美心皇宮 (愛丁堡廣場)

在openrice買了二人餐券,連加一茶芥每人平均大概460蚊，但份量少得可憐，不是最後有一大碟炒飯塞飽自己個肚，我估計返屋企途中要去麥當勞買個包。這個餐性價比非常之低，每人得一隻餓到冇乜肉的大閘蟹 ，食完都唔知自己食左乜，但居然話自己係大閘蟹盛宴!…查看更多

今日同班friend去咗中環大會堂嘅美心皇宮飲茶，諗住嘆個靚lunch，點知...環境真係唔錯，夠晒寬敞，仲可以望到出面嘅景，但係人真係多到癲，好似唔使做咁！攞咗飛都等咗成廿分鐘先有位，好彩班friend夠吹得，唔係實悶死。🤪**金錢肚：**夠晒入味，炆得夠淋，啲醬汁又濃郁，撈埋啲辣椒油，正！不過份量就少咗啲，唔夠喉啊！下次要encore多份先得。👍**蝦餃燒賣：**諗住飲茶點可以冇蝦餃燒賣㗎！點知等咗成個鐘都唔見影，問啲阿姐，佢哋竟然話賣晒！🤯 搞咩啊，咁晏先賣晒？下次早啲嚟霸位先得，唔可以再錯過！😤**叉燒例牌：**份量就真係幾大碟，夠晒share，但係啲叉燒就偏柴咗啲，冇乜肉汁，食落口乾爭爭咁。個蜜汁都救唔返佢嘅乾。下次都係試其他嘢好過。👎**總結：**美心皇宮嘅環境同氣氛都唔錯，但係啲點心嘅水準就麻麻哋，有啲嘢好食，有啲嘢就伏到爆。下次都係揀啲非繁忙時間嚟飲茶好啲，唔係等位等到燥，啲點心又唔齊，真係影響心情㗎！🙄 不過，如果想體驗下傳統點心車嘅文化，都可以嚟試吓嘅。🤷‍♀️…查看更多

很多家庭聚會/ 節日慶祝都在中環美心，食物質素一往有保證。但今晚卻非常失望。 知道今晚有一個小型婚禮酒席，散客區成個場主要係五張大枱客，其餘細枱客人寥寥可數， 但經理將全部大枱都谷埋一邊，密質質咁坐，其餘吉枱就一路留空，令到用餐環境非常不理想，經理亦無動於衷，完全無安排食客可以坐舒服啲。 我地一早寫好菜單，6:30 就入單，但到晚上8 點都未起菜。再三催促下，侍應仲問我地有無入單。 突然間在就一次過出五個菜，連枱面都放唔哂。 食到最尾問甜品可以上未，居然拎三pack 迷你芒果月餅過黎放係我地枱面。好差。 以後聚餐唔使再黎呢度。 …查看更多

📍 老牌酒樓人氣爆棚 今日同同事去中環大會堂美心皇宮飲茶，雖然提前拎飛，但都等咗10分鐘先入座。餐廳依然保留傳統點心車文化，不過安排有啲混亂，最後仲要食唔到最想食嘅點心⋯⋯ 🥢 點心體驗✅ 正常發揮： - 🐮 金錢肚：夠淋夠入味，醬汁濃郁 - 🐟 鯪魚球：彈牙有魚香，配喼汁好夾 - 🥟 瑤柱餃：餡料足，瑤柱絲提鮮 - 🌿 韭菜餃：皮薄餡多，韭菜新鮮 ❌ 伏位： - 蝦餃燒賣全軍覆沒！等足一粒鐘都冇車推過嚟，問職員先話「賣晒」 - 叉燒例牌：份量超大，但肉質偏柴，蜜汁都救唔返 - 炸鮮奶：外皮唔夠脆，餡料偏甜 🍵 飲茶安排- 點心紙只限熟食，蝦餃燒賣等要等點心車 - 點心車流動慢，部分熱門點心好快清倉 - 職員忙到踢晒腳，換碟、加水都要主動叫 💰 性價比- 5個人食咗$1100+（連加一），人均$220 - 飽係飽，但冇食到招牌點心有啲唔抵 📍 美心皇宮（中環大會堂）中環愛丁堡廣場5號大會堂低座2樓 ⏰ 建議非繁忙時段去，等點心無咁煎熬 …查看更多

