翠苑甜品專家 (望隆街)

營業中

休息中

筲箕灣有翠苑，北角都有分店，最初黎的時候，十次有八次都會嗌桑寄生蓮子蛋茶，佢個桑蓮茶係幾香，後來因茶色越嚟越淡，蓮子心又冇挑出嚟，攪到碗茶有苦味，就少咗食糖水。今日係禮拜六喎! 逢星期六日會有一款特色的糖水，仲要係禮拜六日先有得賣，就係腰果糊。腰果糊唔會結撻撻，有腰果香味。喳咋，如果你好鍾意食豆，呢一款一定好啱你，所有豆的種類都有，仲要成碗都係，好足料。呢間甜品鋪啲凳係冇椅背，得一張圓台、幾張四人枱和一張長枱，仲有一條人龍係度排外賣的。