義香荳腐食品

營業中

休息中

同樣幾十年老字號,同樣幾十年也是賣豆品,公和同義香,風格大不同.談到義香的豆漿,很多人被其入口"膿膿地",如煙灰的味嚇怕,其實義香的豆漿,製作其間用鑊炒過,才帶有這些獨特的"焦"香.記憶所及,土瓜灣上海老店"美華"的豆漿,也是差不多味.不知情者,或會覺得事前個杯盛過煙頭,洗不淨才有此錯覺.但一愛上,便義無反顧地,定時捧場.凍豆花入口沒有甚麼味,但吃多幾口,豆味開始慢慢摻進口腔.一下子不可收拾.煎釀豆腐太悶,不如來個煎韭菜餅.味道更香.這個下午茶,豐盛得可以.

週末自由行,今次目的地係九龍城!一早已經諗定好多野想食,點知今日胃口麻麻,終於行到黎呢度食豆腐花做午餐。下午時間,人客唔太多,坐係最近門口位置,見住靚姐手腳勤快地煎炸食品,睇見都覺得佢本事!!本來想食熱豆花,但時間尚早未有得食,只好改食凍;凍豆花口感當然稍遜,唔算好滑之餘仲有d實,豆香又唔太覺有,勝在唔太甜。蘿蔔糕煎得好香口,五蚊一件夠晒份量!!蘿蔔絲份量比坊間粥店已經算多,起碼唔會一口粉,內裡有d好似係火腿絲,增加咸香味道,以呢個價錢當然收貨!!後來手痕痕,加豉油再加甜醬辣醬,原來仲好食!!有機會試埋三寶先。後加豆漿一杯,一入口就飲到一陣唔算太濃既焦味,質感比較稀,又係勝在唔太甜。除左靚姐多謝前多謝後之外,另外2位阿姐都有禮貌,食野期間聽到佢地閒話家常,愈來愈鐘意呢種有人情味舊店。

豆花，又滑又有豆味，很多食評都寫了。豆花，個人覺得還是這裏最好-- 不能算是最滑的豆花，但它濃烈的豆味勝過一切。離開時手痕買了一磚豆腐-- 這才是全日精華所在；豆腐是剛製好，摸上去還有餘溫。坐車的時候，隱約飄來一陣香味...不得了，是那磚豆腐所飄出來那濃烈的豆味，就像小時候外婆用黃豆自磨豆漿的味道，久久不散。回家打邊爐，放在沒有甚麼調味的清湯內煮，不點任何醬料吃，咬下去，豆腐的鮮味即時湧進口腔-- 這種豆腐現在甚少出現了，值得一試。

食完金寶，換嚟一肚子氣...唔飽。決定食碗豆腐花加煎釀三寶補番數...豆花水準唔算特別好。雖夠豆香，但唔夠滑確實係致命傷，但比起什麼公和已係上上之選...究竟幾時响香港可以揾到有澳門頤德行嘅水準嘅豆花呢? 唉...>.<煎釀三寶由金毛老闆娘即叫即煎，十蚊碟卻有六大件，抵到痺。茄子煎到個邊微脆，滑嘟嘟；青椒亦夠味；最最精彩係豆腐，從來未試過有咁香豆味嘅煎釀豆腐。豆腐漲卜卜，夠滑之餘豆香滿溢，配合充滿魚味嘅鯪魚膠，無以尚之...真係乜仇都報晒嘞...

因某些原因，每年都會來一次。久別重逢，乍然發現店內多了很多垃雜野賣：以前，只有荳品、涼粉、大菜糕、煎釀三寶加煎韮菜粿賣；現在？又粉又麵，又撈碗仔翅，煎三寶完又炸三寶，炸完三寶又...再加上中英日韓的食評如雨後春筍般出現在牆上，睇見都覺頭暈。靚姐依舊不修編幅，依舊一腳踢，依舊靠腦記單，依舊靠腦計數。人多左，野食多左，依然故我，速度不變；靚姐，你好野。食既，依然係合埋眼都係咁叫既黑豆漿溝涼粉：黑豆漿依然有那股我介定為「似燶味」既黑豆味，涼粉依然細粒，依然企身- 始終是咱家用涼草粉開的。鍾意靚姐還鍾意靚姐，鍾意食物還鍾意食物；變o左，就係變o左。

豆腐係我最愛的食物..又點會唔去義香試下呢..豆腐花我自問食不少..再偏僻既都專程試過..但義香真係我食過最靚既豆腐花..豆腐花要滑..大把食店都做得到..太子群記豆腐花都滑到飛起..但豆味唔夠..義香就真係做到又滑又香..真係唔易架..果然係我食過最好既荳品店..豆腐狂熱既我點知只食豆腐花..要多個煎魚肉豆腐..好味..但唔係最好..豆腐煎左後唔夠滑..反而太實..但豆味好夠..魚肉又好香好好味..所整體都好好味..豆漿都好好味..但甜左少少..肯定會再來食...正

跟專兄伉儷及年青食友吃過泰式湯河，順手當然要吃埋最地道的甜品~豆腐花。都說過，不少的舊街市，總有間舊式豆品店在，龍城街市就有這間義香。這類豆品店，照舊是沒有空調，在這大熱天時只靠幾把「轉轉扇」，環境當然一般。這裡沒有饅頭、窩貼，卻多了撈麵，價錢大都便宜。剛才只吃湯粉，現在當然可以再吃，就來煎釀豆腐及浸釀豆卜各一碟。煎釀的豆腐夠份量，煎得表面微脆，鯪魚肉餡彈牙亦有果皮的味道。但豆腐因為太大件，略嫌不夠滑身，不過十蚊四件，當然是很經濟；浸釀豆卜浸了湯汁，味道跟口感都勝一籌，即叫即浸，夠誠意，都食得過。一人一碗凍豆花，凍的當然不及熱的滑溜，但亦豆味十足。專兄那碗還加了涼粉，還吃到久違了的涼粉草味，雖然是淡淡的，也算不錯了。阿姐招呼不錯，如果不落錯單就更好。埋單45蚊，便宜得很，味道又不錯，行過都會再吃。

