翟道翟 (已搬遷) 新店位置

大熱天時 想食返啲酸酸辣辣嘅嘢 食泰國菜就最好不過今次食物實在太吸引 而且實在太肚餓 冇影到相呢間餐廳嘅食物質素比起九龍城嘅泰國菜好而且性價比高食泰國菜一定要叫生蝦佢啲生蝦好大隻而且唔係腥！我同女朋友爭住食😂最後叫咗兩碟先解決到我哋嘅慾望😂 另外佢嘅生菜包 好大份而且啲肉好香口😋食得好開胃我哋仲叫咗炒金邊粉 以為會好普通 但係佢吵得離奇地香口 又唔會那埋一住 海鮮都好新鮮少有地見到工業區嘅泰國菜可以做得咁出色🤩 本身以為工業區好難搵 但係巧明街嘅工業區都好近地鐵站，而且勝在有九折優惠！平過平時係出邊食嘅泰國菜一定會再光顧

同班Friend係無得飛去泰國玩既日子.真係要黎翟道翟尋找泰國的味道！今日難得幾個朋友可以叫多幾樣餸🥰泰式生蝦係我最愛..蝦好新鮮又大隻.配埋苦瓜蒜片及秘製酸汁😋忍唔住叫左兩碟😋第一次食金不換奶油炒花甲，估唔到奶油炒會帶出左花甲既鮮味！同平時中式炒法有點分別！泰皇咖喱炒蟹，隻蟹啖啖肉，食完蟹個咖喱汁好鍾意配埋蒜蓉包一齊食👍超級美味😋鹽燒盲曹用咗好多泰式配料放咗喺魚入邊然後鹽焗燒、揭開魚皮一陣陣泰式香料嘅清香加埋魚肉有小小咸香👍一條幾個人分啱啱好👍最後仲有個泰式芒果糯米飯，糯米飯小小椰香甜味煙煙韌韌.配埋甜甜的芒果食好正👍其實餐廳仲有好多選擇，要搵日再嚟食多幾餐先試得哂😬

朋友book左枱食海鮮，約左我地响觀塘地鐵站等，佢帶左我地入工業大厦，原來今日係食泰式海鮮🐟🦐🦀，餐廳入面好大，好有泰國feel，店員安排左卡位俾我地6個海鮮友，梳化很舒服。我地叫左好多野，自制海鮮套餐😏頭盤: 泰酸辣生蝦沙律- 識食既人都知很開胃。湯: 冬陰海鮮湯- 好多海鮮，酸酸辣辣。主菜 : 冬陰明爐魚 ，可以選烏頭或者盲鰽- 睇住魚响爐上面慢慢煮，魚香四溢。咖哩炒肉蟹- 蟹新鮮，咖哩有椰香唔太辣。泰味菠蘿蝦球- 即係咕嚕蝦，蝦包滿甜酸汁，開胃彈牙。炭烤香茅魷魚- 係一道出面好少有得食既菜式。蠔仔炒蛋 - 跟蠔餅差不多。炒雜菜 - 呢個用來清下腸胃。怕食唔落飯所以配薄餅，大家食到咀舔舔，飽到冇叫甜品。

嗰日咁啱去開觀塘就去咗間朋友推薦嘅餐廳試下呢到啲泰國菜，本人自己都好鐘意食泰國菜的😆呢間餐廳都冇令到我失望！入到間餐廳都整整齊齊，企企理理咁，店員服務態度絕大多數都好好，好有禮貌，有啲阿姐都幾健談會同我傾多兩句咁🤣而食物方面都好出色！份量都足夠，啱啱好，又唔會話太大份都唔會好細份，而我個人本身就唔係勁食得辣，但呢到嘅辣我都接受到，好啱一啲同我一樣唔太食到辣嘅人去食！而菜式都有好多款可以揀，包羅萬有咁！真心推介！

男朋友喺九龍灣放工，又想食泰國菜，費事麻煩又走去九龍城，近近哋就係觀塘搵到呢間JJ Market.餐廳位於觀塘工廠區，距離唔算太近地鐵站，但可以接受。亦都係屬於容易搵。諗住工廠區樓上舖，裝修一般，但點知有驚喜，裝修都幾雅致，舒服。我地被安排到4人枱，座位寬敞今晚肚仔餓，所以特別點多咗菜，碟碟都好夠份量。點左至愛嘅明爐烏頭魚， 烏頭冇泥味，洗得夠乾淨，酸辣度合適，男朋友唔食得辣都食到。馬拉盞炒椰菜苗， 夠嫩。炸軟殼蟹， 大大隻，炸得剛剛好，幫佢 外脆內軟，夠juicy串燒拼盤，好入味。炸蝦餅，夠曬彈牙。好甜品嘅我， 當然要點芒果糯米飯，個飯係心形架，加埋2件大大芒果肉，見到都開心

