翠灣漁港

營業中

休息中

今日去柴灣客人公司開會，開完都已經6：30。所以大家一齊食晚飯。客人介紹去永利中心翠灣漁港食火鍋。鄰近柴灣港鐵站，而且任飲任食都係$218/位, 每位加$30可以升級食安格斯牛肉及貴妃蚌，仲有我最鐘意嘅泡椒魚皮小食及馬豆糕及杞子桂花糕甜品。有9款湯底任君選擇。包括有清湯鍋香茜皮蛋鍋、 清湯加沙嗲鴛鴦鍋 、麻辣加清湯鴛鴦鍋 、藥材醉雞鍋、澳門豬骨鍋、奇味雞鍋、川味烤魚鍋、麻辣雞鍋 。我地揀咗澳門豬骨鍋，湯料非常豐富，有3件大豬骨，紅蘿蔔，粟米，香芹，白蘿蔔。火鍋配料應有盡有。肥牛，脆肉鯇魚，鱔片，海生蝦，海膽丸，韭菜餃…………等等。韭菜餃餡料都唔錯我地加咗$30升級食安格斯牛，海班片，花甲、東風螺、瀨尿蝦，星斑片 、桂花鮮淮山……等等。最有驚喜係 泡椒魚皮，微辣，魚皮爽脆。有青瓜及芫荽撈埋一齊食，超正。我一個人食咗2大碟。食完火鍋料及小食。當然要叫甜品啦！馬豆糕及杞子桂花糕，我自己每款食咗5件。因為真係好好食。大家不防試吓吖。

🔹️再訪 ‘’翠灣漁港‘’ 晚飯🫖🥢🔸️冰鎮鮑魚😋肥美鮮甜、爽口彈牙、嚼勁十足😬🔸️清蒸沙巴龍躉斑🐟魚鮮味重、肉質厚實、十分彈牙👍🔸️碧綠花姿蚌片🥗花姿蚌片夠鮮、夠爽、夠甜🥄🔸️西芹腰果和牛粒🐮有爽口西芹、香脆腰果和濃郁牛味的嫩滑和牛粒😋🔸️花膠海味什菜煲🍲花膠含豐富骨膠原, 配份量滿滿的什菜煲 ~ 好足料🥢🔸️脆皮燒雞🐔外皮十分香脆、肉質嫩滑🤤*還有冬瓜盅和桂花糕😋😋

去完杏花邨outlet, 住柴灣的朋友推介呢間酒樓打邊爐，話啤酒任飲食物又高質，重點係抵食！任食火鍋升級版 (+$30)特級手切安格斯-牛味十分濃郁，唔會淨係得個肥字，牛味好出-唔會切得超級薄，有啖啖肉的滿足感-兩個人的份量一啲都唔少珊瑚蚌-新鮮，爽口-大大舊唔會切到好碎, 真心食到個鮮甜味鮮蝦滑-有蝦鮮味，唔重粉感花蛤-大大隻十分甜，肉質飽滿-任食黎講質素好高星斑片-第一次用星斑打邊爐，魚肉嫩滑，完全唔會散開-魚味好鮮，有驚喜鮮魷魚-魷魚厚肉肥美，有鮮魷先有的彈牙口感涼拌小食-手拍青瓜:青瓜爽脆，醬汁唔會太辣係偏香甜的辣，好惹味-涼拌雲耳: 雲耳大大塊唔會好碎，蒜蓉好入味脆鯇骨腩-魚油十分豐富，魚味濃郁炸魚皮-脆口，大大碟飲品-竟然有姐最愛的黑啤放題👍🏻-無酒精飲品choice 都好多

