義香荳腐食品

營業中

休息中

男友話呢0度0既豆腐花都幾出名，食晚飯之前拉我0黎試下~叫0左熱豆花，唔係好滑0者，連0的水都係奶白色，但都唔覺豆味濃...仲食0左煎豆腐，煎豆腐竟然比豆花滑，好味，不過好多油呀...環境唔得，食到出晒汗，臨走買0左大支黑豆漿，真係好大支，不過味道應該普通豆漿好0的.

一直都好想去義香試o下出名既豆花。今日放左工，一個人又唔想食成個飯，就去義香食個豆腐花環境，當然麻麻啦，不過，街市豆腐舖係咁樣架啦。睇個餐牌，除左豆花豆漿，都算幾多野食，有紅豆沙，煎三寶，九菜餅，碗仔翅，米粉都有。叫左個熱豆花($6)，細細碗裝得好滿，滿到叔叔隻手插左入去.....可能期望過高，又或者我幫襯得太遲....畢到桶底，豆花一d都唔滑，豆味亦唔見好香濃。台面果樽比你自己再添既黃糖....混左好多砂糖.....。我覺得上多幾條街既公和好食d。同大澳，甚至澳門專食豆腐麵(唔記得左咩名) 既豆花, 直情冇得比。由於唔信邪，叫多碟煎釀豆腐($5), 一碟3件，大大件幾抵食。果件係硬豆腐，我麻麻地鐘意, 不過又煎得幾香口既。食完好飽......本來仲想食大菜糕，都食唔落。總結，除非路過.....否則真係唔使專登o黎食....

今日九龍城有成37度,,,熱到溶咁濟緊.../.\"經過義香心血來潮走左入去食野,,,兩個人食...叫左碗凍豆花同芒果大菜糕本身想要熱豆花...因為一直覺得凍豆花會比較鞋口...但因為天氣實在太熱...死就死啦!!!好彩吃落仍然都係好滑溜,,,豆味仲好濃,,,芒果大菜糕亦比想象中好味,,,佢另外仲有好多味,,,都幾特別嫁,,,放低$12就走人繼續熱喇,,,

點解d人唔講下依個豆腐花既??好, 就等我黎講下先!!!其實我由中學時期己經開始幫襯義香, 有十幾年, 鄰近九龍城街市, 九龍城廣場, 交通尚算方便。依幾年帶女朋友去義香食, 佢都開始鍾意食, haha, 好, 入正題。依碗水晶珠什果豆腐花(又稱"什珠花",$10), 你咁講阿姐會明的, 佢仲會問你加唔加奶, 態度友善, 非常親切。講下依碗豆花, 佢係凍食, 一定無熱豆花咁好食, 但仍不失其吸引之處。入面有好似西米咁既野, 透明好大粒, 但係咬落好爽, 好彈牙, 一d唔似西米質感不錯。加上什果份量唔少, so, 係夏日消暑推介。環境方面, 其他食客大部份己經介紹過, 不多說了, 義香係老店, 無冷氣, 怕熱的人可以選擇"外賣"。補充: 去義香千祈唔好太夜去, 因為.....好似7-8pm過後佢只係做外賣, so 唔好太晏去

坐在中間長枱，頭頂橫樑，思量着灰色鐡書枱的歲數，看着偌大的31號日曆（背後是一號，又撕掉一個月），乘着吊扇吹來的微風，我寫下我的餐後感：真才實料，不怕貨比貨；貨真價實，才能屹立不倒。堅持，需要勇氣去欣賞別人，去認清自己，老店做到，做緊，亦會繼續做。那麽我們呢？（又撕掉一個月。。。。）豆漿：6元煎釀豆腐：6元3大件

見到咁多好評語，所以好想黎食，可惜第一次黎好多人，所以冇食........第二次黎見到有位，所以就入去食啦......................叫左個$6熱豆花和$10三個的釀豆腐.................熱豆花都幾滑喎，又好有豆味，真係唔錯.........釀豆腐即叫即炸，熱辣辣，一黎到已經嚇親，因為都幾大舊喎.........豆腐都有豆味，釀埋d魚肉炸，而且佢地有在豆腐上淋左d鼓油，自已再加d甜醬點就真係好好味..........黎道仲有糖水和其他小食，好似幾好味咁，要再黎試下.........

