義香荳腐食品

營業中

休息中

朋友話義香比公和好, 今日就等我驗證一下 凍豆花 - 果然好滑, 好少凍食保留到軟滑感, 不過豆香不足, 平手! 炸豆卜 - 即叫即炸, 好脆口, 細細粒, 釀魚肉較少, 特別一讚豉油調較得很好味, 不過個人較喜歡大口大口咁食, 所以.......公和稍勝! 凍豆漿 - 非常濃豆香, 感覺creamy, 以餐酒術語表達, 即係full body, 義香壓到勝!義香有太多七彩大菜糕, 亦有各式各樣小食, 有好多新意, 不過, 略嫌不夠傳統老板態度不甚有善, 樣子兇神惡剎, 影響我用餐心情若果以味道比拼, 兩邊打成平手如果考慮到環境, 氣氛, 服務態度, 我會揀公和

因為岩岩放學所以都唔係有太多人係到首先，豆腐花其實麻麻地不過豆漿真係好正，比起豆腐花豆味更濃又夠凍炸魚蛋仲正。又彈牙又夠大粒加上送到黎個陣仲係暖暖地唔會話凍哂又唔會話太熱食唔落口正！！

我係一個超鐘意食豆腐嘅人，今日放假就C6去試吓依間好多人都話OK嘅豆花店，我叫咗個熱豆花、凍豆漿、煎釀豆腐及碗仔翅......先講過豆花先；都算滑但就冇咩豆味囉，反而個豆漿就有豆味，煎釀豆腐即叫即整熱辣辣，但都係冇咩豆味，個碗仔翅超唔掂；千祈唔好食，D人服務態度又唔得，一味得個急同亂，唔掂。

每次經過都忍唔到口,青椒三寶,新鮮炸出黎,熱辣辣又香,豆腐最好味,外面脆入面軟,好滑.豆花,暖暖地,好滑,好香既豆味,豆漿,好濃既豆味,但同時又有陣燶味,好怪!仲有大菜糕多奶,終於呢個好難整得唔好味,但可能依家好少地方有,所以特別覺得好味!

一家三口啱啱食完餐好難食嘅日本菜後，唔係好飽，所以諗住嚟此店tea一tea。聽人講這店所做嘅豆製品好出名，咪走去試吓囉！！食過後，覺得味道一般，豆花，豆漿同黑豆漿滑就滑，不過冇乜豆味，反而青椒三寶，同煎釀豆腐，新鮮炸起，熱辣辣就幾好味。唉！！暫時我都未到一間好得過日本嘅豆品店了。

有朋友告訴我，九龍城有很多美食。其中一間就系義香荳腐食品店！！！！尼度格局幾懷舊......佢幫我嗌左野飲同３樣小食黑豆漿：味道清甜，口感幼滑，仲會聞到荳香（哈，系味自家製關系呢）炸豆腐，炸魚蛋，炸腐卜：即叫即炸，冬天襯熱食，正！（魚蛋堅系好食，同埋一碟１０粒既腐卜只系＄７！！？）埋單，３杯黑水同３樣小食都只系４１＄..........下次經過，一定再黎（仲有好多未試....）住系尼頭既街坊真有口福....

晚上約了家人在九龍城區食晚飯,需然已經係晚上五點幾,但...既然嚟得九龍城,當然係要來探吓"義香"的...食物囉~我愛這兒的,不單是食物本身的味道,而是陪著我們成長的"味道"及這店老闆娘的人情味同囡囡叫了一碟三寶 -->>依然的好味~一件蘿蔔糕 -->>又大又厚,味道也沒變~一碗熱豆腐花 -->快要滿瀉的豆花,仲要滑過亞女塊面呢~一杯崩大碗 -->>呢杯飲品,每次來到,我一定叫的,因為,唔係同圍都有得飲, 即使有得飲,那些青草藥味都唔夠呢間好~ 埋單$30蚊,好滿足的離開,當然..下次再來九龍城的話,我仍是會再來的~

九龍城兩間荳品店,我還是鍾情義香.黑豆漿豆香味濃,感覺比白豆漿更為強烈.吃豆花從來愛吃凍多過熱.義香的豆花較為硬身,如果你喜歡澳門李康記,義香一定不是你所愛.但吃下去的感覺,都香滑.煎釀豆腐即煎,還是那句:好難做得差,豆腐外脆內軟,魚肉味道濃郁.豆漿豆花加豆腐,三豆便是一頓晚餐.在九龍城書節上,見到眾年青人,拿自己的家當擺地攤,與朋友拿著木結他,一邊擺檔一邊唱歌.真恨不得遲出生十年八年,去追回昔日青春.但是在義香,對著城寨公園,又有點恨自己為何不是早十年出生,我真的想拿部相機,到九龍城寨行一轉呢.城寨拆卸之時,我剛升中,點識得太多?人就是如此地矛盾.吃完最後一件豆腐之後,放低二十塊錢,步出店外,還是要向前行.