前幾日黎左觀塘揾埋媽咪周圍行下，行到晚餐時媽咪話好耐冇食泰國野叫我揾間泰國野食返夠當去埋旅行！哈哈！朋友推介呢間JJ Market咁就一於去試下啦。上到去覺得環境不錯，座位係梳化椅黎。我地叫左個生蝦沙律(有6 隻), 好甜好新鮮。叫左個細既冬蔭公湯，又酸又辣好過癮，好耐冇飲啦！之後仲叫左炭烤豬頸肉同埋馬拉盞炒通菜， 豬頸肉烤到好juicy, 外面仲有炭燒味！呢餐食得好舒服好滿足呀，好耐冇食咁正宗既泰國菜，重點係坐得真係好舒服，價錢合理！媽咪已經講話要下次再黎！

喺觀塘唔知食乜好，行下行下咁見到呢間野個名好得意，好有泰國既感覺，呢排又冇得去旅行，就上左去呢間店入面試下佢既泰國茶。睇下係咪真係咁有feel 呢？店員好有禮貌，但今日我地黎到既時候因為冇book 到位，所以等左較耐，最後安排左卡位比我地兩個，位置隔離有充電位，有usb 線可充電，如冇可以試下問店員借。叫左個小食拼盤，d 炸物好香口好食跟住個辣椒炒雞都炒得好香好爽口，但係就有點油而個蟹肉炒飯有穫氣，但覺得料唔夠多最後兩個人都order 左泰式奶茶加埋埋單400元

翟道翟JJ Market Thai Restaurant 位於觀塘巧明街，餐廳聘用泰國廚師擔任主廚，環境寬闊座位舒適，佈置相當有泰國特色，整晚播著泰國流行歌曲，彷彿有一種置身泰國的感覺。⁣⁣🔸泰酸辣生蝦沙律 $118⁣生蝦相當大隻，蝦肉非常厚身。⁣⁣🔸原個菠蘿海鮮炒飯 $108⁣份量超多，有肉鬆、腰果、三色豆、魷魚、青口(超大隻)，整個飯充滿著鮮甜的菠蘿味。⁣⁣🔸炭烤沙嗲串拼盤 $92⁣雞、牛、豬各兩串，串燒夠火喉，有肉汁，沙嗲醬夠惹味。⁣⁣🔸泰式鮮蝦炒金邊粉 $88⁣多蝦大隻，味道酸甜可口。⁣⁣🔸飛天空心菜 $68⁣通菜相對大棵，味道正常。⁣⁣———————————————————⁣⛳️ 翟道翟 (觀塘）總店⁣觀塘巧明街104號巧運工業大廈1樓C室⁣⏰星期一至日 11:30-23:00⁣⁣⛳️ 翟道翟 Tuk Tuk (觀塘) 分店⁣觀塘駿業街56號中海日升中心1樓A號舖⁣

忽然今晚想出了食飯, 因為疫情影響好久沒出外食飯, 然後想食泰菜就去了這間, 環境雖然不大, 但整體可以, 因疫情關係不算太多人, 食物方面尚可！服務員態度不算, 我有些要求也可以幫手做到！

呢間觀塘工廈之中的泰國餐廳，係呢區小有的會開到夜晚11點🕚，仲有環境超寬敞裝修精緻🐘，岩晒我放工黎食！豬頸肉拼盤 $88份量適中，亦都煎得好食🐷，配埋個醬非常夾。泰式蝦醬炒飯 $88蝦醬味唔算好重，不過配埋蠟腸，即炒即上都值得推介🍚。炸蝦餅 $68份量有三塊，傳統泰國小食🍤，味道不覺不失。總體黎講，食物水準okay~ 價錢泰國菜黎講唔算平，不過餐廳坐得舒服😌，服務ok，有得差電，都值得一試！環境：★ ★ ★ ★ ☆食物：★ ★ ★ ☆ ☆服務：★ ★ ★ ★ ☆性價比：★ ★ ★ ☆ ☆

