翠苑甜品專家 (望隆街)

營業中

休息中

Nothing too fancy on the menu here, we are focusing on authentic local desserts that are less know but nevertheless, are absolutely heavenly.Pearl Sago in Coconut Milk. This is a very popular dessert in many parts of Asia. The pearl sago is transparent like Pearl, a little bit chewy, with sweet coconut milk. This is usually a crowd favourite.Black Sesame Soup. Sesame is gound and cooked into a thick paste. Rich and black! I was able to finish it after a big dinner with my second stomach!!Snow F

筲箕灣有翠苑，北角都有分店，最初黎的時候，十次有八次都會嗌桑寄生蓮子蛋茶，佢個桑蓮茶係幾香，後來因茶色越嚟越淡，蓮子心又冇挑出嚟，攪到碗茶有苦味，就少咗食糖水。今日係禮拜六喎! 逢星期六日會有一款特色的糖水，仲要係禮拜六日先有得賣，就係腰果糊。腰果糊唔會結撻撻，有腰果香味。喳咋，如果你好鍾意食豆，呢一款一定好啱你，所有豆的種類都有，仲要成碗都係，好足料。呢間甜品鋪啲凳係冇椅背，得一張圓台、幾張四人枱和一張長枱，仲有一條人龍係度排外賣的。

住喺筲箕灣⋯每逢想食糖水都一定係幫襯翠苑翠苑嘅綠豆沙或桑寄生茶就係我每次必吃之選今日又心癢吃了一碗綠豆沙一如往常的好有heart的味道雖然天氣那麼熱，但熱食始終正d

由細到大都好鍾意食甜品，尤其是係燉蛋或者燉奶。每次見到佢地彈下彈下咁端到我面前，我就會好興奮！好嘢，有燉蛋食喇！今次呢間翠苑，都算老字號，對佢嘅大良燉鮮奶都有少少期待！好彩都冇令我失望，燉蛋表面光滑☺️甜度都相當足夠，但又唔會太過甜，啱嗮想減肥又鍾意食甜品嘅女士。如果上面有芝麻糊就會更加昇華！

同朋友book咗鯉魚門渡假村宿營，食完營餐，吹陣水之後，一班夜鬼決定渣車落東大街附近食糖水。呢間係傳統糖水舖，唔花巧，價錢亦都算合理。我揀咗合桃糊燉鮮奶❨熱❩ - 我相信已經盡力係傳統糖水之中帶點新意，合桃糊在燉蛋之內，而燉奶嘅面有d合桃糊滲出，仲型成一個小圖案，有d似咖啡拉花。合桃糊滑，鮮奶香。我試咗兩啖朋友叫嘅海帶香草綠豆冰沙❨凍❩ - 好大片海帶，綠豆煮到差唔多蓉咁，消暑清熱氣啱晒。另外，有朋友叫咗合桃糊，都唔錯。

好多時去翠苑都會堂食，因為新鮮熱辣。但因為呢間既阿姐們出左名係黑面，都試過安排坐位或者嗌野食俾佢大聲回應"等等啦～"而嚇親~所以今次就選擇外賣!其實我覺得佢d糖水係正嫁，d糊稠到個匙羹擺上糊面係會浮，我鍾意佢咁稠😂而且我都好鍾意食mix,,合桃芝麻糊!❤同一價錢($19)兩款味都食到!!其實佢d甜品唔算死落糖，我覺得幾好，唔係咁甜有返合桃同芝麻既香味!芝麻更有d炒過既香味!而且我覺得佢地磨得夠幼滑!香滑濃既口感!所以中式糖水我覺得呢間真係唔錯，但外賣個兜覺得有d少~下次都係去返堂食!

一行四人，入到店內，見近門口有位，便坐低睇餐牌。點知睇完又睇，等完又等，沒有一個店員亞姐理會。見有其他人食完排隊付款，諗住去排隊落單，點知店員亞姐又叫我坐低，跟住又係等完再等，仍然無人理，於是叫店員亞姐:唔該落單，竟然被亞姐喝番轉頭，話人哋嚟先都未叫啦!!本來心情好好入店食糖水，諗住開心吓，點知被一班"咁嘅服務員"攪到無癮，唔通真係唔食呢間咁嘅黑(面)店唔得!

