美味廚

營業中

休息中

我地7點鐘去到, 可能因為早, 客人少, d waiter 好熱情, 圍住我地張枱, 仲好熱心咁聽我地既傾計內容, 然後又介紹佢地的食品, 令到我地有點唔自在, 想傾下計都難.不過, 食物方面ok, 都夠新鮮, 泡菜餃子好味, 試左車里茄墨丸, 幾特別, 不過味道一般.

18/10/07 想吃大閘蟹, 因街上太多大閘蟹廣告了, 想起美味廚之經理Raymond 之前提過他們也有大閘蟹賣了, 想起上次黃油蟹都很好味, 而且不多人吃, 買不了一羅, 也不想在家煮, 決定找Raymond訂位吃蟹.當晚, 叫了兩個菜, 一個煲仔飯, 及每人一隻蟹(6兩= $180.00) 6兩很足秤,而且很多蟹油, 在吃蟹腳時, 已經滿手油, 而且一開看見蟹糕金黃色,像Cream 一樣滑溜, 很甘香. 兩個菜也很有水準, 而且煲仔飯也頂呱呱, 可惜兩人吃不清, 幸好, 另一朋友剛放工, 三個人可以清枱哈哈. 多謝Raymond 及Jason 及其他人有禮之服務, 也多謝免費的棷子花旗芯湯...美味.正如其名- 美味廚

21/6 是我朋友生日, 他在美味廚訂了一圍酒, Raymond 給了一間房我朋友, 我朋友James 叫了成16人到, Raymond 的服務一流, 而且像在家吃東西, 食物很正, 每樣都很正,很新鮮, 不是一早弄好的, 朋友每個都話正. 不過因為每樣美食都份量十足, 最後的壽飽不是每個人都吃得下, 不過他們都帶走. 因看見我吃時很美味...所以我只吃了一個, 沒有多...在此,多謝Raymond 幚我朋友安排好一切, 每樣都很好, Thanks.

剛過左o既星期日﹐我就搵左個舒舒服服o既地方同班朋友仔共聚晚餐。仲記得果日落好大雨﹐大家都好狼狽。冇諗到我地一上到去﹐就即刻有人招呼我地入房坐﹐地方都幾寬闊。我地未開口就已經拎左幾柸熱茶比我地飲。想開始點菜o既時候﹐部長哥哥見我地係度猶疑﹐但介紹左個幾合時d o既火鍋同配料比我地... 係火鍋未到之前, 仲每人可以選擇老火湯或者日式沙律作前菜。(市僧d講句free of charge架!) 仲有為每個客人準備兩雙筷子﹐方便分開夾生熟食物﹐好細心呀!1) 田園蔬菜龍蝦湯底好似$108 - 味道酸酸甜甜幾開胃﹐仲有好濃郁o既海鮮味﹐食落都唔會覺得我漏... 值得一題係入面仲有好多蔬菜、蕃茄﹐咁一定食到一日三至五份蔬菜啦! 嘻嘻...2) 七色墨魚丸$58 / 10粒- 好特別﹐外觀好靚﹐顏色鮮艷、不過無加入色素。我最喜歡藍色丸子﹐用紅菜頭加手打墨魚肉混合而成﹐好彈牙好好味。3) 和牛油牛丸+ 花旗蔘雞肉丸+ 手打蝦丸- $68 / 10粒- 見到好多丸子樣樣都想試下﹐一問先發現佢地可以比客人自由配搭自己鐘意o既丸子集整十粒。4) 醉雞中翼$48 - 煮完都有好香o既花雕酒味﹐可能表面有層雞

1/ All staffs 都識變臉的. 未order 前, 係咁recommend 你叫貴o野, 當然, 叫唒o野之後, 態度開始差, 仲黑面tim!!2/ 有個Manager M, 拎隻象拔蚌出o黎, 明明話$4xx, 點知埋單係$798. 同佢講, 佢就話, "o, 可能我記錯價$" 請問, 我可以點?! 又話我地下次去以$280 的和牛做補償, hahaha, 俾張name card 我就算. chiu ~ 下次去, 又唔認o架啦!3/ o個個7 色墨魚丸, promotion個圖明明係每款2 粒. 出到o黎, 每款1 粒lor, 收人$58 未計加一, 咁都唔係呃人, 冇o野講...

