翡翠拉麵小籠包

營業中

休息中

今天晚上7時用openrich先訂了2位翡翠拉麵小籠包吃飯，叫了小籠包，宋嫂魚羹及其他食品，總體食品達標，但筷子太不潔？環境也好，食品也很快送到，最後往櫃台付費時，太慢了。需改善。

屋企人係上海人，所以食飯就揀左上海菜黎食前菜就有涼拌青瓜，媽媽最中意食！而本身自己都好中意食咕嚕肉，去到邊有呢個餸都想叫黎送飯 呢度啲咕嚕肉唔錯，酸甜都幾好 唔會非常淋身！

星期五夜晚收工去YOHO食飯見到咁多人排隊就決定食 但係體驗極差 張枱唔平 紙巾有酸臭未 奶油津白有wasabi味，職員話係草青味唔係wasabi味…蔥爆牛肉啲牛肉醃到仲嫩過沙嗲牛肉啲牛肉，完全冇牛肉味，乾扁四季豆食落似食日本野，陣味真係好神奇，酒釀丸子叫左3次一共15分鐘先上，又冇桂花味，成個場勁熱好似冇冷氣咁，其實點解依家香港人嘅要求可以咁低？睇住啲人仲要食得好滋味真係唔知發生緊咩事…兩個人原本套餐380蚊加一加茶位變450蚊埋單…

同朋友行Yoho Mall攰攰地，求求搵個地方坐下抖下，就腳入咗呢間翡翠拉麵小籠包。叫咗招牌擔擔麵($68)、鮮肉窩貼($50)、蘿蔔絲酥餅($45)、菜肉雲吞湯($60)、高力豆沙($58)、桂花酒釀丸子($35) ，賣相企理精緻，味道平平無奇，無讚也無彈；最好食係鮮肉窩貼，餡料多，調味適中，外皮夠熱唔會太燶；全部食物份量偏小🙃被安排坐卡位，都算闊落舒服，可惜樓面人手唔係好夠，叫人幫手做嘢唔容易😅

約咗個多年無見嘅朋友，因為佢在國外生活，所以梗係要去搵中菜食，始終喺外國，很難搵到好嘅中菜餐廳，因為好多酒樓都無位，所以最後去咗翡翠拉麵小籠包。我哋叫咗小籠包、蘿蔔酥及小食拼盤（鎮江肴肉、甜醋茄子、雞絲粉皮同川辣皮蛋豆腐）。小籠包皮薄多汁，今餐最好食的！上湯好有鮮味，肉香嫩滑，點上香醋更滋味，味道更有層次。蘿蔔酥就比較失望，酥脆感係有的，不過油味較重，調味比較寡，蘿蔔份量奇少，味道淡，唔清甜。小食拼盤中特別鍾意甜醋茄子，味道酸甜開胃。鎮江肴肉都唔錯，達標。但雞絲粉皮嘅粉皮則太厚同唔夠煙韌。整體嚟講都自唔錯，不過略嫌有少少貴。

小籠包唔錯👍🏻 仲叫左個咕嚕魚塊，魚塊厚身大塊，裹粉份量適中，香口而開胃。上海炒年糕材料豐富，包括軟糯年糕片、大白菜、雞比菇、肉碎等，炒得較濕，什錦煲咁咩都有！😂

今晚試下HSBC DINNER SET OFFER，1個套餐內都有多款小食及主吃及甜品選擇，海皇湯水海鮮豆腐配合，味道唔錯，鍋貼不厚皮及多肉汁，紅繞牛肉麵原來好大碗，已經開始飽飽地，太太至愛吃酸菜魚（但味道一般)，酒釀丸子非常堅韌。服務員會主動加茶，服務態度非常好整體2人餐其實可以3人分享都足夠，多謝收看。

好耐無寫食評見今日閒日晚市人氣幾旺，就寫個食評熱鬧一下！因為之前食咗一餐大閘蟹，心思思想再食，但再買蟹又太貴…所以就諗住食餐有蟹粉嘅菜式可以滿足一下口癮。睇睇餐牌，雖然有蟹嘅菜式只有8款，不過賣相同配搭都算幾吸引。由於金錢所限，今餐只係叫左蟹粉拌麵+蟹粉小籠包+一碟青菜。先嚟拌麵！幼麵同蟹粉嘅比例大約係8比1，蟹粉份量算ok。急不及待拎起筷子想撈起….點知麵結咗一團…撈唔起要加返少少清湯（上菜時配埋）濕潤一下先至撈到。由於地心吸力嘅關係，所有精華包括蟹粉、蟹油，蟹羔都會流晒落麵嘅底下，所以食嘅時候要「撈底」咁食，咁就香啲又好味啲！再嚟蟹粉小籠包！上枱熱辣辣，皮薄，湯汁有蟹油，豬肉有蟹肉，不過蟹黃蟹羔就無，但味道整體好食埋單約$2xx，食到啖啖蟹粉算好滿足。決定遲下再食佢個2人蟹粉下午茶，食完味道OK再同各位分享一下！

係openrice訂座，一肚氣咁食完竟然仲要話我缺席訂座！因為個蟹王盛宴套餐先決定食呢間，去到點餐竟然同你講冇炒蟹！但又唔俾轉魚/牛，只能焗住揀飯焦！個蟹肉麻醬粉皮幾乎搵唔到蟹肉咁濟，青瓜絲係苦嘅，麻醬冇味嘅、松子魚唔脆、瑤柱冬菇、蟹皇羹鹹到入唔到口收咩加一姐，仲要收茶錢，叫個人過黎落單都咁難，望你一眼就照行開，本來我都唔出聲，但連佢自己嘅同事都忍唔住話佢咁差明明見到個客都唔理！埋個單又要排隊排足十分鐘！認真一肚氣！！！

