羅東肉焿番

營業中

休息中

入親元朗總會心思思來“羅東”幫襯一下，覺得呢度嘅台式小吃好正宗，又抵食。羅東肉庚湯餐(跟大魯肉飯)$84~古早冬瓜茶$15~清甜冰涼，十分解渴。大魯肉飯~有好入味的魯肉，半肥瘦肉碎，滷豆腐，份量好大，伴飯一流，配埋一隻半熟的糖心蛋，好滋味。肉庚湯~湯羹口感和味道有D似碗仔翅，加入大量芹菜芫荽非常惹味，豬肉塊大大件又爽口，不錯。夜市鹽酥拼盤$69~包魚餅， 鹽酥雞，芋頭餅和四季豆。芋頭餅口感軟腍，芋味香濃。鹽酥雞十分酥脆，椒鹽味好香。四季豆口感清脆，味道甘甜。魚餅口感煙靱，不錯。台灣牛肉湯麵$65~ 麵質較粗，彈牙，牛肉口感較爽實，份量亦多。山草芋圓2号$35~三色芋圆口感煙韌Q彈，充滿地瓜的香甜。 白色小丸子軟糯，海藻水晶清涼爽滑，十分解暑。樽仔奶茶$28~ 奶滑茶香，少甜，正！

下午在鳳琴街打波後, 十分肚餓.  而小米就想食台灣菜, 所以我倆就來這小巷裡的台式小店. 此店只收現金, 仍有多人在等候入座, 看來很受歡迎. 等待廿分鐘左右, 職員安排就座. 幸好在等候期間, 已經選好食物, 可以快快下單呢!     羅東肉焿湯  此店名物肉焿湯.  在2019年底在宜蘭羅東夜市没有機會品嚐, 現在就要來一碗<補償>.  肉焿湯裡早已配好辣醬和芫茜. 剛好座位旁邊就是自助區, 方便取用各款醬料. 加入烏醋, 香油& 胡椒粉再攪拌. 先處理多塊滑滑豬肉.  豬肉有粉漿包裹, 封存肉汁精華,豬肉已經醃制, 有底味, 單獨品嚐也很美味. 再到湯底了!  高粘度湯底帶著熟悉的阿宗影子, 不過自己加料後, 變得更香更辣更惹味呢!  假如有蒜末會更正!       大魯肉飯  套餐原本配細魯肉飯.  可是小米長大了, 想要大SIZE, 於是加5個大洋變為大魯肉飯.   小米把飯和魯肉拌勻, 一口一口地享用.     一口鹽酥雞    台灣名物之一<鹽酥雞>. 四十几個大洋, 大大碟, 抵! 即點即炸, 熱辣辣上枱. 雞肉有底味, 再配炸皮上的香

元朗食小店台灣野，日日都見到好多人排隊。所以最好630食先唔洗等甘耐。消暑冬瓜茶二號乾伴麵餐台灣麵爽口彈牙，有嚼勁，滷肉碎味道香濃，拌麵食一流。配綜合丸湯，特別推介墨魚丸。三號綜合丸湯餐綜合丸湯配滷肉飯，滷肉飯味道香濃，肥瘦比例平均，配綜合丸湯好夾。兩份套餐都配冬瓜茶，台灣風味， 十分解渴夜市鹽酥拼盤有一口鹽酥雞，香芋海鮮餅、甜不辣及四季豆，台灣正宗炸物，好似去咗台灣夜市食小食。推介鹽酥雞，炸到好香脆。仙草2號 三色芋圓 小丸子 海藻水晶$36爆多料，芋圓及小丸子煙煙韌韌，夏天消暑必吃。

今日喺元朗行完街，朋友話好想食魯肉飯，芋圓，所以就同佢去咗一間台式小店。餐廳好地道，好有台式風味，有拌麵，焿湯，仲有好多台咗甜品等等。鹽酥拼盤魯肉飯 ($70)，炸得好香口，同個甜酸醬好夾。乾伴麵餐加古早冬瓜茶 ($67)個伴麵加埋滷肉幾好食，d滷肉好入味仲有古早冬瓜茶，甜甜地，消暑就啱哂芋見紫薯吐司 ($45)，芋香味好濃，紫薯好甜，賣相好吸引山草芋圓3號 ($36)有波霸白玉珍，爆珠，三色芋圓，好有口感

