影片
港鐵灣仔站 A1 出口, 步行約7分鐘
繼續閱讀
電話號碼
52318787
開飯介紹
素某是一個結合健康素食與身心靈療癒的社區空間，這裡以「社區療癒」為核心概念，希望透過精心設計的用餐空間、創新且精緻的素食餐點、用心調製的茶飲，讓忙碌的都市人感受到心靈的撫慰與滋養。
繼續閱讀
營業時間
今日營業
11:00 - 21:30
星期一至日
11:00 - 21:30
以上資料只供參考, 請與餐廳確認詳情
有關獎賞計劃
相關文章
老婆向來晌飲食上都偏素，雖然未至全素，但可以揀到嘅都會盡量揀素食菜式，今晚就專登帶佢嚟試一試「素某」，因為從食友嘅食評所見，菜式精緻，配搭具心思，環境又舒服，值得走訪一試。一入門口先睇到嘅喺開放式廚房，可見店家對自已廚房衛生方面極有信心。呢度唔單單喺間素食餐廳，仲喺間身心靈療癒嘅社區空間，內裡嘅佈置非常特別，一室簡約風，白色為主調，天花掛起一片片如波浪般嘅輕紗，加上燈光柔和，地方闊落，空間感好唔錯，加上客人都比較斯文，顯得更加寧靜盎然。周圍又放咗好多圖書供閱覽，甚有一股書卷氣息！最搞嘢晌門口棟咗個牌，有個相機標誌，初時仲以為唔可以影相，原來寫住「正在營業請亂拍照」，哈哈，真鬼馬！此外，一邊牆上投影不斷播放店家嘅訪問，介紹到佢哋喺結合健康素食+社區療癒為核心概念，晌香港呢個吋金呎土之地實屬少有。晌度真喺唔單單食餐飯咁簡單，仲喺一處讓人可以沉澱吓嘅空間。菜式只供應套餐「素某晚宴」，定價$298，包括席前小食、素某沙律、是日湯品、野菜天婦羅、主食指（5揀1）、甜品（5揀1，但部份需加錢）及特選拼配茶或配方茶，亦可加錢改配特調飲品。無論甜品物，還是飲品，名字都改得頗有詩意。翻完餐牌一轉，仲留意到有一版專登介紹店內嘅餐枱，原來所用嘅木材都喺嚟自香港打風時倒冧嘅大樹，依家喺分拆成全店12張枱，最神奇喺可以拼番埋一齊成一張順紋理嘅大餐枱，好在餐牌下端都有合併咗嘅樣睇睇，真喺有意思。嫩芽草本拼配茶先嚟兩杯餐飲，一杯揀番草本拼配茶，風味選上由單欉、歐薄荷、香茅、桂枝組合成嘅「嫩芽」。侍應細心介紹飲用方法，原茶葉泡約1分鐘後，倒落大杯，然後分小杯享用，而傍邊已備有一大個熱水壺，按自己飲速再泡。而茶色琥珀棕，透徹，飲落味道複雜富層次，薄荷香讓口感清爽，令人感覺舒服。展開特調 +$18老婆向來熱愛百香果，所以，一眼就相中呢款加入百香果嘅特飲，從餐牌所見，成份包括烏龍茶、乾薑、百香果、豆蔻、丁香、薑味汽水，組合非常特別。賣相很有層次，甚具夏日風情，口感清新，百香果嘅酸香，夾雜陣陣香料嘅香氣，好有特色。席前小食食物方面，先上枱喺豆角條，樣貌似喺平凡，但細節位有啲心思，加咗啲紅椒粒、蒜粒同巴馬臣芝士碎，仲用啲食用花瓣做裝飾，好睇又好食，爽爽脆脆為今餐有個好開頭。素某沙律清清哋嘅田園沙律，再加上清甜嘅橙肉、車厘茄、鷹咀豆，淋上胡麻醬，雖然簡簡單單咋，但勝在食材夠新鮮，令胃納大開。是日湯品今晚嘅餐湯一片綠油油，喺菠菜湯，有別一般西式嘅忌廉湯，無咁重奶味，但口感保持一貫嘅滑溜度，濃濃嘅菠菜味，真喺幾好飲。野菜天婦羅一次過上晒二人份嘅天婦羅，野菜包括有紫蘇葉、茄子、大花菇、蕃薯、秋葵，有幾個位真喺值得一讚，一來粉漿又薄又脆，炸得香而不膩，二來非日式佐以蘿蔔蓉，而有啲台式佐以梅子鹽，鹹鹹酸酸，襯天婦羅真喺頗特色，加上裝飾用嘅楓葉，都喺用威化紙做，可以入口，頗有心思！