星期六收工又約朋友們食飯，今次話試下呢間呢排老是常出現既林明禎廣告既翡翠拉麵小籠包，都知佢係一間連鎖集團，咁未試過就一於黎試試質素如何啦。星期六大約7點左右到，老友早左少少6點半攞左飛，我剛到等左無耐就入得，店內環境都幾大，裝修都幾靚，3人行有幸安排坐左張最多坐到6人既圓枱，所以算坐得幾舒服，仲有位擺下野tim，如果2個人就可能會安排坐係靠邊既位置，會比較迫少少，另外同好似中菜館一樣要收茶位同小費的，茶位每位10蚊小食8蚊，都可以接受。先睇有咩食，見到有個幾吸引既信用卡優惠2人餐幾抵，就點左1份，另外再後加d野咁，落單形式都係用QR code，咁就可以慢慢睇慢慢點。前菜拼盤可以揀3樣前菜，分別揀左宮廷醬茄子，美味燻魚同雞絲粉皮，茄子煮得岩岩好，同d醬好夾，醬汁少少甜有d似燒烤醬，燻魚就凍食，炸過既魚凍食就有少少韌，醬汁酸酸甜甜，味道都ok，雞絲粉皮粉皮就比較厚身d，麻醬都足夠但d粉皮再薄d會較好，其實個前菜分量都唔算少，幾抵食。三鮮海皇羮呢個羮都幾多料，食到好似有d竹笙豆腐之類既，都有少量蝦粒，同埋都幾大碗下，幾豐富。上海排骨拉麵先讚下個拉麵真係拉得幾好，1條過唔會斷，不過我地要sha

今日食評✍🏻翡翠小籠包拉麵@yoho mall試食指數⭐⭐⭐店舖衛生⭐⭐侍應態度⭐⭐⭐⭐((每項5⭐️為滿分)) ·1130早茶時段入座唔多人好快入座不過出食物好慢後上甜品要等接近20分鐘出品時間有待改善·好難得同埋長老們出街食飯所以今日點多幾樣食品(家人都係蛋素食者)1️⃣蘭州拉麵職員聲稱豬骨湯底但我只吃得出係豉油湯底非常清，一滴油都冇稍嫌淡左啲芥蘭青翠碧綠兼爽口拉麵正常🍜2️⃣青菜煨麵有啲失望雞湯底但煨到起泡有啲肉酸味道方面正常青菜🥬菌粒撈埋一碗咁3️⃣上海粗炒呢個粗炒有驚喜夠熱顏色深但唔咸味道都調教得香口令我哋追住食好快清晒佢碟4️⃣銀絲卷蒸得鬆軟但唔夠熱點嚟俾bb食(🐷附圖😂)5️⃣蒸素餃皮薄餡料豐富蒸得夠熱好味6️⃣高力豆沙7️⃣豆沙窩餅上次食到似微波爐翻叮出嚟嘅口感我實在太愛豆沙今次俾多次機會有進步但個皮都係唔夠香而且又硬又多油下次未必會再點😔8️⃣芝麻湯圓有驚喜的甜品大大粒湯圓糯米唔痴牙芝麻餡又香又滑又多湯水滋潤，甜而不膩·值得推介係餐前花生🥜少數令我甘心付款的餐前小食·我家大細可以嚟yoho mall試下呢間座位都算寬敞·599.Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生

平日 lunch 行來行去終於揀咗呢間食上海菜，叫咗一個二人餐，再加一碟大閘蟹粉蟹蓋賽螃蟹，98蚊有兩個蟹蓋，性價比超高！有片有真相足料大閘蟹粉蟹蓋賽螃蟹有少少大閘蟹香味，但唔算好濃，但勝在蛋白夠滿夠滑，有口感。其他菜式例如金銀蛋波菜都有一貫水準。鍋貼好靚仔，煎得好香，又飽滿。紅燒牛肉麵啲牛肉就麻麻地，無乜味，但跟餐無得揀擔擔麵，唯有張就下。雞絲粉皮都好食，陳醋雲耳好開胃。兩個人食咗五百幾，指定銀行信用卡有折。

沒有來「翡翠拉麵小籠包」已有一段時間,對我自己來說雞絲粉皮、小籠包和擔擔麵都是必食。今次的體驗是食物比較淡，唔夠味。我本身都不是濃口味的人，但總有些食物要重味些才好吃，對嗎？

超難食。四季豆完全冇味。。四季豆生既。。肉碎硬既。。街邊嘅三餸飯嘅四季豆。。都好食依間垃圾萬倍。。擔擔面。。我叫左小辣。。來到變咗做大辣。。同個姐姐講。。完全唔理我。。話已經小辣左。。又話不嬲都辣。。真心食唔落口。。超級超級辣。。上海粗炒超級油膩。。好難食。。好難食。。我喺街邊食個小食都好過佢。。我從來未食過咁難食嘅上海菜。。另外一間上海姥x。。好食10,000倍。。絕對絕對唔會再嚟呢一間食。。太令我失望

今日食評✍🏻 翡翠拉麵小籠包@yoho mall試食指數⭐⭐⭐店舖衛生⭐⭐⭐侍應態度⭐⭐⭐⭐((每項5⭐️為滿分)) ·以為連鎖食肆質素有保證我錯了今日點咗1️⃣清燉雞湯拉麵我食開嘅清燉係好少/冇油呢款有油浮面雞肉好鞋麵底可以👌🏻2️⃣菜肉雲吞拉麵好重味精真心唔得🥱3️⃣蘿蔔絲酥餅全餐最好食嘅點心夠熱可惜蘿蔔絲醬汁偏咸4️⃣豆沙鍋餅完全係番叮出品皮唔脆唔熱豆沙沒有塗均勻·二人(連加一)$306·599.Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講