美味廚

營業中

休息中

醬料很多選擇, 有沙嗲,XO 醬, 花生醬, 辣醬, 芝麻, 蒜蓉,洋蔥, 蔥,椒絲 收費要$20/位 雞脾菇 $38 已放入湯底一段時間, 以為可以索下D湯底等佢好味, 但入口超....UN...好捂掂 冰豆付 $28 索左湯料幾好味; 九菜餃 $48 好正, 好多九菜, 好香, 手打四色丸 $68 都幾貴得 10 粒, 我只食過牛丸 佢寫住是手打, 不是入口彈牙 反而是有少少鬆, 如果真係手打, 咁手打質素就麻麻呢, 不過市面上有部份食肆寫著手打丸其實都是加左''輔助'' 才有彈牙口感; 響玲 $28 應該是現成貨, 不是自家炸的, 炸得唔夠脆唔鬆, 放在湯中掠一掠, 入口時 咬入去感覺是硬, 比我在街市買開那隻牌子還要差 蒙古羊肉片 $68 冇乜''so'' , 而羊肉和牛肉都乜特別 裏面有蟹, 雖然叫做疏乎厘湯底, 但面那層蛋白不是甜的 這個才是我們order 的三拼湯底有疏乎厘蟹皇蕃茄忌廉湯 $138 , 蛋皇醬焗雲南野菌湯 $128 , 蓮子瑤柱雲腿冬瓜湯底 $68 內的蓮子唔好食, 超薄和份量不多的火腿絲 ; 原來個煲面的蛋層是由鴨蛋做成的, 但真

又到寒冷的冬天, 大條道理去"滾"的日子, 今年打邊爐的機會不多, 一班"港島人" 就決定到灣仔美味廚尋歡。看見美味廚有新出品, 當然要試試, 原隻鮑魚釀雞湯, 唔係講笑: 成隻雞放落個湯到 個雞湯唔肥, 應該係一早撇左油, 放d 海鮮去打超正, 尢其是桂花蚌, 響螺, 這兒絕對比大角咀一帶火鍋雜散地衛生, 高級. 價錢會高少少, 但overall 絕對值得推介!!

幾個多月冇黎過 原來旺左咁多冇訂位就真係有錢都要等今日啲火鍋料等別新鮮 最值得讚就係條魚呀好大條好新鮮呀 唔係成日有得食架 啲部長唔介紹我地都唔會特登食呀 牛肉都一樣 keep到水準 依家越來越凍 最好就打邊爐 一諗就諗起美味廚啦 下次再講！

有見天氣逐漸轉涼, 一班好"食"之仕又係時後出沒, 之前"Xtv" 個" 有飯開" 節目介紹過美味廚, 姜皓文講到好好味, 佢7情上面個樣我仲好記得! 講番美味廚, 好彩我地一早Book左位, 7點多去到已經有好多人, 侍應介紹左我地一個新湯底, 話係原隻燉雞湯, 要$368 一個. 我們要了一個, 這個湯底表面平平無奇, 但燉雞湯的確香甜, 味道穠郁, 坊間近乎80%火鍋店都因成本問題一律用豬骨湯底, 燉雞湯底很少見。侍應切開隻雞後, 裡面原來有很多不同的辣椒, 辣椒味不停被湯底吸收, 真係好正, 它不是麻辣的辣, 而是香辣的辣。當吃這湯底是會發現這種辣是清徹很多, 完全麻辣的辣只麻痺舌頭。我們還點了一個火鍋串, 我覺得個idea 几好, 將d 火鍋料串成一串, 就好似串燒一樣, 食物自然會烹調得均渾些，同時亦方便客人撈起食物。e個食法值得推薦。

好耐之前朋友講遇呢間o野幾好食, 在上星期第一次去食, 感覺幾舒服, o個度D服務有D似日本餐廳, 一入到去D伙記係咁輪流講歡迎光臨 (當然係講中文la), o野食方面我最欣賞係佢o地D湯底, 同埋只有佢o地先有o既3格窩, 真係好睇+好食, 所以我都幫佢影o左張沙龍 , 有MK字樣o個個係冬陰功cappuccino, 味度不太辣幾夠濃, 白色o個個係佢o地招牌湯底疏乎厘蕃茄湯,未食前有D擔心, 但原來佢o地係用新鮮蓄茄煮, 所以好香同煮到好濃感覺好健康好豐富 (曾經食過D係用罐頭湯做, 完全o吾掂), 黄色o既係什菌洋葱湯, 面頭o個塊係用蛋黄焗出黎o既, 當滾起後索埋D湯真係超Yummy !! 同埋最值得講o既係D丸同餃, 超特別

下午個朋友打俾我話有好好的紅酒.一陣係美味廚等.我都唔知係邊自己上open rice搵.去到個朋友定了貴賓房.我們六個人個房夠大.環境好舒適.我們叫左龍蝦. 象拔蚌.龍蠆班球.這三樣野係最好味的.(但係好貴)一邊飲白酒一邊食火鍋海鮮真係好正.我們都有叫牛肉和餃子等等.(其他唔太記得)我最開心係坐舒適的環境.食到好新鮮的海鮮.飲到好正的紅白酒.

