義香荳腐食品

營業中

休息中

熱豆花依然滑溜~~~!!! 今日過2點先去, 終於又可以食到熱豆花!!! 老爸叫0左杯豆漿, 佢奇怪緊點解會有陣非豆味的味道在其中...少少似燶味咁...正懷疑是否石膏粉的味道...有高人指點一下嗎???

輪到飲料出場嘞...去完九龍城街市買蔬菜類，望見對面義香，醒起要買豆腐。買得豆腐，就梗係順便買一大枝豆漿返嚟同各位分享la...豆味依然極濃，嗒落味道依然係有D燶燶哋，但對小弟來講，咁先至係真材實料嘅證據(起碼知道冇溝第二D嘢落去ma )...知該買多一大枝la..唔夠飲wor...

5-3-2008食完陳興發魚麵, 有點口渴又成口都係魚味, 返屋企前0黎食個豆腐花. 見已過了2:00pm, 老闆娘仲話熱豆花「0岩0岩出籠」, 就要碗試試($6).終於食到熱豆花... 熱的當然比凍的更滑, 但豆香已無我第一二次來食的咁濃了. 睇0黎以後都係只飲熱豆漿算了.雖然有少少失望, 不過呢碗豆花係幾好食的, 絕對值笑面, 而且我會繼續0黎-- 九龍城0黎講, 起碼佢味道同招呼都好過隔幾條街(亦輸幾條街) 的公和!

都有一段時間無0黎過, 今日一0黎, 因為未到2點, 於是只有凍豆花走糖.豆花依舊滑溜, 即使雪凍了會硬身一點.雖然話走糖, 但原來淨豆花本身都有絲絲的糖水, 微微的甜味配搭著呢碗滑豆花, 剛剛好!! 真係乜都唔落都已經夠好食~ ^^白粥+豆花的午餐, 超清淡!!! 但又幾好食喎~ ^^

豆腐花就好滑, 但係豆味就冇乜.....=.=''但係就覺得個個煎釀三宝就真係好好食, 又好大舊, 加埋個source, 真係十分好的配答~但係夜晚行去時都好驚架, 嗰條街都好靜......

熱豆腐花- 好滑, but just OK!煎釀的豆腐- 好唔得, 豆腐煎唔夠, 中間又凍又鞋, 食得好辛苦, 真係入唔到口, 最後都要浪費~

小女子因不甘深宮(office)苦悶, 於是出外走走, 呼吸一下一點都不新鮮的和引人垂涎的空氣~為了一抒悶氣, 決意再會豆腐花, 以一解相思之苦~一入門口, man man姐姐劈頭第一句: "除0左熱豆花, 咩都有!"...嗯, 這應該成了man姐姐2點前的口頭禪之一.一埋位坐低就叫碗凍豆花, 縱使我深知凍豆花點都唔夠熱豆花滑溜同散發著陣陣的豆香...今次醒目0左, 走糖! 低卡得0黎又可以食到豆花的原來味道~texture方面, 是硬和實了點的, 在表面上用匙按了按, 很彈啊~想起了那些海綿床褥 但其實入口仍是滑滑的~果然是我最愛的豆花LUNCHTIME去, 都係無咩人, 坐得舒服~!

是夜九龍城試食之二經過九龍城濕市場，當中就這樣一間荳品店。外型懷舊是無可置疑的，但口味也懷舊嗎？點了熱荳花、凍涼粉荳花、青椒三寶和藍梅味大菜糕。熱荳花($6):幫我加埋黃糖，但我都是吃連糖漿部份先，果然又滑又有荳味，比同區的公和好呀！凍涼粉荳花($8):涼粉透心涼，夏天食會更覺得正吧？而且涼粉也很爽...凍食的荳花，甚有荳味但冇咁滑，預左了。青椒三寶($10):最喜歡的炸三寶味道，因為是即炸關係，食落很新鮮；魚肉很惹味兼足料，令人食指大動！炸豆腐更突顯大豆味，又讚！藍梅味大菜糕($5、$20 5杯):用膠杯裝住的份量，由於是外賣走的，侍應還細心的幫我加奶！夠窩心。食落有淡淡的藍梅味，是非常有新意的口味啦！估唔到老店都會弄這些新式甜品！(還有其他新口味如草莓、提子...七彩顏色！)別看那侍應像是粗聲粗氣，但老店就是這樣爽快！欣賞。

