老厝邊 (已結業)

話說有次係大角嘴個邊諗住搵台灣野食，見到大家耳熟能詳嘅那個排大隊，趕時間嘅我唯有試下附近呢間老厝邊，係間古早味台灣菜，裡面裝修都好有復古嘅風味🇹🇼-起司肉鬆蛋餅 $38真係超拉絲！芝士極多極邪惡，蛋餅軟中帶少少韌嘅口感，食落滿口都係芝士同肉鬆🥳-凍未條炸雞皮 呢個真係十級推介！👍🏻個雞皮勁勁勁酥脆，而且好大塊，上面有d椒鹽之類嘅調味料，好鬼香口冒住生暗瘡嘅風險都要試🤩-豪豪雙醬麵 $50即係麻醬➕炸醬拌麵，味道偏鹹，呢個主食反而冇咩特別，嗌唔嗌都得。-青蛙撞奶 $25個名好得意！抱住好奇心態去嗌，原來即係黑糖加奶，而青蛙🐸即係裡面嘅珍珠haha，味道唔輸出面嘅珍珠奶茶，甜度啱啱好。

27/5/22到訪呢間唔尊重、唔好食、可以唔使試嘅餐廳用餐至09:45 pm ，餐廳突然間將音響推到最大聲，然後接下來嘅幾首歌（直至走嘅時候）完全冇調低個音量。基本上係唔會聽到對面朋友講嘅嘢添。剩低嘅食客其實全部都好辛苦，但都想食埋啲嘢㗎。2分鐘內，三個樓面店員輪流過嚟同每台客人講10點收 （當其餘店員其實早已見到佢哋過咗嚟通知我哋。其實友人同我已經盡快想吃完食物。店員嘅態度一直想以大聲播歌，可早於10點收舖。咁點解唔早啲截單（現時9:30截單）咁客人咪早啲食完早啲走囉。一件事可以話巧合奇怪，加埋就係擺到明唔尊重。從未見過一間餐廳咁可笑，而且極唔尊重食客。 奉勸街坊朋友唔好試令自己難受。附圖證明真係有到訪。

心心念念嘅蛋餅 又真係幾好食 因為呢間店先知「厝」讀音係「醋」台語係指老鄰居咁解👻💜超濃芋泥起司蛋餅💰HKD40（Rating：8/10）滿滿芋泥 微甜有芋香 冇我怕的奶油味😍蛋餅本身係煙韌type 喜歡！如果芝士可以多啲就更好 不過呢個比例食落冇咁膩口 肉鬆純粹增添點鹹味 整體都滿意✨🍚紅蔥油雞肉飯💰HKD35（Rating：7.2/10）以為會係手撕雞咁嗰種台灣雞肉飯 點知係一件件🤣雞肉味道正常 似花雕醉雞冇花雕版本 冇乜汁 成個飯略淡 呢個價錢會期望佢可能有多少少配菜🍶花雕醉雞💰HKD43（Rating：7.5/10）七至八件 花雕味突出 鍾意雞件唔會好多脂肪黐住 啱唔鍾意食肥肉嘅人 肉都嫩滑 合乎期望🍜招牌牛三寶麵💰HKD82（N.A.）朋友嘅麵 係餐廳另一招牌 勁大碗 聽聞啲牛都幾好食 不過麵質太淋 有改善空間🤨幸運地週末等一張枱就入到 附近「那個」排隊排到轉彎 好彩冇乜興趣食台式炸物🤣

我和朋友一起去呢間位於大角咀的台灣餐廳食下午茶，下午三點左右不太多人，不需要等位！我哋嗌左幾款小食有香酥鹽酥雞、滷肉飯、起司肉鬆蛋餅，飲品就叫左1杯蜂蜜檸檬愛玉和1杯珍珠奶茶！滷肉飯的味道適中，不會偏咸，滷肉的份量略嫌少，鹽酥雞炸得好香口，肉質鮮嫩多汁！好食😋起司肉鬆蛋餅，𥚃面的肉鬆都幾多，加埋芝士都唔會好膩，食物方面的質素都幾好！但飲品就一般啦，珍珠奶茶的珍珠偏硬，好難咬開…蜂蜜檸檬愛玉味道就正正常常，唔會太甜！

