老厝邊

營業中

休息中

呢間小小台式店食物份量唔算大，價錢又相宜。最啱 Lunch ／Tea-time嚟食，每樣少少少少，同朋友share，都幾啱我胃口。環境唔算大，坐得會有少少迫，但都ok嘅。好呷炸物拼盤 $52有粟米仔，青豆，甜不辣佢炸得唔算油膩。粟米仔同青豆都好爽口。甜不辣彈牙，有啲椒鹽味，幾好食。超濃芋泥蛋餅 $44濃濃芋泥，好似有啲芝士夾埋係入面。軟綿綿，好正！呢個都幾推介你食吓！蛋餅皮厚度適中，唔會食到成口粉嘅感覺。大腸麵線（小）$36好似麵糊咁。大腸份量適中，唔會話啲份量好少。

午市一點去到，食完到走都座無虛席。食完之後證明真係有料👍 《起司肉鬆蛋餅$40》 食台灣菜必點！呢間係食過最好食嘅 ！飽滿肉鬆芝士不特止，配合秘製蒜香醬汁，炒姣痴！！ 同事都忍唔住講一句「呢個蛋餅簡直驚為天人！」 《半筋半肉麵$78》 牛筋多到半碗都係，切到細細塊炆得好腍。平民花膠充滿骨膠原，牛展紅蘿蔔入味。仲有微辣酸菜好開胃😋 《藥燉排骨湯米粉$65》 呢個湯反而清啲，淡淡的藥膳味。排骨淆到骨肉分離入曬味。 冇午市套餐，野飲要另外買。埋單時出了點小意外，但店員繁忙中都盡力幫忙，很友善呢💗 注意只收現金 💫

🇭🇰老厝邊 ·呢間我之前已經食過佢大角咀分店 印象中野食都唔錯 今次做運動之前黎銅鑼灣呢間覺得幾有驚喜😈·滷肉飯(小)$36 l 海陸炸物拼盤$82佢個滷肉飯雖然偏肥少少 但係調味好適中 唔會太鹹之餘好送飯 我自己幾中意🍘之後佢個炸物拼盤相當唔錯 佢全部都係即炸既 而且炸皮唔會太厚😎我自己就特別中意佢個花枝丸同甜不辣 佢呢兩個口感都好好🐟之後魷魚都完全唔會韌 鹹酥雞 四季豆同粟米筍都可以🤓🤓·#rbyeat#rby台灣菜#rby銅鑼灣 #rby大角咀 #rby荃灣·📍銅鑼灣渣甸街36號地舖📍大角咀埃華街92號地舖📍荃灣大壩街25號地舖

👍🏻薯餅起司蛋餅👍🏻柳丁綠茶👍🏻百香紅茶👌🏻眷村牛肉麵👌🏻滷肉飯👌🏻炸甜不辣👎🏻經典滷味拼盤 (好鹹)總結: 很口渴，一定要嗌嘢飲，確幸嘅係嘢飲幾好飲！價錢合理！好食程度:🌝🌚🌚🌚🌚/5回頭度: 🌛🌚🌚🌚🌚/5推薦: 柳丁綠茶同百香綠茶不錯，推介大家試呢間嘅嘢飲，本人覺得好飲過某啲手搖店。P.S: 第一次寫OpenRice食評，因為見呢間餐廳太多好評，唔想大家俾人呃。

難得同老公有個We Time 晚餐時間，係銅鑼灣行咗陣然後就四圍搵好吃的💜去咗銅鑼灣其中一條食街「渣甸街」見到一間外在裝入懷舊，店名仲帶點味道😀😀就好好奇咁衝咗去睇睇Menu ，原來係間台式餐廳呀！一向好喜歡台式料理嘅我哋都意見一致決定揀佢💛💛內裏裝修都充滿台灣懷舊氣息，令人好想去台灣夜市走走了🥹🥹下單係手填形式，雖然只有一張紙，但我已經選擇困難發作了🥲🥲樣樣都好想試呀！！眾多選擇入面終於揀好喇（好多想試既都要留下次再來）（必選）滷肉飯（細）🍚滷肉唔會係得啲細細粒嘅肉碎而且味道又濃，食得出係用咗很多的時間烹煮而成。而且能夠吃得到每粒滷肉的口感，真係不得不給個讚👍🏻👍🏻👍🏻大腸麵線🍜係我以前一向好愛嘅麵線之一，但之後一直都好難搵到啱吃的口感和味道，所以都好有一段時間無食了🥹今次膽粗粗叫來試一試，一嚟又可以細碗啲，吃多幾款💛🫶🏻好彩，我吃得返我記憶中的味道呀🥹唔會係好似食碗仔翅咁嘅口感一pat pat ⋯⋯仲吃得到佢湯入面有加有乾蔥碎，味道口感同層次都很豐富！大腸亦都有入味，係可以吃下全碗而不覺膩😊另外一樣必試*！！就係佢個蛋餅喇！！我哋叫咗佢招牌嘅起司肉鬆蛋🫔真係好好食呀！餡料豐富，芝士

