義香荳腐食品

營業中

休息中

身為黃大仙為食友，有一個很大的優勢！ 就是可搭個小巴，短短十分鐘路程到達九龍區美食心臟地帶—九 龍 城！今天下午又拜訪九龍城義香豆腐食品，每次都食豆腐花，今次襯同屋企人黎，甘多把口，一於叫多啲，試埋佢既小食！青椒三寶 $19絕對符合商品說明條例，跟餐牌上的照片一模一樣，都是大大件，超級飽滿型的煎釀三寶！豆腐、茄子、青椒上面釀上滿滿的魚肉，雖然價錢比街邊貴一倍，但感覺絕對值回票價！茄子剛炸起，超熱！茄子炸到軟綿而不霉，魚肉緊緊黏附在茄子上，完全無分體情況！豆腐不乾不硬，火候控制適當，豆腐軟嫩帶豆香。青椒爽口微甜，與彈牙魚肉的口感相映成趣。魚蛋 $10真有尋到寶的感覺，想不到豆品店的魚肉這麼出色。除了超有魚味，口感亦十分彈牙，絕對不是批發魚蛋貨！燒賣 $10這個未必適合全部人，但正是我杯茶！我稱呼呢種燒賣為皺皮燒賣，比一般燒賣更要軟糯，但非常易入口。每次食都有溫暖幸福的感覺。 豆漿拼豆花 $14每次必吃，一次過吃到豆腐花又喝到豆漿，最能滿足我這種貪心鬼。豆花一如往常般滑漏，以豆漿代替黃糖更是一絕，將豆味發揮到極致。 臨走時再回望一次正在油炸的豆腐，天呀，好肥膩呀，好有罪疚感！但如果再比我落

每次到九龍城，都心思思想把美食吃盡才回家今午跟朋友在附近吃過下午茶，前往街市買餸之時，還是抵擋不了義香荳品的荳香，來了一客煎釀三寶我選了荳腐青椒茄子各兩件的款式，每件大大件，只是 $19下單一刻即落鑊炸，不用兩分鐘就上枱，熱騰騰香噴噴，沾上甜豉油及自行添加枱上的辣醬，簡直絕配荳腐香滑可口，茄子亦很新鮮，青椒挺爽口要不是趕買餸煮飯，定想再來一碗荳腐花和香口的炸雲吞與炸荳卜接近放學時間，店内都近八成座位坐滿街坊與學生，大家跟店員閒話家常，好一種老香港的情懷，充滿和諧的氣氛，希望這家老鋪繼續長做長有

記得細個嘅時候，最鐘意就係同屋企人去街市買豆腐花食～價格非常便宜，5蚊有2碗！又香又滑！可惜之後小鋪執咗就再冇食返嗰種味道。今日同朋友本身係去緊九龍城食其他嘢，但喺行經九龍城街市嘅時間，見到義香荳品就不禁停左喺度！同兒時一般嘅陣陣豆香，加上懷舊嘅店舖環境，好有親切嘅街坊感覺 好鐘意喺度睇住伯伯煎嘢食^^ 價格當然都係平民價，大件夾抵食❤️ 豆腐花，又香又重黃豆味，加上黃糖，簡直甜入心 平時好少食煎炸嘢，但見住伯伯係面前不停煎，都情不自禁叫左一份煎釀豆腐食。即叫即炸，豆腐煎得外脆內軟，魚肉味道唔算好重，但口感一流!今次食咗唔算好多野，臨走叫左杯熱豆漿邊行邊飲，為寒冷嘅天氣添加一點點溫暖。不過出到鋪真係太凍，都唔記得影相lu🌬

：熱豆腐花 堂食$8 行街$10 九龍城有兩間豆製品店最出名～ 成日都會見到周潤發😂 行過街市食返個真係好正👍超級滑而且豆味好重 熱到燙嘴😛 不過好多人 好忙所以唔好打算態度會好好🌝而且賣相唔吸引 但勝在咁多年依然好味

豆漿還可以, 但沒有格離街那老店香豆味.豆花唔夠甜, 而且寫明不提供糖....無左食豆花既味道.... 麻麻地我沒寫過食評，但今次真係忍無可忍。星期日經過打算買個外賣回家，叫左2枝豆漿2盒豆花，門口呀伯口up up咁唔知講咩。由於人太多一時聽唔到，個呀伯見我無反應就好惡好大聲咁指住右上方「望下上面啦」。果一刻我先知佢問我要大枝定細枝。。。咁嘈咁多人聽唔到你講野好出奇呀？咩態度呀？以後都唔會再幫襯！