香草素雞•烤野菜•山藥慕絲整道菜嘅賣相好別緻，色彩艷麗，尤其是配上大量烤野菜，如野菌、車厘茄、青瓜、黃瓜、薯仔，啱晒我老婆，仲烤得頗為香口。素雞如大部份相類似嘅食品，都喺豆製品，霎眼望上去都有幾分似雞件，當然食味喺另一回事啦；而山藥慕絲小弟就覺得稱之為山藥泥比較似啲，佢嘅質感較似食薯蓉咁，又帶點粗粒感，原以為喺熱嘅，原來喺冷菜，就變得有啲似食薯仔沙律般，再者，山藥夠健康嘛。日式咖喱•素肉漢堡扒對比起個香草素雞，呢個素肉漢堡扒就八、九分似真肉嘅漢堡扒喇，大大件好厚身，煎得焦香，甚有口感，加點幻想，真喺好似食緊件漢堡扒，味道確唔錯；同樣加入咗大量烤野菜，更多咗櫻桃蘿蔔、甘筍仔、魔芋同幼滑到不得了嘅薯蓉；仲有一大個煎飯糰，焦香有咬口，飯粒又鬆軟，最正啲日式咖喱香味十足，微辣帶香，襯薯蓉，襯飯糰都好好味。麗楓秋栗 +$28最後梗喺甜品壓軸登場，侍應都幫忙換上新餐具。呢道栗子甜點賣相非常之靚仔，杯內喺紅茶啫喱，軟硬度啱啱好，又有紅茶香；杯面嘅栗子蓉打得柔滑，栗子香味十足，加埋原粒糖漬栗子、楓糖脆餅，真喺無無得輸。題外話，栗子蓉上嘅一串小葉，初時以為假嘅，試試嗒吓，再咬一口，有少少如花椒般味道滲出，煞是有趣。椰香琥珀雪燕另一道甜點雪燕喺凍食，最有心思喺將盛器都雪凍埋，而雪燕可講平民燕窩，如桃膠般，晶瑩剔透嘅雪燕本身無乜味，不過，加咗椰汁、杞子、紅棗，食味自然唔同晒，入口好潤，口感清爽，最緊要更喺健康富營養。今晚所食到嘅菜式，果真別出心裁，甚有心思，素食也可以食得精彩。用膳完畢，無需趕住走，可以繼續細嚐香茶，舒緩一下，可將煩惱一掃而空。
繼續閱讀
🇭🇰 Wan Chai 灣仔｜SO'N 素某As someone who likes to eat meat, vegetarian food may not sound interesting at first, and I have also tried some vegetarian meat but wasn’t impressed. However, this place managed to change my perspective regarding vegetarian dishes, 🤯 and I think they are quite amazing! We’ve tried their 𝐬𝐨'𝐍 𝐃𝐢𝐧𝐧𝐞𝐫 𝐬𝐞𝐭 素某晚宴 and it includes starter, main, dessert, and drinks! Starter & Appetizer •𝐬𝐨'𝐍 𝐒𝐚𝐥𝐚𝐝 素某沙律•𝐬𝐨'𝐍 𝐃𝐚𝐢𝐥𝐲'𝐬 𝐒𝐨𝐮𝐩 是日湯品•𝐘𝐚𝐬𝐚𝐢 𝐓𝐞𝐦𝐩𝐮𝐫𝐚 野菜天婦羅Starting off with some healthy salad and warm soup! 🥣 They all are both refreshing and appetizing simultaneously. The soup was tomato soup and I loved how heavy it tasted! The tempura is also very crispy and it can be dipped into plum powder that gives a very fresh and chilling taste, which I enjoy a lot! 