今日放咗工去咗元朗同朋友食飯，朋友帶咗我去一間好地道既台式小店。餐廳餐牌有好多款野食揀，有拌麵，焿湯，魯肉飯，芋圓等等。我地首先叫咗個乾伴麵餐加古早冬瓜茶 ($67)伴麵個汁好好味炎炎夏日，飲返杯台灣三大冰飲之一既古早冬瓜茶，降下暑真係啱哂再加個鹽酥拼盤魯肉飯 ($70)炸得好香口，有魚旦，有雞，加埋個醬汁，幾好食芋見紫薯吐司 ($45) 好厚嘅芋泥當當然唔少得台式甜品，山草芋圓3號 ($36)有三色芋圓，波霸白玉珍珠，爆珠

最鍾意就係幫襯特色小店，呢間小店可算係元朗出名好食嘅！所以特登揸車入去探店！喺門口已經見到好大嘅Menu！當中見到爆曬餡嘅三文治都好吸引！但係個人而言，晚餐食三文治總覺得怪怪的，所以冇特別點，下次中午或下午茶時間再嚟食先得！睇返Menu有好多飯、麵、小食，仲有令人回味無窮嘅台灣獨有甜品！價錢亦都相當合理！滷肉飯～喺台灣食過滷肉飯，係用好肥好肥嘅豬肉，但係呢度因配合香港人健康為主要，感覺肉都唔會太肥，真貼心呀！味道亦都係好啱口味！凍冬瓜茶～香香甜甜自家制，非常清涼解渴！有熱有凍，任君選擇！羅東肉焿～店名都係用呢個食物命名，當然一定要食！店員仲好細心咁，問我哋食唔食芫荽添！個湯羹有啲似碗仔翅嘅質感、而肉塊每塊都有一隻匙羹咁大，認真數過，有六塊咁多！！而且佢一啲都唔韌，亦都有肉該有嘅口感！好特別！必食item!鹽酥拼盤配乾拌麵～當好想食好多唔同嘅小食嘅時候，就會留意一下會唔會有啲拼盤，可以咩都試到，果然比我搵到呢個啱晒我口味嘅拼盤!當中有鹽酥一口雞、蝦捲、香芋海鮮餅，樣樣都好美食，特別係香芋海鮮餅，坊間絕對食唔到，香芋味濃郁，愛芋之人必點之物！旁邊嘅辣醬非常值得推薦，聽店員講，係店家自製，愛

都唔知幾時先可以去旅行，不過屋企附近有羅東，主打各式台灣夜市美食，我覺得起碼止到少少痕。今日踢老公出去外賣自取，yeah～一次過可以食晒台灣便當、台灣吐司同芋圓甜品！花枝丸+甜不辣魯肉飯便當，呢個真係可以一次過滿足晒我嘅願望。份量仲好大添～唔知點解好鍾意食甜不辣，煙煙韌韌咁，好得意嘅口感。花枝丸都幾好，但就唔係話好食到花枝，似乎粉比較多咗啲啲。我幾like羅東啲魯肉，佢哋少啲肥肉，冇台灣啲咁多肥肉。調味都唔錯，唔會過鹹。老公自私食咗個鹽酥拼盤便當，入面有鹽酥雞、蝦卷、同埋芋頭海鮮餅。當中我覺得個蝦卷最吸引，入面好似係有啲爽爽脆脆嘅馬蹄咁，食落多啲口感。飯可以轉乾拌麵，唔駛加錢～麵條好彈牙，十足讚岐烏冬咁，好好味！oreo紫薯吐司，啲餡種厚過塊吐司，千祈唔好睇少佢，食半份已經飽到食唔落其他嘢，建議唔好眼闊肚窄，食得晒先好嗌呀～芋圓甜品3號！有10粒芋圓、爆珠、白玉珍珠同埋仙草底，佢哋啲芋圓特別大粒，我覺得真係幾好食，唔係好甜好甜嘅仙草，另外配爆珠呢個配搭真係好特別。$36食到芋圓甜品真心唔貴，有下次。小店得十個位唔夠，我就多數揀外賣。佢哋出名每日都排長龍，唔怕排隊可以過來一試！