🌟 高原珍饈 宴彩雲南 🌟一直都想帶媽咪去雲南旅行，睇睇當地嘅壯麗嘅自然風光！🏔 好似香格里拉、元陽梯田，仲有好多少數民族文化。聽講 #美心中菜 將當地嘅珍稀食材帶嚟香港，例如諾鄧火腿、樹番茄、鹿茸菇等，好多都係第1次食，忍唔住帶媽咪嚟試！今次全新「高原珍饈 宴彩雲南」系列令人驚艷！🍽️✨ ，每一道都展現了雲南的風味與文化。🥘 *西雙版納樹茄石斑魚* 以新鮮的樹番茄為主角，由雲南直送，有助抗氧化和養顏，酸甜清新的湯底，搭配肉質鮮嫩的石斑魚，讓人一口接一口，停不下來！🍗 *鹿茸菇香燒脆皮雞* 嚴選雲南 #鹿茸菇，香氣四溢，放入三黃雞內一起於焗爐燒約半小時，鹿茸菇盡收雞油香味，雞肉外皮酥脆，真是完美的組合！🍜 *三七鮮石斛海螺汽鍋雞* 滋補No 1! 雲南直送嘅三七同石斛係「陰滋聖品」，有助於增強免疫力，用雲南特色嘅汽鍋烹煮，每一啖湯都係精華所在！🌶️ *皺皮椒雞樅菌炒鮮鮑魚* 雲南特產 #黑皮雞樅菌 相當驚喜！微辣中帶香的風味，鮑魚的鮮美與黑皮雞樅菌的獨特口感，真是讓人驚喜！🥟 *諾鄧火腿野菌生煎包* 一定要試！將諾鄧火腿、加入黑皮雞樅菌、 本菇和杏鮑菇，配埋香菇醬製成餡料，鹹香味濃，令人垂涎欲滴。🍰 *玫瑰花香鮮奶凍* 雲南出產嘅玫瑰花唔止，仲可食用！主廚採用雲南 #玫瑰花醬 加入濃厚鮮奶製成奶凍，盡是花香，仿佛春天嘅味道！依家嚟全線 #美心中菜 分店，就可以食到「高原珍饈 宴彩雲南」系列菜式，絕對值得一試！✨ 仲有多款粵式、潮式及京准菜式等我帶媽咪去食！…查看更多

之前都同屋企人去過雲南，對雲南菜都好有興趣今次見到 #美心中菜 新推出呢個 「高原珍饈 宴彩雲南」嘅限定菜單所以就專登帶爸媽去中環美心皇宮試試啦! 之所以食得返當年喺雲南食過嘅味道，原來有好多食材都係雲南直送㗎!📍三七鮮石斛海螺汽鍋雞 汽鍋雞用汽鍋烹調，入口已覺得雞湯醇厚加埋海螺就更加鮮甜，最後回甘仲有三七同石斛嘅草本清香📍皺皮椒雞樅菌炒鮮鮑魚 用咗雲南獨有嘅黑皮雞樅菌同皺皮椒同鮑一齊爆炒，雞樅菌菌香加埋皺皮椒既香辣感食落鑊氣十足超級惹味📍西雙版納樹茄石斑魚石斑魚起肉後熬湯，再加入雲南新鮮樹番茄小翠瓜同青檸檬、百香果及酸菜等配料；令魚湯酸甜清新鮮美味📍諾鄧火腿野菌生煎包 生煎包煎得金黃香脆裡面係雲南既諾鄧火腿，味道鹹香醇厚油香十足，一咬開菌香同火腿鹹香爆晒出黎每一啖都超滿足！📍玫瑰花香鮮奶凍 用咗雲南特產嘅玫瑰花醬，加入鮮奶同忌廉製成。奶凍質感滑溜入口即溶，而且唔會太甜，每口都有滿滿春天氣息今次同屋企人用味蕾重遊雲南真係太滿足啦！依家「高原珍饈 宴彩雲南」系列菜式已經登陸全線 #美心中菜 分店， 仲有多款粵式、潮式及京准菜式！係時候帶埋屋企人去試吓啦！推廣日期由即日起去到9月14日咋～～…查看更多

