老厝邊 (已結業)

老厝邊大角咀埃華街92號地下今日突然好想食台灣野，網上見到大角咀開左呢間台灣野想試好耐，決定入去試下，一去到環境唔算大，但好彩坐落既時候都幾舒服，而且餐廳裝修得幾靚，打卡簡直一流！塔香鹹酥雞 鹽酥雞應該係即叫即炸，食落既時候超級香口，而且個調味都調到岩岩好，唔會咸到好誇張，而且份量又多，性價比高！古早味紅糟肉望落個名會有少少奇怪，但上菜既時候見到又幾特別，外型有少少似炸豬扒，炸到好鬆脆可口，咸咸地幾好味。超濃芋泥起司蛋餅我一直覺得芋泥好甜，但今次芋泥調味恰到好處！！唔會太甜而且都算幾重芋泥味，另外，肉鬆蛋餅拉絲芝士份量十足，食到無停口。眷村牛筋麵 牛筋大大舊整得重要好淋，完全唔韌，而且D配料好充足，湯底夠濃，麵條好煙韌，唔錯，非常美味！麻辣伴香錢肚絲作為前菜真係好開胃啊，香香辣辣咁，食落好彈牙，而且側d配菜都幾多。

網上睇到呢間店，聽人講到好好食咁款，就來試下，結果超級令人失望。首先，店員服務完全唔得，落單嗰陣叫左幾聲都冇人應，要大叫先有個店員西住面咁走埋來，粒聲唔出拎走張餐單，比帳單都係西住面，態度十分惡劣。第二，食物味道亦令人大所失望，味道一般，比我之前食過嘅所有台灣菜味道更差，茄子油多過菜，滷蛋過乾，西蘭花d芡汁另個菜變劣食，滷肉飯更係失敗中的失敗，食左幾啖已經食唔落。總結而言，呢間餐廳不可一，不可再。以後唔會再幫襯，同網上評價完全不符，十分失望！

超濃芋泥蛋餅 $38 👅9.5/10呢個係超級好食❗️，蛋餅入邊有超級多芝士同埋芋泥，🫶🏻芋泥甜甜地加埋芝士好夾，🤣一份有六塊大大嚿，🙈超級有飽足感!🫣至於佢側邊個汁，😅點嚟食就有少少一言難盡，總之就唔夾啦，😂大家可以放棄個汁。.眷村紅燒牛筋牛肉麵 $70 👅8/10牛肉麵湯汁偏甜，🐮牛肉牛筋都有好多，兩樣嘢都煮得好琳，🤣牛肉仲要超級厚身！味道都相當唔錯，CP值好高！😋.真心滷肉便當 $55 👅9/10🤣滷肉飯好正，食落好口好明顯嘅醬汁鹹香再帶少少甜味，打開啲肥肉成個口都係油脂嘅香味，😚幸福感滿滿～至於配菜方面就冇乜特別，😂如果唔係特別想食蔬菜嘅話，🤫其實可以就咁嗌一碗滷肉飯，小編食過就算係細碗份量都唔係好細，咁就會再抵食啲。🥳

🥚係啊蛋美真係好鍾意食蛋餅😻大角咀地道老台灣風古早味小店🇹🇼首試招牌超拉絲起司肉鬆/起司芋泥蛋餅🥺.呢間大角咀同荃灣都有分店亦都試過幾次🤍睇住佢不斷都進步想開翻個post😛依家先知「厝」讀「醋」，即係老鄰居、台灣人昔日珍而重之嘅鄰里關係🤍店鋪偏老台灣風格播住台灣經典歌📍除咗飯類小食之外蛋餅係招牌菜🥺今次就試足兩款人氣蛋餅🤤.1️⃣起司肉鬆蛋餅 (💰$38）蛋餅皮係好薄❣️呢款皮係我幾鍾意🥺薄薄地煎得有焦香味夠而且煙韌👍🏻餡料好重手🤩就咁望啲芝士都差啲漏出嚟❣️可惜食到邊邊冇曬餡😿不過個人真係麻麻地個醬😿點咗嘅話陣蒜蓉味會蓋過曬所有芝士肉鬆味🥹2️⃣超濃芋泥蛋餅 (💰$40）呢款味道嚟講幾豐富🥰芋泥夠綿密不太甜🤤中間仲有少少肉鬆🤍雖然芝士嘅份量好明顯多過芋泥肉鬆好多但個感覺係甜鹹得宜🫶🏻同埋拉絲嘅感覺真好😽不過略嫌少少油膩🫣當下午茶嘅感覺比較好～3️⃣珍珠鐵觀音奶茶(💰$25）微糖後茶味雖然淡但茶香都合格👍🏻珍珠普通🫣飲品真係冇話好鍾意🫣4️⃣蜂蜜檸檬愛玉(💰$24）呢個其實少失望😿明明微糖但個酸甜味都超濃😿飲咗兩啖都停咗.📍老厝邊 (大角咀)大角咀埃華街92號地下🤍.#蛋美在大角咁 #香港美食 #旺角美食

