翡翠拉麵小籠包

營業中

休息中

去到要等一陣位，不過都好快就可以入座，如果想食上海嘢，通常都會嚟呢間，多分店好方便😉涼菜拼盤，一次可以試晒三種菜式，最鍾意鎮江骨👍🏻酸酸甜甜好味道牛肉拉麵牛肉份量都唔少，湯底亦都夠味道，小朋友好鍾意食😆招牌小籠包入邊有滿滿湯汁，好味道，不過好容易穿🤣柚子蝦球🦐蝦球好彈牙，配上酸酸甜甜柚子汁好開胃奶油津白因為好想食菜，所以叫咗呢碟奶油津白，奶油醬汁令到娃娃菜顯得更加鮮甜酒釀小丸子呢道菜比較普通，因為小丸子比較少，而且太腍🥺

年三十晚食呢間，六點周圍都攞唔到位，得呢間有飛等位。我地三個人叫咗上海小籠包$45味道唔錯，湯汁都多，皮厚度正常招牌擔擔麵$68大碗份量算多、湯底濃厚，雖然有兩隻辣椒提示，但食落唔算辣、都有少少麻醬味，幾有風味砂窩雲吞雞（6人份量）$228雲吞有概有八至十粒，有半隻雞，雞髀位置肉質較嫩，金華火腿雞湯底，其實三個人都夠食。後尾叫咗個鍋貼$42，服務員好好建議我哋埋單當外賣叫，咁可以慳返個+1服務費👍🏻

係商場二樓，位置容易搵，平日晚餐時段唔需要排隊，直接入座兩個人落單二人套餐，信用卡有discount。任選三款前菜，幾款都唔錯，甜酸骨好開胃！蝦球非常之一般，酸酸甜甜嘅味道有d奇怪，食得唔係好慣，我地覺得唔係幾好味。都係雲吞湯啱食，雲吞食曬，湯都飲埋～仲有酒釀丸子，好鍾意哩道菜！白菜都唔錯，中規中矩。套餐裡面仲有一杯豆漿。如果唔想用QR code落單，可以叫人寫野，環境光猛，斟茶及時，服務態度ok的

因為就係屋企樓下商場 所以多次幫襯 用餐環境好舒服，啲嘢食keep住高質素。最扺贊嘅係服務，每次去 個個侍應都好有禮貌同親切友善，仲好有耐心俾客人任揀座位，每個侍應 無論上菜嘅、執枱嘅定係收銀嘅都會講「多謝」

好久沒来翡翠拉麵小笼包吃嘢了，今日老公放假一起去逛街吃东西，我們点了上海粗炒.陳醋雲耳.上海燻鱼.红油炒手，样样都好吃，我最锺意吃的是陳醋雲耳好够酸入味好开胃，还有女侍应服務好好，

今天晚上7時用openrich先訂了2位翡翠拉麵小籠包吃飯，叫了小籠包，宋嫂魚羹及其他食品，總體食品達標，但筷子太不潔？環境也好，食品也很快送到，最後往櫃台付費時，太慢了。需改善。

屋企人係上海人，所以食飯就揀左上海菜黎食前菜就有涼拌青瓜，媽媽最中意食！而本身自己都好中意食咕嚕肉，去到邊有呢個餸都想叫黎送飯 呢度啲咕嚕肉唔錯，酸甜都幾好 唔會非常淋身！

星期五夜晚收工去YOHO食飯見到咁多人排隊就決定食 但係體驗極差 張枱唔平 紙巾有酸臭未 奶油津白有wasabi味，職員話係草青味唔係wasabi味…蔥爆牛肉啲牛肉醃到仲嫩過沙嗲牛肉啲牛肉，完全冇牛肉味，乾扁四季豆食落似食日本野，陣味真係好神奇，酒釀丸子叫左3次一共15分鐘先上，又冇桂花味，成個場勁熱好似冇冷氣咁，其實點解依家香港人嘅要求可以咁低？睇住啲人仲要食得好滋味真係唔知發生緊咩事…兩個人原本套餐380蚊加一加茶位變450蚊埋單…

同朋友行Yoho Mall攰攰地，求求搵個地方坐下抖下，就腳入咗呢間翡翠拉麵小籠包。叫咗招牌擔擔麵($68)、鮮肉窩貼($50)、蘿蔔絲酥餅($45)、菜肉雲吞湯($60)、高力豆沙($58)、桂花酒釀丸子($35) ，賣相企理精緻，味道平平無奇，無讚也無彈；最好食係鮮肉窩貼，餡料多，調味適中，外皮夠熱唔會太燶；全部食物份量偏小🙃被安排坐卡位，都算闊落舒服，可惜樓面人手唔係好夠，叫人幫手做嘢唔容易😅