疫情關係冇得返家鄉✈️，唯有食返啲正宗台灣小食滿足一下自己慾望。 ✔️羅東肉焿湯肉焿湯像碗仔翅般，口感比較稠密，好香的麻油味及少許醋味。裏面會有不少荀絲及肉丸，好飽肚。✔️綜合丸湯香菇豬肉丸好香香菇味，墨魚丸會食到粒粒墨魚，兩種丸都非常彈牙。✔️魯肉飯魯肉飯肥瘦均稱，肥肉肥而不膩，飯粒粒分明，撈飯真係一流。✔️乾拌麵乾拌麵麵質較煙韌，加上半肥瘦魯肉，好香口，味道較濃。✔️一口鹽酥雞鹽酥雞炸得乾身爽脆，椒鹽味香。✔️仙草芋圓一號 仙草芋圓用料甚多，三色芋圓大大粒，保證煙韌Q彈。而仙草吃起來咕嚕順滑回甘，在炎炎夏日，食碗仙草芋圓消暑解渴。叫套餐會附送一杯無糖高山茶或冬瓜茶，解膩解渴！

一試難忘，抵食之選！住咗元朗咁耐，一直都見到羅東肉焿日日排晒長龍，今日撞正下午茶時間終於可以一試！我同朋友2個女仔叫咗個份1號羅東肉焿湯餐（$79），套餐已經包左一碗羅東肉焿湯、滷肉飯同餐飲，分量十足，相信自己當晚餐食都一定夠飽。而味道同台灣本地十分相似，十分推薦！而小食方面我哋叫咗一個肉鬆紫薯吐司（$47），一食落去驚喜十足，濃濃嘅紫薯味同肉鬆喺絕配，我同朋友都搶住食！而甜品我哋亦都叫咗仙草芋圓（$36），呢份甜品好有驚喜！入邊除咗有三色芋圓，仲有白玉珍珠同爆珠，真喺好好食！最後埋單兩個人埋單都唔使二百蚊，唔怪得知呢間舖頭長期排晒長龍，下次都想試埋其他菜式！

無得去旅行又掛住台灣美食，近近地去下元朗呢間隠世小店羅東肉焿番滿足一下。店內面積不大但很有台灣風味～皇牌手工美食有芋圓、芋泥三文治丶滷肉飯丶台灣牛肉麵仲有唔少得當然係鹽酥系列啦😋價錢大眾化，一人套餐都係$70左右就已經有湯丶滷肉飯丶飲品。店員極力推介我們吃每日限量手工芋泥吐司系列，用台式鐵板壓制，芋泥控必嗌～爆餡芋泥!！。吐司有三種口味：肉鬆芋泥、芋泥紫薯、Oreo紫薯泥吐司。Oreo紫薯吐司＄46有鞋底咁厚嘅芋泥你食過未？紫薯泥口感鬆軟仲有大量Oreo碎，冰凍芋泥配上脆身厚多士口感零舍特別～一口鹽酥雞＄43一啖一口香脆鹽酥雞口感外脆內軟，美味佳餚～炸澎湖花枝丸＄34鍾意食炸嘢嘅人必選，大大粒墨魚丸香脆有咬口～羅東肉焿湯餐＄79終於食我最鍾意嘅滷肉飯，有香菇粒丶荀粒丶豬肉粒再加一隻流心蛋，醬汁先至係碗飯嘅靈魂，香噴噴醬汁配飯吃一流。另一個最特別係羅東肉焿湯，入邊有芽菜丶筍絲丶豬肉丸丶芫荽丶辣醬，豬肉丸先至係靈魂所在，超級惹味爽口～

成日見到人地食啖啖芋泥三文治試完you you 又黎到呢間羅東粳原來就係雞地同又新街果邊黎到又想試下其他地方無乜特食既野所以就嗌左呢個乾拌麵..見佢上台既時候好似好普遍愈食個底愈好食你睇下!! 原來佢有甘多汁係個底到!! 好食呀!跟住就係店鋪打卡名物超厚啖啖芋見紫薯三文治我地仲嗌左鹽穌拼盤 魯肉飯諗住可以食到多D唔同既野嘛 (貪心既心態) 再加台灣香腸with 佢地既自家蒜油~嘩~ 仲有真台灣野飲!! 好掛住呀註:原來羅東同"youyou你妳"係朋友黎呢到有賣仍地既樽仔奶茶 唔怪得一樣有芋泥三文治啦

