翟道翟 (已搬遷) 新店位置

之前有一日屋企得我一個人，其他人全部出晒去，我一個毒毒只好出去解決我既晚餐。反正得自己一個，就行遠少少去食下啲平時冇乜點食既野。係網上搵附近有啲咩食發現左呢間泰國餐廳，就打算試下。間舖既裝修唔錯，燈光又夠又坐得舒服，啲位唔逼比左我好大既好感。我就落單要左一碟黃咖喱椰汁雞($78)再加一份辣椒膏炒花甲($92)。我剩係可以講，好鬼好食!!!碟花甲炒得好香好可口，火候啱啱好得黎唔會老，而且吐沙吐我好乾淨，基本上冇食到一粒沙，好食到我停唔到口。而個咖哩雞更係絕品，香料足味道濃，啲雞又滑又嫩，攞黎送飯簡直係一流。除左雞之外仲有牛呀豬同雜菜比你揀，你想食咩口味都得。睇黎下次又得我一個人既時候去邊到食已經有答案啦，我要MARK抵佢既位置下次黎試下個咖哩牛。