喜歡吃豆腐花，經常到 深水埗及九龍城的公和豆品吃，也會到不同的鋪頭試 - 如南丫島建興亞婆、索罟灣鮮果甜品店 (已結業)。今次專誠去試九龍城的義香，到了鋪頭，鋪頭幾闊落乾淨，是一間位於路面街市的五十年老店，兼賣小食的豆腐店 (燒賣、煎釀三寶、炒粉 、黑豆漿、豆類製品 )。老闆娘講說話很爽直、豪氣，起初有點嚇親，坐落見佢招呼啲客，原來好 nice。要了一個熱豆花、燒賣、煎釀三寶和豆漿 。豆花很香‥豆香味，雖然唔係食過口感最滑的豆花 (索罟灣鮮果甜品及九龍城公和)，但味道卻是最好的，很有豆香味小食雙併 $10 幾大碟：燒賣味道、口感也不錯，煎釀三寶和一般吃到的差不多，豆漿也好喝，價錢唔貴大碟，抵食。以後大頭喵的豆花食堂要轉嚟呢度啦！

豆花口感有點海綿感覺一流,豆漿亦有點豆味,不過豆味並不重,像溝了水,但還可以接受,整體來講算不錯,比旺角那間廖同x乾淨好多

五月十日(六)老婆上次食完義香後，念念不忘佢香滑既豆腐花，所以今日專誠過黎食番碗。本人亦都想試試佢既豆漿，吃完串燒後已急不及侍前往義香~ 點了兩碗熱豆腐花、一凍豆漿、另一杯大菜糕外賣~熱豆腐花($6)依然係非常非常香滑，以質地然言實在無可挑剔，絕對係香港頂級豆腐花。今次食到碗底亦都未見怪味GOOD~凍豆漿($6)一啖飲落感覺到網友所言燶燶地味道，但老婆和我都不太喜歡這種味道，感覺公和的豆漿較清甜可口一點，$6一杯比起公和$4及豆腐花有點貴~大菜糕($6) 麻麻地看到雪柜放滿各種味道的大菜糕，小說也有十種。這次選擇了原味，清清淡淡，有種淡如水既感覺，質地則非常好，夠爽口。總整而言，不喜歡這樣清淡無味的"甜"品，因為杯裝關係蛋絲亦沉在杯底，感覺不到平時原味大菜糕的蛋香～天氣開始轉熱，舖內無冷氣既缺憾表露無遺，今天已較前兩天清涼，但在裡面吃熱豆腐花還是有點辛苦，不敢想像夏天三十度高溫時會怎樣～雖然大菜糕影響了評分，但$24又食又拎，真係抵過係X記度食碗糖水好多~ 滿意～

來 到 九 龍 城 ..... 想 到 義 香 好 評 如 潮、、當 然 要 來 試 試。外 賣 了 一 碗 熱 豆 花 ( $ 8 ) 和 釀 豆 腐 ( $ 1 0 )先 嘗 熱 豆 花 ......的 確 很 滑 而 且 荳 味 十 足而 釀 豆 腐 是 新 鮮 煎 好 的 、熱 騰 騰 的 豆 腐 賣 相 當 然 吸 引,,,,,可 惜 我 認 為 豆 腐 不 及 豆 花 的 荳 味 香 濃。不 過 口 感 不 錯 ....... 不 會 一 夾 即 散 讓 人 不 會 吃 得 狼 狽。