😋Main•𝐓𝐡𝐚𝐢 𝐒𝐭𝐲𝐥𝐞 𝐕𝐞𝐠𝐚𝐧 𝐌𝐞𝐚𝐭 𝐐𝐮𝐞𝐬𝐚𝐝𝐢𝐥𝐥𝐚 香辣泰式素肉餡餅•𝐆𝐫𝐞𝐞𝐧 𝐓𝐞𝐚 𝐒𝐨𝐛𝐚 𝐒𝐞𝐚𝐰𝐞𝐞𝐝 𝐒𝐨𝐮𝐩(𝐂𝐨𝐥𝐝) 𝐃𝐞𝐞𝐩-𝐅𝐫𝐢𝐞𝐝 𝐃𝐮𝐦𝐩𝐥𝐢𝐧𝐠 昆布水冷抹茶蕎麥麵 自家製炸餃子The quesadilla is so thick with some of the best vegan meat I have ever tried! 👍 I have tried vegan meat before but this is much better in terms of both flavour and texture! It really took me by surprise! The soba is also a refreshing dish in this hot weather, with the soup base being rich in green tea flavour, a very interesting choice! The dumplings are crispy as well! 😍Dessert•𝐉𝐚𝐬𝐦𝐢𝐧𝐞 𝐏𝐞𝐚𝐫 𝐁𝐥𝐨𝐬𝐬𝐨𝐦 春季 茉莉菊花雪梨凍•𝐂𝐮𝐜𝐮𝐦𝐛𝐞𝐫 𝐓𝐚𝐧𝐠𝐘𝐮𝐚𝐧 𝐓𝐞𝐚 𝐒𝐨𝐮𝐩 夏季 茶湯青瓜丸Look at their designs of the dessert! 👀 The jelly is placed on top of a lily pad which looks so elegant! It also gives off a fresh aurora as you enjoy it! The TangYuan are also chewy, I love the texture a lot! 🥹Drinks•𝐒𝐮𝐦𝐦𝐞𝐫 𝐌𝐨𝐜𝐤𝐭𝐚𝐢𝐥 & 𝐄𝐱𝐩𝐚𝐧𝐝 𝐏𝐥𝐚𝐧𝐭-𝐛𝐚𝐬𝐞𝐝 𝐓𝐞𝐚 (夏天) 展開特飲 & 展開草本拼茶The summer mocktail is rich in lavender flavour! The tea is also filled with different kinds of herbs which all smells really comforting! 😌📍Shop 9-10, G/F, Tonnochy Towers, 254-272 Jaffe Road, Wan Chai💲Price per person: $298
繼續閱讀
最近和一個吃素的朋友見面，他推介了一間在灣仔的素食餐廳，環境舒適寧靜，我們特登約在此品嚐素食。餐廳的佈置簡約，舒適。周圍亦放置不同的植物，讓人感受到片刻的寧靜，與繁華的灣仔有一個強烈的對比。餐廳設有不同的素食配搭，我們揀選了兩個一人套餐。套餐上的煮食和點心可以自選，另外配搭上餐廳預設的小碟和甜品。朋友選擇了素餃子 ，餃子餡料豐富，每一口都充滿了鮮美的素菜。而我就選擇了肉燥椰菜花飯，店主將椰菜花切成切成小粒，淋上肉燥汁，肉燥汁味道較濃，有不少菇類餡料，口感獨特。預設的小碟是炒製的腰果，入口香脆，有陣陣的果香。