之前聽人介紹過呢間台灣菜，去開大角咀嗰邊終於試咗😋我哋係星期日1點左右去到，都要等4、5張枱，不過都算好快有得入👍🏻 等咗10分鐘左右。🍜滷肉乾拌麵 $38滷水汁太多，搞到個麵唔夠乾身，係好多油沾住啲麵咁😵‍💫 如果下次再去我會是滷肉飯🥔薯餅蛋餅 $30呢個好正😍 第一次見到有蛋餅夾薯餅喺入面，而且再加埋拉絲芝士～成件事好夾！推介！🐥塔香鹽酥雞 $38味道正常，啲雞肉唔乾$38嚟講都幾大份～有好多舊👍🏻👍🏻🧋麥香奶茶 $22叫咗少甜，清清地嘅麥味，我個人幾鍾意👍🏻👍🏻

餐廳內的裝修參考了台灣當地小檔和擺設，店內也不斷播放台灣歌曲🎼令我真的好像去了一趟台灣旅行 🧳酥炸排骨便當份量也挺多，排骨算是酥脆，但肉質有點硬。比較出色的是芋泥蛋餅，甜甜的芋泥夾雜芝士，可口但不會油膩👍🏻💲 酥炸排骨便當: $60💲 眷村紅燒牛肉麵: $65💲 超濃芋泥蛋餅 : $38💲 經典珍珠奶茶: $24💲 珍珠茉莉奶綠 $24

蔥油乾拌牛筋麵($45)所有麵食可以選擇紅燒/麻辣湯底、或者蔥油/麻辣乾拌. 我嗌左蔥油乾拌, 拌麵醬非常濃味, 每條麵都充份掛滿汁, 可能我食唔慣咁濃味所以覺得一般🙈餸方面有牛筋蘿白同小棠菜, 整體黎講份量合理, 下次再食我應該會要返紅燒湯底滷肉飯($40)Menu話大滷肉飯份量係細既1.3倍, 上枱都真係好大碗, 當午餐咁食既話一碗啱啱好. 滷肉同飯既比例合理, 唔會食哂滷肉仲有好多白飯淨超濃芋泥蛋餅($40)滿滿即芋泥係蛋餅中間湧出嚟, 視覺上已經好滿足😂芋泥真材實料同埋唔太甜, 配上點蛋餅既咸醬汁都唔會唔夾. 雖然芝士既存在感幾乎比芋泥完全沒殺, 但我覺得比起主食黎講蛋餅做得更加出色👍🏻😋

💚𝐑𝐚𝐭𝐢𝐧𝐠:𝟖.𝟓/𝟏𝟎•芋泥肉鬆芝士蛋餅超級好食💜✨is my all time favourite!!! 成個組合係偏甜好夾 但千其唔好點個醬 完全唔夾😂•大腸麵線係香港我暫時只係知呢到有大腸麵線•魯肉飯老厝邊 📍大角咀埃華街92號地下📍荃灣大壩街25號地舖

我是台灣人，也住附近，每次想吃台灣食物的時候總是想到老厝邊，昨天去外賣的時候覺得變難吃了，我點了滷排骨飯、滷肉飯、牛肉麵調味全部都不一樣了，覺得很難過…如果只是昨天品質不好，也就算了，很怕是換廚師或老闆以後吃不到原本的味道就少一間店了，希望可以幫我找回原本的味道！

朋友突然間好想食台灣菜，就諗起呢間之前食過一次既鋪頭。鋪頭面積唔算大，所以繁忙時間都有用餐時間限制。今次4個人用餐，所以都嗌得比較多野食，最鐘意就係炸甜不辣，因為香港唔係好多間台灣鋪頭會有炸呢個選項。另外佢個蛋餅同滷肉飯都相當出色，平時唔鐘意食肥膩野既我都好欣賞個滷肉飯，有肥肉得嚟亦唔會太油膩。之前食過呢到既芋泥蛋餅，今次就嗌咗起司肉鬆蛋餅，兩款都好好食，但相對嚟講芋泥就特別啲同滿足啲，下次應該會揀返芋泥。亦有各式各樣既台式飲品選擇，可以自己揀甜度同冰量。鋪頭既上菜時間亦都好快，唔會食晒某啲野但其他野都未到

