翡翠拉麵小籠包

營業中

休息中

近日大姥大做宣傳，令我想起早前去食過的翡翠拉麵小籠包AirSide新店。新商場旺咗一陣，品牌新店開咗都帶咗點驚喜。望住大玻璃窗外，想像第日工程落成後的風景，門店樓底高等，營造咗良好的飲食心情。以前翡翠拉麵的感覺，就是食過麵食過點心而矣，今次夾雜咗小菜，感覺是另一番。新店菜式味道確有改進，環境和服務亦都與過去不同。對，制服更換了。有人話這商場開始由熱鬧回到平靜，但在一個輕輕鬆鬆的用餐環境，是一種享受。

假日諗住開開心心同屋企人食飯，見剩係得呢一間唔使等位，又未食過就諗住入去試吓帶位嗰個鄉音阿姐安排咗我地坐出餐位置，仲要擺咗兩架餐車喺度，人來人往，張枱又細，見佢後面仲有大把位，於是就同佢講話要求調位，舉手叫咗幾次都唔想理我，最終黑晒口面行過嚟話唔可以調，並強調話冇位掉，之後直接走開🤬🤬🤬🤬🤬🤬🤬🤬🤬🤬🤬🤬🤬屋企人話算啦照坐肚餓，話晒都攞個米芝蓮咁嘅服務態度不知所謂，我再問另一個鄉音侍應得到同樣黑面對待話嗰啲係六人位唔可以調，咁我就影低幾張相，個帶位亞姐見我影相即刻驚啦，死死地氣俾我哋調，期間到我埋單走人間餐廳都係坐唔滿🤬🤬🤬🤬🤬🤬🤬🤬🤬而出餐位張台都冇見有人坐

前2天去行 airside, 晚餐時間揀左呢間食，可能當日晚餐去到都係6點幾時間尚早， 所以唔駛等位。餐廳內環境好光猛，入面2人枱唔多，去到無哂卡位，安排左我地坐2人枱，不過張枱真係好細，擺左茶壺茶杯得返好少空間擺菜。每次食上海菜都會必點小籠包，小籠包上枱賣相不錯，湯汁多，肉算新鮮，不過不失。擔擔麵- 個麵底入口都幾彈牙，入口花生醬好濃味，辣椒油味都好重，不過個人感覺兩個味加埋唔係太夾。高力豆沙 -又是我至愛的上海甜品，表面沾滿糖霜，軟熟的質感食落似棉花糖，配合豆沙餡，味道不錯。糖醋排骨-菜式有2個大小可選，今次叫左標準 size, 份量夠，肉質較林身，味道偏甜，如果多番酸味會更好。計埋茶錢和小食，加一服務費，埋單$320幾。

跟公司食飯最緊要係咩,就係一定要叫一人一盅嘅燉湯!! (多謝老細)花膠雞湯=我最愛! 最鍾意呢啲雞湯味鮮而不膩, 好有屋企落足料煲湯嘅感覺! 雞肉以為會乾乾柴柴,點知力都唔駛.一妹就開~呢個湯真係好精彩,力推!黑虎掌菌蝦球鍋巴第一次食黑虎掌菌,聽同事講返原來係啲咁矜貴嘅野黎 見佢個樣咁普通本來都無抱咩期待, 點知咬落口!真係唔可以以貌取人!!好好食! 蝦夠新鮮,超級彈牙! 黑虎掌菌陣味慢慢出黎,開頭有啲似牛肝菌嘅味道, 不過2款都係靚菇, 不作比較, 因為2款都好好食~~加埋個鍋巴, 簡直係絕配吖~~鮮雜菌炒萵苣頭起初只係想健康啲食個菜,點知都有驚喜~ 佢一上檯就覺得好可愛好靚, 炒得剛好, 爽又甜!椒麻酸菜魚睇到張相又流曬口水, 叫左個小辣, 魚夠嫩! 如果可以再香啲就好~仲有食左一堆食物都無影相,呢間餐廳睇黎可以變我公司飯堂之一, 大落地玻璃,又坐得舒服~

中午行過airside 幫襯下翡翠拉麵小籠包，兩個人食，叫咗碗擔擔手工拉麵，湯底配搭完美，手工拉麵夠彈牙。四喜烤夫鬆軟入味，第一次食賽旁蟹，望似普普通通，但食落有驚喜，蛋白嫩滑，加上魚肉瑤增加鮮味，口感味道一流，銀絲卷口感鬆軟Q彈，椒鹽小黃魚，外脆內軟火喉啱啱好，加上椒鹽調味一流，夠曬惹味，啱曬我呢d喜歡食煎炸野既人。整體食物質素十分之高。

表姐住啟德，開左新商場當然要黎睇下環境，feel下👀好多舖頭都排晒長龍！入到黎翡翠拉麵，order左啲未試過既野，糯香芋絲糕煙煙韌韌。蟹粉蝦球鍋巴，香脆可口！

又去Airside行街，再入翡翠拉麵，門外多人排隊，等咗十分鐘就入坐，又encore 原盅花膠雞湯，原隻花膠，真喺好滋補又好味。點咗擔擔麵，香濃花生味仲有啲辣，每條麵包住湯汁，成碗麵連湯汁都清埋。今次唔食韭黃炒鱔糊，要一份梁溪脆鱔，香脆可口，成碟我食哂，食唔停。