總店位於大角咀嘅「老厝邊」 ，有兩間分店分別位於新界及港島區。今次我去嘅銅鑼灣分店，地點位於食肆林立嘅渣甸街，門口招牌有「台灣的古早味」呢幾個字，好容易搵到。食物種類以一間咁細嘅食店嚟講選擇算係多㗎啦。台式牛肉麵、便當、小食、蛋餅等。當然唔少得特色台式飲品啦！▫️塔香鹹香酥雞(HKD40) - 台灣經典夜市小食，雞件鹹香味十足，新鮮炸起嘅雞件夠香口，係店內人氣美食之一。▫️甜酸糖醋雞便當(HKD68) - 好大碗飯🤣糖醋雞大大粒，味道甜多過酸👍🏻除咗糖醋雞仲有粉絲、滷水蛋做拌菜。▫️起司肉鬆蛋餅 (HKD40) - 好多人推介呢度嘅蛋餅，冇理由唔試嘅。蛋餅皮薄但唔會一夾就散。裡面嘅餡料都算多，芝士仲有拉絲效果添。▫️麻醬雞肉涼麵 (HKD52) - 喺點餐紙見到係「新品」就試吓。夏天食涼麵仲要係配麻醬真係夠晒爽。▫️經典珍珠鮮奶茶 (HKD25) - 我每次食台灣嘢都會飲番杯珍珠奶茶。珍珠好有嚼勁，奶茶甜度可選微糖或少糖。⭐️只收現金

Happy Friday又黎食我最愛嘅台灣野啦🥳黎到發覺係間人龍店 好期待😌⭕️ 半筋半肉麵好大碗 材料份量比得好足除左有一大舊蘿蔔 仲有4-5舊牛筋/肉麵條比較幼身 索湯 筋同肉好入味之餘仲炆到好淋👍🏻⭕️ 好呷炸物拼盤🔹炸花枝丸🔹甜不辣🔹四季豆🔹玉米荀小食炸到好香口😍最有驚喜係甜不辣 大大條 煙煙韌韌食到上哂癮 停唔到花枝丸幾彈牙 仲切埋半 一啖一粒😋⭕️ 超濃芋泥蛋餅人氣之選🔥 兩條蛋餅切開六舊每件fill滿芋泥 爆哂餡😋仲有芝士拉絲🧀入口好重蛋香 同啖啖香濃芋泥 真材實料👍🏻⭕️ 綿密芋頭鮮奶好有驚喜😳嘅飲品睇落看似平平無奇嘅鮮奶一飲之下 原來啖啖都夾雜住細細粒嘅芋頭碎仲係好soft 真係好綿密果種🫶🏻兩者混為一體 好融合好夾👏🏻埋單都只係$206 真係好抵食🫶🏻

老厝邊有三間分店，以前食過荃灣分店嘅便當，唔錯吃，今次去銅鑼灣分店試其他嘢食。*酸甜番茄雞肉涼麵 $52新品但也太奇怪了吧！番茄汁水味極重，幾乎無味，雞肉同樣無味。唯一可取係涼麵麵質夠韌。家常滷味拼盤 $48滷水味淡，但面頭嘅豉油醬汁偏鹹。滷蛋一開四，豆乾有豆香，海帶好索醬汁，重口味必選。超濃芋泥起司蛋餅 $44粉漿蛋餅Q軟偏腍，唔夠韌。餡料係爆漿芋泥+拉絲芝士，足料好食，要趁熱食。塔香鹹酥雞 $40熱辣辣，外脆內juicy，肉質嫩滑，好好食！但九層塔冇任何加乘效果。蜂蜜柚子烏龍 $26柚子味重，微甜都甜甜哋，烏龍茶唔澀，真係幾好飲。*蜂蜜檸檬愛玉 $24就算有蜂蜜，檸檬也頗酸耶，愛玉份量亦唔多。