前排介紹嘅「哪個」唔知大家試咗未呢？原來喺同一條街都有第二間台灣小店！店內嘅佈置充滿咗台灣傳統風味嘅格調😜而且咁啱冇咩人排隊就入咗去試吓啦！🥘 真心滷肉便當 $55滷肉飯係小妹嘅最愛😆 肉碎肥瘦適中，份量都幾足豬油幾香亦唔會有黏膩嘅感覺配上粉絲、豆腐、芽菜同半隻蛋雖然配料味道一般但平衡咗油膩感！（如果係滷水蛋就好啦😪）但整體來講都算唔錯！ 🍗 香香酥炸雞排便當 $62一嚟到見到個份量超級大😱！炸雞扒霸晒差唔多成碗飯就咁睇賣相已經贏晒好多其他台灣嘅小店🤣 雞肉嫩滑juicy，炸皮厚度適中外脆內軟，做到台灣炸雞扒嘅水準😋 個飯好大碗，一個女仔唔會食得晒🤣 比起滷肉飯加多$7就有咁大塊炸雞扒性價比都真係幾高🤪可惜太飽試唔到其他小食😥聽講佢哋嘅芝士蛋餅好正🧀如果大家試過嘅記得同小妹講好唔好食～ ⭐️ CP值：🐘🐘🐘🐘⭐️ 打卡able：🐘🐘🐘⭐️ 舒適度：🐘🐘🐘⭐️ 再食指數：🐘🐘🐘🐘（5 星為滿分）其他分店：1️⃣ 荃灣大壩街25號地舖

我叫了一碗細滷肉飯，起司肉鬆蛋餅和大腸麵線，價錢便宜又好吃。滷肉飯的肥瘦比例剛好，不全是肥肉。吃到中間，嘴巴好像會粘著。好食！不過吃到最後有點膩。如果有朋友一起分享會比較好。起司肉鬆蛋餅 好誇張會拉絲，醬料一定要點，可以減膩，下次我會想試下其他味道蛋餅大腸麵線 放了好多蒜，食完滿口是蒜味大腸不臭，冧！雖然係細碗，但分量都夠。

星期六中午特登喺佢一開舖食，想試佢芋泥蛋餅好耐啦叫咗牛肉麵，芋泥蛋餅，鹽酥雞同一杯珍奶，2個人分。原本仲想試佢大腸麵線但驚食唔曬。牛肉麵幾好食，牛肉大塊好厚，我諗有1.5 cm都有三四塊，麵質都好食有咬口，係個湯略嫌淡不少少,可以濃啲啲，不過好睇個人口味，可能我重口味啫😂蛋餅就好好食有滿滿嘅芋泥！！！滿足滿足鹽酥雞就好香脆，但係略嫌少咗啲，都要38，得圖片所示咁多～珍奶就奶精，可以唔使喺度飲，叫多個蛋餅好過～所以總結整體系中等評價～因為得芋泥蛋餅係會令我想回頭，其他都不過不失

好！耐！無！出！街！食！去左埃華街搵食可能太耐無過嚟呢邊好似多咗好多小店❤️一落車見到台灣嘢好想食滷肉飯就入咗去播嘅歌啱聽嘢食又啱食夾埋啲裝修好似去咗一轉台灣❤️強烈推薦❤️❤️❤️個menu 都幾吸引好多嘢都想叫嚟試1️⃣芝士肉鬆蛋餅芝士係拉到絲肉鬆都好足料2️⃣滷肉飯啲滷肉係醃到入哂味叫咗個細飯但係portion 都好夠女仔食飽（所以千祈唔使叫大size, 留quota 食小食）3️⃣炸魷魚鬚夠乾身香脆4️⃣古早味滷排骨便當份量夠兩個人食排骨滷到入哂味先去炸鬆化唔韌5️⃣珍珠奶茶都好好飲無假糖味❤️

事原琴晚突然好想食芋泥，所以今日去咗老厝邊 食午餐🥣 去到唔算多人，但食到一半就坐滿咗😝 菜式款式飲品選擇都好多👍🏻古早味滷排骨 $65排骨夠大塊，味道偏鹹，但配飯一齊食，味道不錯👌 配菜有椰菜、粉絲同埋滷水蛋，味道平均😜超濃芋泥蛋餅 $40超多芋泥👍🏻，超濃芝士味👍🏻，蛋餅厚度剛剛好🤗 雖然感覺好evil, 但點都想食哂佢😋冬瓜茶 $18味道剛好，非常解渴，飲落好舒服😌 唔似平時用糖磚開的味道😊

