羅東肉焿番

營業中

休息中

上完堂勁肚餓，食左個二人套餐。呢間既肉噪類你係好出色架。好好味，勁肚餓！同埋我幾中意佢既肉丸湯，好有台灣味道。不過當日既雞扒就angry左啲，希望下次唔好咁燶😂環境都舒服既，係另一邊既店員係咁傾計，眼神唔係幾友善。

羅東肉焿湯係呢間小店既招牌菜👍.本來以為會咸咸地,因為始終係肉湯丫,但係一入口,嘩,係鮮甜架.店家用咗好多新鮮猪肉煮咗個湯頭,食得出有好濃嘅肉味,好好味呀！我會形容為呢一個係好有層次既湯.第一口係鮮甜,食多兩啖會有咸味,上菜時會有少少浙醋係面,你攪一攪,之後就會有酸甜味,食到底既時侯,原來有台式辣醬係底,一碗湯有4種味道,好正呀！最不得了係,大大舊既猪肉,好滑一D都唔"孩”口,一碗入面有4大舊,份量好夠呀！古早味炸雞卷🐥雞卷用雞脾扒再用雞皮包住卷來炸,上菜時聞到雞油香,而且秘制醃料,皮脆肉鮮,正！配埋個湯 ,我覺得好match呀！不過如果減肥嘅你地就好似唔係好啱喇,因為都真係幾肥美呀！

今日想食台灣嘢，就山長水遠搭車去元朗，聽講呢間芋泥三文治幾好味，就走咗入嚟叫咗碗牛肉麵、鹽酥雞、地瓜條同埋芋泥肉鬆三文治牛肉麵有酸菜、牛肉、半隻溏心蛋同埋兩條菜，用生菜我又覺得比較港式，牛肉唔算太林，有嚼口，入味，都算唔錯鹽酥雞正常水準，我都係嫌啲個炸漿有啲厚，不過味道係OK嘅，至於地瓜條配埋話梅粉係好食嘅至於我最期待的芋泥肉鬆三文治，芋泥綿密，唔算太甜，都算唔錯，肉鬆亦都好夠味，唯一要彈嘅係個包真係有啲硬整體來講唔錯，但係要特登搭車嚟就未必會

今日同男友即興入元朗行咗陣商場就搵嘢食，見呢間評價幾高所以就試咗我哋叫咗d基本台灣嘢食，諗住都唔會太差.. 點知..粟米肉鬆蛋餅好足料但同我平時食嘅皮好唔同 （呢個係手抓餅個皮而唔係蛋餅皮）.. 都大份嘅但個皮轉蛋餅皮會較好炸雞扒一d都唔係台式雞扒冇任何香料同埋鹹味😞仲要有啲乾同鬆散另外滷肉飯係碎肉飯 完全都唔係台式感覺隻蛋係幾好食全餐飯最對辦係杯冬瓜茶 好味食物份量係ok但如果要追求台灣味度呢度未必俾到你

依間食台灣菜嘅小店經常要排隊，好彩依次唔洗點排，叫咗鹽酥一口雞魯肉飯，魯肉嘅份量幾多，佔碗飯嘅三分一，足夠撈晒成碗飯，不過個人就覺得個魯肉比較鹹，有啲重口味，食到尾想食返啲無汁嘅白飯......可能係今次冇食到依度嘅招牌菜，下次再試其他小食啦！ 

呢到最正一定係台式爆餡吐司🍞試左Oreo紫薯口味😚就咁聽都覺得會好唔夾 但出奇地好好食‼️兩層麵包烘到金黃香脆 內餡滿滿綿密清甜嘅紫薯蓉再加脆脆地嘅Oreo碎 口感味道都好豐富🤩

今日朋友話想喺元朗食地道既台灣菜，所以就同佢黎咗羅東肉焿番感受下台灣既味道我地叫咗個牛肉麵餐有好大豌牛肉麵，唔只有牛肉，仲有生菜，流心蛋同蘿蔔，個湯味道好濃郁。牛肉都煮得好夠火喉。肉鬆芝士蛋餅，好大條，加埋個醬汁好好味，蛋餅同埋入面既肉鬆芝士，真係好夾，食到我地停唔到口。鹽酥拼盤魯肉飯，個拼盤有三款野食，仲要有朋友好鍾意食既鹽酥雞，好香口同好脆。肉鬆芋泥吐司，勁多肉鬆同芋泥，夠哂足炓古早冬瓜茶，最近食得多熱氣食物，當局要清一清熱

興起想食台灣嘢，又來到元朗既羅東肉焿番!同友人兩個叫左一個肉焿湯, 一個蛋餅share~ 肉焿湯我會形容為 足料版既碗仔翅! 有好大粒既豬+魚肉打成既肉丸~ 湯入面本身已經有加左醋同麻油調味, 好夠味~ 湯係比較杰身果種, 如果一個人食應該會好飽架!肉鬆芝士蛋餅超好食! 必叫! 外皮係脆卜卜, 入面既芝融哂, 超正! 推介! 食完呢2樣已經飽左7成, 我地仲一人叫左一杯台式飲品, 分別係綠茶紅豆, 同仙草奶茶, 大大杯好滿足呀! 我既仙草奶茶叫左少甜覺得岩岩好~ 朋友話佢杯都好多紅豆好味~埋單人均唔使$100, 元朗區台灣菜來講覺得幾抵食! 下次會想再encore試埋佢個肉燥飯!