店名：義香荳腐食品地址：九龍城衙前塱道74號地下好味指數:7.6/10價錢：$8熱豆腐花差不多8點來到, 已準備關門, 我和友人匆匆入內,點了熱豆腐花。可惜豆腐花不夠熱，但勝在豆香味濃,而且豆腐花亦很滑。

跟奶奶到九龍城吃泰菜，順度逛逛九龍城買點潮州乾貨。經過這門口充滿歲月感的豆花店，就來一碗豆花吧!奶奶愛豆味濃的豆花，而我則偏好滑豆花。如能兩者並兼備便兩全其美了。點了兩碗豆花，小碗子盛着，份量不多，但只是八元一碗，也算便宜了。看上去已是很滑溜的樣子，熱熱的豆花未吃已散發陣陣豆香，嚐一口，豆味甚濃，不是入口即溶，但入口很滑很滑。很有古早味的豆花，既香而滑，很有水準。喜歡店子的老式陳設，很有古風的感覺，這種傳統的豆花店愈來愈少，每次遇到，只會更愛更愛，每次到九龍城，都要來義香一趟，回味那老式豆花風味。

Business was good on Sunday at this traditional tofu eatery, her tofu custard is smaller in size than the Kung Wo's nearby, contained in a green pastic bowl, a few spoonfuls of grinded crane sugar had already been sprinkled on top when it was served.You could get the taste and smell of bean, for the first few mouthfuls at least, texture was smooth and silky enough, but for me I had to put the enviromental factors out of my mind before I could fully appreciate it.  You could sense the filthiness,

食完牛肉餅，飲咗杯完全無豆味得甜味既豆漿後，路過義香即刻走入去義香在除了星期六日假期人頭湧湧外，以前在平日食晏時段也有很多捧場客(大部份是學生)，我也試過平日來食晏，十幾廿蚊捧住個肚走 !是日下午茶時段食客落亦不絕，店員們忙到氹氹轉堂食除了環保D之餘，價錢係抵過外賣剛吃過午餐，其實唔餓，所以叫了一杯豆漿同一碗豆花，這杯豆漿梗係好好多啦四圍充斥著濃濃的煎炸豆腐香氣，最後敵不過豆香，再叫了一些炸品炸釀豆卜 (本想雙拼,但豆卜原來無得拼)煎釀豆腐, 豆腐外脆內滑又有豆香超滿足 !!!!!!!!

九龍城是一個寶藏，但已經不知不覺在拆卸中。照雞蛋的黃燈泡，綠色細格地磚，拉下來的收錢膠桶，一直在慢慢消失。九龍城己經多了很多新樓和地盤了，望上天空，新舊並不融合。走入九龍城的每條街，感受快將失去的小店味道吧。今天一直逛一直買，一直驚訝九龍城小店的多樣性和專門性。我們吃了不少小店子的名物。這裡有義香荳腐。豆腐店門前有典型的街市式買豆腐，一個板子一層微黃的豆腐，正正方方的敞著，像呼喚客人過來買這新鮮的食材。移過一系列豆漿機，我們在門口給堵住了。原來前面的顧客想付錢，卻阻了煎釀豆腐姐姐的去路。煎釀豆腐姐姐托著一板豆腐，慶沖沖的邀請那顧客讓開。友人說這姐姐一直很粗獷，小店就是有這種率真的店員才有個性有印象，當然底線是不能鬧客。 我們點了一碗豆腐花。紅糖令豆腐花帶上一絲嬌麗，看到都覺得甜。還是非常，非常熱的豆腐花，豆味不是很濃郁，滑入喉嚨後，那豆香卻慢慢回泌出來了。豆腐片得比較厚，沒所謂吧，反正一起也會裂開。另外也點了豆漿。豆漿的豆味也是非常有個性，是滑入喉嚨後才感覺豆香。但我們豆腐花加得太多糖了，喝豆漿時變得甜度不夠。豆漿喝到底部也沒有渣，比平時喝的沒有太傑身。友人叫我留意店子背著門口計左手

