老厝邊 (已結業)

朋友突然間好想食台灣菜，就諗起呢間之前食過一次既鋪頭。鋪頭面積唔算大，所以繁忙時間都有用餐時間限制。今次4個人用餐，所以都嗌得比較多野食，最鐘意就係炸甜不辣，因為香港唔係好多間台灣鋪頭會有炸呢個選項。另外佢個蛋餅同滷肉飯都相當出色，平時唔鐘意食肥膩野既我都好欣賞個滷肉飯，有肥肉得嚟亦唔會太油膩。之前食過呢到既芋泥蛋餅，今次就嗌咗起司肉鬆蛋餅，兩款都好好食，但相對嚟講芋泥就特別啲同滿足啲，下次應該會揀返芋泥。亦有各式各樣既台式飲品選擇，可以自己揀甜度同冰量。鋪頭既上菜時間亦都好快，唔會食晒某啲野但其他野都未到