食完熱辣辣燉雪梨, 行多2條街去義香重溫熱豆花.點知去到, "除0左熱豆花, 咩都有!" 那很man的"姐姐"說著,"2點先有熱豆花!". 確實是有點失望的...專誠去探望熱豆花...但竟然要2點後...>.< 唔緊要, 試其他0野囉...要了個 ~*涼粉凍豆花*~好多糖水!!! 落到好似唔使本咁...@__@"凍豆花亦比熱的不夠滑溜...涼粉交足貨!!8蚊都食得飽我啦~!! 抵食, 不過下次知醒一定2點後先去義香!! 不過呢個時間去無人!! 坐得都好舒服~~~ ^^

去完黃珍珍食thai food, 之後就黎食碗豆花。以往食開公和，今日阿媽反而suggest 黎義香(雖之前都食過呢間)。要了碗凍花。雖然氣溫只得10度，但凍ge始終好食。幸好今日凍花不太凍。真係好滑，很有豆味。環境雖然真係唔得，又細又多多人又不太衛生(生煎釀三寶隨便放在rubbish bin上)，但隻眼開隻眼閉啦。

在朋友的極力推薦下,去0左呢度食豆花同黑豆漿~熱豆花超滑!!黑豆漿味道有點怪怪的...是"law"味嗎? @_@"會再去幫襯食豆花! 當佢無咁多人的時候...

返屋企煑餐飯。事先嚟呢度買番個青椒三寶，當做加餸...十蚊一大碟--- 釀青椒、豆腐及茄瓜。大大件，魚肉彈牙，可惜甜豉油入面"師傅"有相當份量....買得煎釀三寶，自然要買多支豆漿返去慢慢嘆...依舊豆香十足，甜度剛好。實際上小弟從來冇响第二度飲過比呢度更豆味濃嘅豆漿(澳門嘅頤德行除外)...

0係街市樂園食完lunch 仲係未夠飽, 第一次摸了0黎呢度, 食了個凍豆花, 飲了個熱豆漿.凍豆花($5.50) 都幾滑, 最緊要係豆味好重, 好食! 雖然唔及南丫島0既阿婆豆腐花滑, 糖水又似乎落得重手0左少少(已經無落黃糖0架喇), 但整體絕對好食過公和!熱豆漿($5.50) 係用碗serve 的, 大鄉里的我初初仲以為係鹹0既tim @_@ 呢個好得, 唔稀, 飲落又係好濃豆味, 質地silky, 唔會太甜, 仲有d "豆皮" (好似雙皮奶0個d "皮"), 口感得意. 味道絕對值5 分, 推介!環境up dup, 衛生情況麻麻, 呢方面唔及公和喇; 招呼相當好, 老闆娘好nice 好好禮貌!會再0黎... 認識呢度都係多得OpenRice, 雖然住了呢區好耐, 但一直都淨係識去公和, 真係失敗!

本想去公和,但諗住公和第二度都有,所以試呢間.叫咗熱豆腐花同青椒三寶.首先熱花片得唔夠薄,(因睇蘇絲黃話豆腐花片得越薄越滑),所以食落都唔係好滑啫,仲有啲黃糖,我從未食過有人係溝沙糖,唔得!到三寳,成碗油不特止,我仲食到臭臭,不得了!食食吓仲有隻小強喺枱面行,雖然細隻,但都食唔落!唔得!你地留意吓佢地點樣清理啲碗碟,睇完一定食唔落!

又係細個時,跟亞媽去買完菜必到的熱點,那時堂食得荳漿和荳花,環境一樣.現在食物多了很多,除了荳漿和荳花,現在我的至愛就多了一個,就是大菜糕,有很多不同味道,價錢又平.還有一些煎炸食品,煎讓豆腐必叫,還有菲菜餅及芋頭餅,各式各樣的撈米紛.三十幾蚊兩個人食倒捧住個肚走~~~