羲和雅苑

營業中

休息中

酸菜魚的口感帶有適度的酸味，清爽爽口,令人胃口大開。魚肉肉質細嫩滑溜，入口魚肉的鮮嫩有質感。酸菜魚有辣椒、花椒，麻麻辣辣刺激口感，其中有酸菜，薯粉，芽菜，湯底與魚肉融合在一起，酸菜魚的味道層次豐富，酸爽口感和刺激開胃，芽菜清新爽口，薯粉入口煙煙韌韌，並且吸收湯底味道酸辣濃郁，十分好味。金銀蛋筍絲的口感非常爽脆,入口即化,非常可口，有皮蛋，鹹蛋，肉碎，湯底用鮮肉來煮，所以十分清甜有肉香，而筍絲的味道，鮮嫩滑嫩、清甜淡雅、清脆爽口，十分岀色。精美點心拼盤全部人手製作，有小籠包，蝦餃，燒賣，壽桃型布丁，木耳，鮑魚有很多款美食，每樣都有相當水準，食得出廚師精心炮製，今餐非常滿足，食飽後飲一杯熱茶，冇得彈。

冇其他原因，就係心血來潮好想食片皮鴨而東涌冇乜選擇既情況下入左黎晚餐～咁當然都因為睇左門口既menu都好多野想食同埋望入去門面好乾淨啲位又好寬敞。推住b車真係唔係咩餐廳都岩去🥲 講返野食先，唔使講啦，起碼要叫半隻片皮鴨架喇！師傅係我地面前片皮 片肉！即刻諗到童叟無欺哩4個字😂成個上菜過程都令到件事好隆重 隻鴨好主角😂首先檯上面一早有個轉盤俾佢地放個大配料併盤同蒸籠～ 好方便轉住黎包片皮鴨食！跟住有個黑色盒一路都唔知有咩用，去到臨上菜個陣職員就放左個加熱包入去即刻出煙，原來係放片皮鴨既！等佢keep住個溫度！跟住再每人派左張卡仔介紹食邊part應該配啲咩！師傅切好哂之後侍應姐姐都逐步逐款介紹多一次！！咁多種配料唔使講都知最特別係爆炸糖！新穎得黎個味又配合到！不過建議快啲食哂佢，因為放耐左啲糖會痴埋一舊！跟住身為金銀蛋fans見到哩個金銀蛋萵苣係冇需要考慮就揀左！份量勁多佢既皮蛋幾特別，平時食開都比較粉同散，佢就比較實同煙靭！超鍾意個萵筍係條狀咁煮，爽口！跟住叫左個松露蝦球伊麵！無論松露、蝦球定伊麵都係好👍🏻！松露勁足 又香又濃！蝦球大大隻又爽口！伊麵吸晒汁同埋唔係個啲碎濕濕既狀態😂推👍

位置東涌東薈城嘅羲和雅苑主打各類賣相精緻中菜而且餐廳環境寬敞舒適，服務良好好適合帶埋家中長輩嚟用膳冷盤小食前菜湯羹甜品樣樣都有屋企人一入嚟就比餐牌上嘅招牌煙燻叉燒王吸引咗餐牌寫住係用磚爐吊烤而製成嘅叉燒配以自家製嘅蜜糖芥茉漿同埋菠蘿甜蜜汁其實就咁食都非常惹味 比燒味店食到嘅叉燒更為濕潤 甜味好重配飯食一流秘製芥末醬都值得一讚非常濃郁而有豐富芥末香味比較fusion嘅一個食法冰鎮磯煮鮑魚份量十足，而餐廳細心地切好做四件 完全吸收晒滷汁 入味 咬落柔軟拆骨肉燉白菜湯底鮮甜 而且預先拆骨適合長輩食用非常驚喜嘅喺呢道海膽金沙豆腐煲上菜時係啱啱燒起 非常滾燙海膽同鹹蛋黃已經完美融合下面會有一片片嘅豆腐海膽味較為突出 亦都係10分適合送飯嘅一道菜