今日同咗媽媽去食飯 呢間舖頭我經常幫襯 同屋企人呢就第一次閒日夜晚竟然唔使排隊有啲驚喜喎首先叫左個夜市鹽酥拼盤 入面既鹽酥一口雞 細細粒炸得夠曬香脆 一啖一粒好夠過癮 香芋海鮮餅有啲驚喜餅底好似蝦丸咁彈牙有咬口 入面竟然包咗芋頭肉粒粒 口感非常有層次 甜不辣 煙煙靭靭 四季豆 略嫌過油牛肉湯麵套餐轉白飯 湯同飯分開上好細心 湯底有台灣夜市嘅味道 牛肋肉炆到好冧 用嚟送飯一流羅東肉焿湯米粉 湯底較為傑身有淡淡嘅鮮味 入面嘅肉外表似豬肉 口感煙煙靭靭又幾得意 入面加埋筍絲 芫茜等嘅配料 好夾無糖高山茶 味道清新 茶香濃郁

今日放工返屋企經過呢間望落平平無奇但充滿驚喜嘅台式餐廳 -羅東肉焿番 ~~於是乎就入去食左當去左轉台灣 !!我同同事叫左一人一款招牌菜式 💕💕滷三層焢肉套餐 同埋牛肉湯套餐 再加一份肉鬆芋泥吐司同一碗仙草芋圓滷三層焢肉套餐包左三粒肉丸 再加一碗激多餸嘅焢肉滷肉飯同一杯古早冬瓜茶~~而牛肉湯套餐就係牛肉麵 側間仲有啲酸菜做配菜 酸酸地辣辣地 勁開胃 另外加$10就有一枝樽仔奶茶🥳🥳肉鬆芋泥吐司整得勁靚 岩哂鐘意食芋泥嘅人打卡 勁足料都只係$42 超抵食💓💓仙草芋圓有爆珠 珍珠 仙草同芋圓 4種唔同口感嘅topping加埋一啖食 勁好食😋

估唔到鋪頭無咁近市中心，但都超級多人，不停有人買外賣/排隊等入座，我同朋友兩個人去，都幾好彩，好快就等到位。我地叫左1號羅東肉焿湯餐，肉焿湯+魯肉飯 配杯飲品，個湯有d似魚翅果種質地，但又酸酸甜甜 好開胃，個肉煮得好淋，而且都幾入味，咬落好爽口，一啲都唔痴牙。冬瓜茶清熱滋潤，甜度適中，炎炎夏日最佳之選！魯肉飯好有驚喜，好香口，入面竟然仲有滷豆皮，配埋香香軟軟既珍珠米，超級好食！之後我地仲叫左仙草芋圓1號，芋圓好煙韌，似係手工整既，有淡淡芋頭同蕃薯味，配埋棉軟既紅豆，涼浸浸既仙草同爽口既海藻水晶，一路食一路讚不絕口，下次一定再黎試埋其他芋圓！最後我地未食夠，決定試埋餐廳推薦既芋泥紫薯吐司，果然好好食！塊toast烤得啱啱好，外層香脆，裡面鬆軟，芋泥紫薯餡又唔會死甜，絕對唔係溝粉果種，好真材實料，而且餡超級多，一咬就流哂出黎，呢一餐食得超級滿足啊！

外邊下著雨一坐下店員隨即為客人端上一杯熱水真的很貼心難怪咁多人幫襯.《肉鬆芋泥吐司》足料爆餡的芋泥肉鬆吐司軟綿既芋泥入口啖啖芋香超級喜歡芋泥和肉鬆這個配搭咸咸甜甜好好味.《香腸魯肉飯》魯肉滷得非常對味而且肥瘦適中油份滲透落米飯之中 很好下飯加埋台灣香腸一齊食味道更豐富.《乾拌麵》冇飯癮的朋友可選擇點乾拌麵熱騰騰的拌麵麵質Q彈佐上招牌的魯肉另一無得輸的招牌傑作.《一口鹽酥雞》鹽酥雞炸得外脆內軟食落鹹香酥脆口感唔油膩一定一定要襯熱食.《檸檬風味烤雞腿》酸酸甜甜的檸檬烤雞腿外皮油亮酥脆內層肉質軟嫩多汁超開胃.《古早冬瓜茶》清甜冰涼的冬瓜茶很潤喉食完煎炸野一定要叫返杯清涼降火