翡翠拉麵小籠包

營業中

休息中

今日兩口子不想煮飯，剛剛昨天電視介紹上海菜， 所以很想食 ，就去了元朗Yoho🎈翡翠拉麵小籠包🎈， 未夠七點已經已經很多人排隊👬👭， 等了一陣才可以入座，看看餐牌，滿是套餐 ，有這優惠有哪優惠 ，真不知如何選擇是好，最後決定不食套餐 ，自己喜歡食什麼就點什麼😁✨上海雲吞一客上海餛飩共六粿，皮很滑，配醋食，多汁好味👏👏👏✨上海醉雞（凍食）擺盤十分美輪美奐，皮薄金黃，雞肉嫩滑，酒香四溢👍👍👍✨上海小籠包這個應該是必食的指定菜式，當然一定要配醋畺絲一起食，口內爆汁，非筆墨所能夠形容之美味，但當然小心燙唷👍👍👍✨炸排骨上海麵麵條是正牌上海陽春麵 ，麵條幼滑 ，湯清淡配炸排骨 ，真是一絕 ，排骨基本上冇骨， 啖啖肉很爽👏👏👏用餐時段有限制 ，共70分鐘， 因生意實在太旺， 服務員到時到候就提醒你 ，但還可以接受 👌，一共食咗260蚊 ，價錢都算合理， 會再幫襯。 感覺上這樣散叫比食套餐化算， 起碼散叫可以喜歡那樣就叫那樣。

之前係翡翠江南時，從來都未去過，剛轉型為翡翠拉麵小籠包，咁啱細妹生日，立刻就過來試試～《小籠包》保持水準，我們4個人點了3籠，好似太過份🙈《雞絲粉皮》麻醬夠香，粉皮夠滑😋《松子魚》雖然比想像中細條，但味道出色，魚肉炸到金黃香脆，醬準酸酸甜甜好開胃～《上海粗炒》夠鑊氣之餘又唔油膩，麵身香滑彈牙，夠咬口～《擔擔麵》香濃嘅湯底配上滑滑嘅麵，味覺一流～ 而且濃底帶有微酸少辣，令人食得過癮🥳依家開到咁近，可以成日都嚟食啦

又到放飯時間，今次去食上海野，所以就去左附近間翡翠拉麵小籠包嗱！小籠包皮薄多汁，湯味濃郁，係質素既保證。但最令我感到驚喜既，係呢到既拉麵，竟然有成三種粗幼度比我簡，我就簡左最幼既龍鬚拉麵🍜，口感唔錯，店員仲特登同我講呢隻拉麵係用手拉，所以真係值得一試

最近元朗形點翡翠江南轉咗名👇於是約埋家人去試一試原來這裏沒有下午茶時間😔 午餐太少選擇，於是無奈之下點咗小菜套餐同小食糖醋魚柳 十 羅漢果茶🍚味道太酸，同幾咸， 魚柳正常宮廷醬茄子$48.00🍆幾好，醬汁唔錯， 跟清淡嘅🍆 配搭不錯上海小籠包$38.00不過不失， 冇乜驚喜鍋貼$42.00🥟皮身正常， 但唔夠香口羅漢茶🍵幾清甜👩‍⚖ 午餐食物選擇少，唔夠多元化， 雖然坐得舒服，服務都幾週到， 價錢都唔平，食物質素一般， 有待改進

不知為什麼，每次一到「翡翠拉麵小籠包」，我總會想吃他們的五香牛肉湯麵，所以我今次也不例外點了一碗來品嚐，除此之外，我還點了一杯凍養顏黑豆漿。凍養顏黑豆漿老實說這裏黑豆漿的豆味不算是特別濃郁，不過淡淡的豆味仍算是不錯，加上喝上去相當冰凍，所以感覺亦算良好!五香牛肉湯麵我已多次吃過他們的五香牛肉湯麵，每一次吃這麵總覺得份量十分之多，不過今次麵條的份量明顯減少了，唯一不變就是五香牛肉的份量。雖然如此，麵條的煙靭度卻比以前有進步，吃上去比以往的更有咬口。五香牛肉更是一如既往的厚切，牛肉味香濃，又帶點甜甜的味道，口感軟腍，配上煙靭的麵條一起吃特別美味，只是湯底未夠清甜而有點失色!雖然他們的黑豆漿和五香牛肉湯麵仍然有進步的空間，但是大致上亦相當不錯!