四月廿六日(六)食完蛋撻行左陣，o念起九龍城有間義香豆品舖，雖然尋日先食完深水埗公和，但難得黎到九龍城當然試埋佢。義香位置位於街市行人路上，入舖必須經過若干豬肉檔等才能進入，地理位置比深水埗公和差，店舖裝修確係簡陋。但尼d舖食既唔裝修當然唔會計較咁多~看看餐牌，豆腐花$6和公和價錢一樣，其他小食等款式比公和為多，$10有幾款食物的也最小有三款選擇，不錯~ 豆漿則較公和貴，外賣$7只得茶餐廳凍飲杯，公和的$6可是旺角外賣珍珠奶茶，沙冰杯SIZE。由於吃完蛋達不久，只點了兩碗熱豆腐花~熱豆腐花沒糖水熱豆腐花的賣相的確不及有糖水，因為小水，所以糖有些難溶。好不容易將黃糖溶掉，老婆已在那邊叫出"很滑"二字，於是我也立刻一口吃下去，豆花滑得不得了，比起深水埗公和的還要滑!自問對深水埗公和的豆腐花已讚不絕口，想不到這裡的要比它好!最不明白為甚麼黃糖要溝砂糖，本人覺得公和的幼黃糖比這裡的好。莫非沒糖水砂糖較易溶? 真是百思不得其解~另豆花食到近碗底時有小許怪味，不知是碗未過清或豆腐花尾味道(因為這兩碗是桶尾的兩碗)，老婆那碗則沒有。希望下次不要再有這些味道出現~ ~" 始終瓷碗感覺較膠碗好太多~

凍黑豆漿~比普通豆漿貴一蚊,不過唔似用黑豆,色水係綠灰,我仲以為係綠茶豆漿,下次都係飲番普通.煎釀三宝,真係超級好得,一入口係辣咀,因為即整,好熱辣辣. 豆腐好大舊,釀魚肉,唔似加咗好多粉. 炸得香脆.大菜糕,個人既"賣飛佛",梗係好食啦.

每次來到九龍城, 也一定掛住賣飛佛- 這裡的煎釀三宝, 自從上次一吃過就俾佢既大件夾低食所吸引~今次叫左煎釀兩宝 - 矮瓜+ 豆腐, 大菜糕同埋熱豆漿依舊的大舊, 加醬最好食~ 豆腐炸得外層好脆, 一食即上癮大菜糕, 可能原味關係, 冇乜特別豆漿就正如網友所講, 真係有點點"羅" 味, 但係入口後又真係覺得ok~很開心=)

9龍城有2間荳品店,義香同公和不過聽聞9龍城間公和唔多掂..食公和都係去深水步啦-熱豆腐花豆腐花只係加左糖而冇落糖水而糖係砂糖溝黃糖,.所以比起一般黃糖粗笠d食個時都唔會搞得勻哂架一食落去...嘩,真係好滑..而且豆味好香濃平時食既豆腐花都要加埋糖水先好味架ma但義香d豆腐花就算唔加糖水都一樣好夠味!超讚!-剪三寶三寶有九菜餃,蘿蔔糕,豆腐豆腐同埋九菜餃都ok既,九菜餃煎得好靚,個餃皮好香口但個蘿蔔糕就唔多掂啦,舊糕煎得太硬..幸好都唔算太粉不過3寶煎得都幾油-熱豆漿原本想要熱既黑豆漿,但係已經無製造嚕..唯有要熱豆漿啦!飲落去濃濃的豆味,而且唔會過甜!good!!-水晶珠什果涼粉水晶珠我是第1次食..口感好得意,咬落去唔係煙un..而係帶少許硬的什果就麻麻地..涼粉都唔錯-炸三寶有釀豆卜,炸雲吞,素雞炸得好香口..食落卜卜脆不過就無乜味道,除左個釀豆卜既鯪魚肉味道出d之外所以豉油係功不可沒(這是集合了2次去的食評^^)

是日係公司太清閒睇緊OPENRICE既餐廳大賞機緣巧合之下俾我搵到呢間食店心血來潮放工即刻約女友黎食... 6:00去到無人... (可能無人會走去食?前甜品啦...)我地叫左豆漿豆花雜果涼粉腸仔三寶一絕個隻燶燶地既味夠raw好有小時候個隻豆漿既感覺埋單每人叫買多一支豆漿走滿載用五十蚊買一個回憶...真抵