據上次去咗大角咀試咗個痴L線咁大嘅排骨便當之後，一直都想再去返嗰間再回味一吓。但喺一切都正常返之後(冇全民檢測)，人龍都恢復返以前一樣多人。當日唔想排隊嘅我，就去到呢間同樣有便當嘅台式小店。老厝邊呢個名係指台語嘅「老鄰居：lāu-tshù-pinn」。餐廳有荃灣/大角咀分店，兩者都係以台式懷舊風為主。荃灣店以淺藍色嘅清新風格為主，而大角咀店嘅格局就偏向灰暗。 一入到去見到天花掛滿懷舊玩具嘅海報，牆上就有D睇唔明嘅油畫同假窗口，盡頭嘅水吧更突顯街外屋子小攤嘅風格。但始終我都係鐘意荃灣店tiffany blue顏色嘅明亮環境。 餐牌就同一般台灣菜咁有好多樣野揀，欣賞餐廳有將食物分類，唔洗睇到頭都爆。食物算好齊全架啦，詳細可以睇相，講唔哂。平日有午市套餐(飲品減$10)同下午茶餐。 香滷排骨便當$65 排唔到隊去食排骨便當都要去第二度食！賣相絕對唔差，排骨嘅size係正常地大，係一般人都可以食得哂嘅份量，性價比都算係唔錯。另外，店舖門口有個黑板會寫住當日嘅便當會有D咩配菜，睇定啱唔啱食先啊。 通常便當上嘅滷排骨都係指炸完再浸入滷汁嗰隻。外皮裹上木薯粉令佢有一粒粒嘅脆皮，炸嘅時間恰當，酥脆誘人

好耐之前已經見唔少人介紹呢間位於大角咀既台式餐廳！今日終於有機會黎到試下！內裏裝修都充滿濃厚既台灣風格,食物價錢唔算好貴.九層塔蛋抓餅蛋餅應該係台灣小食中我最鍾意既小食之一,最鍾意蛋餅味份酥脆又帶點煙韌既口感.入口除左蛋香外亦帶住一陣陣好香既九層塔獨特既香氣令整份蛋餅味道提香.手抓餅帶一陣油酥香得黎又唔會過份油膩.好呷炸物拼盤炸物拼盤內一共有4款配料,花枝丸,甜不辣,四季豆玉米筍.一份炸物拼盤份量好多,一定足夠比2個人share食！炸物唔會炸得過份油膩,花枝丸彈牙而且內裏帶少少花枝肉令口感更爽脆彈牙.甜不辣煙煙韌韌好有咬口.配上四季豆同玉米筍感覺就無咁膩.經典珍珠奶茶奶茶既茶底唔會好淡都幾香而且入口香滑,珍珠Q韌彈牙,內外同樣彈牙.仙草凍鮮奶鮮奶味好香,帶住淡淡仙草甜味.仙草滑嫩份量仲好多！好滿足.

經過大角咀見到呢間舖名咁得意😎原來係讀老厝邊，台語意思係老鄰居咁解，咁就一於去緬懷一下台灣美食啦😆😆大腸麵線好地道既大腸麵線，一上就聞到好香😍同台灣既味道簡直一樣，滿滿既蒜味好惹味😋大腸肥美得黎又入味，好似去左轉台灣旅行咁☺️☺️滷肉乾拌麵滷肉好軟腍，最正既係上面仲有啲肥肉痴住🥰🥰食落好香口，而拌麵都幾彈牙😉起司肉鬆蛋餅一見到就已經流哂口水🤤蛋餅煎得好香，配上肉鬆同芝士，簡直絕配😋😋一夾起入面既芝士拉絲拉到好長，而且食落勁多肉鬆，再加埋佢個醬汁，味道鹹鹹香香咁好好味，必試👍🏻👍🏻👍🏻炸甜不辣香港好少有，而我每次都必點😊試下同台灣同唔同，佢地既甜不辣食落煙煙韌韌咁，好有口感仲帶點咸香，好有台灣夜巿風味🤩🤩蜂蜜檸檬愛玉入口好清新，蜂蜜中和左檸檬既酸味，配埋滑嘟嘟既愛玉，好消暑☺️愛玉芒果綠茶採用左百份百果汁，超香芒果味，再配上愛玉，更加有口感🥰🥰

