美心皇宮 (德福廣場1期)

營業中

休息中

是晚和收工後老婆大人到美心酒樓食晚飯。由於星期五晚，人比較多。等了一會才有位。點了3個菜：豉油雞：味道一般。雞肉不“鞋”。感覺不是用鮮雞做的。咕嚕肉：味道大眾化，和一般茶記差不多。炸粉和汁水平均。肉不是很入味。炒通菜：翠綠的菜很是爽口，炒後很香。今天人比較多，服務員也很忙。幸好食物不用等太久。算是不錯。

難得有一日早放，就想約左屋企人去附近飲茶，德福美心係個唔錯嘅選擇，坐得舒服，食物又唔錯等左大概15分鐘終於可以入座，一坐低碗都未開始洗就有個大姐捧住一盤只餘一碟嘅墨西哥皮叉燒包，見個樣唔錯幾吸引就要埋佢。一碟三個味道唔錯，個皮唔會太甜。但可能拎出嚟已經有一段時間，個包已經凍左唔再熱辣辣，個皮都唔太鬆脆，但尚可接受。（BTW 後尾食飽先見到原來仲有菠蘿包皮叉燒包，但已經食唔落，下次一定要試試）食完菠蘿包見到點心車經過個牌寫住鵪鶉蛋燒賣，雖然我自己本身唔太好傳統燒賣，但呢個鵪鶉蛋燒賣我幾乎次次去美心飲茶都會食。一籠3粒燒賣，舊蝦肉爽囗彈牙，個皮又唔乾身，相較之下，粒鵪鶉蛋就顯得有d平平無奇，但成個點心整體上配合得真係幾好，如果唔係個肚無位encore，我都想叫多碟跟住就到炸物紫菜卷，在我記憶中，好像没有一次見到有紫菜卷會不叫碟。一碟4條，剪開有8件仔，每件可以兩啖食完，新鲜出爐熱辣辣，脆卜卜，又足料，真係好正。到最後食甜品嘅時間，因為點心車無咩吸引嘅甜品，所以決定在甜品紙上選擇，平時食開嗰d甜品全部無曬，唯有揀個新嚟試下。我揀左紫米香芒班戟卷，家人揀左綠豆沙。綠豆沙我試左啖，唔錯，幾足料。

一年一度又到最偉大的母親節, 記得小時候(甚至是現在)常常覺得母親好麻煩, 做什麼吃什麼穿什麼都總會嘮叨一番. 不過其實世上哪有母親不緊張自己懷胎十月的子女, 哪怕是二十歲還是四十歲, 在母親的眼中我們都只是一個乳臭未乾, 還未長大的孩子. 雖說只要孝順, 天天都是母親節, 但每當這個節日臨近, 宅女都總會想一家人開開心心外出吃頓飯, 就當是答謝每天不辭勞苦地照顧我們起居飲食的媽媽. 而這次我們為了避開正日的人潮, 就選擇預早慶祝, 來到居所附近的這家美心皇宮試試.其實這家美心皇宮開在宅女家附近巳有好一段時間, 由於太近的關係, 有時假日都會跟父母來這裡飲個茶, 不過晚市就鮮有機會嘗試. 正好前陣子宅女跟食友到過八月芳, 吃過他們推出的一系列臺灣福建主題菜, 覺得頗有水準, 後來也知道原來這個主題菜就連美心皇宮都有供應, 順理成章下便馬上訂位來試試.這天平日晚上七時多來到酒樓, 眼見食客也頗多, 大約佔了七成左右, 不過看看這裡假日等位飲茶的人潮, 這晚巳算是正常一點的了. 由於我們有訂枱所以不用等位, 經理就馬上帶我們入內就座. 這家酒樓地方其實真的頗大, 但也不算十分嘈雜, 枱與枱

約了舊同事聚舊交換情報，大家不約而同話一於美心皇宮啦！這裡是舊日大家無日無夜工作時出來抖氣的最好選擇。基本上除了茶市，酒家幾時都大排長龍，例牌來些燒味，這裡的叉燒和燒腩肉質素不錯，後者的皮也夠脆所以最受歡迎。點心方面就少不了牛肉、鳳爪，雖然味道不怎突出，但街坊的味道還是充滿回憶的，平均每位$130多一點，比附近酒家略貴，但食物水準就高一點。

