老厝邊 (已結業)

話說有次係大角嘴個邊諗住搵台灣野食，見到大家耳熟能詳嘅那個排大隊，趕時間嘅我唯有試下附近呢間老厝邊，係間古早味台灣菜，裡面裝修都好有復古嘅風味🇹🇼-起司肉鬆蛋餅 $38真係超拉絲！芝士極多極邪惡，蛋餅軟中帶少少韌嘅口感，食落滿口都係芝士同肉鬆🥳-凍未條炸雞皮 呢個真係十級推介！👍🏻個雞皮勁勁勁酥脆，而且好大塊，上面有d椒鹽之類嘅調味料，好鬼香口冒住生暗瘡嘅風險都要試🤩-豪豪雙醬麵 $50即係麻醬➕炸醬拌麵，味道偏鹹，呢個主食反而冇咩特別，嗌唔嗌都得。-青蛙撞奶 $25個名好得意！抱住好奇心態去嗌，原來即係黑糖加奶，而青蛙🐸即係裡面嘅珍珠haha，味道唔輸出面嘅珍珠奶茶，甜度啱啱好。