點解冇人講佢地既韭菜餅既??佢係我以前每次去既必食黎架外皮煎得香口,內餡既韭菜多到就爆出黎咁滯~仲有d未煎既可以for你買返屋企自己煎黎食^^當然佢地既蘿蔔糕都係十分好味啦煎到外脆內軟咁~又有好多蘿蔔絲~唔會成舊粉咁其他仲有粟米餃, 炸素雞, 燒賣等..都好唔錯~以前仲有大菜糕賣架~唔知而家仲有無呢~

前日去飲冰凍豆漿解暑，甜咗啲，沒以咁好飲

位處九龍城街市旁邊的義香荳品店，雖然唔多起眼，鮮為人知，但食品非常好味，荳腐花散發陣陣黄豆香兼入口滑溜溜，就算凍食也不覺死實實的，此點較其他荳品店的凍荳腐花較為出色，荳漿也是真材實料的用黃豆製作，有別於一般的只靠糖水死充而欠豆香的糖水荳漿，煎釀三寶的魚肉十分香口彈牙，會使人情不禁地一吃再吃，小弟光顧十多年都百吃不厭，漸漸也和事頭婆混熟起來，每次光顧都有傾有笑兼收平零頭錢，十分有人情味，加上食品水準甚高，實在值得推介一番！！

呢間荳品店，陪著我成長。以前小時候，總是喜歡到那裡嘗嘗那裡的熱豆漿，那時才$2.50一大碗。好好飲，好過果d咩百褔…十年後既今日再去飲荳漿的質素依然沒有變我買了一大樽來喝，抵呀, $16蚊大樽裝^^同ssp公和比, ssp果d荳漿係甜好多好多呢度d荳漿就比較中等，唔太甜唔太淡，岩岩好要我評分，公和荳漿我會比9分，呢度我會比8分

睇完電視o黎試o下...試o左豆漿/炸腸仔三寶/青椒三寶...豆漿幾香...幾真材實料...炸腸仔三寶原來即係一條腸仔, 幾粒燒賣, 幾粒魚蛋..青椒三寶就係兩o舊青椒, 兩o舊矮瓜, 兩o舊豆腐..可能我唔鍾意食豆腐...自己覺得o舊豆腐無乜特別...但係囡囡就話叫幾好...不過叫完o野...都要等幾耐...又漏單...又俾錯人...要係咁不斷追佢先得...同埋入面都幾勁油煙味...

都算多年老店平時一碗要$1 0豆腐花now $5 only (hot)我知出面再平都有但kln city就係冇+,我深信佢地0既豆腐花係會唔錯(coz'之前飲過佢地d豆漿都好好飲)可惜,我0既assumption錯了前兩日我行過見好多人買心郁郁又買埋一份返到屋企即時consume冇糖漿(要的話$10),得黃糖所以淡d,但都ok食落都覺唔滑,有d失望點知一碗豆腐花食唔晒原因有兩個:1)食到尾冇糖水太淡2)食得多鞋,唔想食下次都係飲豆漿算喇記:不豆腐花0既人對d豆腐花好粗魯。雖然食0既時候會爛,但都唔想未食就咁。improve一下比較好。actually交易過程太短,冇服務可言。

有野要落九龍城買，行過門口見到呢間野專賣豆製食品，心諗品質都會有保證，於是入去食番碗豆腐花。坐低叫左碗熱豆腐花。等緊碗豆花既時候見到餐牌上寫住炸素雞，因為本身幾鍾意食素雞而且又太耐冇食，所以即刻叫左碟黎食。豆腐花：個人認為豆腐花熱食先夠香，入口好滑，亦夠豆香，加上適量黃糖，甜味剛剛好，唔錯。炸素雞：見佢即叫即炸，首先一定夠新鮮熱辣。炸得亦夠，岩岩好，唔會太乾，可能係香口野又可能係因為太耐冇食，所以食唔停口。記得好似有2大條，一開四咁切，都係6蚊，都幾抵。食完好飽，埋單都係11蚊，好平。個人認為拍得住公和。呢度環境就麻麻，如唔慣既朋友最好都係外賣。

某一日﹐差唔多半年前la...行過九龍城街市..比我見到間好似賣豆付,豆漿既舖頭﹐初初以為冇乜特別﹐但發覺佢唔止賣豆品外﹐仲有堂食...但一個人又想去寨城公園坐下冇入去食﹐反而叫左碗豆花外賣走﹐坐低即食﹐點知...........我決定下次再黎九龍城我必再到過多個星期我真係路過﹐不妨入去試試...叫左一碗熱豆花..同一件蘿白糕...因為我覺得豆花要熱先好食一入口﹐竟然滑到一野入左口咁滯﹐好誇張呀...未食過咁好味既豆付花...點可以軟滑ga lei?...只係五蚊咋.......去d 屋?街市食咁冇咁抵...外賣同價蘿白糕我用平常心叫左﹐因為冇乜期望佢仲可以乜野特別﹐最緊要唔難食就得﹐但係一黎到件蘿白糕好熱﹐因為即煎﹐而且超大件﹐見到入面全蘿白絲架..唔係用粉造...淨係呢點我都冇哂食講﹐即食la....睇黎間野好似係家庭式經營﹐所以覺得好親切﹐尤其果個勁好記性又忙到唔停得手既女人(我估佢係老板).最後都係覺得我好幸運又比我發掘到間又平又好食野舖頭