原本想去翠苑,點知裝修.為有轉地方,同一集團酒樓.去到門外已經排長龍,幾十人在等位.入內環境都可以嘅.叫左:柚皮鳳爪,棉花雞,蟹子燒買,芋角,三色糕,桑寄生蓮子蛋茶,蓮蓉焗布甸柚皮鳳爪:鳳爪幾稔,柚皮幾好味又稔,不過有小小過鹹.棉花雞:好正,雞好滑又入味,冬菇好稔幾香,個汁帶有一點點酒香,所以魚肚吸左D汁後好正.蟹子燒買:蟹子冇咩特別,豬肉好滑彈牙,可惜粉味過重肉味欠奉.芋角:料好足,芋頭好香,如果可以小油D同脆D更好.三色糕:一次過試足三樣,蘿蔔糕好普通,芋頭糕同馬碲糕唔錯,芋頭糕嘅芋頭好靚好香有口感,馬碲糕唔太甜,做得唔錯.桑寄生蓮子蛋茶:好香藥材味,足料,蛋做得唔錯,剛剛好,唔會過熟.蓮蓉焗布甸:賣相唔得,但蓮蓉幾好,入口香滑.完滿地完成我飽飽嘅一餐!

今天忽然想食义燒，邊行邊諗...想到了信用咭在美心有優惠，所以便跑到美心皇宮去了。傻仔敏想吃义燒，豬頭人想吃燒肉，那就來個雙併，滿足兩人的願望。傻仔敏面對食物，總把脂肪忘得一乾二淨，所以嫌义燒不夠肥，大抵為迎合大眾的健康口味，現在的义燒大部份都是偏瘦的。燒肉皮還保持脆口，肉質亦嫩，但不夠咸香。清湯豆苗，豆苗嫩口，清清的一道，中和肉食的油膩(有點自欺欺人啊!)中式牛柳，酸甜醒胃，那酸度得宜，沒有過度人工化，牛柳炒得很香口，沒有鬆肉粉的感覺還保持肉汁。配菜的洋蔥仍然爽甜，送飯一流。

宅女午間一向很少飲茶, 但自從這個月比較閒就開始多了點時間陪陪家人飲下茶是日來到美心皇宮, 其實之前吃過感覺一向不便宜不過這裡耐不耐會有些特別又創新的點心可以試試是日點了個龍蝦湯腐皮卷龍蝦湯其實有點像意粉屋那種有點假的味道但不會好咸, 把腐皮卷浸一浸才吃其實吃起來是比較多汁, 但又沒有很突出的龍蝦湯味只是普通水準吧再點個基本的流沙奶皇包可惜原來內裡完全不流沙的吃起來也很硬, 可能是蒸得太久了其實味道大至真的很普通, 而且價格偏貴不過地方大, 環境舒適是事實.

身邊有人結婚, 今日抱住興奮既心情黎到....影左一輪相, 係時候開席~乳豬 -- 好脆, 而且唔肥, 仲有好多肉汁, 唔錯蘭花鳳片鮮蝦 -- 份量好多, 蝦又爽又新鮮, 雞肉滑, 西蘭花無青菜味...好食花枝炸釀蟹 -- 太多粉, 蝦肉唔夠彈牙, 仲有少少腥, no gd翠環碧玉瑤柱脯 -- 好食, 瓜炆得好淋, 索哂d 汁, 個汁有瑤柱既鮮甜味, 加埋上面既幼苗食. 正海皇燴燕窩 – 用燕窩做海皇羹 , 第一次試, 但好食喎~ 其實好過用翅啦, 而家都主張唔食翅, 而且燕窩好食之餘又出得大場面蠔皇翡翠鮮鮑 – 個汁好鮮甜, 個人認為個汁撈咩都咁好食~ 加埋鮮鮑同生菜簡直perfect清蒸原條大海斑 – 咁大條魚都可以蒸得唔 “鞋” 唔老, 勁呀!!!!!!!!!! 當紅一品脆皮雞 – 由於每碟分量好多, 食到呢part 我已經飽到痺, 只係食左一啖雞翼, 雞又脆又香口…..鴛鴦飯 + 雙喜伊府麵 – 呢刻我已經停止進食, 真係好飽…. 其他人話伊麵好食d, 鴛鴦飯太酸喎蓮子紅豆沙 + 桂花, 紅豆榚 – 紅豆沙甜味適中, 煲到起哂沙, 蓮子又夠粉, 掂..紅豆榚其實係桂花榚裡面釀左