尋晚同朋友, 2個人一齊去打邊爐。趁天氣仲未好熱，快D打多幾次，見呢間食評唔錯, 就心郁郁想去試下。要左梳乎厘蕃茄蟹王湯底($68定88, 唔記得)，面頭真係有厚厚一層金黃色的梳乎厘(蛋白整的)，個賣相好CUTE (不過都係GIMMICK 野)，D 梳乎厘其實幾”呀”地方, 因為成個湯面都係梳乎厘, 你見唔到下面有D 乜野, 我地丟左D丸入去, 要”抄”好耐先搵得返佢地, D梳乎厘反而阻手阻腳。有好多醬料任揀，不錯。叫左一碟丸($48) (有十粒可以將同價錢的併埋一碟, 可以試多D款,我地要左臘腸XX丸、芒果豬肉丸、鮮蝦XX餃、其余2款唔記得, 每樣各二粒) 睇D名好似好好食, 食落就無乜驚喜，普普通通。係部長哥哥推介下，要左一條黃立倉($118, 約1斤) 成條魚上，D肉片左一片片，講實在，都係脆鯇打邊爐好食D, 呢條認真普通。同埋係街市買一條呢D 魚都係廿幾蚊三十蚊, 佢又唔係特別好食……我地笨左……唔應該要…(118蚊可以買大條石斑返屋企清蒸)叫左個切手肥牛($138) , 感想係, 點解出面D普通肥牛仲好食D…然後叫左一碟什菇拼盤(好似係$68) ，咪係菇, 冇感想一份西生菜

一個相當豐富的午餐：一來16款火鍋醬料讓你自由配塔(不過宣傳易拉架上印有二十款)疏乎里蟹皇蕃茄忌廉湯底：鍋面佈滿疏乎里，觀感好似綿花糖，口感鬆軟，一邊吸收香濃蕃茄忌廉湯，好味海鮮：本地龍蝦仔、澳洲帶子、象拔蚌、花枝片、鱔片、再加上一隻大蟹，是上鍋時一併放下湯底，總括海鮮都夠新鮮，一讚蟹味鮮甜肉類：美國牛肋骨肉、加拿大特級肥牛、澳洲安格斯肉眼牛肉、巴西煙鴨胸，無任何挑剔其他：和牛油牛丸、芒果釀豬肉丸、車里茄黑魚丸、魚翅餃、西洋菜餃、蔬菜菇菌拼盤：以上和牛油牛丸最為欣賞，可能加了和牛油，比一般的牛丸有香味及肉質較滑，其他兩款新配塔之丸亦可一試；西洋菜餃亦佳，無一般餃配塔蝦或肉，反覺清新；拼盤實再豐富不能盡錄甜品：木瓜雪耳糖水，甜度適中，剛好滋潤一番皆因火鍋進食需時，食巿中場休息時，我們還烚下烚下，沒有任何催促，食得開心

豬年開始, 跟同事們吃了餐開年飯. 平日同事們都係飲茶為主, 我拍板的飯局, 就改變一下, 食小菜.九個人坐在廳房內, 環境係好鬆動. 要了九味菜.木瓜紅蘿蔔豬展湯: 8分, 這個是日的零味精自家湯係依舊出色, 飲落口係唔會口渴, 湯有相當鮮甜的紅蘿蔔味, 但係無乜木瓜同紅蘿蔔, 有點渣仲好.美味廚水晶粉皮豉油雞: 8分, 先來的豉油雞. 雞肉係幾靚, 食了兩舊的肉質都不錯, 比上次吃時為佳. 豉油帶點甜味, 沾上豉油的粉皮都幾入味.咖哩鮮牛筋坑腩煲: 9分, 係非常熱辣列地上臺, 看上去都幾多油, 但咖哩汁係相當香口, 又帶點點辣, 撈飯係一流. 坑腩都幾靚, 炆得幾腍, 牛筋吸收了咖哩汁亦相當搶味.好吸引的一味.錦江海鮮豆腐煲: 食唔切, 轉到我面前只有一個空煲, 無錯, 係豆腐都無粒, 評不了.梳乎里梅菜扣肉: 8分, 又再叫這味, 吃了幾次都覺得幾好的一味. 梳乎里撈梅菜汁係幾特別, 扣肉係幾肥, 又唔韌, 味道都幾正宗. 煲底的生菜正好做了中和點, 感覺上係減少了點肥膩.要喜歡這味菜, 首先要接受鹹的梳乎里.士多啤梨生炒骨: 7分, 鑊氣好像不夠, 不太酸, 但士多啤梨味就