九龍城開左個新商場叫Airside ，嗰日特意去行吓。行到攰入左去翡翠拉麵醫下肚先。我最鍾意飲湯，先叫左個原盅花膠雞湯。嘩！大大片花膠有口感，雞肉夠嫩又滑，盅湯又夠甜！不需自已煮就飲到碗養顏湯！超👍👍🤪🤪

又來到啟德Airside行街街，今日唔係好肚餓，就入去翡翠拉麵小籠包，除咗平時必叫的小籠包外，見到餐牌有原盅花膠雞湯，點都要試吓滋潤吓，估唔到呢個價錢有咁大件花膠，真係啖啖肉燉雞湯又鮮甜，真係值得encore。😁

大型新商場Airside開幕全城熱哄哄與三五知己齊齊去朝聖行到攰了又餓了發現煥然一新的翡翠拉麵小籠包佈置舒適年輕化大玻璃光線充足吃飯聚會好地方*上海小籠包*皮簿肉餡鮮甜配上薑絲陳醋滿滿湯汁溢出滋味無窮*花雕醉雞*雞肉冰凍鮮嫩陣陣花雕酒香吃得滋味*燻魚*賣相鮮艷光澤魚肉既鮮且甜配上微微煙燻水準出色*水煮牛肉*麻辣味道適中牛肉鮮嫩無比粉皮盡索麻辣吃得又愛又恨*清炒河蝦仁*蝦仁晶凝通透粒粒爽口彈牙味道口感不錯*鮮雜菌炒萵荀頭*賣相顏色討好萵荀以波浪紋配上紅的甘荀黑的菇絲點綴萵荀清新爽口**蝦球窩巴*擺設配搭賞心大大粒鮮蝦球墊著惹味菌絲加上脆脆鍋巴層次感很豐富味道各有千秋*桂花酒釀丸子*漂漂亮亮器皿看見心花怒放丸子口感軟糯酒味恰到好處不會太濃嗆喉淡淡桂花香氣💫朝聖之旅以美食終結💫

今日下午行新開幕的airside商場，見到有翡翠拉麵小籠包！入去食晚飯！叫咗個梁溪脆鱔！同松子魚！味道好「正」！仲叫咗高力豆沙做甜品，我每次到翡翠拉麵必叫甜品！

今日黎到Airside 新商場行下，見個裝修幾精緻就入左黎食。首先，紫色嗰疊「桂花火龍果汁淮山」就酸酸地幾特別開胃雲耳百合炒荷蘭豆幾好食，唔同菜款都有幾好香酥鴨內層啲鴨肉入味且肉嫩油香

打風假同朋友去Airside睇吓新商場見到一間翡翠拉麵小籠包價錢對比其他商戶都算有吸引力又見到有新菜式就一齊坐咗入去食晚飯環境都算闊落舒服 光猛通透啲燈夠光但都幾柔和 唔會坐到眼瞓嗌咗香酥鴨呢一款炸嘅片皮鴨 都要夾住塊麵粉皮嚟食都幾特別同場都嗌咗個椰汁雞 個味都好重椰香但係啲雞可以嫩啲再嗌咗啲大路嘢譬如擔擔面同埋小籠包擔擔面夠香夠辣但係對我嚟講較油小籠包真係熱辣辣爭啲辣親個口依然係keep到其他分店嘅水準整體嚟講中上 可以返去再食

翡翠拉麵餐廳提供各種美味的點心和主菜。他們的小籠包是絕對的必試之一，每個小籠包都包含著湯汁和精心調製的餡料，外皮薄而有嚼勁。另外，他們的松子魚是一道經典的中國菜，魚肉嫩滑，搭配香脆的松子，味道鮮美。而東坡肉則是一道滋味豐滿的紅燒肉，肉質鮮嫩多汁，搭配著甜蜜的醬汁，令人垂涎三尺。如果你喜歡嘗試一些不太常見的菜餚，他們的鱔糊絕對值得一試。這是一道傳統的粵菜，通常搭配糯米粉糊，口感獨特，充滿了海鮮的風味。最後，他們的酥皮片皮鴨是一道令人驚艷的主菜，鴨皮酥脆，鴨肉鮮美，搭配著酥皮，味道豐富多層次。這些菜品組合在翡翠拉麵餐廳裡營造出一個美味的餐食體驗，絕對值得前去品嚐。

十一長期，去啟德站新開Airside商場，店舖陸續開業，入到翡翠拉麵，景觀開揚，望到對岸。唔去外遊留港消費，一於食好西，原盅花膠雞湯，醉豬手，蟲草花翡翠苖，蘿蔔絲酥餅，上海小籠包。湯盅有成隻的花膠，啖湯香濃，真材實料，好味過阿媽愛心湯，蘿蔔絲酥餅，香脆唔油膩，蘿蔔清甜，熱騰騰真喺好好味，花雕酒浸豬手夠味道。我地揀咗輕盈份量的菜式，唔怕飽又可以試食幾樣，正呀…，好多嘢仲想食，留返下次再嚟幫襯，。