美心皇宮 (德福廣場1期)

營業中

休息中

慶祝家母生日，一行五人，叫了四人份的中秋套餐，共五道菜：鮑魚雞絲羹：很足料，鮑魚鮮味相當濃郁，濃稠度也適中，加點醋有在吃翅的錯覺；蟹肉炒蛋：吃不出蟹肉鮮味，但炒得乾身，頗香口，家母因皮膚敏感不能吃海鮮，但一試之下也忍不住添兩匙送飯；蒸海魚：不曉得是甚麼魚，非常嫩滑，退休前當廚師的家父非常讚賞，說蒸的時間得拿捏得剛剛好，好味得他不僅吃肉，連魚頭魚尾魚骨也全包了；沙薑雞：肯定是未成年小雞，只比乳鴿大一點，非常嫩滑，不點沙薑醬也夠味；瑤柱上湯小棠菜：在家常吃，因此覺得普通。另外加了燒腩仔和椒鹽骨，前者肥瘦適中，入口甘腴，是水準之作；後者卻下了極多鬆肉粉，一點肉味和質感都沒有，枉費了那麼好的調味功夫。每道菜看似很少，又沒有飽肚的飯麵，大家都覺得會不夠，打算中途再添，誰知道居然吃剩了要打包，加上因害羞而禮到人不到的W送的生日蛋糕，飽得幾乎走不動。原以為大集團出品必屬行貨，想不到還真是好吃，怪不得那麼多人等位。

七月六日(日)今日第一次見老婆爸同媽，揀左美心皇宮尼度，因為間酒樓High Class D 隆重D，本來預計十二點半出到去攞飛，點知攪攪下成一點多先，當然即刻攞飛，細枱要等百幾張，中枱都要等幾十張，都無話唔誇張~整體食物質素唔錯，不過價錢就真係貴小小~ 印象較深有:紫菜卷似春卷，有塊紫包住，裡面係蝦膠造，食落外面脆裡面又有蝦味，幾好~麻蓉包雖然個人最愛係奶皇包，但排之後就係麻蓉，而佢亦都係老婆至愛，宜家好多酒樓都唔整麻蓉，係度見到當然要試試～　個飽麻蓉幾乾爽又夠多饀，非常之好食～其實好想食乾蒸燒賣，因為又係好多酒樓都無賣，不過見大家都停晒手廢事叫黎自己食晒就無叫到～　係度都搵到D平時酒樓唔見點心，不過種類唔算多，尤其點心紙只得廿幾三十款好多只車仔有得賣，比較麻煩～ 亦食唔到最期待既西米布甸，SO BAD!

今日星期四係咪咪既媽媽放假，咪咪就同爸爸媽媽黎左德福既美心皇宮酒樓飲下午茶，爸爸媽媽下晝大約一點半後去排隊等位，咪咪大約兩點多少少到達，咁岩下一張檯就到我地。在場所見真係好多人排隊，唔知點解人人都好得閒咁可以黎飲下午茶，而原本係酒樓隔離既美心集團 Canteen 已經執左，而美心皇宮會擴大酒樓範圍，希望第時排隊既情況有所改善啦！我地坐低之後，一如以往都要周圍睇點心車，因為美心一向都係推點心車，只係有少量既點心用點心紙剔，而因為我地坐左係幾張檯既中間，唔近點心車走廊，所以要特別留心經過既點心車！以下係我地所點既點心：1）水晶蝦餃皇（$26）：咪咪等左一陣先食，所以個皮有點韌，但係入面既蝦就好好味。2）蝦籽燒賣皇（大點）：美心既燒賣係有隻蝦係個面度既，味道都唔錯，熱辣辣。3）乾蒸牛肉賣（大點）：唔知點解乾蒸牛肉都要大點，不過幾好食，有肉汁又唔會乾爭爭。4）叉燒腸粉（腸粉點）：見到腸粉車既時候凈係得番牛肉腸粉、叉燒腸粉同羅漢齋腸粉，叫阿姐牛肉腸丫唔該，佢話岩岩賣晒，唯有食叉燒腸啦。佢拎到埋黎個陣已經落晒「唔駛錢咁」既豉油，媽媽皺晒眉，咪咪就覺得味道一般。5）雞絲炸春卷（小點）：以小點黎講，分

早幾個星期放工後和女友在這裡食飯，那一晚的乳鴿有特價，我地就叫左碟，再叫左個豬手仔同一碟咕嚕肉。豬手仔同咕嚕肉比預期細碟，但係集乳鴿就比預期多，所以最終黎講都夠食。樣樣都好好味，埋單仲唔駛兩百蚊，超抵食。

