都炸得幾好 夠乾身 唔會好淋油👍🏿特別推薦辣不辣同魷魚鬚大家可以淨系嗌呢兩款小食🤭味道: 8/10性價比: 8/10👌🏿招牌牛三寶麵 $86碗麵都幾大碗 份量亦好足麵質正常 唔會太淋嗌咗紅燒湯底 飲到少少嘅藥材味但味道略為淡咗啲食落欠奉紅燒湯應有嘅辣同香😗牛三寶分別系牛𦟌、牛筋同埋牛肚牛𦟌有兩大舊 幾厚切😚炆得夠淋可惜唔夠入味牛筋有同樣嘅問題 就系唔夠惹味🥺牛肚淋身 但牛羶味頗重🥹另外有舊蘿蔔同小棠菜蘿蔔炆得夠淋而且冇渣可惜冇蘿蔔嘅甜味整體碗麵好普通

心血來潮想食鹽酥雞就諗起銅鑼灣呢間台灣餐廳店舖雖小．但座位充足店員超有效率價格相宜．免加一服務費性價比好高難怪每次經過都坐滿食客✨滷肉飯細細碗．一人份量剛剛好每嘅比例每粒珍珠米都沾上滷水汁滷肉軟腍好入味✨塔香鹹酥雞雞嘅炸粉唔會太厚裡面依然保留豐富肉汁不油膩 好香口✨經典珍珠奶茶珍珠奶茶有不同茶底選擇我選了經典味道煙煙靭靭嘅珍珠．味道唔會太甜滿足．抵食．有水準以後嚟銅鑼灣，想搵平靚正嘅餐廳又多個選擇喇

家下星期五放工唔會講TGIF，而係問「出去夜繽紛呀？」一放監隨即過海，好多餐廳都坐滿人呢間台灣餐廳都唔例外，等一等都入到去嘅平時食台灣麵，都係揀紅燒牛肉麵，今次就揀牛筋麵一碗有勁多嚿牛筋，仲要好大嚿好彈牙，麵又多又夠彈雞肉配滷肉嘅配搭都幾得意，滷肉肥瘦剛好，雞肉烚得夠嫩，便當仲配有2款配菜、半隻滷蛋同1款涼菜，大量蔬菜夠晒健康芝士蛋餅經常都食，但配皮蛋真係好獵奇，但雙蛋合璧又ok喎，皮蛋又多又唔押芝士一啲都唔吝嗇，滿足至極食台灣餐又點會冇手搖飲品呢？呢間嘅手搖飲品有好多選擇檸檬愛玉好足料，啖啖都有，蜂蜜檸檬味好清新

🫔起司肉鬆蛋餅 $40蛋餅外層皮煎到香脆，有好多肉鬆同芝士🤩，食落咸咸地又好香芝士味。旁邊係好香蒜味的甜鼓油，點完個汁食更惹味😋。蛋餅熱辣辣上桌，真係要趁熱食😚！🥛現煮冬瓜鮮奶 微糖熱 $26怕太甜叫左微甜岩岩好。飲落有甜甜的冬瓜味又帶濃郁的鮮奶味。🍚滷肉飯(小）$34飯好多汁，滷肉同飯份量都好多，話係小份，其實份量都幾多，幾大碗。滷肉肥瘦分佈均勻，煮到好入味，肥肉入口即溶，瘦肉都吾會太硬👍👍📝整體而言：菜式款款都幾足料，味道又幾好，價錢不貴，值得再來。✏️沒有加一服務費📍 老厝邊 (荃灣)荃灣大壩街25號地舖📍 分店老厝邊 (大角咀)大角咀埃華街92號地舖老厝邊 (銅鑼灣)銅鑼灣渣甸街36號地舖

呢間台灣嘢鄰近shopping地帶，好方便，見唔使等位，走入嚟試吓。我哋叫咗：1）雞滷飯 $48初初就咁睇Menu名，以為係用雞油整嘅滷肉飯，點知其實係指雞肉加滷肉飯😆😆😆，有驚喜！ ！份量一啲都唔細，兩個女仔食都有剩。滷肉同雞肉嘅份量都係好平均一半一半，雞肉大大塊，全部都係白肉，冇皮冇脂肪；滷肉嗰邊就係一如既往嘅台灣特色：夠肥膩！ ！所以係肥瘦均勻！2）起司肉鬆蛋餅 $40呢個係招牌菜之一，果然名不虛傳，芝士係有少少拉絲嘅，肉鬆都好飽滿，蛋皮夠薄，表面有微微脆口，好食！值得推介3）半筋半肉麵（麻辣湯底）$78湯底雖然冇四川嗰種麻辣咁勁咁辣，仍然保留台灣特色，就係啲牛肉夠五香味，夠肥厚，牛筋夠腍夠膠質，啲面嘅份量都好多，伴菜嘅小棠菜都好新鮮爽脆。4）飲品：凍椰果蜂蜜檸檬（少甜）$24呢杯喺咁熱嘅天氣飲，夠解渴，夠清甜，同今晚嘅嘢食好夾呢間舖面店舖面積雖然好似好細，但係人手足夠，你一叫落單，就即刻有人黎接單，好快手