美心皇宮 (德福廣場1期)

營業中

休息中

這裏環境優雅 是日老火湯:老黃瓜紅蘿蔔豬展湯， 清甜👍清蒸游水筍殼魚 ，魚開邊蒸，鮮甜，肉質細緻嫩滑，配蔥油、豉油提升滋味！燒腩仔， 很喜歡吃這裡的燒腩仔，皮夠脆，也很香， 味道十分好 ，就是肥膩些。沙茶醬炆牛肋骨 ，切開後牛肉腍滑， 配沙茶醬，味帶香甜,骨架比較粗厚，食落牛肉份量不多。鮮淮山炒小瓜， 有翠玉瓜、鮮淮山、 小木耳、這款菜式清淡， 健康之選。👍懷舊千層糕， 層次分明，主要有蛋黃，瓜子仁，奶皇味，鹹甜味，口感十分的豐富！👍海帶綠豆沙， 一向都係我的心頭好， 是傳統味道 。👍生磨腰果露， 幾粒脆腰果襯托，腰果露香滑味濃。美心皇宮，菜式出品、口味、都令人滿意。

母親節，當然要同母親大人👩食個靚飯，媽媽簡左去美心皇宮食，美心皇宮裝修非常宮廷風，俾人一種好高貴既感覺。點菜就交由母親大人發辦，我們這一家一向都食野偏向清淡、健康🤗所以點左以下幾道：鮮准山炒翠肉瓜，呢個配搭簡單已經好好食，准山好爽，加埋有雲耳正👍🏻客家釀豆腐煲，呢個煲好正，入面除左有釀豆腐外，仲有d蜆肉，個湯底有魚的鮮甜味清蒸沙巴龍躉，咁大條魚通常都好易蒸到魚肉過熟有點鞋，但呢次蒸得都剛剛好燒味雙拼，簡左叉燒拼油雞，都不錯這餐晚飯雖簡簡單單，但一家食得開心已很滿足。

母親節要飲茶確實係一件好考耐性的功課。因為呢個日子飲茶的輪候時間比平時需要多很多。我們拎了籌，等了兩個多小時才有位入席。專登來這間美心酒樓飲茶都係因為媽媽好懷念好想去有人推點心車的酒樓，所以我們坐車來飲早茶。裝後的美心比較整齊，坐得好舒服，看得出侍應做得很忙碌。我們好像鄉理出省，拿了很多的點心，根本無想過自己個肚能不能容納，可能大家看到那些點心車，心情都有點興奮吧！點了很多的點心，其中一樣最欣賞的係“灌湯餃”😋，真係好好味，湯濃料多。‘’錦滷雲吞‘’有點“漏”，反而‘’蛋撻‘’好淡的味道。整體上都不錯。

一行10人来来到九龍灣的美心皇宫飲早茶。10個人坐一圍，有D擠迫。先到嘅朋友已叫咗齋腸及鳳爪排骨飯，一般般，没咩驚喜。跟住又叫咗紫菜卷，牛肉球，蝦腸，冬菇滑鷄飯等等……同以前吃過的美心有D唔同，真係太普通，連影相都冇興趣。紫菜卷好小小，入邊似係蝦膠。而估唔到嘅係，呢度唔使剔紙仔，而係用舊式嘅推車仔囉。

總共叫左3個小菜1個炒飯。。。胡椒湯煮桂花蚝，湯底有濃濃嘅胡椒味，配上瓜絲同桂花蚝，好好味！西檸雞半隻，炸得剛剛好，檸檬汁好開胃。炆龍躉腩，魚肉好滑好入味！楊州炒飯，都有好多蝦，菜心粒差燒粒好足料。平日晚上唔算好多人嚟食飯，服務都唔錯。

今日算係最齊人嘅一日所以我哋成班同事大概20個人揀咗美心飲茶咁多人就要分開兩張枱美心仲係好搞笑地有推車仔嘅點心即係如果啲點心係推車仔就唔會出現喺張點心紙上面我哋唯有努力等待最誇張係我哋等到一架車有六個點心分別有六個同事都想食，所以我哋嗌晒不過全部都係炸🤣🤣好彩最後都食得晒不過炸嘢來講個沙翁係冇得頂👍🏻👍🏻 10分推介不過可能未食鹹嘢之前，食咗呢個，所以咁高分🤣🤣不過重點推介個栗子焗布甸唔係間間酒樓都有得食呢個布甸，連為食同事都必食😋提提大家記得留肚食呢個，你先會覺得好味如果比啲鹹嘢食飽咗之後，再食呢個布甸就可能失色左😁

