美心皇宮 (德福廣場1期)

營業中

休息中

有朋至遠方來搵我食晏，又想飲茶，知道美心皇宮仲有點心推車仔❣️所以特登同埋朋友去懷舊一番！中午一行4人，12點前未使等位入去坐低就急不及待，出去拎嘢食。百花釀魚肚干蒸牛肉蝦餃燒賣臘味糯米飯炸蝦角-蝦肉爽口彈牙錦露雲吞-出面冇乜酒樓會有流沙包-流曬出黎叉燒包-好味鵪鶉蛋燒賣-牛肉腸-軟滑新鮮花生雞腳-夠曬入味、又淋馬拉糕-冇乜邊度好食得過美心皇宮食到真係仲想再叫，不過真係好飽，連甜品都冇食到下次再去一定要食芝麻卷、煎堆仔同豆腐花、紅豆沙💪🏻😋Yum Cha ~traditional and yummy choice Dim Sum at Maxims Palace restaurant

知道美心酒樓推廣一個四人套餐、有片皮鴨、海班、冬瓜湯以及小菜兩味，只係$528。今時今日、這個價錢、可算很優惠啦！冇得預定、先到先得，咁就一早來攞位落單、試試先。鴨味夠、皮肉適中、不算肥膩！海班肉嫩、大小適中。冬瓜鴨湯、清談但有鴨味。再加上涼瓜炒牛肉、涼瓜苦中帶甘；欖菜豆角、鹹味適中。整個餐的勝價比相當高！怪不得6:45就冇曬啦。加上一瓶shiraz紅酒🍷、酒味夠香、幾位多年朋友、舉杯慶祝、非常難得的聚餐！

今天返工九龍灣的朋友又約了我入九龍灣吃午餐，想一想吃甚麼好，因常吃Pizzahut，泰國餐廳，想吃些新的食物，不如去茶樓飲茶，所以選了今次這間，平時好少去這間飲茶，這次吃給了我驚喜，估不到仲有手推的點心車，現在好少見，我們在手推車取了熱熱點心燒賣4粒入面肉都好平均，好霖，香肉味春卷每條大細適中，炸得好脆口豬肚湯都算大碗，豬肚厚身，爽滑，辣辣地，好開胃炒腸粒腸粉滑身，炒得好香口，少見細細條，一口就咬到入口韮菜餃煎得軟硬適中，肉汁鮮甜，韮菜很香口

一心諗住同屋企人去德福美心皇宮度飲茶，但啲食物無以前咁好食，好失望。個碟鮮蝦腸粉，層腸粉皮厚到。。。起碼有2mm。 炸蝦角層皮又係厚，炸完出嚟。。。好硬。 無諗到一碟普通嘅蘿蔔糕會咁咸真係好失望。。。未食過咁難食嘅野，埋單個價錢同啲食物質素真係差好遠lo，希望會有改善啦。

唔知點解呢間美心皇宮特別多人 次次呢都要排隊 先試下個灌湯餃， 味道濃沃仲好足料 好好味道 就係因為太大份食完個灌湯餃已經好飽呢個千層糕買咗好靚㗎， 試咗又唔會太甜， 好味呢個咖哩魚蛋 應該係最差之作，唔明點解啲咖哩汁傑撻撻， 喺街邊嘅咖哩檔真係最 地道最好味嘅呢度嘅侍應 都係忙到不得了， 值得一睇呢間 好似50年代 嘅酒樓仲有推車仔㗎， 想懷緬下可以試下呢呢間個人感覺都幾好嘅裝修方面 唔會好華麗 但係又有啲懷舊感覺， 不過價錢方面就略高咗少少

到美心皇宮飲茶☕， 位於九龍灣德福廣場。 差不多下午三點鐘到達， 幸好還有很多點心選擇🤩， 鳳爪、珍珠雞、燒賣、牛肉球、魚肚蝦滑、鮮竹卷和雞滑卷， 每一款點心味道都幾好， 食點心最重要是溫度， 全部都熱辣辣的♨️。 鳳爪入味， 珍珠雞裏面的餡料很juicy， 燒賣肉質紮實， 牛肉球鮮味嫩滑，魚肚蝦滑 的魚肚口感爽滑， 蝦滑Q彈， 鮮竹卷内馅多汁，雞滑卷其實是雞包仔， 雞肉餡很豐富。 最喜歡這裏保留點心推車仔的做法， 懷舊又傳統。😄    美心皇宮 (德福廣場)地址: 九龍灣偉業街33號德福廣場一期G54號舖

今日返工，到左中午時分，突然想去飲茶，見到美心皇宮酒樓就試吓，入到去見到原來仲有係點心車車出嚟嘅點心，勁！坐低咗我哋叫咗繡眉茶，我哋點左鹹菜豬肚啦， XO醬炒腸粉啦，而呢幾樣就係出去攞嘅燒賣啦，叉燒包啦春卷啦鯪魚球啦鮮蝦菜苗餃，咁先講一講佢個茶啦咁呀純而甘香，而佢個XO醬腸粉都好惹味，啲鹹菜豬肚呢個豬肚呢都係冇臭味嘅好有咬口，再講下佢個燒賣好大粒，而春卷呢都係脆卜卜嘅，咁佢個鮮蝦菜苗餃呢入邊都係好多送啦菜啦都包到好實嘅實實鄭鄭，唔會一夾就鬆左嘅，總括嚟講美心皇宮嘅點心車載着點心係好有特色好懷舊嘅酒樓😋😋