因網購今午約左賣家在柴灣地鐵站交收後， 無無聊聊地就在附近四圍行。其實柴灣對我來講真的太陌生，平時甚少來這區。但經歷上次九號風球後，從新聞看到柴灣嚴重水浸；甚至大量雨水湧入停車場造成嚴重損失，好奇心想看看災場後情況。然後在附近看到一間酒樓燈火通明，門外介紹多種特價套餐和任食火鍋 $218/人(包多欵湯底煱底，各種肉類、海鮮和蔬菜任叫；飲品雪糕甜品任食，認真吸引便入內幫襯看看有沒有驚喜先。藥材醉雞鍋湯底探用了多種滋補藥材，滚後清香撲鼻；我們急不及待地連忙喝了幾口才把雞件放入煱裏。雞件因預先用花雕酒醃製過，雞肉鮮甜嫩滑外還散發陣陣酒香，非常滋味。美國雪花肥牛和鮮牛肉 肥牛帶些油脂食落甘香，鮮牛肉肉質嫩滑牛味濃。海生蝦上檯時腳仔仍不停的煽動，肉質彈牙。鱔片和脆鯇片兩者皆我至愛。鱔片含豐富油脂味甘香，鯇魚片結實爽脆；兩者口感各有持色。鮮鵝腸因冇用硼砂處理過咬落有些煙韌感，但我喜歡的。炸魚皮炸響鈴兩者皆香脆可口，毫無油益味應是新鮮做的。再吸收埋D藥膳湯更美味無窮。唐生菜、白菜仔和油麥菜樣樣新鮮。最重要的是茶芥全免，認真超值。

大雨過後，去咗柴灣翠灣漁港搵朋友食飯。見佢哋京式片皮鴨價格相當實惠，加50蚊就可以有二食，即刻order咗，另加涼瓜炆鴨件。酒樓會成隻鴨送到你面前表演片皮。麼麼即叫即蒸，熱辣辣包住鴨皮同鴨肉，加配料品嚐。鴨肉不算太肥，鴨皮又脆又可口。涼瓜炆鴨件好有鑊氣，仲加入咗冬菇，增添了風味。原件柚皮伴鵝掌，酸酸地幾開胃，搭配西蘭花，令整道菜更加健康。豉椒炒蟶子肉，肉質彈牙，搭配紅黃椒、薑和豉椒洋蔥，炒到好入味。金銀蛋浸莧菜呈現出翠綠色澤，非常爽口。最後仲有紅豆沙做甜品。

地道風味的打邊爐～正正喺柴灣有一間! 任飲任食2小時，價錢平民化！絕對係貼地之選。湯底有9款咁多，出面好少有！仲要唔使加錢添🫢健康啲當然食澳門豬骨鍋地🍽️（豬骨，配上粟米，蘿蔔，西芹等等）平時出去打邊爐食嘅食物呢度一定會有，仲有得額外加其他不同款式嘅海鮮。完全係性價比高。因為佢每一個菜式都非常新鮮！而且師傅切得非常有刀功👍🏻美國肥牛🥩滑牛肉，豬潤，雞件，鮮鵝腸，魚滑，海膽丸，水魷魚，鱔片，海生蝦，脆鯇片，金菇，滑豆腐，唐生菜，烏冬等等飲品方面，當然可樂汽水一定有！仲有指定嘅啤酒都係任飲㗎！

好耐都無去打邊爐🍲心思思想去食👅柴灣翠灣漁港做緊優惠👍🏻所以一家人去食任飲任食2小時🤩星期一至五8時前每位＄218，8時後每位＄188星期六、日及公家假期每位＄218（不分時段）湯底選擇比較多元化✅我哋選擇左澳門豬骨鍋地🍽️湯地入面2大舊豬骨，配上粟米，蘿蔔，西芹等等打邊爐一定要揀美國肥牛🥩牛肉味好重👍🏻仲叫左滑牛肉，豬潤，雞件，鮮鵝腸，魚滑，海膽丸，水魷魚，鱔片，海生蝦，脆鯇片，金菇，滑豆腐，唐生菜，烏冬打邊爐餸菜方面都比較多元化，仲可以加錢叫海鮮添❤️每款餸菜都好新鮮，師傅切功技術都好好👍🏻無雪味！我意想不到！

