羅東肉焿番

營業中

休息中

因為要到朋友家竹戰，買了大量街頭小食，甜品也不能少，朋友推薦這台式小吃店。看openrice 後才知道，原來這店很有名氣，曾成為台灣國宴上的美食！主食類的選擇甚多，價錢合理。我們以小食為目標。朋友點了招牌芝士玉米蛋餅、椒鹽四季豆、台灣士林香腸，連加了鹵肉汁的燙青菜都好有台灣特色！我二話不說點了芋圓，「仙草芋圓一號」，即三色芋圓、蜜紅豆和海藻水晶。口感Q彈的芋圓，配合各種配料，甜度適中，很有台灣地道的感覺。台式食品當然不可以沒有珍珠奶茶，我點的招牌珍珠奶茶，茶味濃，珍珠的軟硬度適中，朋友受我感染，點了小芋圓奶茶，為台式美食畫龍點睛！

最近呢間餐廳好似出咗唔少便當，今日一於買個嚟食！買咗一個台南鮮蝦卷便當，就算係外賣都分量非常十足，蝦捲夠哂彈牙，而且足料唔會過多粉，飯配上肉燥味道一流，糖心蛋仲係流心既，撈飯食一流，而且仲有豆同木耳等配菜，令到成個飯既口感好豐富！宇治抹茶鮮奶麻糬芋泥厚吐司，本身都怕抹茶同芋頭嘅味唔夾，但係估唔到識落有幾夾喎！鮮奶麻糬重牛奶味，帶有抹茶香，煙煙韌韌芋泥口感厚實，唔會過甜，食一半己經好飽了😂小乾拌麵配青菜，本身怕外賣後拌麵會好乾，但原來又幾多汁，面嘅質感好煙韌，口感啱啱好，推薦！粟米芝士蛋餅，呢款嘅口感較酥脆，入邊的餡料一啲都唔吝嗇，芝士有拉絲嘅效果！

我坐總店嗰邊，好多烏蠅，蚊仔。首先，我唔係點咗好多食物，所以唔會點評價食物質素，我只係叫咗珍珠奶茶，台灣小芋圖，蛋卷，韭菜餅，炸墨魚丸，以上幾項飾品質素都好一般，韭菜餅我覺得難食嘅。我主要想講嘅係，呢間食店冇服務可言，店員未聽完你嘅order就已經掉頭走，我哋本身諗住只係飲杯嘢，叫完嘢食一陣之後，個店員走過來同我哋講有最低消費$40 ，連兩個小朋友都要計算在內，所以我哋被迫再嗌咗其他嘅小食，如果一早知道，我一定唔會選擇去呢間食，所以大家最好有個預算。我始終冇叫signature 既野，所以我覺得大家一試無妨，做好心理準備不要太失望就好了，本人就一定唔會再去了。

諗住試下最愛架仙草芋圓，再食下芋泥土司，就搵羅東肉庚試下，味道真係唔錯，個土司叫咗芋泥芝士雞蛋，啲芝士有拉絲，啲芋泥就唔算多但好食。到仙草芋圓啦，啲芋圓好QQ。

2021年嘅大年初十，疫情仲係穩定嘅時候，我同朋友入左元朗國同另一位朋友拜年。之前見有雜誌報道話羅東肉焿番嘅芋泥鐵板吐司好食，咁岩又喺朋友屋企附近，所以就外賣買一份試下，睇下係唔係真係咁好食。.原本想試芋見紫薯吐司，點知Ball講錯左，叫左呢個肉鬆芋泥吐司。吐司香脆鬆軟，加上香滑芋泥，口感一流。芋泥嘅香濃芋頭味，配搭肉鬆嘅鹹香味，令吐司味感昇華。.如果你都係芋泥控嘅，真係值得黎試下。同埋大家可以放心，就算係之前堂食要安心，職員都唔會叫你嘟安心，會叫你scan第二個QR code填寫資料。

哇哇哇！真係超好食！今晚唔想煮飯想嗌外賣，跟住上OpenRice睇吓原來有咩正，見到呢間好高分，跟住又順路，走咗去買啦！外賣等咗大概15分鐘，款式好多，都好抵食，外賣二人套餐竟然仲有優惠$168，堂食$188！我哋點咗滷肉飯，乾拌麵，綜合丸湯，牛湯青菜，台灣香腸，酥炸甜不辣，台南鮮蝦卷，凍冬瓜茶，珍珠奶茶，加$32有兩個甜品，仙草芋圓2號同3號，再加個檸檬炸雞鎚便當 $46！真係好抵，份量好夠食！兩個大人兩個細路，基本上食晒飯後飽到食唔到甜品，淨係計個套餐圍返每人$84真係好平！雖然話$84一個人一餐唔算太平，但係因為味道係100分！！！！你會覺得喺台灣食緊晚飯！唯一雞蛋裏挑骨頭就係珍珠奶茶啲珍珠唔夠淋！其他嘢超正， 100分！