行過樓下都絕唔會估倒樓上有間0甘好食既地方!!!上到去環境非常好 好乾淨 staff又有禮貌皮蛋薑: 皮蛋好好味!!! 流心既~~~~窩蛋免治牛肉通菜: 好熟悉既野食整埋1碟真係未試過 但係又好好味wor!!! 只不過多油左d..西檸雞: 好好味!!! 夠大碟 d雞唔鞋個粉又唔厚!海蜆雞球粥: d蜆夠大隻 d雞有 'yip' 過 好香酒味 連我唔鍾意食粥都覺得好好味 絕對足料 雞同蜆都有好多舊 但係如果可以多d粥就好喇下次一定要試下打邊爐!!!

很久之前跟朋友來過這裡打邊爐, 印象唔深, 之後都無再黎過. 前幾天再與10多位同事慶生, 先發覺原來自己曾經來過, 不過今次就係VIP房食, 間房好豪wor.完全唔似係食火鍋.同事貞重問我係咪食法國餐, 心想會不會很貴及呢!服務基本上是很好的, 差不多全程都有黑衫服務員招呼, 換碟等等, 完全是酒店式服務一向抱著"只要食, 不要問"的態度打邊爐ga ma..今次唔同, 事關食左塊不一樣的牛肉起頭, 件牛肉薄簿地, 但都幾大塊, unfold左有半張A4紙甘大, 呈粉紅色, 雪花紋均勻, 一放入口, 唔駛點嘴嚼, 件牛好似會溶O甘, 牛香味不會慢慢退卻, 反而越食越重牛味, 我問隔離同事這是什麼牛, 被服務員聽到, 他說是A5和牛,..keeke..大鄉里看見有七彩的丸子, 我吃了紫色的丸子, 食完先知原來是紫心番薯墨魚丸, 墨魚丸的彈牙與番薯的質地好似有的怪, 但紫心番薯的香味又的確為墨魚丸增添多一點特色. 因為淨墨魚丸經已食到悶.另外吃了豬肉, 一片片重薄過肥牛, 食完先知原來是西班牙黑毛豬, 切得o甘薄我諗係為免豬肉質地"鞋", 薄薄地好易入口.d黑松和牛餃..服務員還未介紹完,

平時多數黎邊爐。，今日第一次食小菜，估唔到都唔差咼。成日見到啲部長係客人面前燒虾，我都想食好耐啦。今次就叫左個醉虾，啲虾仲好生猛架 煮都好大火，啲虾正呀，好重酒味！價錢好似都係128咋 算抵啦 又新鮮又有真人表演睇仲有叫左半隻沙薑雞同炒左個菜，沙薑雞竟然冇骨架 非常細心呀！甜品就試左個西米布甸 超好味呀！

這裏環境非常好，整齊清絜，舒適，只是個女待應沒笑容，有些黑面。一坐下，就送來一蝶紫薑糖心皮蛋，以為不用付錢，因為不是我們叫的，原來埋單要 $36，不過算啦，因為都好好味，真的很糖心。多種醬炓任擇，但發覺湯底味濃已夠，真是不需要另加醬，我只喜愛花生醬，一樣就夠啦。我們要了蛋黃醬野菌湯加馬來沙爹湯 $158，前者是最貴的湯底，但沒咩特別沒咩味，後者味道都算不錯，有少許辣。Coupon $138 包 6 樣火鍋料，不包飲品和湯底。我們一行 6 人，最多只可用４張 coupon。我們揀選的 4 張 coupon 既食物 : 本地手切肥牛 ，新鮮而且入口溶化，正！日本黑豚肉，很香豬肉味，勁讚！內蒙羊片，騷味極濃，喜歡羊騷味肯定會喜歡。黑牛柏葉太硬，要用力和時間咀嚼。芒果釀豬肉丸，車厘茄墨魚丸，木瓜釀牛肉丸，這些丸名字特別，但吃起上來就沒特別，可以講係唔好食。和牛牛油丸怪味，真是接受不到。潮州魚頭片，新鮮。韓國泡菜餃，麻醬表瓜雞肉餃，什菌洋蔥餃，上海羊肉餃，這些餃整體味道不錯。天使麵，很幼細，很滑；粉皮太硬，越南河粉和日本蕎麥麵，普通冰豆腐和山水豆腐普通。山根，比出面的細個，味道普通。蔬菜任食，

有日同朋友行過灣仔搵嘢食...見到有個好大個招牌...就上去睇下係食咩啦...原來係打邊爐... 一行四人就決定打邊爐...叫咗個双拼湯底沙爹拼咩就唔記得咗啦...沙爹湯底係其他地方都試過會有好多粒粒...但係呢度就冇...掂牛肉試過幾款都係本地好食啲梅菜蒸肉餅就食得多...梅菜朱肉丸都係第一次食...得喎不得不提個9菜朱肉餃...本人就勁鐘意食9菜...呢到就啱哂我嘞因為9菜味超重甜品就叫咗個燉旦...都ok