完全無諗過,作為一間出名嘅食府,竟然可用兩個鐘頭先可上齊所有普通菜式,唔知以為去咗飲喜宴呀,另外叫嘅菜式先上,之後再上套餐,由於上菜時間太耐,白飯都變凍都唔知叫唔佢地退番啲白飯好?呢一間美心,就算有朋友想在此處辦喜宴我一定會極力勸阻,我自己亦都一定唔會再光顧呢一間食市。

有朋自遠方來，不亦樂乎！嘗試過一頓美味魚翅後，起程去計劃之中的西貢半天遊與海鮮晚飯，可惜天公不做美，在半途中已經風雨交加，友人當中的女士們嘟著嘴，叫嚷著要更改行程，在街邊屋簷底下討論著去那裡呢？經過多番爭議後決定去 shopping , 又由我做嚮導去那裡避雨和購物，這班有錢太太有什麼地方未去過？而她們又會有興趣的呢？ 唉，頭痛！噢！猛然想起九龍灣地鐵站上面的商場和食肆，走中高檔路線，應該能為她們帶來新體驗，於是浩浩蕩蕩十二人向著這方向出發 果然不出我所料，一上到商場，她們已經開始血拼了，難為了那班男士們，只好在 Starbucks 歇歇腳了，經過三、四小時的辛苦血拼和在 Starbucks 歇完又歇之後，大家終於想起係時候食晚飯了，Honey 好識做已經在我們血拼之時，四圍尋找好的開餐地方，所以立即有決定拉大隊去了美心皇冠今天是星期四，剛好是特價日，因此可以用低廉價錢食到以下的美食 上湯焗加拿大龍蝦配伊麵底，三隻加拿大龍蝦，體積雖小但勝在肉質爽甜，上湯焗是我最喜歡的煮法，湯汁濃甜香滑，亦可以食到材料的鮮味，而伊麵又可以吸收盡淨汁液的精華，每一梳入口的伊麵也被龍蝦和羗蔥蒜的香氣包裹著，

開左個ACCOUNT咁耐,都係第一次寫食評..星期一去左同屋企人吃飯，見美心中菜做五邑菜promotion , 阿麻系新會人，所以就簡左係到食...其實美心D野不嬲都幾好食.... 我自己未食過五邑菜,估唔到有驚喜前菜有蘿蔔果d, 38 碟，不過都好貴下之後 點左鼔油鵝，鼓油味好濃，略帶甜，鵝半肥瘦，脂肪吸了甜鼓油味，正！不過吃兩件就收手，驚膽固醇超標。蒸(lim) 魚，唔太識讀個名，幾塊魚已經168！魚肉用左新會火蒜加陳皮，再加蒸魚鼓油，比起一般海斑鮮味。豆腐蒸帶子，十個好食，山水豆腐滑入口，帶子切薄片豆鼓一齊蒸，全家人都啱食，真系老少咸宜。甜品就叫左陳皮紅豆糕, 即叫即做，仲暖立立雖然埋單都唔小$$, 但值我一試~~~~

新年常食的糕點非蘿蔔糕莫屬,每年媽咪偶然也會自己弄,但經常朋友或親戚都會送,所以今年叫媽咪不用太辛苦自己做,前日妹夫又帶了一盒回家~~翡翠瑤柱蘿蔔糕~~,原來是他公司的人給他禮卷,不過要自己去取.這盒蘿蔔糕都好大吓,材料有臘肉,蝦米及瑤柱,分佈幾平均,今晚媽咪用平底鍋煎,所以煎得幾靚吓,聞到都好香蘿蔔味.色,香都有,味道方面,由於粉的份量佔有唔多,食落好軟滑,而且食到有絲絲的蘿蔔,質感幾好,有些兒食不停口