農曆年將至, 近日不時與朋友聚餐。 今次就訂了在九龍灣的美心皇宮。 餐牌上的食物選項算多, 但友人建議説, 因我們剛巧六人, 倒不如點半席「萬家歡愉 全包宴」。 那就不用費心了。半席包括六位茶位費及加一服務費, 橙汁一酌或啤酒大支裝一支。因有朋友駕車, 我們便選了一酌橙汁。 上湯焗加拿大龍蝦(伊麵底) : 除了鉗外, 龍蝦肉不多, 伊麵沒甚味道, 是少有吃剩的餸菜。 五福燒味拼盤 : 五款燒味拼盤, 賣相一般, 食味普普通通。 翡翠彩鳳蚌片 : 雞肉炒蚌片, 蚌片略少, 味道一般。 花膠雞絲瑤柱羹 : 濃淡適中, 算多料。 碧綠鮑螺片 : 大大片螺片, 不錯呀。 清蒸沙巴花尾斑 : 魚蒸得剛好, 滑。 紅杞瑤柱浸翠苗 : 翠苗新鮮。 ㄧ品脆皮燒雞 : 燒雞放涼了, 皮不夠脆, 雞肉不滑。 香滑棗蓉糕 : 棗味不夠。

今天屋企停電，所以同父親母親大人去周圍遊，首先當然去飲個早茶先啦，為方便媽媽晏就起九龍灣上堂，所以去左德福美心皇宮飲茶！呢度有香港已經少有的點心車賣點心，睇啱邊籠要邊籠。比較少見的點心，例如：芋頭糯米卷用薄薄的芋片卷著糯米飯蒸淡淡芋頭香，、炸紫菜卷是用紫菜包著蝦膠炸，香口鮮甜，非常惹味、百花讓茄子大路點心亦好好味叉球飯亦好食，但價錢較貴，不過今天的茶就左少少，唔知是否水不夠熱，好多碎茶葉浮面，水亦冇少少怪味，但服務是很好的，侍應亦有禮。

有人請客, 總要去的。雖然地點頗遠, 又不就腳, 但環境是 ok 的, 餐廳自成一角。這晚是一整圍的傳統飲宴菜式。首先上枱的是乳豬全體, 皮脆肉滑, 非常好味!炸蟹拑也是超正, 又爽口彈牙。炒西蘭花蝦球, 蝦球大大隻又鮮甜!原本係紅燒花膠雞絲翅, 後來改左燕窩。干貝豆苗也令人滿意。鮑片大大片, 很豪的感覺。清蒸大海班, 大大條但蒸得剛好, 肉質鮮嫩不鞋。脆皮燒雞也是皮脆肉香, 食到好飽都忍唔住食左兩件。甜品也是足料的, 又有紅豆沙, 又有美點雙輝!

臨近聖誕節 食西餐就一定又多人 又要等位 所以今晚約咗兩老嚟美心食飯 食佢地鍾意食嘅中餐🤧 孝敬吓佢地估唔到平日都咁旺場 可能係做冬嘅時節啦🤔今晚叫咗四個小菜 魚香茄子煲 鹹鹹辣辣咁幾惹味 茄子去咗皮 食落唔會好韌 幾貼心👍🏻大良炒鮮奶 呢個幾多料 有啲蝦有啲肉有啲豆 炒得都幾滑🤤菠蘿生炒骨 啲排骨炸到啱啱好 有少少脆 層皮唔會太厚 加埋啲配料 菠蘿 紅青椒咁 幾唔錯😎客家釀豆腐煲 呢個煲份量好足 好多豆腐 仲有肉丸 蜆 同魚頭 魚頭有輕輕走過油 好好食 個湯都好甜 連個湯都想飲埋 不過食得太飽 飲唔晒😿不過侍應嘅數量真係唔夠 好難先搵到個侍應落單 服務認真冇乜 咁嘅價錢都會期待有好少少嘅服務啦 況且美心一向都走高價路線 咁嘅服務質素有待改善呀☹️☹️

爸爸生日揀咗美心食飯慶祝，揀咗個套餐再加飯麵韮王炒花枝片，正常味道，份量算大片皮鴨就份量偏少，同樣係美心集團，北京樓好食好多個鮑魚得一個字形容...咸突然間成個餐上哂咁滯！我地喺度話乜我地去食快餐咩？食緊大家樂呀？我話唔係！係美心MX待應姐姐聽見我地咁串，即嗌walkie入廚房叫停我地嗰枱唔好出嘢住上埋百花釀油炸鬼同龍躉，我地等吓大半個鐘都未等到最後兩個餸同甜點食到最後兩個餸真係覺得美心質素差咗啲糕有啲薑味幾好食嘅壽包$10一個細細個仲無蛋皇就差咗啲囉⋯⋯