Throwback 去年底羅東肉焿番嘅甜品放題，因為佢哋間唔中會再做，所以都值得記錄一下。雖然放題只有一個鐘，但由於上菜速度快，所以絕對夠時間食。可選擇嘅款式其實唔多，不過正所謂貴精不貴多，只要好食就已經足夠。呢方面我係絕對滿意，例如宇治抹茶麻糬配蜜紅豆泥吐司，入面嘅餡料好豐富，抹茶同紅豆泥甜而不漏，外面兩塊吐司烘得勁香脆，齋食都好正😋；最經典嘅芋泥肉鬆吐司正常水準，反而冇咁驚喜。另一樣好正嘅係蛋餅，外皮煎得微香，入面嘅餡料好飽滿，我哋叫咗肉鬆味同芝士味，今次就係肉鬆味較為優勝。食到呢度，其實已經好飽，最後再食埋燒麻糬同仙草芋圓，感覺非常圓滿🥰。咁究竟個甜品放題有幾抵呢？原來一份吐司散叫要四十幾蚊，呢個放題就盛惠五十八蚊，基本上食一份已差唔多回本。另外推介加十二蚊飲埋嘢，因為呢度嘅飲品茶味香濃，質素喺台灣食店嚟講算非常高。

元朗真係一個好多美食嘅地方，今日想介紹一個正宗台式小店。肉鬆蛋餅份量超級大，肉鬆豐富，即叫即做。爆餡蛋餅又多款選擇，原味、芝士、肉鬆、玉米味，必食之選。仙草芋圓三色芋圓，配合黑糖湯底，芋圓煙靭Q彈，帶點微微香草味，配有紅豆，小丸子同埋海藻水晶，足料抵食，有台式古早味嘅味道。燒麻糬一共四款口味，草莓，朱古力，花生，芝麻。今次就叫咗花生同芝麻口味，味道唔會過甜，口感似糖不甩，不過略嫌麻糬皮有啲厚身。整體而言，羅東肉焿番食物大件夾抵食，值得一試。

偶爾去一次元朗，將搵美食既重任交左朋友，又問埋半個元朗人既朋友，佢地2個不約而同都係send呢間台式餐廳我🤔，睇黎個天都要我去試下😂。下晝3點幾去到有幾個人已經等緊位，好彩店家2個舖位連住所以容納得多啲人又唔算等好耐。等緊嗰時已經諗埋食咩，坐低落order大約10min黎齊野食👍🏻。🔅仙草芋圓2號 ($35)有10粒三色芋圓、小芋圓同埋海藻水晶，$40蚊有找都抵食。芋圓幾彈牙，芋頭圓都咬到有芋粒。唔好睇小小芋圓，雖然細粒但都有咬口🥰。海藻水晶好特別，之前大鄉里未食過😂，原來咁彈牙😍，似寒天既口感。整體又唔會好甜，幾滿意。🔅乾拌麵 ($41)麵條頗彈牙，有少少肉同埋豆卜絲，加埋醬汁撈唔算好dry，不過唔太食得出辣味，如果可以辣少少就好😂。Staff主動問使唔使走芫茜走辣好貼心😆。🔅鹽酥天使大雞排 ($49)本身諗住乾拌麵比較dry所以叫埋雞扒試下。見$50塊雞扒都幾期待，不過食落真係一般般…一來太油，二來炸粉都比較厚，加上雞扒本身都扁身，所以食落其實唔多肉，一半都係炸粉，所以都幾失望😢。🔅梅甘地瓜條 ($33)地瓜條份量都唔算少，炸得好香脆，不過如果梅粉灑得平均啲就好…同埋有少少好奇係打

難得去元朗 搵下有咩特色餐廳先上網見到呢間多好評 於是就去食下一去到餐廳門口 已經勁多人拎籌等位🙈原來籌號都好快有位 我地仲行開左🥺要重新等過位😣😣 -終於入到座啦 😋 餐廳分左兩間鋪位 但人手真係好唔夠🙈見店員勁忙碌 咁執枱 落單 送餐 🙌🏻 -我地叫左一個招牌套餐+吐司 😋 難得周日都有lunch set 🤩👍🏻 -🐮 4號紅燒牛肉麵餐 （配蛋餅）$85都算大碗 配料多 有4-5件牛肉&甘蔗片&酸菜 麵條粗幼適中 能掛到湯汁 😌😌湯汁味道比較似牛腩汁咁😅-🥞 芝士蛋餅 （跟餐）蛋餅比出面食過較脆身 但啲餡就好少 芝士都唔多見😅😅 -🐷 肉鬆芋泥肚司 $42終於到呢度的名物 芋泥吐司🍞 內餡份量足料 有爆餡 賣相ok 👍🏻 芋泥尚算綿滑 味道較天然🙈真心敗筆係塊包 太乾身😩 要一路飲野 一路食 先食到落😅 -抹茶奶綠小芋圓 （+$18）味道正正常常 😌 芋圓軟硬度可再改善🙈-🍽🍴總結 🍽🍴真心有啲失望 見到餐廳大排長龍 諗住食物會令人有驚喜 但….🥺可能其他款式會好啲🙈🤣