做冬去吃小菜晚飯。早2日訂6人,去到比張三面的方枱,一面坐不到人,因為已是第二張枱的椅子。我問伙記点解二日前訂都比張全場最差比我,佢竟然問我有冇話要圓枱。之後就冇理我地。1)伙記差-有D啦2)D餸又細碟,3)好鹹4)送D糖水好似走甜。一句冇下次。

常經過這裡樓下, 見有點吸引, 一天午膳就去試試.午餐包括: 例湯+ 小菜+ 飯+ 甜品, 無另收茶錢, 但有得揀茶.粉葛赤小豆鯪魚塘排湯: 8分, 自稱無味精例湯, 飲落都覺得相當清甜. 鯪魚無乜腥味, 赤小豆好淋, 幾住家的感覺梳乎里梅菜扣肉: 8分, 一大煲上, 勁大的梳乎里在面頭, 入面的嵌不是甜的, 反而是梅菜扣肉. 甜加鹹的組合, 不能說是很匹配, 當然, 世事何曾是絕對, 將一啖梳乎里同一啖梅菜扣肉一差齊擺入口, 尚算特別.梅菜扣肉都幾多肥肉, 一個人食幾係野. 好彩都有唔少菜, 撈梅菜汁食當然正, 撈梳乎里都得.其實而個梳乎里梅菜扣肉就係跟晚市的梳乎里火鍋一樣.花生紫米糖水: 7分, 甜度適中, 但花生紫米份量太多, 糖水少了點, 平衡些更好.第一次食完感覺不俗, 翻炒. 今次五樓爆滿, 上了八樓君寶會. 靜靜地, 都好.紅蘿蔔煲走地雞: 8分, 淡淡的雞味, 配上紅蘿蔔, 依然清甜. 亞姐見我好快飲完一碗, 仲有得添飲.玻璃粉豉油雞: 7分, 熱食的, 玻璃粉沾上豉油, 很入味, 但雞老了點, 肉質麻麻, 靠豉油起死回生.番薯糖水: 7分, 開始轉凍的日子, 來碗番薯

I have tried this restaurant twice: Once at night with a group of friends occupying the private room, and another time with my colleagues at lunch.The place is actually very nice and in fact, the nicest one I have seen for Hot Pot with tables spread out in a spacious area. Decor is minimalist with Plasma LCD TV's. The service is quite attentive for both Hotpot and afternoon lunch sets, but the lunch arrived a bit late (30 minutes) and all at once. The food is good and there are some big ticket i

我已多次去吃蕃茄湯火窩, 好味, 服務好, 環境好, 只是有部份收費貴, 例如: 每位調味$20.00元.不過海鮮也很正, 價錢不平, 但很好味.晚飯也很好味, 而且晚飯價錢可平可貴, 食物一樣好味, 已經是我每星期一次的飯堂.