母親生日老爹決定到美心食客家菜, 前一天已訂位了, 一行四人大約七時正到達, 人流不算多. 訂枱時待應還說還有客家菜, 但看看餐牌沒有客家菜只有南、番、順, 看似已轉款了, 再問待應確認一下, 原來真的剛轉了, 不緊要啦唯有試一試新菜式. 南、番、順即是中國廣東南海、番禺、順德三縣一帶的菜式, 就試試美心怎樣炮製吧~牛耳跟茶一齊奉上, 是免費的前菜. 牛耳比相像中好食, 不會太硬身.小食果然是小食, 公雞碗好細隻但腩肉份量可以每人都吃了兩至三片味道不錯不會太鹹. 腩肉下層還有豆腐吸了腩肉汁和蝦醬確實一流~非常彈牙的蝦餅下層還有一隻蝦, 好爽口真是有驚喜, 看看蝦餅面頭還有一粒粒細少蝦子, 但蝦子太少了未能顯示它的味道. 整體來說這個菜式是有驚喜的大家一致說好味看似很少其實內裏都不算少啊..只是排骨有點肥, 酸酸甜甜很醒胃啊~一粒粒黑色的是欖角味道不錯.這個不知是什麼魚, 但我覺得不錯, 可能是我本身喜歡吃魚的關係, 但味道偏鹹, 還有一些粉絲在底, 如果不太鹹便十分滿意了~這個賣相不像還有一個木桶盛裝住, 可惜真是不太好食, 苦瓜很爽口味道頗苦, 但食不出是蒸什麼, 究竟是蒸蛋還是蒸肉

計環境就唔駛講啦...又大.又衛生.坐得舒服.圖中見到的位..高度將人客遮住..談心都不怕給陌生人聽到..呢點我十分滿意.店員效率又高,又有禮,無可批評燒賣:4粒.賣相就唔錯.不過比較乾身.而豬肉.肉味唔濃..顯出粉.比豬肉多.比較失色...炸雲呑:好好味..上枱時夠熱.完全無油...入口鬆脆...鳳爪:只要醃得味道夠.少油,,唔鹹.已經好好...埋單96元...在環境好的地方食...很合理

成日都去九龍灣美心飲茶，好少食佢晚飯，由於方便帶埋個女出街同老公家人食飯，於是決定光顧。坐得幾舒服，光猛企理。服務細心，不錯不錯。 最近賣緊一個套餐係「盆滿缽滿九大簋」，好吸引，就試試。 用咗印咗公雞嘅大碗或者竹盆上餸，好傳統好懷舊，非常喜歡!茄汁大蝦碌，大蝦大大隻，茄汁做得好醒胃，略嚴美極味濃咗d，鹹咗少少!一品發財素菜盆，買相好普通，食材有馬蹄、菇菇、枝竹、豆卜、粉絲、髮菜等，但出奇咁清甜有味，味道唔平凡!砂盆燉陳皮鴨，鴨唔肥膩，肉質鮮嫩，配埋陳皮、豬肉同芫茜燉成老火湯咁，好夠火喉又清甜!撈到盆滿缽滿，買相靚仔又夠大方，冬菇隻隻都又大又厚身又飽滿，同場仲有夠味夠腍嘅海參和鵝掌、花枝片咁，相當正!老圍煮金蠔，用油鹽水煮成，蠔好細隻，食落味道算可以，唔見特出!酥炸鮮門鱔，門鱔大大件，新鮮肉質配上薄身嘅脆漿，掂!生炒上肉排，香脆可口，汁濃稠得宜，豬排唔多肥肉，炒得好好!農家炆豬肉，用咗五花腩整，食落唔肥膩，炆得好入味!紅蔥頭走地雞，頭抽加蔥香，雞都滑，ok!芋圓蕃薯糖水，薑味十足，正!