Have dinner in 11 April 08 - total: 6 people. We order food 8-9 main course, FoodBeef + rice noodle came late - we must stop eating & wait (20 minutes). Cause first 6 main course we almost done - pigeon, porkchop, chicken with ginger, pea + mince meat. This was bad to keep busiiness client waiting. Rice came late.One of our client found the chipping of porcelain - small piece in food. This may come from the plate edge.Environment Karaoke singing & music came from private room, all client in lobb

食下午茶已經成為我既習慣，不論是平日或週末，差不多時間總要吃一點東西才安樂。是日下午茶食中菜，地點美心皇宮。人家食下午茶多是吃點輕食，我就剛剛相反，點的除了有蝦餃、腸粉等點心外，還要沙彊雞腳同埋什菌牛柳條，邊有人咁樣食下午茶架?!對蝦敏感的我沒有食蝦餃，不過單見賣相是幾精瑩，幾吸引的。一食友的評語是皮簿、蝦幾新鮮，但香油放得太多。叫春風得意腸，其實點既時間唔知係咩餡料，端上來時才知原來是類似炸兩之類既物體。佢同炸兩有些少唔同，在油炸鬼裡頭還有黠紅蘿蔔絲、菜絲等，吃落更有層次感，呢味不錯。沙彊雞腳，無特別之處，唯沙彊既醬汁過咸；什菌牛柳條，牛柳幾嫩口，味道卻不夠，雞脾菇呀冬菇呀都好普通，蘑菇都應是罐頭，未有驚喜。食物除左腸粉較有新鮮感外，其餘都是平平無奇，又算唔得上差，典型大集團的出品。

今晚有親友遠道而來,一行六人幫襯晚飯,試過美心其他酒家質數都唔錯.. 三餸餐叫了老虎斑,乳豬拼雞,魚湯津白,老虎斑最有水準,蒸得剛好/乳豬拼雞既乳豬唔脆雞又肥,味道OK,份量極小,散叫98元就真搵笨,魚湯津白都好味,另加清炒蝦球,普普通通,咸咗d咁最差係海參花膠蝦球煲188元,個煲得手掌咁太,海參同花膠碎濕濕夾埋得5"小薄塊",十足切剩d頭頭尾尾咁,另外凍鮑魚拼海蜇,撈鮑魚既酸汁極難食,酸到嘔,鮑魚又冇味,老豆老媽子都唔吼,,,個海蜇仲好味好多..屋企人話以後唔再黎美心集團包哂成個德褔咁滯,下次都係唔好貪就腳...

美心皇宮d 野食真係幾特別，特別在於好少其他飲茶地方食到，但係又唔會唔夾飲茶wor。比如話相呢個棉花雞，但係轉左做鮮蝦打的蝦丸，好彈牙ga。連咖哩豬皮魚蛋都好食過出面。缺點就係要等好耐先有位law。另外就係d 蝦餃貴得黎唔係sharp 得咁緊要，唔抵！

裝修過後都未食過,地方好似縮細.叫個套餐($888)再加市個大班兩味($198),一圍人都夠食.美心集團味道唔會差得去邊.,碟頭都幾大,好夠食.臨走時發現門口有間玻璃房,食乜都俾人睇晒.門口個知客話要食貴套餐至可以用.我就算有錢食貴野都唔想俾人當動物睇.唔經唔覺已經寫到第100篇食評.希望努力再寫多D.

話說小弟4月7日星期六岩岩同4位友人參與完展覽之後,就回德福搵野食醫肚,做左成日都冇咩野落過肚,更係餓到飛起,先去左茜廊搵位,可惜等左一陣都冇位再加上唔想係出面等食二手煙,就去左pizzahut到..見到排曬長龍,甘就再去搵其他野食,點知好搵唔搵,就入左美心..甘就出事啦.入到去好多位冇咩人,叫左個4人餐.total有3個送(有一款係選老虎斑,蟹or龍蝦)之後係menu到點多兩款,我地選左龍蝦,甘之後就再加多個送,魚香茄子,雞半只同什菜煲4個送,等左一,兩個字後第一碟半隻雞上台..好大..個墊盤真係好大,旦雞既份量不足3份一隻,之後大家睇左一陣係發覺冇左個頭,胸既部份,之後叫左個侍應問一問,佢好猶豫甘講呢款係兩斤半雞黎,係甘上下既size ,旦完全冇回答點解冇左個胸既問題,好悄悄然甘行開左,之後再上魚香茄子,墊盤仍然係好大,旦個煲份量同係大記食既個兜差唔多=_=",龍蝦就就如上,係龍蝦仔..細過去食萬豪自助餐食個d凍龍蝦,什菜煲就得兩棵西蘭花,幾片,係幾片生菜同4條白菜仔,粉C就都叫OK,以上四碟味道一般,飯同菜每樣各9蚊,5個人去食加埋兜花生(最足料)呢到就100蚊,再加埋個個所謂4