翠苑的糖水令人一試難忘！是次品嚐了「桑寄生蓮子蛋茶」，是久違了的甜水，坊間不少糖水店已沒有再販售這款糖水了。蛋茶十分足料，蓮子、紅桑等等都沉在碗底了。糖水很香濃，卻不會太甜膩，雞蛋很重蛋味，佳！同桌朋友的芝麻糊口感細滑、濃稠，富芝麻香，同樣是誠意之作！

叫咗碗熱薑汁燉奶，熱就夠熱，不過啲薑汁真係少得太孤寒，唔係好食到薑汁味，同原味冇乜分別加咗$5芋圓，軟硬度&味道都正正常常啦，都食到啲番薯/芋頭味嘅服務真係好唔掂，個阿姨講嘢唔清唔楚，問多一兩次未問完就走左去，仲要黑我地面🤦🏻‍♀️🤦🏻‍♀️🤦🏻‍♀️

好少可打負評，今次真心嬲。本身見到間傳統糖水店幾開心，裏面選擇都多既，中式乜乜糊、燉奶、燉蛋、腐竹糖水等等都有，又有得加芋丸咁，但係叫咩無咩🙄最後揀左合桃糊!(一開始吖合桃糊燉奶話無，但唔知點解又有得散食燉奶同合桃糊嫁喎)一黎到已經唔算熱，味道又唔濃，無咩合桃味真係幾一般。食食下就聽到個店員望住我話，食得咁慢，d人唔使返屋企既咩？其實我地3個人，坐左係度都係大約3個字左右，咁算耐咩?味道又唔好，態度又唔好，真係唔會再去囉

天氣轉冷，滿心歡喜外賣碗糖水返屋企同阿媽分享，打開碗蓋，就系悪夢的開始，萬萬想不到，酸的，更被我發現喳咋裡面有陳皮，依我的經驗和網上查過，煮喳咋系唔會落陳皮，疑似店把買唔晒的红豆沙返煮成喳咋，坦白講店主不尊重食物，我更覺得不被尊重，雖然只是19蚊，不過有良心店唔系咁的..............................

食到成肚氣既甜品！叫左個楊枝甘露，我估係呢批最後一碗，因為係個大dull度倒出黎。只色好奇怪，唔係深黃既顏色，而係好淺，食落酸的！同職員講佢話係甘樣，正常！跟住我見呀姐捧左一dull新的出黎，黃好多！叫佢換，佢唔肯，話楊枝甘露係甘，會有啲酸。大佬！我未食過酸既楊枝甘露囉！芒果又酸，個露又酸！其實你地識唔識整楊枝甘露？叫佢換又唔肯，退貨又唔得！態度超差！焗住唔食但又要俾錢！慶到唔記得影相！Blacklist !!!永遠唔會食佢！

三個人去食叫左三碗野，分別係黑芝麻燉奶，燉奶，合桃燉奶黑芝麻糊燉鮮奶係凍，燉鮮奶和合桃糊燉鮮奶係熱，佢有熱有凍，任均選擇 一碗都係十幾蚊，底食啦本來想食腰果糊，但係星期六日先有得食，唯有下次食啦唔會太甜，黑芝麻糊又唔會好粉，燉鮮奶好滑，好好食，可以再去食

喺柴灣拜完山，去筲箕灣同屋企人飲茶，跟著行到東大街。 原本想去食西式甜品， 但是4點幾都未開門，於是就想起剛剛經過呢間中式甜品舖 ~ 翠苑甜品。可能係舊式舖，入到去無人會理你，於是我哋兩個人走到最入一張四人枱。當我哋坐低，有一個樓面女子用不太禮貌語氣叫我哋坐埋一邊，但當時我哋已經坐一邊不是霸成張枱，同埋仲有其他空枱，都吾知佢想點，又無比餐牌，點叫野吖!芝麻糊燉奶(熱)芝麻糊味幾濃幾香， 但是燉奶比較實，奶味吾夠。冰花燉蛋（凍）蛋味一般， 可夠滑， 相比義X差好遠。兩款甜品味道不過不失， 如果有其他選擇，應該不會返轉頭再去。

食完飯係餐廳附近散步個時見到呢間糖水鋪，9點幾見冇乜人又係中式糖水都冇乜興趣，但最近心底有少少想食芝麻糊，就試下啦~ 睇完餐牌發現主打係燉鮮奶，亦唔覺有純芝麻糊，於是揀左二合為一既組合。芝麻糊燉鮮奶 ($21)滑嘟嘟既燉鮮奶一舀落去就回彈左下，入口嫩滑有蛋香。 尤其鐘意面頭凝固成煉奶狀、較漿口個浸，就有如腸仔包條腸仔一樣咁珍貴。大約半個拳頭咁多既芝麻糊唔係開粉貨色，但無論芝麻糊定燉奶味道都唔算濃郁，勝在熱辣辣滑嘟嘟。大良燉鮮奶 ($21)傻豬先會叫既無餡版本如預期般味道單調又寡，食到一半已經食唔到落去。想問阿姐乞薑汁/薑糖，佢好老實咁話係工場整定哂，廚房只係加熱冇呢d野。 最後r左碗蕃薯糖水既薑糖水黎撈下，即時好食左幾百倍，亦唔會太甜。 所以推介既係蕃薯糖水，完。可能呢個時段冇乜人，阿姐態度都幾誠懇友善，大家有講有笑，整體而言都係一個愉快既用餐經驗。