今曰同3位朋友去了間叫美味廚的火鍋店打邊爐,因早排有同事介紹話ok,所以決定去試下.當晚7點去到, 門一打開人都未行出己聽到(歡迎光臨)......掂到坐埋位時有一位黑衫好似部長嘅人都好有禮貌咁問想飲D咩先...(馬蹄水..酸梅湯...茶)等等,都幾多嘢,但我地都係飲啤酒爲主.可能佢地知我地會打邊爐,所以未開聲已有人落豉油(原先以為醋)及放了好多醬料落枱面.之前同事提過有個冬蔭公湯好好味,所以今次決定一試...ok--味道夠濃厚有位朋友看見張海鮮紙上有象拔蚌就提議試試......價錢都唔平.....好......大家開心....就叫了1條(個位部長都好細心問我地想切片定切條)...ok....味道都好鮮甜.叫了一碟本地牛肉(經部長推介).....掂----夠肉味----無渣..........後來再叫多2碟及後叫了一些餃子同丸子...(都幾有特色)......雖然後來都係唔多記得(太多款)蔬菜拼盆....有菜..金菇...冬菇...茄子...粟米.............抵最後叫了個烏冬及出前一丁(貴了些).當食完後D侍應好有服務..拾清張枱,又換個壺茶俾我地...當然都有問要唔要甜

火鍋加小菜上次約左班friend食飯,又係諗到頭都爆,唔知食乜好, 於是research一下灣仔區食肆,試下呢間美味廚囉我估好多香港人食野都幾貪心,又要日式加西式加港式我果日有少少喉嚨唔舒服,好在除左打邊爐可以食下d小菜打邊爐野食睇落都唔錯啦,n咁多種丸子 (n咁多顏色,哈哈..雖然食左好少.)我另外叫左瑤柱炒飯同開胃既士多啤梨生炒骨, 唔錯唔錯!

一行26人到美味廚嘆火鍋慶祝生日超開心 皆因當日我食到一隻6斤幾重o既亞拉斯加長腳蟹, 部長話係西貢捉番o黎o既墨魚同埋竹薟蝦, 佢o地D蝦好特別o既, 將D殼mok晒o架同埋一讚o既就係鮑魚仔, 一口一隻勁爽 , 我o5食牛肉同羊肉, 所以揀o左 D 黑豚豬肉同話係西班牙黎o既黑毛豬, 前者爽滑, 後者超濃豬味勁正正正 ^ 3^ 佢o地D丸餃都幾特別, 因有太多食物, 所以叫晒雙拼三拼咁, 所以淨係食到粒鵪春旦雞肉丸一粒咸旦豬丸同埋唔知咩餃, 下次要食齊佢 !!! 其實值得一提是渣o左6架車o黎, 都5駛搵位, 皆因有代客泊車 ($50架) 又一超方便, 當晚間貴賓房, 間房好大好靚 ^^ 最緊要係坐到廿幾人, 有私家廁所重好乾凈添 ^0^ , 重有2個應該幾高級o既黑衫人全程招呼, 好好好 !! 下次一定番吃

:無論冬天定係夏天，都咁鍾意打火鍋的我，會四出找尋不同的火鍋店，上網見到美味廚評分都唔錯，就盡管一試，當然就預先訂位，咁就唔駛等啦果然，一上到去就即刻有位，環境清潔，門口仲貼滿好多明星名人的相、簽名，相信都有一定質數！我地二人被安排坐卡位，挺舒適，兩人坐埋同一邊，一Ｄ都唔迫，仲有電視睇，正！！！一黎服務員就問我地要唔要叫Ｄ野飲先，蔗水，酸梅湯，或者開壺茶先不過都係其次，都係叫左野食先，事關真係好肚餓，拎起張點菜紙一睇，嘩！好多選擇呀，湯底又咩雙拼三拼，丸子餃子又可以拼，咁即係點？對於第一次黎這店的我，真係一頭霧水，唯有叫服務員幫手，她好耐心同我地解釋每一樣野，好細心，仲介紹我地食ｄ比較多客人ｏｒｄｅｒ的食物，湯底就試三拼湯鍋，冬陰工、日式面豉、蛋黃醬野菌湯（因為真係未見過三格鍋，味道好濃，好特別，滿分）本地手切肥牛，雪花均勻，有牛肉味（仲有好多款牛肉，只可惜得兩個人，試唔到其他，下次要約多ｄ人黎）五拼丸子（已經唔記得係咩），一碟十粒的丸子，可以任你拼五款不同，真係岩哂人少少，想試多ｄ味道的人，再叫左五拼餃子，皇帝菜（插到成盤花咁，好靚呀），當然唔少得海鮮啦，大連鮑魚仔兩隻同海蝦兩隻（可