耀記餃子粥麵

營業中

休息中

之前食過佢薑蔥炒蠔🦪🦪，好好食跟住今次試下餃子外賣做宵夜🥟🥟🥟佢有個食物櫃係門口，好似煎釀三寶咁放曬出黎同老闆講要咩就會幫你夾，夾完就拎入廚房翻熱有煎釀三寶, 雞翼, 韮菜餃, 白菜餃etc.原本想要5隻韮菜餃+5隻白菜餃， 但係佢韭菜餃已經賣曬翻炸後，夠曬熱，表面好脆皮薄， 內餡好多，十分足料難怪佢今晚都咁多人堂食仲係坐街邊，岩曬食煙既朋友，夠曬地道👍🏻👍🏻👍🏻如果有朋自遠方來又想食D Hong Kong style既貼地小食，不妨帶佢黎try try

食宵夜就諗起你，可以飲下啤酒，又可以食下d小食送下酒，今次唔太餓，淨係嗌左煎韮菜餃子，肉碎銀針粉，椒絲腐乳通菜煎韮菜餃會整返熱，又香口，又juicy肉碎銀針粉新鮮炒，熱辣辣，仲有芽菜椒絲腐乳通菜有d辣，不過好食

🇭🇰大角咀街坊宵夜店·平價高質、滿滿人情味💘專程推介必食No.1🏆蠔仔粥😍#bling_大角咀美食每次去呢間宵夜店，都會見到好多人買嘢食，但偏偏係OpenRice就見唔到太多評論！我心目中最好食嘅蠔仔粥點可以咁少人知㗎？😡😡🦪潮州蠔仔粥 🥇$43自己食過好多間蠔仔粥，呢間真係我心目中top 1🏆首先份量十足，蠔仔粥非常鮮甜，冬菇味好出，唔需要加任何調味料❕主角蠔仔夠多夠大粒，唔腥、唔臭、唔縮！最緊要冇蠔殼😲👍🏻真係清得好乾淨！！可以好肯定同你講：食過返尋味🩵食完呢間只會揀返呢度嘅蠔仔粥食😈蠔仔粥係潮式嗰隻❕女仔嘅話兩個人食作為宵夜都好足夠🥰📍耀記餃子粥麵 (大角咀)大角咀中匯街10號地舖

耀記就好似將舊時大角咀嘅街頭美食集中一起似的。港式煎韮菜餃，選用薄身白雲吞皮，包入大量韮菜，小量豬肉，煎香後以辣醬拌食，就係舊大角咀嘅街頭名物之一。香脆而充滿韮菜香味。白菜湯餃，同是白皮，所用嘅白菜係用大白菜，餡料都係菜為主，只加入少量豬肉，清甜多汁。湯底係一般湯餃貨色，沒什麼特別，就係以前大咀角咀街邊嘅味道。豬過粥有三件豬，花生都頗多，當然唔係生滾粥，但味道不俗。天陰陰，食碗熱騰騰豬骨粥最好不過！雖不會令你大叫好好味。但絕對有以前大角咀街頭風味。溫馨提示：一入門口有位略肥大嬸包餃子。此人不會招呼客人，亦不當你存在。門口有個常打蓋睡嘅男人，落單埋單去揾佢！

平價美食，每次去到必叫：1）蠔仔粥 - 好多蠔仔，肉碎配芫荽好夾2）薑蔥蠔 - 好足料3）煎餃子 - 韭菜餃好脆4）煎雞翼 - 食親都一定係一打起跳5）蒜蓉白菜仔 - 正正常常好入味6）豆豉鯪魚油麥菜 - 有啲油但超正

明明企喺個呀姐面前話要買嘢，講左兩次都聽5到完全當我透明。可況上次朋友食完啲韮菜餃子就有少少攪肚痛。見到咁樣已經唔想買，以後亦唔會再去試。大家作為一個精明消費者，買前請三思。