前幾日放工轉車送左車尾，嬲到我決定周圍行下街唔企係車站。行行下街見到有廣告話附近有間泰國餐廳，反正都係要等車，就諗住上去坐下順便食下野。因為個日lunch放遲左唔係好肚餓，所以淨係叫左碗冬蔭海鮮湯同一碟馬拉盞炒椰菜苗。冬蔭湯夠辣夠酸夠味，香料味又足料又足，上菜時又夠熱，冬天飲簡直一級棒!今日唔想食肉嗌左個馬拉盞炒椰菜苗，一上台好鬼香，鑊氣好足，椰菜苗新鮮脆嫩，馬拉盞落得好足唔會好似其他鋪落勁少，巧巧食。下次一定會再黎幫襯!

聽過唔少贊呢間泰國野 侍應就每人比碗季節靚湯，不過味精重，麻麻地。我地叫左6個歺1. 泰式炒金邊粉 - 好大碟，有泰風味道，唔會太濕，酸酸甜甜好開胃2. 無骨豬手飯- 有驚喜，豬手好林又入味配麻個酸菜超夾，好好食3. 黃咖喱椰汁雞肉- 普通，汁太多肉就少4. 泰式炒河粉 （牛）- 炒得好好，唔濕有鍋氣，真係好好食5. 火車頭炒飯- 味道可以，不過齋左啲6 無骨海南雞飯- 雞胸都係滑，有水準仲有跟餐送香茅薏米水，好風味同啲野食好夾總結： 佢炒野係掂，另外分量都夠多夠飽肚。*外賣，二點半後有7折阿

今日同幾個friend 一齊book位食泰國野,行完開廠之反就上去, 地址係觀塘巧明街104號巧運工業大廈1樓C室都幾容易搵, 發覺其實觀塘D工廈真係幾多好野食, party room都唔差, 呢一區食野又偏平, d野可以話係干,靚,正,今次呢間都一樣唔錯, 一黎我地就叫左小食拼盤先, 有炸蝦餅、炸雲吞、炸雞翼、炸雞卷、炸魚餅) HKD$128, 每樣有4件, 另外叫左個咖哩蟹, 蟹好新鮮, 咖哩都唔係太辣, 我唔係好食得辣都食到, 另外叫左柚子鮮蝦沙律蝦球, 青檸明爐烏頭, 泰式鮮蝦炒金邊粉, 馬拉盞炒椰菜苗, 全部野個味道都幾好下

之前有一日屋企得我一個人，其他人全部出晒去，我一個毒毒只好出去解決我既晚餐。反正得自己一個，就行遠少少去食下啲平時冇乜點食既野。係網上搵附近有啲咩食發現左呢間泰國餐廳，就打算試下。間舖既裝修唔錯，燈光又夠又坐得舒服，啲位唔逼比左我好大既好感。我就落單要左一碟黃咖喱椰汁雞($78)再加一份辣椒膏炒花甲($92)。我剩係可以講，好鬼好食!!!碟花甲炒得好香好可口，火候啱啱好得黎唔會老，而且吐沙吐我好乾淨，基本上冇食到一粒沙，好食到我停唔到口。而個咖哩雞更係絕品，香料足味道濃，啲雞又滑又嫩，攞黎送飯簡直係一流。除左雞之外仲有牛呀豬同雜菜比你揀，你想食咩口味都得。睇黎下次又得我一個人既時候去邊到食已經有答案啦，我要MARK抵佢既位置下次黎試下個咖哩牛。

無窮滋味泰國菜呢日咁岩來到觀塘，入到來一間位於巧明街工業大廈既泰國菜館。發現入面裝修精緻，坐落環境舒適。餐牌選擇不少，點了自己平時最鐘意咖哩蟹。咖哩蟹用紅咖喱粉，咖喱醬配上椰汁香味，醬汁夠晒濃稠。而洋葱、青椒、紅椒等配料亦吸盡咖喱汁和蟹肉的精華所在，口感十分之豐富。最重要的就是蟹肉夠晒鮮甜，而咖喱辣度亦恰到好處。咖喱汁用來送飯或者點蒜蓉包都相當不錯，濃郁香味讓人垂涎三分，滋味無窮﹗總括而言，呢度食物質素不錯，而且員工服務態度和用餐環境都令人滿意，值得推薦俾住係觀塘朋友仔。