香港實在有太多台灣美食啦，有比較就有傷害😂 其實整體質素唔係話難食但真係比較普通，我地就唔會再encore啦主菜我地叫咗大嘅滷肉飯 ($40) 同埋大腸麵線 ($40)。大滷肉飯味道正常，不過飯嘅比例同滷肉唔係好成正比，有啲似係個飯就加大左啦但係滷肉份量就冇變咁🤔 而大腸麵線一食落口嗰陣都仲係正正常常，不過食多幾啖就發現個芡完全未打勻，仲有一舊舊生粉喺入面真係搞唔惦☹️ 至於小食我哋就叫咗肉鬆皮蛋豆腐 ($38) 同埋鹽酥雞 ($38)。味道係好食過主菜嘅，鹽酥雞啱啱上枱熱辣辣外皮香脆仲有啖啖肉唔錯。肉鬆皮蛋豆腐都幾好食，豆腐夠哂滑加埋皮蛋同肉鬆嘅香味一齊食幾夾👍🏻飲品我哋就叫咗超級檸檬紅茶 ($24) 同埋冬瓜檸檬 ($23)，喺咁熱嘅天氣下飲下檸檬係幾消暑嘅🤩最後甜品我哋就叫咗超濃芋泥蛋餅($40)，芋頭味道濃郁，不過略嫌唔夠熱，始終食物唔夠熱嘅話點都係差啲啲🤏🏻

去到大角咀，見到呢間幾多人排隊，仲要標榜台灣嘅古早味菜式，咁耐冇得飛當然要試吓佢啦！我叫咗個台灣最傳統嘅紅燒牛肉麵，同埋芋泥蛋餅紅燒牛筋麵牛筋炆得夠林夠入味，麵質彈牙爽口，湯底都夠濃郁好食嘅芝士肉鬆蛋餅芝士肉鬆超多，而且蛋煎得好香，如果多幾個人嚟食嘅話，我應該會叫多份薯餅蛋餅，見隔籬枱都食得好滋味棉棉芋頭鮮奶作為一個芋頭控，連飲品都唔放過，芋泥都算多，不過佢嘅creamy 程度我覺得可以再濃郁啲，但係整體感覺係唔錯嘅

芋泥蛋餅不得不提嘅就係呢個芋泥蛋餅，真係好好食。 蛋餅煙韌唔厚， 裏面七成嘅空間都塞滿咗綿密嘅芋泥， 餘下嘅空間放左少少拉絲芝士同埋肉鬆。 芋泥好creamy，食落冇顆粒，亦都冇額外加糖， 食到芋頭嘅淡淡嘅清甜味。 肉鬆同埋芝士帶少少鹹香味，令到蛋餅嘅味道更為豐富。 呢個芋泥蛋餅算係我近幾年裏面食過最好食嘅蛋餅。眷村紅燒牛肉麵有左前面咁好食嘅芋泥蛋餅，我對依個牛肉麵嘅期待值自然都高啲，可惜佢令我失望啦。牛肉雖然好大塊，份量好足，但係入口又乾又柴，完全唔入味。牛肉湯偏淡，冇乜亮點可言。麵質食落好淋，但間中又咬到一兩個位有九好似未煮熟嘅粉，完全唔掂。

大角咀一向出名多美食，今日就黎到一間叫《老厝邊》既台灣菜食店。老厝邊其實係老鄰居既意思。從店中既裝潢，都會感受到一種舊台灣既親切感🫶🏻（好想飛🥲）［麻醬伴茄子］開胃既涼菜。微甜既麻醬伴口感剛好既茄子，好味。［麻辣牛筋麵］牛筋非常淋，份量又多。微辣既湯成有好濃郁既牛味，加上酸菜、超級入味既蘿蔔，而且麵條口感剛好，唔太硬或淋，整件事讚👍🏻［糖醋雞球便當］有豆腐、芽菜做伴菜，老實說，個賣相真係有點太平凡😂不過！個糖醋雞球係好食！酸甜度剛好，外層係脆卜卜，裡面雞班好滑同好夠熱，味道係good的👍🏻整體plating改善一下就更好［鳳梨多多冰沙］點左少糖（60%），覺得好好飲！好重鳳梨味，酸酸甜甜，消暑醒胃一流🧡

🇹🇼區內人氣台灣菜，店內裝修同磅碟都帶有老台灣既古早味🧀起司肉鬆蛋餅蛋餅個皮厚薄適中，芝士同肉鬆既份量好足料，咸咸香香，芝士味好濃，有少少食唔到蛋既味道🍜大腸麵線 (大)食台灣野點可以少得大腸麵線，麵線係夾得起唔會斷開哂，豬腸好腍唔會有臭味，蒜味略嫌有少少重，搶左本身湯底既味🐷酥炸排骨便當 便當有少少似香港既三餸飯😆除左塊炸豬扒，仲有啲配菜（茄子，炒粉絲，涼拌大豆芽）豬扒超大塊，直情大過我塊面🙈炸粉唔會厚，豬扒好腍易咬，係個飯有少少腍🧋經典珍珠奶茶 揀左少甜少冰，珍珠有咬口，煙煙韌韌，奶茶偏向重奶味，茶底比較淡🫶🏻想睇更多食評，記得留意IG __imfoodieb