柴灣永利中心的翠灣漁港，裝修雅緻，寬敝舒適，是晚飯聚餐的好地方。餐牌有中式小菜，小炒、海鮮……等，都較多選擇。東星花蛤孖寶：清蒸東星斑仔、鼓椒炒花蛤清蒸東星斑仔，面上有較多蔥花，魚蒸得都較滑，豉油不是很多，咸中帶點甜，剛好帶出魚的鮮味。鼓椒炒花蛤，花蛤用豆鼓及蒜蓉炒，加上少少辣椒及洋蔥，令花蛤特別惹味！西芹腰果和牛粒，和牛粒切成一口牛，入口軟腍不韌及油香，乃上等和牛！配上洋蔥、西芹及腰果，可以減去和牛的油膩感，整個菜清新爽口。食完後餐廳還送上煲得軟綿又不會太甜的甜品紅豆沙。餐廳菜式都算多，款式味道及服務都不錯，座位舒適寬敞，是家庭及朋友聚餐的好地方。

首次來到這間位於柴灣的「翠灣漁港」。酒樓佔地兩層，地下一層是外賣部，拾級而上就是酒樓堂食位置。職員即時迎上，親切的跟我們安排座位，感覺不錯。提供多款優惠食品，價格亦親民。多款特惠食品下，我們決定今次先嚐這個晚市特價孖寶 「古法蒸龍躉頭腩 + 脆皮燒雞(半隻)」✨️ 脆皮燒雞(半隻)脆皮燒雞雞皮燒得薄又脆， 雞件厚肉嫩滑。皮酥肉嫩，肉鮮骨香，口味鹹鮮，做得不錯。✨️ 古法蒸龍躉頭腩龍躉頭腩併上木耳和肉絲，加入炸蒜頭來蒸，能令魚的味道更為鮮香濃郁。龍躉頭腩魚肉細膩，味道鮮美，美味非常。  ✨️ 泰式砂鍋紅燒翅特價每煲$198，含8兩翅，可供4位用。職員把砂鍋放在火鍋上加熱後，放入芽菜(因親友不喜芫荽就不放入)。砂鍋紅燒翅熱呼呼的。獨家秘製湯底，入口味道鮮美濃郁，翅針口感滑順，添點紅醋更顯風味。職員隨後送上甜品，紅豆沙和芋頭西米露，也是不錯的。

今日難得去柴灣探朋友, 傾計傾耐左, 唯有出去食見到附近有間酒樓, 就入左去, 同朋友繼續傾!酒樓晚市都多野揀...就係太多野揀, 我唯有又係揀套餐.今次一於食豪D, 食澳龍!!!!!!澳龍+ 半隻炸子雞一個COMBO. 2個人...嗌唔嗌多樣野好呢...都係睇定D 先首先就上左隻炸子雞炸子雞炸到外皮脆, 入面肉嫩唔過火有雞味得黎又唔會鞋, 又有肉汁,是好食的之後就係到龍蝦, 係龍蝦呀~~~~上到黎, 勁大碟, 估唔到咁大碟咁多肉好彩冇再嗌其他野, 如果唔係一定食唔哂!!!!!龍蝦啖啖肉, 肉質爽得黎彈牙, 唔會梅, 勁新鮮!!!!然後送伊面底, 伊面索哂D 汁, 勁正, 份量又夠足, 兩個人可以每人食到幾碗, 大滿足!!!!!最後最後仲有糖水送今次係紫米露, 入面有粟米粒, 幾得意紫米有D 咬口, 係正的下次叫多幾個人,就可以嗌埋個片皮鴨了....