喺東薈城入面有間古色古香嘅北京菜館，因為比門口餐牌嘅片皮鴨吸引咗入去～入面環境真係好靚，卡位都坐得好舒服！睇完餐牌之後比其他嘢食吸引到，唯有下次先再嚟試片皮鴨。我哋叫咗一鍋拆骨肉燉白菜，肉同埋白菜窩都係男友人嘅最愛，其實都幾大鍋，湯底好鮮甜又濃味，飲到停唔到！一鍋入面都有大量嘅肉絲同白菜，正～主食試咗石鍋海皇野米貴妃泡飯，真係原個石鍋上，熱辣辣的，加埋米通入個海皇湯真係超好食，脆脆地口感一流！再叫多松露蝦球伊麵，呢個相對嚟講比較清淡，啱啱好可以襯托到個松露香味，伊麵底夠晒汁唔會乾爭爭，蝦球好新鮮彈牙，唔錯！食北京嘢想試埋個濃湯水餃，都好味，有水準！最後是啲特色嘢 - 羲和小肉餅，每一嚿都插住支醋，個肉餅係一層層肉捲起，最外層係酥皮，將啲醋唧入入邊食會冇咁漏，而且帶出到肉餅嘅鮮味，可以一試！

今日同男朋友嚟東涌shopping, 揀咗依間中菜餐廳食lunch。見假日都有lunch set $108都幾平，而且加$238有半隻填鴨, 個組合非常之好。午市套餐多選擇，由前菜、時蔬、湯/飲品、甜品都有。前菜選了蜜汁脆芋絲芋絲切到好幼，甜度適中，放耐咗會癡住一齊同涼咗，早d食口味更佳。時蔬有少少娃娃菜賣相好靚嘅半隻烤鴨烤鴨分咗三食，分別有鴨胸皮、鴨胸肉、鴨腿肉。店員亦都放咗張小卡介紹食法:1. 鴨胸皮點爆炸糖好特別嘅食法，鴨胸皮本身都好酥同脆，加上爆炸糖喺口腔內爆炸，好刺激！鴨胸皮可以單獨食唔洗包薄餅。2. 鴨胸肉點黃芥末都係唔需要包薄餅食。芥末味濃，同鴨肉又幾夾。3. 鴨腿肉包薄餅2食第一種係落甜醬嘅普通食法，第二種係點藍莓醬同山楂條。個人喜歡普通食法多d，第二種食法比較新派，酸酸甜甜咁。午市套餐仲揀咗黑松露蝦球伊麵、金湯海皇羮、楊枝甘露。欣賞伊麵個黑松露味好濃，蝦球亦都大大粒。海皇羮入面有少量海鮮最後以一小杯楊枝甘露作結。佢嘅酸甜口味完美平衡，食到有少少芒果同柚子肉。

同朋友去東薈城搵食，想搵間精緻啲嘅餐廳好好坐低咁食晚飯，所以揀左呢間羲和雅苑～入左去之後發覺原來餐廳都幾大幾闊落。一路都keep住播中樂歌曲，感覺舒適～餐牌可以散叫又或者有套餐，而套餐就會跟烤鴨。不過今次同朋友無食套餐，選擇左散叫以下幾款菜式～🥢 桂花蜜山藥 $58桂花味好清香，而且唔會太甜。算入口即溶，唔錯🥢叉燒皇 $148份量比想像中大！帶咬口得嚟唔會咬唔到～ 旁邊仲跟左啲菠蘿，清清甜甜，同叉燒一齊食幾夾🙆🏻‍♀️🥢 芥末沙律蝦 $148每舊有2大隻蝦，蝦夠晒爽口！下面嘅米通幾脆，我都幾鍾意食～ 個芥末沙律醬唔會太甜，唔錯。我同朋友都幾鍾意呢道菜～👍🏻🥢 張氏獅子頭 $48朋友因為睇左menu嘅介紹所以想食。佢會配一碗仔飯比你撈個獅子頭嚟食～朋友一見到就覺得好得意😆 我會形容個飯係神來之筆，因為真係可以完全撈埋獅子頭個汁嚟食，完全品嘗到佢整道餸嘅味道！推介！！🥢 籠仔櫻花蝦海味蒸飯 $118另外都叫左個籠仔飯，有啲米氣～ 真心好足料！而且唔會好鹹🙆🏻‍♀️ 啲飯嘅質地都幾清爽、唔錯👍🏻🥢 宮廷豌荳糕 $38最後仲叫左一個豌豆糕做甜品～ 清香嘅豆味，欣賞佢唔會太甜，清清地，又粉粉地，好食