又到宵夜時間，今日離開主場新界西，黎到大角咀一間平民餐廳，同平時一樣今日揸車嚟，門口外已經係咪錶位，啱晒揸車一族。今日依間餐廳有啲似大排檔，但我個人覺得選擇比大排檔仲要多。係我地望左餐牌一陣同問個侍應有咩推介後就叫咗一大堆食物。先黎「白菜餃，韭菜餃」每樣半打兩種餃都非常足料，皮炸得夠趣，個餡夠晒豐富，唯一可惜既係「整定」，你要嘅時候可以幫你翻炸，如果係生炸一定超級好食。煎雞翼，煎薄餅(咸)煎薄餅煎得唔夠香，而且一早煎好，放得太耐所以好淋，都無咩味。煎雞翼整得好濃味，個皮夠脆之餘，肉質嫰滑。炒肉片銀針粉炒得好香口火候十足，配搭銀針粉嘅滑溜，再加上調味夠濃味，唔錯既選擇豉椒炒蜆呢個菜真係超贊嘅選擇，不單止價錢平，又一個火候十足嘅菜式，小小辣夠晒惹味，而且喺相入邊見到唔似一般大排檔，殼就一大堆肉就唔見晒，非常老實。 皮蛋瘦肉粥碗粥整體冇特別，最特別嘅係佢放咗菜圃入去，令到碗粥多咗個爽口感，唔洗唔鹽都夠味，食咗咁多濃味同煎炸野，食返碗粥清一清都唔錯兩種餃子黎多Round，可想而知有幾好食食完依餐每碟平均$3x，平到你唔信，啱晒d鍾意食香口野、飲啤酒既朋友，平民價錢，唔錯既食物，超多既選擇，唔錯

朋友帶去食餃子店，不過位置唔係好易搵，約喺油麻地行咗大概十五分鐘先到，一坐底望一望個餐牌，好平好抵食，八蚊四隻餃子。一開始食著煎釀三寶、白菜餃子同菲菜餃子，雖然都係整定翻熱，不過都非常之香口足料，白菜餃子係必食之選。另外一味必點之選係椒鹽九肚魚，叫咗小辣，份量大，蒜味同辣辣都啱啱好，係送酒佳品。粥類係另一樣好正嘅選擇，我哋叫咗蟹粥仲同老闆加蠔仔，好鮮甜，海鮮仲多過啲粥。坐底食咗個零鐘，外賣嘅人流不斷，絕對係大角咀嘅聚腳推介。

雖然室外環境的確比較炎熱，街坊朋友都會聚首在店外，吸煙喝酒，這就是現代人不太喜歡，又或者遺忘了的人情味。可能由於走了一會兒，巴蜀又關門、南記也進行清潔了，都走到肚子餓，這個肉碎銀針粉顯得格外美味。肉碎多，半肥瘦，味道不錯，比起某些米線店小鍋米線的肉碎更佳，銀針粉粗大夠韌。本來看到這間店舖名稱有餃子兩個字，以為煎餃子或者湯餃子應該會是鎮店名物，怎料到叫了煎餃子之後不夠1分鐘，阿姐就從煎釀三寶的炸櫃內，以純熟的手勢，用夾子夾幾隻餃子到碟子上，即可上桌。坦白來說，真的有點兒失望。但是嚐嚐韭菜餃，韭菜與肉的比例平均，香口，雖然有點兒冷，但是餃子皮還脆口，味道不錯。天真的小朋友、一瓶接一瓶啤酒、快速閃過的蟑螂、高談闊論的叔叔，共坐中匯街街頭小食店外。

好味嘅豪仔粥，啲豪仔洗得好乾淨，老闆好大方好足料韭菜餃同菜肉餃，餃子皮很薄肉汁夠椒鹽九肚魚，外面鬆脆、夠乾身無油乾炒牛河，牛河炒得夠乾身，唔會油淋淋鯪魚球值得一試牛肉炒銀針粉茄子加雞翼

平時行過大角咀道，都會見到中匯街俚間新開嘅餃子店，今日中午行過稔住入去試下，坐底發覺入面嘅menu 好面善，店職員話佢哋以前係大角咀道間餃子店做嘅，因為個業主話要收番自己做，所以佢地就搬佐過黎俚度，搬佐過黎差不多一年。好開心😀終於搵返好好味既餃子同煎雞翼，餃子即包即煎，好新鮮。小店由3:30pm to 3:30am, 收夜D都可以過黎食，逢星期日休息。煎雞翼$13 有4 隻，$7 有2 隻，好香又入味👍