有台灣味道 好食！元朗少見台灣餐廳複製到台灣嘅味道下午茶嘅話都幾飽 幾抵食煎炸野唔錯 會諗起台灣嘅味道但係珍珠奶茶唔係特別如果講食嘢嘅話就真係台灣味道可以一試 同埋都好抵

鹽焗雞扒，三成雞七成粉，賣相🤮.唯一好食係炸甜薯.其他都非一般難食.魯肉飯又好鹹，阿媽煮啲魯肉飯仲好食過佢.唔好去食.👎🏻啲珍珠奶茶仲好苦，一杯仲要$16.本身係食午餐，點知過咗2分鐘，就要你叫下午茶，又要重新再諗過食咩.真係唔好去食.

位於元朗嘅「羅東肉焿番」，始創於1962年，標榜有獨家口味肉焿，國宴上等美食。搬咗嚟元朗區咁耐，每次經過都見到門口有好多人，一直無機會試，今次趁著疫情第五波嘅尾聲，抓緊所有外賣優惠，就打算買外賣返屋企試吓啦！為咗慶祝五周年，餐廳有超值外賣便當優惠，同時間亦都有外賣自取優惠， $100有全單九折， $200有全單八折。我哋叫咗一個便當，一款乾拌麵，兩款小食，同埋一款甜品。三雞便當:便當配滷肉飯、糖心蛋半隻、兩款配菜同飲品，以＄65 黎講算係性價比高。三雞便當有一口雞、雞卷同雞槌，另配有豆角，粟米粒，木耳絲同糖心蛋。 一口雞同雞卷皮薄而香脆，炸得外脆內軟，就算外賣返到屋企都依然咁好味。至於雞鎚係烤嘅，肉質嫩滑，好有台灣夜市食到嘅風味。滷肉飯方面，魯肉肥瘦肉均勻，好多汁，中間仲有d豆卜，吸晒d 肉燥汁後真係非常好味，送飯一流，非常開胃，加埋半隻靚靚糖心蛋，唔知真係以為自己飛左去台灣呀。飲品可以揀冬瓜茶或無糖高山茶，亦可以以半價轉其他飲品。冬瓜茶唔會太甜，食咗咁多濃味野，飲返啖，可清油膩感。香腸乾拌麵:香腸都係另一款我喜歡嘅台式小食，味道甜甜地，配埋蒜蓉醬汁一齊食，非常惹味。香腸可以揀配滷肉飯

〖 羅東肉焿番 💛 元朗 〗今次推介元朗地道台灣小食！😏仲新推出左芋泥麻糬系列呀😍呢個組合叫人點樣有抵抗力呀？🤤 【北海道鮮奶麻糬 X 芋泥吐司 🥪 ($48) 】 你無睇錯！麻糬真係厚過塊麵包架😯麻糬口感軟糯，專程用北海道3.6牛乳製成係屬於較䭃身又可以拉絲果種！😚入口又唔會太甜。富有牛乳香！ 而芋泥都食得出係真材實料！👏🏻每一啖都係紥實嘅芋泥蓉口感綿滑又唔會過甜🍠加埋外層吐司真係令人超滿足呀！😍 ========================== 好味指數：😋😋😋打卡指數：👍🏻👍🏻👍🏻👍🏻抵食指數：🤑🤑🤑🤑 ========================== 📍 羅東肉焿番 (元朗)元朗鳳翔路69號建輝大廈地下5號舖==========================想發掘多啲好嘢食？😛歡迎Follow我哋其他pages💕𝙊𝙥𝙚𝙣𝙧𝙞𝙘𝙚: 𝙁𝙪𝙡𝙡𝙛𝙤𝙤𝙙𝙞𝙚—==========================

羅東喺元朗都幾出名嘅台式食店 最近仲擴充攞埋隔離個舖位魯肉飯肥瘦肉均勻 肉汁好香仲有碎碎豆卜 吸晒啲肉燥汁送飯真係冇得頂綜合牛肉麵 牛肉好林好入味 花枝丸同鮮蝦卷都有鮮味 彈牙好味面底少厚實有啲似上海麵同埋乾拌麵係同一款面底再加番啲滷肉燥汁係面 同樣簡單但好好味鹽酥拼盤有鹽酥雞四季豆基本野有個香芋海鮮餅幾特別 口感較軟 冇海鮮味甜不辣就簡直大愛 煙煙銀銀甜甜鹹鹹咁芝士粟米蛋餅上碟熱辣辣 餅皮脆卜卜 酥皮層層分明 芝士仲有拉絲 正芋泥肉鬆多士芋泥相對較甜 肉鬆偏淡 吐司有烘底 不錯最後嗌左個甜品仙草大滿貫芋圓實中帶煙銀 不會太甜 最鍾意海藻水晶 好得意既口感兩杯奶蓋烏龍茶好多奶蓋 甜度適中 茶味亦出 也不錯