同閨蜜係九龍城買完野, 其實應該返屋企晚餐架喇, 不過2個饞嘴又想食咸既小食, 咁岩係美食天堂天九龍城無理由唔食者 剛好行到義香個條街, 又係openrice上見到不少推介, 一於行去食啦!  行到附近見到有條龍以為6點都要等位, 心諗唔係掛, 原來係再前面的一間牛肉舖, D人係排買肥牛打邊爐~ 可惜我家中沒有飯開, 不然我都買D試下~講返義香, 傳統荳品店的模樣, 磚牆吊扇...  除左豆腐花, 連煎炸食品都非常吸引! 結果2個就要食晚飯的人每人一碗豆腐花, 仲叫了2大碟煎炸小食! (之後就後悔因為真係太飽...)閨蜜叫了紅豆豆腐花, 一加了紅豆(另外仲有綠豆或者涼粉甚至其他糖水)就只有凍豆花, 因為唔係傳統糖水舖無熱糖水, 紅豆份量都不少, 有差不多半碗, 甜甜的~  閨蜜好喜歡豆花的味道, 有豆香得黎又夠滑, 又不會太淡, 係有一種特別的味道...而我就想熱的就咩都無得加喇, 熱豆花味道更濃, 落了黃糖甜甜地好快就比我倒晒入口...XD煎三寶--魚蛋, 豆腐, 韮菜餃, 新鮮即煎非常熱, 同時都好熱氣... 不過又不會煎過火太燶, 所以一層薄薄的脆外層就夠香口! 沾上辣醬更惹味!

就是因為這間店﹐我實在忍不住寫我的第一篇食評!今天在附近吃過午餐﹐打算買杯豆漿飲。公和就一向有光顧﹐所以決定到義香買。首先﹐在門口負責的那位男人非常粗聲粗氣﹐只是短短的一分鐘已令我感受到那麼差的態度...不過也沒所謂﹐反正我只是外賣.......買了兩杯凍豆漿﹐但是有嚴重的燶味! 是像煙熏的那種煙味。實在是不能接受!後來﹐媽說之前去買豆腐卜也被老闆娘'串'。以後一定不會再去!!! 如要買豆品﹐會去另一間。起碼不用受無禮對待!

食完泰國野 未夠鐘打羽毛球 再周圍搵野食 經過街市 見到豆腐店 知道好出名 緊係要貢入去試試 店內係好舊格調 右邊有大形雪櫃 冇咩冷氣 姐姐們好有威嚴霸氣 我地兩個因為天氣太熱開係 一人一碗凍豆腐花 豆腐花都幾滑 但好似唔太香豆味 元朗呀媽香d同滑d 同埋本身已經幫我地加左糖水 唔可以自己話事加幾多 要唔要由我揀 如果糖水再有埋薑汁就perfect 我地仲叫左煎讓豆腐 其實係半煎炸 豆腐一咬落去就有好大浸焦燸味 應該係煲豆腐煲燸左 豆腐較硬同多油 不過埋單$24 算係咁 而家唔係咁易搵到香港小吃 仲要係自家製

去到九龍城必食豆腐花,以前去開公和睇怕以後都係轉場好.叫左:豆腐花,青椒三寶,黑豆漿豆腐花:味道如舊有小小炭燶味,感覺有小小粗糙.青椒三寶:大大件好新鮮,魚肉都幾多,不過豆腐就實左小小.食完重買左支黑豆漿,超正!好重黑豆嘅天然燶味,唔會太甜.

五月六日 (星期二)倆口子由旺角出發到九龍城，本身目的地是首天開業的聯發可是，走到門口，閘已半關一問之下，原來是日提早關門，真掃興 也不想空肚而回，前面就是衙前塱道，便想起義香接近七時，仍有不少食客食豆腐花倒有一陣子沒吃過豆腐花，就先點兩碗，加杯未試過的黑豆漿，再來一客煎釀豆腐黑豆漿只有凍的供應呷一口，有一陣濃郁的豆香，再加以這裡獨有的微燶氣味看看牆上告示便知，因為用上自家的秘方製造肚子打鼓，來客煎釀豆腐也不錯豆腐的確嫰滑，面的魚肉份量也不少，挺厚身，味道就...豆腐花還是熱食好，黃豆味會更加突出入口非常嫰滑，多吃也對身體好哩！再買四両豆卜再肯罷休，再到街市買餸!!!