話說小弟4月7日星期六岩岩同4位友人參與完展覽之後,就回德福搵野食醫肚,做左成日都冇咩野落過肚,更係餓到飛起,先去左茜廊搵位,可惜等左一陣都冇位再加上唔想係出面等食二手煙,就去左pizzahut到..見到排曬長龍,甘就再去搵其他野食,點知好搵唔搵,就入左美心..甘就出事啦.入到去好多位冇咩人,叫左個4人餐\.total有3個送(有一款係選老虎斑,蟹or龍蝦)之後係menu到點多兩款,我地選左龍蝦,甘之後就再加多個送,魚香茄子,雞半只同什菜煲4個送,等左一,兩個字後第一碟半隻雞上台..好大..個墊盤真係好大,旦雞既份量不足3份一隻,之後大家睇左一陣係發覺冇左個頭,胸既部份,之後叫左個侍應問一問,佢\好猶豫甘講呢款係兩斤半雞黎,係甘上下既size ,旦完全冇回答點解冇左個胸既問題,好悄悄然甘行開左,之後再上魚香茄子,墊盤仍然係好大,旦個煲份量同係大記食既個兜差唔多=_=\",龍蝦就就如上,係龍蝦仔..細過去食萬豪自助餐\食個d凍龍蝦,什菜煲就得兩棵西蘭花,幾片,係幾片生菜同4條白菜仔,粉C就都叫OK,以上四碟味道一般,飯同菜每樣各位9蚊,5個人去食加埋兜花生(最足料)呢到就100蚊,再加埋

一班同事(15人)食生日飯! 點心...一般既蝦餃...牛柏葉...叉燒包...蒸腸粉....灼菜...雞包仔...我諗都有三十幾碟...水準都係美心出品...唔會難食...但比好彩仲差少少...! 有度唔好就係...用車仔推....車仔未出或無經過就食唔到...例如...馬拉糕同糯米卷都係走時先見到! 有一個餐都幾抵食...就係一碟燒味...加一個菜, e.g. 麵醬油麥菜再加炒粉麵...$118...如果三個人黎食...都差唔多啦...! 食完叫左啲甜品...我食左個雙皮奶....麻麻!

平時係好小黎依度食..因為覺得佢唔抵..食0左好似冇食過咁..今晚因為搵唔到位..焗住係度食..四個人食0左:1)冬瓜"根"- ok喎,冇我想像中咁"傑",好香金華火腿味,食落啖啖冬瓜蓉2)炸脆奶- ok啦..個粉漿較為厚身3)鬼馬牛肉-唔中意..好油..4)蒸細輪-d肉太鞋了..不過佢係蒸得arm arm好時間的..5)豉油雞-d雞滑,豉油加埋d蔥花好香6)炸饅頭-好好食!細細個的,兩啖食曬一個,個饅頭本身有一陣椰香味,加埋d鍊奶,好正啊!好飽啊..埋單550蚊度..ok 啦.

明知自己同友人,都唔會光顧連鎖式酒家,有時,都會鬼喑眼的.黃金時間在德福,永遠人山人海.不知何故,友人打來話在美心囉左位.心不甘情不遠之下接受現實.四個人點幾味,我真係唔識點評,大型連鎖店水準,即係你去佐丹奴咁,間間一樣先生埋鏡試試,Miss埋鏡試試.千篇一律季季無驚喜.美心白切雞無雞味,好像呢類酒家,有雞比你食好應該多謝佢,而唔係繼續埋怨做咩唔係新鮮雞.其他如咕鹵肉,火腿津白,唔記得係咩的小炒,平常得很.就等如佐記一舊水三件的白底衫.乏而無味.成個場人山人海,一家大細.呢類酒家,始終有其市場.難怪佐丹奴一早做到發左,連帶發明左港式時裝店服務方程式出來.搞到去買衫呢類咁私人的事情,全程比人死釘住,討厭.希望唔好有下次,飲茶也可免則免.PS:紅牛送你一對翼,可惜是夜飛唔起.

早茶我會選稻香較好，不過講到晚飯，美心幾好經常有唔同既套餐，味道好好有個浸魚腐好好味，叫佢可以唔使叫湯鐵板燒味無驚喜，想試新野先試啦炸軟殼蟹好油，味道一般此外其他都幾好