飲食業寒冬，星期日Family Day 同兩老飲茶實在已經冇咩地方好選擇，難得中環大會堂美心皇宮多年來仍屹立不倒，重點景靚、坐得舒服、氣氛好，而且仲保留了香港特色點心車、煎腸粉、煎糕檔，以及多款懷舊點心可以選擇，呢個星期再次Encore。出發前最好用手機APP拎定飛，因為試過去到現場等真係要企好一陣，老人家係會辛苦。今次做仔女的先到現場等，等到差唔多再叫兩老出門口，時間剛剛好。推車仔個氛圍係會勾起大家的好奇心及興趣，每次黎到都會不知不覺地比平時去酒樓用APP落單叫得多又食得多。鵪鶉蛋燒賣、魚翅餃、百花釀魚肚都係每次來必點的。鵪鶉蛋大大粒，釀魚肚上面的蝦滑都非常好食！呢日難得見到有薑汁雙皮奶，二話不說都截停了姐姐整返碗先。兜左一圈，仲見到細細個酒樓個種糖水車仔，回憶返曬黎。煎腸粉、煎糕檔就要行出去落單，不過兩次都隔好一段時間先會送到台上，唯一的美中不足。…查看更多

廣東人，點會唔愛點心？💗中環美心皇宮 出名出準穩定高質，最近推出懷舊大排檔小食 X 點心車，令我嘅點心魂要出動喇~ 記得細個嫲嫲每朝都會帶我落樓下飲茶，嘆杯普洱，再share一盅兩件，每次飲茶都會想起佢 😘💭點心車點心款款新鮮出爐 ，熱辣辣，同呀姐吹水，問吓有咩推介，有一份濃濃嘅人情味👵🏻；蝦蛟燒賣就唔洗介紹啦，個人最鍾意百花釀魚肚、豉汁排骨、花菇豆腐，必點👍🏻！同場仲有全新嘅大排檔傳統小食，夠哂香港特色🇭🇰！檔主呀姐好熱情，推介咗煎釀三寶、碗仔翅、咖喱牛腩麵，又真係有地道風味😋！非常推薦，全新嘅大排檔小食係德福、沙田 & 荃灣嘅美心皇宮都有供應，你哋千祈唔好錯過啦！望住維港海景食點心都幾嘆， 嚟緊周末再帶屋企人嚟中環歎一歎先~~ …查看更多

趁住放假，帶埋父母嚟到中環大會堂美心皇宮飲茶，呢度保留咗香港舊式茶樓文化，傳統嘅點心車同埋港式懷舊點心而家已經買少見少了！可以一邊欣賞住維港海景，同父母一齊喺點心車揀新鮮出爐嘅點心，喚醒咗昔日嘅童年回憶🥰最特別係叮叮電車造型嘅點心車，幾cute😍，幾有香港特色，同埋見到店員都好nice，幫一家大細食客影相打吓卡添~除咗有懷舊點心車，仲有一排懷舊大排檔攤位，攞住改點心紙去揀傳統小食，分別有： 灼雜錦/ 韮菜豬紅/ 胡椒鹹菜豬肚／狗仔粉 / 碗仔翅/ 炒米粉/ 家鄉炒銀 針粉／煎釀三寶 / 蝦米腸/ 煎薄罉/ 木桶豆腐花等等，可以回味返以前老香港風味~~ 父母都話感受到以前飲茶嘅人情味！…查看更多

🍜 懷舊香港茶樓打卡！傳統點心車+大排檔小食超回味 🇭🇰同屋企人嚟到超有feel嘅中環大會堂 #美心皇宮，一入去就俾架可愛點心車吸引住！🎨 色彩繽紛好似雪糕車，仲保留晒傳統推車賣點心嘅風味，長輩都話瞬間回到童年～📸 影相打卡呃Like無難度！講到食，呢度嘅大排檔小食同點心真是一個字：正！💙保留咗好多傳統嘅地道風味，例如灼雜錦、韮菜豬紅、胡椒鹹菜豬肚、狗仔粉、碗仔翅，仲有木桶豆腐花，款款都係滿滿嘅舊香港回憶，除咗中環大會堂分店，德福、沙田 & 荃灣嘅美心皇宮 都歎得到！🔥 必食推薦：▫️ 煎蝦米腸外脆內軟，蝦米鮮香爆棚！▫️ 蘿蔔糕金黃香脆，仲食到蘿蔔清甜～▫️ 家鄉炒銀針粉鑊氣十足，惹味到停唔到口！仲有燒賣、鮮竹卷、叉燒包…款款點心都係經典回憶！👵👨👧 一家人飲住茶，聽長輩講舊時茶樓熱鬧情景，真係溫馨到爆～❤️ 仲有維港海景加埋同親切店員吹水，成個體驗滿分！中環大會堂 #美心皇宮絕對係集美食、情懷、打卡於一身嘅好地方！下個weekend，帶埋屋企人一齊嚟飲茶啦～ 📍 中環美心皇宮 @maximschinese中環愛丁堡廣場5-7號大會堂低座2樓#老港風 #懷舊大排檔 #食過返尋味 #香港地道飲茶情懷 #大排檔美食 #美心中菜#點心車 #集體回憶#Maxims #Cantonese #Jetso #Foodstalls #CantoneseCuisineHeritage#HandcraftedDishes @maximschinese…查看更多