連續四日嘅假期，眨吓眼又到尾聲👉🏻👈🏻 因為早排工作忙碌，就趁呢幾日陪吓爸爸媽媽😉 本來一早約咗 #星期五 去食 #buffet 嘅，不過 #媽咪 突然轉呔，我想去 #飲茶 順便去探吓啲孫😅 我當然就哂佢啦😉不過真係冇諗過星期五嘅 #下午茶 時段都咁多人，前後等咗30分鐘終於輪到我哋🤪 我哋一家大大小小可以稱得上係 #美心集團 嘅 #小粉絲，尤其係 #MX 嘅 #糯米雞，簡直係爸爸嘅 #favourite 🤩 不過 #德福分店 呢間 #美心皇宮 真係越嚟越唔掂😮‍💨 佢又要秉承傳統用 #點心姐姐 #推車仔 賣點心，但係坐足15分鐘人影都未見過，最終我都係頂唔順帶返 #口罩 出去搵食😮‍💨 原來咁大個場都係得兩架 #點心車仔，唔想餓親佢哋，我只好做埋 #點心阿姐 嗰份，來來回回好幾轉，加上酒樓嘅冷氣又唔夠，真係難為坐埋牆角仲要比射燈照住嘅我哋👉🏻👈🏻 為咗盡快填飽 #老豆 個肚，我哋先叫一碟 #菜遠牛肉炒河粉 返嚟，好彩 #水準 一如以往，炒得夠熱、牛肉都幾嫩滑… 算佢啦😉 好在我有 #先見之明，明明經理早喺15分鐘之前派過 #點心紙 俾各位 #茶客，但係冇幾耐（當時我哋都未食完碟河粉

成日都心思思想食片皮鴨個套餐、但有時太夜無哂食唔到，有時full哂連入都入唔到，今次決定襯平日提早去拎位，終於食到！真係又好味又多款又抵食！點左個四人套餐但二個人食，結果係食唔哂既😂首先第一樣上既係菠蘿咕嚕肉，本人認為最好味既一樣🤤蜜糖勁夠，好甜之餘，肉質又好爽口又脆，配飯絕對係一流！然後第二樣就係重頭戲片皮鴨！好大隻！連髀都有埋！皮夠脆夠油，肉質方面就無片皮鴨既味，皮亦都好厚，但依性價比黎講就好值得！埋單只係五百幾仲有送五張100$coupon!等於免費食咁😙另外二道係魚同菜湯，都較一般。

2021年4月23日 (星期五) 11:00am 31°C 環境典雅玫麗，裝潢新派，光亮整潔，餐具乾淨。 茶壺屬純銀，銀光閃閃，充滿貴族氣派。 ❤_❤ 人數：4人 HK$499 家人當天利用手機 Apps 訂座，方便快捷！ 不用排隊 燒賣 - 每粒都是大大的，豬肉填滿整個空間，肥瘦適中。 牛肉燒賣 - 質感軟而不靱，牛肉清香，豐厚的四件。 叉燒酥 - 外形呈三角形，外皮酥脆，內裏微溫，餡料新鮮，啖啖香口美味。【推介之選】❤❤❤ 蝦餃 - 皮厚了些，蝦肉不夠彈牙，水準一般。 芝麻卷 - 芝麻香香滑滑，磨碎得很幼小，啖啖美味。【推介之選】❤❤❤ 叉燒腸 - 叉燒味濃，皮薄餡多，滑滑溜溜。 紫米椰汁露 - 味道幼滑香濃，稀杰適中，甜美滋潤，大快朵頤，使人心情立即大好！【推介之選】❤❤❤【 溫 馨 提 示 】：❶ 接受電話 / 手機 Apps 訂座❷ 另收加一服務費

因限聚令關係...6個家庭成員出街食飯好唔方便...日日煮飯...都有啲悶.....假日叫外賣..美心諗住一定冇問題啦！但令人好失望...6人份量.....我完全睇唔出為何寫明6人份量囉！1-菠蘿咕嚕肉少到離晒大譜....2-燒味叉燒同雞不過不失....3-楊州炒飯...半盒都無4-菜粒蛋白炒飯兩盒炒飯仲衰...個盒得半盒都無....5-南乳溫公齋煲...完全無味....我真心唔識野....齋煲加豆角...加節瓜....非常感覺廚餘

