素某

營業中

休息中

呢度絕對係書蟲+食草獸嘅天堂！木系裝修加埋成排書架，啲凳好坐到唔願起身🙊。 🍛推介日式素咖喱！天貝煎到外脆內軟，咖喱香料味好足，仲咬到粒粒八角，證明真材實料。🍜淡粉色素麵個湯底先驚喜，椰菜花打蓉再加堅果香，飲落滑溜溜，粉紅色麵真係食到好開心🥰～ 小食組合同樣有心思：南瓜百合甜得嚟帶清新脆口，芝麻碎加分！糯米蓮藕咬落「嗦嗦聲」，紅糖味唔會死甜，。 最抵係$158套餐包主食+小食+養生糖水（桃膠嗰碗好滋潤），仲送埋脆脆腰果畀你睇書磨牙。✨總結：素食做得有誠意，環境又chill，啱晒想靜靜哋食個飯+充電嘅打工仔！

平時返工好忙真係好需要時間沉澱一下心靈🤍 一踏入呢間素食店身心都感覺好放鬆🌿除咗食物之外有唔同嘅茶飲好有天然既感覺☺️最特別係佢嘅環境好舒服可以睇下書📚平時仲有唔同嘅工作坊可以參加係一個療癒社區既好空間🌇⭐️ 椰菜花濃湯素麵 🍜⭐️ 南瓜百合 🎃⭐️ 椰香琥珀雪燕 💎素麵配上醬汁幼滑得黎唔會太膩🍝 凸顯出蔬菜嘅鮮甜好清新🥗南瓜帶上百合既清香好有層次🌸 雪燕清甜又有一種滋補嘅效果❄️⭐️ 素咖喱天貝 🍛⭐️ 黑糖山藥糕 🍠咖喱味道比較溫和配上紅蘿蔔同各種豆有特色🫘天貝帶獨自嘅稻香同埋係好好嘅蛋白質來源💪🏻 山藥感覺都好Fresh🤍⭐️ 嫩芽茶系 🌱⭐️ 揚眉茶系 ☕️另外一樣好有特色嘅就係佢嘅茶飲🍵調配嘅好味好有心思而且貼心地提供一壺熱水可以加甜🫖 第一杯嘅花香生烏龍配上柚花橙花嘅口味🍊 Floral又帶春天既感覺係舒適而好有生氣嘅感覺🌈 另一杯帶煙燻同肉桂嘅感覺🌾香料味配上黑茶更有層次🖤 同時試作加上果醬調皮既Mocktail🧃絲絲柳橙甜度配上泡沫口感又有另一種感覺