預設的甜品則是椰香琥珀雪燕，雪燕10分滋潤，仲帶有陣陣椰香味道。朋友選擇了紅糖糯米蓮藕，軟糯的蓮藕內裏包着糯米，紅糖的甜香味和蓮藕的軟糯口感完美結合，讓人感受到層次分明的滋味。而我所選擇的黑糖山藥糕，十分特別，黑糖帶出山藥的甜香味，口味清新。餐廳的飲品很特別，用不同的茶葉比喻人生不同的階段，可以選擇熱草本拼配茶，茶拿鐵或者茶特調。朋友試了象徵生命起步階段的嫩芽茶系 ，以草本拼配茶方式 （單鳳凰單欉 歐薄荷 香茅 桂枝），泡出香濃的茶。茶品嚐桌後會附上一瓶熱水，可以自己沖泡添加。這種茶茶味香濃，飲下去很順滑舒服，帶有淡淡的香茅味道，可以放鬆心情。而我就是了象徵青春期的展開茶系，我選擇了凍茶拿鐵，茶拿鐵賣相吸引，奶味香濃，可以帶出茶嘅清香，亦有少少薰衣草的味道，也是可以令人放鬆心情。餐廳的佈置很分講究，令人可以在繁忙的生活入面，尋找片刻的寧靜，放下急促的腳步。
繼續閱讀
八月頭係咁趕deadline，食無定時，搞到個人勁緊張勁繃緊🤷🏻♀️腎上腺爆升❕上星期TGiF，放工同同事鬆一鬆，一齊做「素人」去，「素走」煩惱食咗餐好療癒既素菜晚飯，個人即刻輕鬆左❣️「素某so’N」結合創新精緻健康素食🥗+身心靈「社區療癒」用餐空間+特調茶飲。估唔到餐廳嘅素食都可以present得咁靚，岩哂打卡📸，而且碟碟都色香味俱全😋，重點食完毫半無罪惡感‼️ 因為全部都係「素做」食物🤭，真係食極唔肥😂❕ 又想打卡💁🏻♀️又想relax💁🏻♀️又想食嘢💁🏻♀️又想唔肥💁🏻♀️，絕對無問題⚠️晚餐包括小食+主菜+甜品+ 特選拼配茶，主菜、甜品同茶類有好多選擇，樣樣都想食😋，因為想試吓到底用咩「素材」泡整❕我哋揀咗：席前小食 🥢素某沙律 🥢是日餐湯 （特濃蕃茄湯） 🥢天婦羅野菜天婦羅主菜 🥢香草素雞·烤野菜·山藥慕絲 🥢黑白野菌·掃帶子·黑松露·貓耳朵粉甜品 🥢麗楓秋栗 🥢椰香琥珀雪燕特選拼配茶 / GABA配方茶 🥢草本拼配風味：單欉 歐簿荷 香茅 桂枝 🥢烏龍茶.植脂奶.焦糖.玉蘭花.橙皮cocktail
繼續閱讀
收工去左素某食素，空間白色清新、設計感十足，好似去左一個小型心靈休憩區，感覺好療癒🌿每人叫左個一人套餐，估唔到都幾多道菜，有d似fine dining咁逐道上枱，係一個好好啲機會去放慢腳步🐾✨席前小食 - 係一個幾精美嘅熱情果汁雪梨粒，清新甜潤，口感微酸帶點果肉彈性，感覺清爽解膩🍐 ✨素某沙律 - 用左新鮮沙律菜同去皮橙做配搭，面頭仲有素肉鬆同惹味麻醬，好有驚喜🥗 ✨是日湯品 - 蕃茄湯賣相唔錯，蕃茄味濃郁，酸甜夠balance，口感順滑🍅 ✨野菜天婦羅 - 蔬菜新鮮，炸皮薄而不膩，沾上話梅鹽食更有特色🤤✨日式咖哩•素肉漢堡扒 - 賣相超有心思，咖哩醬嘅甘甜同薯蓉嘅幼滑係精髓；素肉漢堡扒有彈性，味道好似食緊真肉咁🤤✨黑白野菌•素帶子•黑松露貓耳朵粉 - 素帶子真係食到鮮味，貓耳朵粉好掛汁，有嚼勁又勁香黑松露味，真心出色🍝 ✨茉莉菊花雪梨凍 - 用左荷葉裝住，好吸睛😎味道清甜，菊花味好出🍐 ✨麗楓秋栗 - 面頭用左塊薄脆裝住栗子蓉同栗子，而底下就係jelly，清清地又幾有口感！✨嫩芽草本拼配茶 - 代表左人生嘅起步階段，飲落好香薄荷同香茅味，好解膩☕ ✨秋天•揚眉Latte - 飲品都分左四季，好特別。我叫呢款好香蘋果同肉桂味🍎
繼續閱讀