好耐無出街食，好耐無寫食評， 成個人懶哂！ 之前都會寫下外賣嘅食評，跟住都懶懶哋⋯⋯好！今日等我寫下先，因為覺得真係唔錯兼係Openrice 落單外賣自取，係星期四用Master Card 又可減$20！登時覺得好抵！😁✌🏼因為減埋，只係位位$50😙😙其實都間唔中係呢度叫外賣自取㗎喇，今天無端端揀咗美心，發現佢個一人餐外賣價只係$60，有四款湯羹，兩款飯，三個粉麵揀。幸好我同女友都揀到！ 😝😝 因為有時係會揀唔到㗎！女友揀咗豉油皇炒麵+手拆魚蓉羹，個羹唔記得咗影相😝 都幾中足料㗎，味道都可以。個麵好ok，又夠份量👍🏼 個人覺得多少少芽菜仔仲好😋😋我就揀揚州炒飯+海皇豆腐羹，我個豆腐羹就青啲，可以多啲豆腐就好喇😝 個飯就正常，好夠碟頭！味道就正常啦，但$60成碟大酒樓炒飯喎😁👍🏼

當天家人生曰，想於德福廣場找間食店吃個生日飯，因地點較中位，方便一下班盡快齊人吃飯。在德福廣場，有數家酒樓，其中兩間為美心集團的酒樓，分別是《翠園》及《美心皇宮》。詢問之下，即使同一款優惠套餐，原來《翠園》是有時限交枱的，而《美心皇宮》則沒有這規限，由於想讓家人可盡快入座，座著等人齊，故我們最後選了《美心皇宮》。本來我們一心去吃另一個餐的，結果他們告知賣光了，最後只能叫下列四人餐呢！《招牌叉燒拼燒鵝》(4人套餐$748)美心叉燒不論在酒樓吃還是快餐，味道及口感的確不錯，肥瘦適中，故肉質軟硬適中，加上香甜的叉燒味，故必定是最穩陣的一道菜，少有伏味。而燒鵝亦很肥美，給予的部位亦是啖啖肉的，如沒估錯，應該是髀位的肉，所以啖啖肉之餘，肉質亦嫩滑，又有肉汁，而燒鵝皮亦夠香脆。《上湯焗龍蝦伊麵》(4人套餐$748)這龍蝦夠新鮮，肉質尚算彈牙，味道鮮甜，龍蝦件夠多，估計都有一隻中小型的份量。而上湯味道一般，不過不失，沒有驚喜。而伊麵略乾，口感一般，最後與上湯汁攪拌後進食，才達至一般水平。《雙喜花膠燴仿翅》(4人套餐$748)此湯羮完全一般，味道較淡，故要加醋一起享用較好。《金蒜蒸龍躉頭腩》(4人套餐

燒味挑戰100之7今日嚟到美心皇宮飲茶，其實我真係好鍾意點心車，因為而家真係買少見少。不過先講咋點車係我最唔鍾意嘅點心車，因為炸嘢始終要新鮮，而架車又唔會keep到佢好熱，所以炸點車上嘅炸點始終冇tick點心紙咁好食。就好似我哋叫咗個沙律蝦角，就唔係好夠熱啦。臘腸卷算係好乾身，亦都冇倒汗水，總係覺得佢呢個臘腸卷唔係用平時一包包買嘅美心臘腸，因為比較肥，同肉質冇咁結實。不過味道算係唔錯。已經好耐冇食過乾蒸牛肉燒賣，但呢度嘅牛肉燒賣同山竹牛肉上面嗰啲牛肉完全冇分別，同埋我好記得細個時候食嘅牛肉燒賣上邊會有粒好難食嘅雪藏青豆，燒賣好大粒，但我覺得其實唔係好需要。蝦籽柚皮係最令人失望嘅一樣點心，柚皮夠淋不過有渣，湯汁唔夠味。個汁有啲稀有啲傑，有一浸膠質物體浮左係面，好似開生粉水撈唔均勻咁。叫得燒腩仔就係鍾意佢肥、有脂肪，但係呢一碟一啲肥都冇，到底係咩嚟呢？我哋同經理講請佢換一碟，佢竟然話燒腩仔就係咁，如果唔係咪太肥囉？然後就話同我哋取消。我再諗一諗，豬腩冇脂肪，咁係唔係即係我肚腩上面嘅全部都係肌肉？最後經理都同我哋退咗碟嘢，不過過程就有少少不愉快了。食唔到燒腩仔，我就叫一碟口水牛脷。雖然係冷盤

其實第一次在美心皇宮飲茶, 從來唔知原來這裡有點心推車咁得意, 有種懷舊feel。推車車頭有標明點心種類, 離遠都可以見到, 只要舉手同推車姐姐講, 點心就會被送到檯面。每次有推車經過都會好奇地眼望望, 睇睇有咩新點心出爐, 都幾有趣。而且可能由於疫情關係, 推車姐姐唔會比太多客人圍住點心車, 會主動"趕客"返座位, 自己就推著車仔去到客人檯前, 服務都幾好。至於食物, 也有一些已經比較少見的點心。例如百花釀魚肚, 金絲芋角, 牛肉燒賣等。雖然家人選擇的蟹黃燒賣沒咩蟹黃, 咖哩魚蛋土魷又過鹹, 但因為總體環境的加分, 尚算一個還不錯的早茶體驗吧。