翟道翟 (已搬遷) 新店位置

前幾日放工轉車送左車尾，嬲到我決定周圍行下街唔企係車站。行行下街見到有廣告話附近有間泰國餐廳，反正都係要等車，就諗住上去坐下順便食下野。因為個日lunch放遲左唔係好肚餓，所以淨係叫左碗冬蔭海鮮湯同一碟馬拉盞炒椰菜苗。冬蔭湯夠辣夠酸夠味，香料味又足料又足，上菜時又夠熱，冬天飲簡直一級棒!今日唔想食肉嗌左個馬拉盞炒椰菜苗，一上台好鬼香，鑊氣好足，椰菜苗新鮮脆嫩，馬拉盞落得好足唔會好似其他鋪落勁少，巧巧食。下次一定會再黎幫襯!