大會堂美心, 多年來都是我的喜愛食肆, 喜歡它的灌湯餃內有原粒瑤柱, 喜歡它的粥 (只有星期天或 holidays 才有), 綿綿的粥底看得出是慢工烹調, 濃稠適中, 吃一口令人舒服. 可是今天看到不對勁的場面, 使我目瞪口呆. 真是多年美譽一朝喪.話說假期天去飲茶, 發現多了很多新面孔的服務生, 猜想是臨時工或是新聘者, 附近食客點了腸粉, 可是不一會兒, 食客用筷子碰過那腸粉後要求更換, 服務生就把那腸粉的豉油倒掉後, 竟然重生蓋好放回點心車內, 天呀, 那腸粉是食客用筷子碰過, 該退回廚房消毀或整碟倒掉, 而不是若無其事地放回點心車. 這舉動實在不妥當, 妄顧衛生, 本想來一客义燒腸粉也馬上打消念頭. 好一間美心品牌卻有如此荒唐事, 實是嚇人之舉. 是員工培訓不足？ 還是管理層的問題？ 希望有關人事正視這事, 類似的情景不再重現. 臨時工當中也有表表者, 一位中等身形的大叔勤奮有加, 服務非常細心, 看著他忙這忙那, 不時斟茶加水, 收拾枱面, 這樣賣力的員工實是難求. 管理層應當賞識留用.管理層正視這事而作出調整, …查看更多

假日得閒都會同屋企人飲茶🫖最近見到中環大會堂 美心皇宮嘅得意點心車同一系列懷舊大排檔小食，於是同媽媽一齊重拾當年點心車飲茶體驗，喚醒昔日嘅回憶🥰吸睛造型點心車極富香港特色，啱晒打卡呃 Like呀📸✨，親自喺點心車揀點心🥧款款新鮮出爐，除咗熱辣辣🔥仲多一份人情味添🫶🏻現場仲新增咗"大排檔攤檔"，滿滿傳統小食，灼雜錦、碗仔翅同蝦米腸係我細個鐘意食嘅，依家嚟中環、德福、沙田 & 荃灣嘅美心皇宮分店都有供應，回味舊時地道風味😊！望住維港海景用餐，同時又保留傳統茶樓嘅風貌🤎，店員服務好親切，啱曬放假同屋企人飲茶🫖 ，你都陪長輩感受下昔日茶樓嘅熱鬧氣氛啦！…查看更多