於渣甸街覓食, 見小店賣的是台灣古早味, 價格相宜, 便入內光顧。雖然粉麵飯和小食每款也很吸引, 但基於不是太餓, 只點了小的大腸麵線和塔香鹹酥雞。1) 大腸麵線 (小) $362) 塔香鹹酥雞 $40大腸麵線點了小的, 因點了一款小食, 份量剛好。大腸麵線湯底味似碗仔翅, 湯羮稠密掛滿麵線, 大腸軟腍, 數量以小碗來說算多, 是久違了的台灣味道。塔香鹹酥雞熱辣辣的, 肉質不柴, 香脆而不過鹹, 份量不少, 約有10件, 適合與友分享。

朋友啱啱去完台灣返嚟同我聚會，約左向響銅鑼灣食我就提議不如食返台灣嘢😆諗起呢間之前試過其他分店嘅老厝邊，12:30嚟到門口已經有人排緊隊，好彩流轉得快，好快就可以入去❤️我哋叫咗三個食物share嚟食，包括招牌三寶麵，紅糟肉便當，同台灣菜必食嘅招牌肉鬆蛋餅❤️紅糟肉便當非常香口，表面炸到卜卜趣，內裏肉質嫩滑👍🏻招牌三寶面有牛肚牛筋同牛腱肉，首先個湯底係揀咗紅燒，好有台灣原汁原味嘅感覺👍🏻牛肉嘅份量好足夠，麵既粗幼適中，係最適合及湯底嘅麵質小食方面，必選嘅起司肉鬆蛋餅非常好食，新鮮煎起，肉鬆芝士份量毫不吝嗇，自己一個食哂都可以😌銅鑼灣來講呢間餐廳真係性價比非常高，人均都係平均$100左右，質素見到各個分店都控制得好好，係嚟銅鑼灣想食台灣菜嘅不二之選🫶🏻

來自台灣的古早風味，大師級傑作，每一樣都係心機野，有d味道你未必咁易搵得到，但憑住我對追求好奇既毅力，無野我係食唔到的。👇🏻📌牛 肉 麵 - ▪️ 眷 村 牛 肉 麵 - $70▫️ 要吃麵麻，一定要點這個「眷村牛肉麵」，台灣牛肉其實係牛𦟌位，食落肉質相當軟腍，加上湯底熬左好長時間，所以牛𦟌吸收哂湯汁精華，味道相當濃香，湯底我就加左麻辣，份外惹味；除左牛𦟌，配菜仲有一大舊蘿蔔、白菜，仲有一匙酸菜，都係一種特色；而麵條我都比好高分，質感係粗身D，食落好彈牙，好有咬口。📌珍 珠 系 列 -▪️ 經 典 珍 珠 鮮 奶 茶 - $25▫️ 沒有奶茶又怎麼可能當台灣菜呢？呢杯「經典珍珠鮮奶茶」，話明經典一定係著重茶香，我覺得飲落奶比例唔會搶左茶味，加上珍珠粒粒Q彈，無果種好韌既感覺，高質！

講起台灣美食，銅鑼灣嘅老厝邊絕對係一個必去嘅地方！呢間餐廳位於銅鑼灣，地點超方便！老厝邊嘅半筋半肉牛肉麵真係一絕！牛肉厚切，煮得剛剛好，牛筋又夠軟，湯底濃郁醇厚，真係令人回味無窮🍲仲有薯餅蛋餅，配搭十分有趣，外脆內軟，蛋香同薯餅嘅口感絕配，估唔到咁好食😋另外鹽酥雞都係必食之一，外皮炸得酥脆，但又唔會太多粉漿，內裏嘅肉質鮮嫩多汁，每一口都係一道香氣四溢嘅美味👍🏻食完嘢之後，一定要試下老厝邊嘅招牌飲品！蜂蜜檸檬愛玉真係一道超級解渴嘅飲品！檸檬嘅酸甜同蜂蜜嘅滋味，搭配上凍愛玉，真係涼爽又爽口！最後，冬瓜茶係我一定要推介嘅飲品之一！清涼嘅冬瓜茶，解膩又消暑，真係一杯令人心曠神怡嘅飲品！🍹