超級失望，以為大集團出品一定是正常，叫咗幾度正，燒賣，腸粉，燒賣，再加多一道百花釀茄子，質素十分差，燒賣入口有一陣雪味！百花釀㗎啦茄子味入口即溶，用筷子夾唔到，想食都難；排骨完全唔冇肉味，唔怪得知呢度啲人淨係坐低飲茶啦！點心完全接受唔到，呢個師父好明顯要吵，呢度得炸嘢可以，炸嘢師傅炸出嚟啲嘢好食！

今日與友人相約早上飲茶，因為星期日既關係人喜超多，不過可以網上取票號，不錯。九點半左右取號後，結果要等到差不多十二點先入座，早茶變埋午市了內在環境都算大，可能臨近中秋節多人飲茶、加上星期日既關係英美心皇宮既特式當然就係仲有點心車啦因為太肚餓既關係拿拿臨睇下姐姐推既點心車車有咩食一來叫左個《排骨蒸粉皮》排骨全部都係半肥瘦，肉質好嫩好正排骨底放滿滿的粉皮，又滑又彈，推介之選之後未見到有燒賣，見到車仔有《鵪鶉蛋燒賣》，所以照殺本人本身都食鵪鶉蛋燒賣吾算大粒，但蝦同豬肉都好大舊好好味蒸得剛好之後見到有炸物推過，有《炸蟹球》可能放左太耐係車到，已經吾熱，蟹球仲好散，無心感又吾夠彈牙友人叫既《煎蘿蔔糕》吾夠厚身又煎得吾夠香，好一般又來個蒸《牛肉球》牛肉球算大粒，夠彈口，不錯終於見到有我至愛《鹹水角》點知又係放左好耐既感覺，入口「淋吱吱」，一點不香脆，仲要凍冰冰尼個《酥炸鮮奶包》小點 ，因為即炸都等左好耐，有廿分鐘以上，滿心期待點知又吾算好香口，不過鮮奶有流心係淡左小小，不過個包似炸饅頭最後一道係廚既《風沙豆腐粒》大點點知滿心等左有廿幾分鐘，又係暖暖地而且吾係香口似食緊淋豆腐。食過第2間分店炸野好正

今日去咗飲茶，一般酒樓有嘅剔剔點心紙就一定有喇~但竟然比我見到點心車呀！回憶立即湧現，想當年一見到有點心車經過就會望實車仔前面嘅點心牌，驚死miss咗自己鍾意嘅點心！2個人，點咗5個點心，下午茶而言，都好豐富！特別要講一講個柚皮，因為工序繁複，已經好少地方有得食，雖然佢整得未夠淋，仲有實心嘅感覺，但真係回憶取勝！海帶綠豆沙唔會太甜，落少啲糖，乎合返香港人健康原則！(大家記得糖水車仔個樣嗎?)龍蝦湯鮮竹卷~用龍蝦湯好特別，都有少少龍蝦味嘅，鮮竹卷就普通喇~雞扎~雞肉經過好重嘅調味，食唔到原有嘅雞味，over哂~馬拉糕~都係因為佢個大大大蒸籠而叫，要邊定要中間自己選！

小秘書每逢星期日都會約齊爸爸、媽媽同細佬妹一家嚟「美心皇宮」飲茶☕️而家仲有推車仔賣點心嘅茶樓已經好少，所以咁多年嚟我哋一家都好捧場。不過唔知近排搞咩鬼，「美心皇宮」唔知係搞環保定冷氣壞咗，每次嚟到都要邊食嘢邊撥扇...感覺焗緊桑拿咁😅 有試過同經理反映，佢都係愛理不理嘅態度，答一句「我都無辦法」就走開咗！不過鬼叫我哋咁專一咩😝今日又死死地去幫襯👉🏻👈🏻 熱就梗㗎啦！今日仲嚴重缺人手，試過幾次想叫人加水，舉極手都無人應🤨 想寫個飯同湯米粉，就足足搞咗廿分鐘先有人埋嚟... 點解「美心集團」搞成咁㗎？🤔好在佢啲點心水準無咩點變，而小秘書最愛嘅「狗仔粉」仍然香口同地度風味十足👍🏻 希望「美心集團」管理人可以加緊人手，搞搞個冷氣。再係咁熱落去，我呢個fan都定唔住喇！