落街食晚饭，今日听街坊讲间酒楼越做越好越做越旺，我就再去食。其实系第二次啦，今次真系比上一次仲多人。胜瓜鱼肚煮海虾胜瓜鱼肚都好入味，连汤都饮埋，所以真系食得好满足，海虾好大只味道，肉爽算鲜👍🏻👍🏻👍🏻珍宝蛏子王四只珍宝百多元，每只都好厚肉，蒸嘅时间刚刚好，唯一嘅缺点系粉丝比较硬。凉瓜煮蚝仔🦪好大碟，真系估唔到咁大碟，凉瓜入晒蚝仔的味。可能蚝仔都几多。最钟意的系凉瓜仲好青同好爽口，仲带点涩味，真系唔错！三个餸两个人食，好饱，最后仲有糖水送：红豆沙、紫米露，正😄

今日星期六去同舊同學聚會，酒樓係不二之選，方便大家吹水。呢間係一間好傳統嘅舊式酒樓，人情味濃厚， 兒時回憶返晒嚟，我哋點咗d點心同炒碟嘢。脆皮鮮蝦腸外皮都好薄，裏面有啲好似天婦羅嘅脆脆包住蝦肉同蔬菜絲，蝦肉都好大粒，食落好脆，少少豉油釣味都已經好味。香菇燒賣香菇食落好爽口，同蝦肉豬肉餡比例不錯，好彈牙，軟硬適中。XO醬菜苗餃份量十足既菜苗加上薄皮已經唔錯，連埋佢既重蒜香同xo醬真係好特別，非常之唔錯。水晶鮮蝦餃物如其名，晶瑩剔透，粉嫩嘅粉紅色，好吸引。個蝦餃皮做得好好，薄而且有煙韌，不易穿破，蝦肉爽口彈牙。薑汁雞包仔餡料充實，雞肉幾滑，薑絲蔥花好香，個包都好鬆軟。頭抽乾炒牛河炒得都幾似大排檔，幾有鑊氣，色水炒得好靚仔，勁多銀芽韮黃，好香唔太油，牛肉塊都大塊同多。今日呢度食得好開心，嘢食好味又上得快，一邊食一邊傾計渡過了快樂嘅下午。

之前成日覺得柴灣係一個美食沙漠， 但原來都有清泉存在， 有一間老字號酒樓在街坊口中都頗獲好評， 就係六點頭已經開始見到人頭湧湧的翠灣漁港。餐廳裏頭非常光猛舒適， 服務員亦都非常有禮。 餐牌裏面都有不少時令優惠選擇， 看中的是一個清蒸沙巴仔加脆皮吊燒雞的孖寶套餐， 再加一個咕嚕肉和豉油王炒麵。清蒸沙巴仔沙巴仔一點也不仔， 目測都夠三至四人享用， 沙巴仔非常新鮮， 清蒸的時間也拿捏得剛好， 熟之餘魚肉質依然非常嫩滑， 配上熟油和香蔥，送飯一流。脆皮吊燒雞雖然是半隻，但因為本身雞隻都屬於大， 份量十足， 雞皮完全吃得出吊燒的功夫， 像薯片般脆口 ， 雞味非常濃郁， 好正！咕嚕肉脆口而且掛汁， 難得是豬肉炸完後裏面依然保留豐富肉汁， 而豬肉選料比較爽口部位， 精彩小菜。豉油王炒麵可以用香脆爽口去形容， 牙菜和麵條組合的口感非常爽脆， 而且鑊氣十足。酒樓附送的紅豆沙也非常精彩， 完全起曬沙。

慶祝生日跟朋友揀了翠灣酒樓晚飯。疫情期間來過一次吃晚飯，上次揀選了圍餐的半席，味道份量足夠，今次再來但食物不太啱胃口，所以我哋選其他。推介四人餐 內容有上湯蝦球伊麵 份量足，一大盅燉老雞湯 好味，原條蒸龍躉仔魚 花膠北菇螺片㷛及半隻燒雞，份量味道和價錢比稻X餐更抵吃。再加叫另一套餐 龍蝦伊麵配貴妃雞半隻衹售$258好抵都仔女喜歡吃，兩種不同味道的雞 貴妃雞非常鮮嫩滑就算連燒雞都正常香脆好。當晚不算太忙碌，夥記都好有用心招待，尤其大讚一個年青男仔應該初入行，但做事非常有熱誠值得嘉許。整體食物味道份量都比預期中好，下次吃飯可以係首選。