✨玉米起司蛋餅蛋餅 外層蛋餅皮厚薄適中煎得香口 粟米香甜配埋邪惡拉絲芝士 簡單好味但如果芝士味再突出啲會更正✨眷村紅燒牛筋牛肉麵上枱時有啲比佢嘅份量嚇親 超大碗 足夠兩個人分享 湯底唔算好濃厚 幼麵爽彈 蘿蔔清甜牛筋 有五至六件 夠入味 口感腍滑質感係呈啫喱狀滑嘟嘟嗰種牛肉 有三大塊 厚切 口感軟腍又帶啲咬口✨塔香鹹酥雞下午茶份量 比我想像中多鹹酥雞 外脆內軟 仲有少少肉汁✨花雕醉雞一樣係嚇人嘅份量 有八大件厚切雞捲雞件 好厚肉肉質結實帶爽 入味 味道唔會好濃 藥材味道好突出 花雕味比較薄弱 45蚊黎講幾抵食✨蜂蜜檸檬愛玉味道酸酸甜甜 愛玉爽滑 幾清爽好啱而家嘅天氣飲✨古早味冬瓜茶冬瓜茶 味道清香 唔太甜食物可以 份量十足環境裝修擺設好有特色 座位都算闊落坐得舒服服務唔錯 價錢合理 幾抵食食咁多嘢都係二百蚊多啲啲名副其實 抵食夾大件

🌸荃灣台式治癒茶室🌸老厝邊🍱荃灣有各式各樣的美食，想品嚐台式古早風料理，因此今天我便相約好友到了荃灣一間台式古早風精緻茶室-「 老厝邊」品嚐是日午餐❗餐廳裝修精美，呈台灣文青及復古茶室風格，座位舒適，店員殷勤有禮，會細心替客人介紹餐點及下單。我們一行2人惠顧了以下菜式：1️⃣🌟香噴噴炸雞排便當 $66這是一款即叫即炸的超大香噴噴雞排便當，雞排份量十足！雞腿外皮非常黃金香酥，雞肉嫩滑多汁，是台灣正宗風味！鹹度適中，而便當還有清新蘿蔔、爽口萵荀片、芽菜及滷水蛋作配菜，組合豐富，配合粒粒淋上滷肉汁的台式珍珠香飯，十分滋味。2️⃣🌟酥炸排骨便當 $63酥炸排骨同樣是即叫即炸，份量十足，非常大塊，排骨外層同樣炸得黃金香酥，肉排肉質鮮嫩有肉味，同樣配合豐盛配菜，送飯一流！十分惹味❗️3️⃣🌟大腸麵線（大） $40大腸麵線有豐盛大腸，大腸質感軟淋，絲毫沒有腥味，而麵線亦相當嫩滑，是正宗台式的風味❗4️⃣🌟三寶奶茶 $30三寶奶茶配有三款配料，包括仙草、紅豆及珍珠，奶茶香滑，甜而𣎴漏，充滿香濃奶味，而仙草質地Q彈爽口，粒粒紅豆清新香甜，而珍珠亦相當彈牙，配搭豐盛，十分滋味❗️🔖整體評分美味指數：⭕⭕⭕⭕️⭕️賣相指數：⭕⭕⭕

這間位於大角咀的古早風台灣小店，從門口到店內裝潢都像五、六十年代的老台灣風味。門口掛著老厝邊三個字，在台語解「老鄰居」的意思。小店提供麵食、便當、小吃、台式飲品等，選擇算豐富！🦋眷村紅燒半筋半肉麵 $75牛筋、牛展及麵的份量都相當多，食量較少的女生們，建議可以跟朋友分享，留肚多試其他小吃。牛筋軟滑，牛展入味，湯底香濃不油膩，酸菜味道也剛剛好，不會太鹹，影響整體味道。🦋超濃芋泥蛋餅 $40芋泥口感綿滑細緻，芝士拉絲好治癒，蛋餅不會太厚，中間夾著鹹香的肉鬆，整體配搭味道好夾。🦋香炸魷魚鬚 $35超邪惡之選，魷魚鬚炸粉不會太厚，口感彈牙有嚼勁，略嫌帶少少油膩感。🦋愛玉芒果綠茶 $28甜度及冰量也可以自選，芒果味道自然，小編🐰選了微甜少冰也不覺太酸，清新解喝又解油膩感。🦋經典珍珠奶茶 $25茶味突出，奶跟茶的比例不俗，珍珠大小剛剛好，且有咬口。