上個禮拜六 去咗東涌東薈城outlet食完個lunch走入去愉景灣所以就周圍覓食見到呢間中菜 個Menu又有片皮鴨咁就入去一試點知一試有驚喜！要推介俾所有人！我哋就係試咗呢個餐二人餐 weekend都有$488 per two本身以為會唔夠 點知食到要打包佢除咗嗰個2人餐 仲有呢一個4人餐大家可以參考吓呢個頭盤係冷盤嚟 麻醬加娃娃菜都好醒胃夏天食啱啱好湯方面，我哋揀咗黑松露同埋山藥各一黑松露味道重啲山藥就清啲但兩款都好好飲 好足料主菜我哋就揀咗叉燒個叉燒有啲火炙嘅味道燒得好香同一般叉燒的確係唔同值得一試小籠包係前菜皮薄餡靚又多汁之後就介紹吓片皮鴨呢個真係重頭戲半隻片皮鴨 有專人喺你隔籬切埋分好晒三個唔同部位又有個簡單嘅說明書教你邊個部位點咩醬汁真係好貼心傳統片皮鴨剩係得甜醬青瓜而家新食法，可以加埋山楂條 藍莓醬 甚至爆炸糖真係幾新穎嘅食法而且味道有幾夾喎真係好推介，大家試吓最貼心嘅係 個蒸爐入邊全部都係片皮鴨啲皮但每一塊都有張紙隔開等你啲皮唔會黐埋一嚿嚿實在太窩心仲有呢一個蒜蓉土魷蒸荷葉飯又健康又嘢味真係飽到嘔呃總括嚟講，下次一定會再幫襯大家想食片皮鴨 又想試啲新式啲嘅不妨嚟呢間試吓

行完outlet已經夜晚，Vivian攰喇，又可以食野😋Menu青梅小排骨 $118入口酸甜，排骨炸得外層酥脆，排骨肉好腍，完全唔乾，送飯食一流小籠包（4個） $68小籠包都好味，皮唔會太厚，夾起亦唔會穿，非常好，而入面個餡好多肉汁，咬落去會爆汁，be careful😉瑤柱香菇燜伊麵 $128伊麵炒得好爽身，唔會太油/太乾，食完一啖會想繼續食，真係會食唔停口乾鍋醬小炒皇 $178海鮮都比得幾多，蝦球同鮮魷都炒得好入味，入口彈牙，又唔會太鹹薑汁紅棗小桃膠 $48薑汁味唔會太濃，剛好，桃膠煮到入口即溶，Vivian likes it

服務同食材都100分💜環境清幽舒服，而且有廂房，下次約埋屋企人可以包間房，一齊嘆吓茶🫖鹹蛋黃炒蝦🍤外層好脆好香好均勻嘅鹹蛋黃，蝦肉質彈牙，非常滑而鮮甜，兩種口感可以食得出廚師嘅功夫。冷盤嘅 雲耳，醬汁酸酸地帶有微辣，好醒胃既，大人細路都啱食。而三款湯，每個湯都以海鮮為主題，有帶子、蝦、魚肚，湯汁個濃郁度啱啱好，材料新鮮，平時唔多飲湯嘅小朋友都要飲。非常大碟嘅酸菜魚🐟無論外在及內在都好吸引，金黃色嘅湯底配上大量嘅顯功架的魚肉片，切得薄，但煮得啱啱好，肉質彈牙，唔會碎哂湯底酸麻但又不太濃，飲完‎唔會口渴嗰種甜品🍮有一個小盆栽🪴嘅芒果布甸上面係黑色朱古力碎碎，下面係香芒布甸，芒果味出眾，布甸夠滑，淨係外表presentation就值得俾滿分💯另外，楊枝甘露🥭清甜解渴，作為而家呢種悶熱天氣嘅最佳選擇😍