睇雜誌時無意中見到介紹呢間餐廳, 又睇過呢度既食評唔差, 所以就走左去試下啦, 是夜叫左:1. 疏乎厘蕃茄湯底($88) - 幾特別, 幾得意, 勁在個疏乎厘係點都唔會塌左黎落, 仲配埋隻蟹, 賣相很好, 食之前最好影張相!2. 魚翅餃($48) - 幾好味呀, 咬開d魚翅一條條"標"哂出黎, 開頭我以為係個飲茶食開個d既魚翅餃添~ 3. 上海羊肉餃($48) - 呢個都好味, 我又食唔到羊肉陣"蘇"味喎...4. 手打牛肉木瓜丸同豬肉芒果丸($各48) - 算係有創意既菜式不坊一試! 非常記得咬開豬肉丸時d芒果肉(唔知係芒果肉定汁)咇哂出黎~ 5. 粉皮($18) - 類似雞絲粉皮個d粉皮6. 珊瑚玤($58) - 是夜既珊瑚玤唔係咁靚, 唔夠爽, 仲有d"鞋"同"老"既感覺!7. 醬汁($20/位, 必收費用) - 佢地呢度會係開頭俾一盤載有12種調味料既盤俾你自己撈醬汁既(有xo醬, 辣椒, 蔥, 蒜蓉, 豆瓣醬, 海鮮醬, 炸乾蔥, 菜甫, 麻醬....唔記得啦), 點呢d自家撈既醬汁食好好味, 仲有佢地會自己整個蒜蓉波俾你放落d鼓油度, 有辣同唔辣可以揀!招呼講句真係一流,

之前曾經o係雜誌睇過呢間野o既介紹，見都幾近office，就同兩位朋友黎食個晏試下。一點左右黎到，都幾多人，不過地方闊落，都唔覺嘈。呢度本來係食火鍋o既，但午市亦有小菜套餐供應，48元包無味精老火湯、一款小菜加白飯及糖水，都幾平。三個女仔，叫左紅棗蒸雞、煙肉碎炒四季豆同咕嚕蝦球，另加20元一份o既兩個甜品─德國芝士蛋糕同法式焦糖燉蛋(creme brulee)。是日老火湯係牛膀蜜棗紅蘿蔔豬展湯，上檯仍然熱辣辣，味道清甜，幾好。三個小菜就普普通通，個蝦尤其細碟﹝咁o既價錢都唔可以有太多要求啦﹞，四季豆略縑炒得太濕，個雞反而碟頭幾足同質地都算滑。個餐送o既係椰汁紫米露，又係普普通通咁啦！輪到另加o既甜品：個芝士蛋糕係中式細餅舖o既水準，唔難食但亦絕對談不上好食；至於個法式焦糖燉蛋就........個賣相就好正常，只係面頭冇用忌廉、薄荷葉、糖霜之類裝飾........誰不知當我想用匙羹敲開個脆焦糖面時，竟然發現個面係韌o既，完全敲唔碎，再「不」一啖燉蛋食，居然係熱o既，仲要熱到出煙添！！！我就估侍應曾經將個creme brulee用微波爐叮左至俾我地食，味道其實又唔係太差，不過好怪囉，而且食

初開張時，試過呢度D lunch($48)，好食、環境好舒服，D位好闊。都幾旺，全場full。不過覺得出菜比較慢，但我同事話依家多左伙計，上菜快左。因為好耐無打邊爐，呢排又係雜誌見到介紹呢間鋪，好似幾特別，於是試下。前晚上去打邊爐，都ok喎，仲有電視睇！可能係閒日，唔係太多人，招呼唔錯。我同屋企人食，一共五個人，食肥牛，牛利，黑豚肉，乜乜生果丸，餃，烏冬&菜。本人推介個蕃茄疏乎厘湯底，$88仲包一隻花蟹，隻蟹幾大隻，抵食。另外自己不太愛吃牛，所以無comment。但我老豆話好新鮮，佢同我弟弟食左好多！生果丸無乜特別，同其他手打丸無乜分別，只係多左粒生果係中心。牛利，黑豚肉都新鮮。稻亭烏冬，煮好耐都彈牙，但份量少。另外推介魚翅餃，入面真係好多翅，好彈牙。我覺得幾正！整體感覺唔錯，食物新鮮，款式特別，樓上鋪，比較清靜、舒服。價錢會貴D，但一分錢一分貨，都值。都會同朋友再去。