中環大會堂 #美心皇宮 將懷舊大排檔小食同港式點心車嘅傳統結合，呈現出香港飲食文化嘅精髓。全新推出懷舊大排檔小食，保留咗傳統粵式風味，例如胡椒鹹菜豬肚、堂灼雜錦。現場除了有經典點心車，還發現造型可愛的雪糕車，上面卻是罕有的 #鵪鶉蛋燒賣 同 #潮汕墨魚丸，完美融合懷舊同現代嘅飲食體驗。𝗪𝗛𝗔𝗧 𝗪𝗘 𝗢𝗥𝗗𝗘𝗥✨ 胡椒鹹菜豬肚呢款係典型嘅港式大排檔小食，胡椒嘅辛香同鹹菜嘅獨特酸鹹味，配上軟腍入味嘅豬肚，口感豐富又有懷舊風味。鹹菜同胡椒嘅搭配喺粵菜入面好常見，特別喺大排檔或茶樓入面，係一味惹味嘅小菜。✨ 潮汕墨魚丸 (內有墨魚粒粒)潮汕墨魚丸係潮汕地區嘅經典小食，特色係彈牙嘅口感同墨魚嘅鮮味。美心皇宮今次仲加入墨魚粒粒，增加咗咬感同海鮮風味，突顯潮汕菜嘅精髓。呢款點心同傳統港式點心車嘅蒸點心唔同，帶有濃厚嘅地方特色。✨ 焗西米布甸 (內有豆沙)焗西米布甸係懷舊港式甜品嘅代表，喺茶樓同大排檔都好受歡迎。西米粒粒晶瑩剔透，焗過後外層微焦香脆，內裏軟滑，配上甜而不膩嘅豆沙，甜度同口感平衡得宜。✨ 咖喱牛腩銀針粉咖喱牛腩係港式大排檔嘅經典菜式，濃郁嘅咖喱汁配上軟腍嘅牛腩，滲入銀針粉（粗米粉）中，吸滿醬汁，味道濃厚又開胃。呢款菜式將大排檔嘅鑊氣同點心車嘅精緻結合，呈現出港式小食嘅獨有風味。✨ 煎釀三寶 (青椒係蝦滑、茄子係鯪魚滑、豆卜係豬肉滑)煎釀三寶係港式茶樓同大排檔嘅經典，青椒、茄子同豆卜各自釀入唔同嘅餡料（蝦滑、鯪魚滑、豬肉滑），煎至外皮香脆，內餡嫩滑。✨ 灼雜錦 (水魷、牛肉、牛柏葉、生菜底 加 蔥豉油)灼係大排檔嘅經典烹調方式，即場快炒保持食材鮮嫩。呢款雜錦集合咗水魷、牛肉同牛柏葉，配上清爽嘅生菜底同香濃嘅蔥豉油，味道鮮美又帶鑊氣，充分展現大排檔嘅即興同惹味特色。✨ 炸紫菜卷 (墨魚滑)炸紫菜卷係一道創新嘅港式小食，用紫菜包裹墨魚滑，炸至金黃香脆。紫菜嘅獨特海味同墨魚滑嘅彈牙口感相輔相成，外脆內軟，係大排檔同茶樓入面嘅新派小食，特別適合愛試新口味嘅食客。想一嚐懷舊大排檔小食，現時親臨指家美心皇宮分店 (中環、德福、沙田及荃灣) 即可供應。…查看更多

呢日同媽媽去中環大會堂睇戲，lunch 去咗 #美心皇宮 食點心，發覺竟然有富豪雪糕造型點心車！即刻打個卡😂 ，一共有渡海小輪、巴士、富豪雪糕車造型，當然仲有懷舊滿滿嘅點心車，保證大人細路都鐘意！點心車上裝住一籠籠熱辣辣嘅點心，回憶真係返晒嚟！仲有全新嘅大排擋美食😍，最正係可以望住維港海景用餐，店員服務殷勤，啱晒帶父母及小朋友去飲茶～ 🍭干蒸燒賣🍭水晶鮮蝦餃🍭金錢牛肚🍭咖哩牛腩銀針粉🍭灼雜錦我地點咗3款點心同2款大排檔美食，全部都有水準，當中灼雜錦包括牛肉、牛栢葉、魷魚同生菜，足料又大份！除咗呢幾樣，大排檔美食仲包括：韮菜豬紅 、胡椒鹹菜豬肚、狗仔粉 、碗仔翅、炒米粉、煎釀三寶、蝦米腸、煎薄罉，木桶豆腐花等，完全可以回味舊時地道風味！依家嚟中環、德福、沙田 & 荃灣嘅美心皇宮分店都有供應，快啲嚟試試啦！📍 中環美心皇宮 @maximschinese中環愛丁堡廣場5-7號大會堂低座2樓#老港風 #懷舊大排檔 #食過返尋味 #香港地道飲茶情懷 #大排檔美食 #美心中菜#點心車 #集體回憶#Maxims #Cantonese #Jetso #Foodstalls #CantoneseCuisineHeritage#HandcraftedDishes @maximschinese…查看更多

最近去咗中環大會堂美心皇宮飲茶，真係有驚喜！佢哋將傳統點心車改造成「富豪雪糕車」造型，好有創意又搶眼，仲勾起細個跟屋企人飲茶嘅回憶。 食物主打懷舊大排檔風味，我特別鍾意個韭菜豬紅，豬紅滑嘟嘟冇腥味，韭菜嫩綠爽口，湯底仲有淡淡胡椒香，食完成個人暖笠笠！朋友推薦嘅鮑汁鳳爪都正，鳳爪燜到超淋身，鮑汁濃得嚟唔會死鹹，啜落去連骨都入味。 仲試咗碗仔翅、煎釀三寶同即撞木桶豆腐花，樣樣都幾地道。環境舒服望維港，店員服務友善，唔會太嘈雜，好適合同朋友或者屋企人慢慢傾吓計。如果想懷舊吓，得閒可以去試吓！ …查看更多