超司肉鬆蛋餅賣相：🐧🐧🐧🐧味道：🐧🐧🐧🐧🐧蛋餅餅皮經用心香煎，外層焦脆可口，內裡保持軟熟柔嫩，散發著淡淡的蛋味，非常出色。蛋餅內餡填滿了鬆脆鹹香的肉鬆，和濃郁惹味的半溶芝士，再沾上特製醬汁一起食用，滋味濃厚又邪惡。蜂蜜柚子烏龍❣️加椰果🥥 愛玉🍮 賣相：🐧🐧🐧🐧🐧味道：🐧🐧🐧🐧🐧飲品採用自家製透明杯包裝，杯身設計獨特用心，風味十足。飲料以烏龍茶作基底，再加入蜂蜜和柚子作調味。飲落除了沈穩的茶香，兼備蜂蜜的甘甜和柚子的酸香，清新又解膩，配搭香口小食必點👍 額外加了清爽煙韌的椰果和嫩口滑溜的愛玉，令飲料更添口感。🐧❣️客人可按個人喜好挑選飲品的甜度和冰量，十分貼心❣️環境：🐧🐧🐧🐧🐧餐廳以懷舊台灣風設計，採用復古味濃厚的泥磚牆配搭舊式木系桌椅，四處以古色古香的畫作和燈飾作點綴，氣氛十足值得打卡。🐧❤️結語：台式小食飲料古早風味濃厚，值得一試。

再次到訪呢間古早風正宗台式料理餐廳🍴每次食都俾佢地嘅用心吸引到✨因為不但keep到食物質素水準而且仲不斷添加新菜單餐點🥘抵讚👍🏻午市晚市去都座無虛席 大家就知好食喇😎🐮招牌牛三寶麵 $86牛三寶有紅燒湯/麻辣湯/蔥油乾拌/麻辣乾拌選擇我揀咗經典紅燒湯湯底 夠濃厚又甜 但唔係味精👍🏻👍🏻👍🏻牛肉/牛腩口感鮮嫩🥰牛筋整得超稔 入口即溶 充滿骨膠原 麵條幼身幾掛湯🤤🤤🐷滷肉飯(小) $36滷肉肥瘦適中 肉質鮮嫩😊加咗冬菇粒更有層次味道熱騰騰飯粒 配搭較濃味滷肉最鍾意佢滷肉粒同汁都好足 撈飯一流😉🥔🧀薯餅芝士蛋餅 $38即做即煎 成塊薯餅喺入面 蛋漿/蔥等餡料比例幾好😎爆晒芝士仲要係拉到絲🤤內層薄薄雞蛋+奶香芝士🫕另上嘅醬汁有好濃嘅蒜香醬油味 惹味又過癮😋😋🐔海陸鹽酥雞拼盤 $82一碟拼盤有齊鹽酥雞+四季豆+甜不辣+花枝丸最愛炸皮超薄又夠煙韌嘅甜不辣愈食愈好味 愈嚼愈甜好正😊鹽酥雞咬落爆汁又嫩滑 調味剛剛好估唔到會有豆食 但加埋椒鹽都幾滋味 花枝丸正常發揮 外皮小脆🤪🤪🍹🥭柚子芒果冰沙 $32一款清涼爽口嘅飲品結合咗柚子+芒果嘅新鮮水果味道柚子帶來一種酸爽口感 清新宜人芒果就有濃郁甜味及香氣😊

台灣菜位列我最喜愛嘅菜式嘅頭幾位每次食台灣餐廳都睇好耐menu 主菜小食飲品全部都好啱我口味 全部都想要🍜不過我慣左第一次試就一定食個牛肉麵 e間嘅紅燒半筋半肉牛肉麵 湯底夠濃 少少辣 肉同麵嘅份量都多 採用吸湯力較強嘅幼麵🍚滷排骨便當 超級大份仲要好厚肉 酥炸滷過嘅排骨 酥脆口咸同鹹香滷水味道嘅雙重享受除左大大份排骨 仲有好多萵荀同西蘭花 有菜有肉 營養好均衡🧀食台灣野又點可以漏左台灣名物蛋餅呢~拉絲🧀肉鬆蛋餅 好足料🥤最後飲番杯冬瓜鮮奶 甜一甜番作結 就最perfect~食到抱住個肚仔走😇大滿足~