本身都唔知有呢間野嘅存在見openrice原來咁受歡迎😮😮叫左個羅東二人餐都包好多野食下(包左2個主食+2個蔬菜/湯品+3個小食+2杯飲品) 主食有必叫嘅羅東肉焿湯新竹米粉✨佢濃稠嘅程度係同一般台灣麵線嘅湯一樣杰杰地咁每碗都有5-6嚿豬肉 係粗切口感好實淨個種有少少荽茜調味(係咪調味就見仁見智啦😌我就覺得加左係香d嘅😌😌😌同埋可以自己任加胡椒粉落去呢碗個人黎講冇話特別鍾意哈哈 但幾特別！另一個主食叫左魯肉飯✨真心覺得佢嘅魯肉飯唔錯肥瘦適中 又比得夠多汁可以送飯😛幾好幾好～小食有台灣腸 鹽酥雞排 同埋酥炸甜不辣除左雞排炸到過硬同埋少乾之外其他都幾好食不過不失同埋幾鍾意佢比左一細兜蒜蓉比我地點點台灣腸會香好多！蔬菜/湯品:一碟生菜同埋綜合丸湯飲品: 冬瓜茶同埋蜂蜜綠茶呢個2人餐食哂上面所有野都係$188😮超抵！我係去總店(唔係隔離新開擴充個間) 雖然裝修望落係舊少少但坐低左真係覺得自己去左台灣咁有種傳統台灣老店feel🤣

又食台灣野🥰一想中式嘢就想食台灣菜。羅東係元朗區真係好出名架，連唔係住呢邊既朋友仔講起元朗都識呀。午市大大碗飯麵套餐好抵食！！鹽酥大雞扒滷肉飯真係超大塊雞扒～滷肉飯亦好好味，食唔哂。另外嗌咗麻辣牛肉麵，非常惹味。辣度對於我嚟講岩過好，牛肉都幾淋。另外仲試咗好出名嘅芋泥肉鬆吐司🍞呢個就冇乜特別😂套餐仲可以加其他小食，不過好飽就無叫到。台灣風味100分💯再嘆埋鳳梨冰茶，餐廳仲唔收加一。👍🏻

食台灣嘢最鍾意就係食佢哋嘅爆餡台式吐司🍞呢度嘅吐司全部內餡都好多✨上次就食咗個Oreo紫薯吐司 紫薯蓉口感綿密又清甜🍠再加埋脆脆嘅Oreo碎 甜甜地夾埋一齊食味道啱啱好🖤

入元朗國食台灣菜😋通常你入元朗會想食啲咩？飲杯咖啡？食碗沙嗲牛肉麵？我有時候就會去食台灣美食，因為佢哋成個款式真係好多！有齊晒台式便當台灣小食同埋甜品！仲有埋必食嘅芋泥肉鬆吐司😝門口太多人等位，我哋都係買外賣帶走，坐喺公園食好寫意芋泥肉鬆吐司：吐司金黃香脆，夠晒厚度，裏面有埋香滑嘅芋泥肉，甜甜咸咸嘅肉鬆，味道非常正鹽酥雞扒便當：店員非常窩心將鹽酥雞另外包裝，鹽酥雞扒份量非常多，香脆可口！便當裏面仲有流心蛋、肉燥飯，好味又飽肚。跟餐附送茶飲，我鍾意飲佢哋嘅冬瓜茶清新解渴，夏天必飲 #元朗美食 #元朗台灣菜 #羅東肉焿番 #台灣美食

見到ig啲人不斷瘋狂力推喱間嘅芋泥吐司 難得入到元朗又見無人排隊仲唔即刻試下佢 哇 足足等咗佢二十分鐘 滿心歡喜 以為等得嚟係值得啦。我嗌嘅係芋泥流心芝士吐司 一咬 我已經想鬧 芋泥是凍的 或者佢本意係特登雪凍佢 要同舊芝士熱辣辣咁做強烈對比 但事實做唔到囉 舊芝士絕非流心 都係凍嘅一舊芝士 完全無流心無拉絲 完全係將三樣完全唔夾嘅嘢夾硬夾埋一齊 寧願你將三樣嘢各自食 好過不倫不類咁又䶢又甜但又係唔夾嘅嘢一併放進口。。。四個字結論 不倫不類。 打手真係打手 可以將喱樣嘢推到天上有地下無。。。實在不可思疑

之前食過一次元朗的羅東肉焿番，已經覺得不錯，今日經開，順便食埋午餐再出去做野。冇黎一排，餐廳開多左一間，兩間連埋，新鋪以卡位為主，環境都唔算太逼狹，坐得舒適。香腸魯肉飯($49)好香的魯肉香味，魯肉飯魯肉肥肉不算多，肥瘦均勻，肉很入味，香口帶肉汁，香而不油膩，成碗撈飯剛剛好。士林香腸點埋自家製的蒜蓉醬，味道又幾夾炸澎湖花枝丸($34）炸得剛剛好，食落不會有油膩感，花枝丸好Q彈，加上上面灑了椒鹽，味道更惹味仙草凍奶茶（$32）

今日去了元朗的羅東肉焿番食午餐，因為係本港首間肉焿店，口味正宗，而且食物選擇夠多。餐廳主打魯肉飯、肉焿湯、鐵板吐司、多款台灣地道小食、台式甜品、飲品等等，除左單點，仲有2人套餐可以選擇。魯肉飯配半隻流心蛋魯肉飯肥瘦均勻，加上切絲的滷豆皮，非常入味，而且仲有半隻流心蛋，流心蛋夠流心，好入味，蛋香十足，拌飯一流一口鹽酥雞每次都會必點，鹽酥雞新鮮熱辣辣炸起，不會炸到太乾，鹽酥雞非常香脆，肉嫩多汁。抹茶奶綠珍珠