翟道翟 (已搬遷) 新店位置

朋友book左枱食海鮮，約左我地响觀塘地鐵站等，佢帶左我地入工業大厦，原來今日係食泰式海鮮🐟🦐🦀，餐廳入面好大，好有泰國feel，店員安排左卡位俾我地6個海鮮友，梳化很舒服。我地叫左好多野，自制海鮮套餐😏頭盤: 泰酸辣生蝦沙律- 識食既人都知很開胃。湯: 冬陰海鮮湯- 好多海鮮，酸酸辣辣。主菜 : 冬陰明爐魚 ，可以選烏頭或者盲鰽- 睇住魚响爐上面慢慢煮，魚香四溢。咖哩炒肉蟹- 蟹新鮮，咖哩有椰香唔太辣。泰味菠蘿蝦球- 即係咕嚕蝦，蝦包滿甜酸汁，開胃彈牙。炭烤香茅魷魚- 係一道出面好少有得食既菜式。蠔仔炒蛋 - 跟蠔餅差不多。炒雜菜 - 呢個用來清下腸胃。怕食唔落飯所以配薄餅，大家食到咀舔舔，飽到冇叫甜品。