今晚會去「德國啤酒節」所以不想吃午飯，去九龍城行街街， 經過「義香荳腐食品」順道幫襯下。環境老派風格，店舖並沒有什麼裝修，地方細細， 老店感覺..食物 我們叫了豆腐花 - 水準依舊，有荳香煎釀三寶 -青椒、茄子及豆腐，即叫即炸，抵食夾大件 每樣兩件，大大件韮菜餅 -潮洲小食，勁香韮菜味，大家不防一試﹗價錢一般般服務服務可能不是好好 ，街坊老店﹗﹗整體而言：我歡喜的老店味道及感覺。

每次去九龍城都會幫襯呢家小食店‥雖然地方細細... 但好有大家庭的感覺..叫的食物都是即叫即炸..新鮮!服務員蠻不錯，可能人多..手腳會慢一點。燒賣、三寶、米粉都好正~大家不防一試﹗^^

食完西多，黎左呢到食豆腐花，以前讀書果陣食過，印象唔錯的，黎開九龍城，再黎幫襯下。豆腐花，要滑身的，這裡不是，賣點係荳香，荳香跟以前比較是淡了點，不過也可以的。配套係放係枱面既糖，喜歡糖多過糖漿，加埋一齊食，好吃。亦要了荳漿，荳漿的荳味明顯比荳花強，夠凍，不太甜，好吃豈止荳花。要試下三寶，即叫即煎，黎到果陣熱辣辣，油身，一般般的三寶。這裡的荳花荳漿很好很好很好的算不上，但比一般街市賣荳腐的店好是真的。

真係比錢買難受!!!!話說有次去買豆花!!!因為多人排隊!!所以就外賣啦!!!因為我條褲比較緊!!所以難搵錢!!我叫個姐等等!!!點知佢好惡咁鬧我!!買野!!!拎定錢出黎先ma!!!快d拎住啦!!當場火都黎埋!!!d野好食又點!!!咁差服務態度~點好食都無用!!!下次搵鬼幫襯!!!!

岩岩在公和吃完，在週圍轉轉又見到間豆花，好似聽講好味喎，食多碗我都無問題，就入了去，點了黑溝白，涼粉幾彈喎，豆花幾滑，味夠濃，加了個煎釀豆腐，有三舊，即叫即煎，熱辣辣，點醬會好味些。吃了16元，內裡好有家庭感覺，同新潮豆花店比，尼度坐得舒服些。

呢排去親九龍城都會幫襯既小食店! 我愛佢個釀豆卜 - 炸得脆脆! 魚肉夠陳皮味 ($6) 三寶 - 一句已夠形容 "大件夾抵食" 件件都有份量($10) 九菜餅 - 潮洲小食之一, 個皮都好煙UN , 個餡無乜肉好啱KEEP FIT既女仔食 豆付花, 涼粉 - 豆製品世家, 佢既豆花不用詳說了! 一個字"香" !

來這裡吃豆腐花，也會順道叫“腸三寶”吃，這店除了豆製食品是自製之外，連魚蛋和燒賣也是自製的，腸三寶正正有魚蛋和燒賣。不過我不太喜愛吃腸仔，可能炸得比較耐，有點乾的感覺，而魚蛋外層卻炸得非常煙un，細細粒、魚肉唔腥，好好味！店舖並沒有什麼裝修，和我兒時食的環境沒有怎麼轉變，唯一變了的是人多了，食物款式也多了，假日時候通常坐無虛席。基於我家開了派對，專誠買了一磅魚蛋回家，成為40個大洋(都不算便宜)，不過實在好食，貴也值得呢！星期六那日，最快食完的食物，並不是雞翼、南瓜湯、或海鮮等食物，而贏出的就是用油輕炒魚蛋加少許美極已足以令整碟魚蛋一一掃光。不過，我有點不明白的是，為何豆品專門店都會有自制魚蛋呢！