約咗個多年無見嘅朋友，因為佢在國外生活，所以梗係要去搵中菜食，始終喺外國，很難搵到好嘅中菜餐廳，因為好多酒樓都無位，所以最後去咗翡翠拉麵小籠包。我哋叫咗小籠包、蘿蔔酥及小食拼盤（鎮江肴肉、甜醋茄子、雞絲粉皮同川辣皮蛋豆腐）。小籠包皮薄多汁，今餐最好食的！上湯好有鮮味，肉香嫩滑，點上香醋更滋味，味道更有層次。蘿蔔酥就比較失望，酥脆感係有的，不過油味較重，調味比較寡，蘿蔔份量奇少，味道淡，唔清甜。小食拼盤中特別鍾意甜醋茄子，味道酸甜開胃。鎮江肴肉都唔錯，達標。但雞絲粉皮嘅粉皮則太厚同唔夠煙韌。整體嚟講都自唔錯，不過略嫌有少少貴。

小籠包唔錯👍🏻 仲叫左個咕嚕魚塊，魚塊厚身大塊，裹粉份量適中，香口而開胃。上海炒年糕材料豐富，包括軟糯年糕片、大白菜、雞比菇、肉碎等，炒得較濕，什錦煲咁咩都有！😂

今晚試下HSBC DINNER SET OFFER，1個套餐內都有多款小食及主吃及甜品選擇，海皇湯水海鮮豆腐配合，味道唔錯，鍋貼不厚皮及多肉汁，紅繞牛肉麵原來好大碗，已經開始飽飽地，太太至愛吃酸菜魚（但味道一般)，酒釀丸子非常堅韌。服務員會主動加茶，服務態度非常好整體2人餐其實可以3人分享都足夠，多謝收看。

好耐無寫食評見今日閒日晚市人氣幾旺，就寫個食評熱鬧一下！因為之前食咗一餐大閘蟹，心思思想再食，但再買蟹又太貴…所以就諗住食餐有蟹粉嘅菜式可以滿足一下口癮。睇睇餐牌，雖然有蟹嘅菜式只有8款，不過賣相同配搭都算幾吸引。由於金錢所限，今餐只係叫左蟹粉拌麵+蟹粉小籠包+一碟青菜。先嚟拌麵！幼麵同蟹粉嘅比例大約係8比1，蟹粉份量算ok。急不及待拎起筷子想撈起….點知麵結咗一團…撈唔起要加返少少清湯（上菜時配埋）濕潤一下先至撈到。由於地心吸力嘅關係，所有精華包括蟹粉、蟹油，蟹羔都會流晒落麵嘅底下，所以食嘅時候要「撈底」咁食，咁就香啲又好味啲！再嚟蟹粉小籠包！上枱熱辣辣，皮薄，湯汁有蟹油，豬肉有蟹肉，不過蟹黃蟹羔就無，但味道整體好食埋單約$2xx，食到啖啖蟹粉算好滿足。決定遲下再食佢個2人蟹粉下午茶，食完味道OK再同各位分享一下！

係openrice訂座，一肚氣咁食完竟然仲要話我缺席訂座！因為個蟹王盛宴套餐先決定食呢間，去到點餐竟然同你講冇炒蟹！但又唔俾轉魚/牛，只能焗住揀飯焦！個蟹肉麻醬粉皮幾乎搵唔到蟹肉咁濟，青瓜絲係苦嘅，麻醬冇味嘅、松子魚唔脆、瑤柱冬菇、蟹皇羹鹹到入唔到口收咩加一姐，仲要收茶錢，叫個人過黎落單都咁難，望你一眼就照行開，本來我都唔出聲，但連佢自己嘅同事都忍唔住話佢咁差明明見到個客都唔理！埋個單又要排隊排足十分鐘！認真一肚氣！！！

星期六收工又約朋友們食飯，今次話試下呢間呢排老是常出現既林明禎廣告既翡翠拉麵小籠包，都知佢係一間連鎖集團，咁未試過就一於黎試試質素如何啦。星期六大約7點左右到，老友早左少少6點半攞左飛，我剛到等左無耐就入得，店內環境都幾大，裝修都幾靚，3人行有幸安排坐左張最多坐到6人既圓枱，所以算坐得幾舒服，仲有位擺下野tim，如果2個人就可能會安排坐係靠邊既位置，會比較迫少少，另外同好似中菜館一樣要收茶位同小費的，茶位每位10蚊小食8蚊，都可以接受。先睇有咩食，見到有個幾吸引既信用卡優惠2人餐幾抵，就點左1份，另外再後加d野咁，落單形式都係用QR code，咁就可以慢慢睇慢慢點。前菜拼盤可以揀3樣前菜，分別揀左宮廷醬茄子，美味燻魚同雞絲粉皮，茄子煮得岩岩好，同d醬好夾，醬汁少少甜有d似燒烤醬，燻魚就凍食，炸過既魚凍食就有少少韌，醬汁酸酸甜甜，味道都ok，雞絲粉皮粉皮就比較厚身d，麻醬都足夠但d粉皮再薄d會較好，其實個前菜分量都唔算少，幾抵食。三鮮海皇羮呢個羮都幾多料，食到好似有d竹笙豆腐之類既，都有少量蝦粒，同埋都幾大碗下，幾豐富。上海排骨拉麵先讚下個拉麵真係拉得幾好，1條過唔會斷，不過我地要sha