素某

素某 📍：香港灣仔謝斐道254-272號杜智臺地下9-10號舖🚗：灣仔地鐵A1出口 步行8分鐘📞：+852 52318787💲：~HKD300/head for dinnerFood quality✔️：自選晚餐一人前、晚餐沙律、餐湯、香草素雞.野菜.山藥慕絲、松露帶子貓耳朵粉、椰香琥珀雪燕👌🏼：嫩芽.草本拼配、展開.草本拼配、天婦羅拼盤、席前小食總結：😋暫時係我食過最好食嘅素食餐廳 比起食物 我更覺得整個體驗好好 餐廳走新派素菜路線 除咗食物 仲會舉行心靈療癒工作坊 一上枱餐牌就話餐桌都係嚟自颱風倒下嘅樹木🌲由環境 食物 茶品都好統一地走療癒理念😋餐廳獨孤一味淨係得晚宴 $298一人前包小食 沙律🥗湯品 天婦羅 主食就五揀一 甜品就分四季或素蛋糕 另外拼配茶 好飽肚 由理念到執行都一絕 良好嘅體驗😋每一道都好有心機烹調 菜式每日都會轉 今日嘅小食係青瓜配紅椒絲 落咗醋同芝麻 酸酸微微幾開胃🤤沙律有驚喜 落咗藜麥同素鬆多咗嚼頭 醬汁清新😋天婦羅🍤拼梅子粉好出色 冇咁膩 茄子最出色 炸粉唔厚夠脆 裏層仲食到茄子一絲絲口感 其餘冬菇 南瓜就正常發揮😋今日嘅湯品係中湯 蓮藕銀耳花生🥜湯 雖然落咗紅蘿蔔 但整碗湯冇炆到一絲絲 令碗湯清啲亦易入口啲 係碗好飲嘅中湯😋主菜係五款中選咗最多人揀嘅香草素雞.野菜.山藥慕絲同松露帶子貓耳朵粉 前者素雞略韌 但山藥慕絲物如其名 順滑嘅口感 伴碟嘅蘑菇🍄‍🟫好淋身入味 松露帶子貓耳朵👂嘅松露味濃郁 素帶子食落似魚蛋 貓耳朵又夠掛汁 好食😋甜品有四款代表四季嘅甜品 揀咗唯一唔需要加錢嘅冬季代表椰香琥珀雪燕 呢個真係超適🈴女士 好清潤 仲有紅棗夠哂滋補🤔套餐包草本拼配茶 都係四款擇一 我就聽店員推薦揀咗兩款口味較淡嘅嫩芽同展開 前者嘅風味係單欉 歐薄荷 香芧同桂枝 展開就黃大茶 樁葉花椒 松針同木姜子 兩種都係淡得嚟又有茶香 茶味又唔會過濃適宜喺夜晚🎑飲😨張枱太細張 唔夠位放 建議一碟食完再上另一碟觀感會好啲 另外中間位置枱同枱嘅隔離太近 有點搭枱感覺🙊…查看更多

一入到黎素某就覺得地方好舒服一枱一櫈都好特別原來老闆本身係設計師所以成間餐廳由枱櫈到磚瓦都係佢親自設計感覺好用心好有質感枱櫈線條簡約坐落去又幾舒服環境乾淨靜謐成個人都自然放鬆晚市可以揀素某晚市一人前有齊前菜小食湯品主食而且全部都賣相靚靚令人食欲大增！餐前小食係麻辣蓮藕爽爽脆脆微微辣幾開胃胡麻沙律沙律菜新鮮加左青紅蘋果片顏色豐富得黎都添加左爽脆口味素湯雖然無肉但一樣濃郁入味所有湯料都可以食得👍野菜天婦羅拼盤穩定發揮最喜歡佢個梅子粉鹽好似台式炸地瓜咁甜甜地更好味！主菜素肉漢堡
外形以假亂真切落去質感都似咬落去有肉感質感唔鬆散仲滲到少少焦香味配左濃味咖哩幾啱愛肉嘅男仔食！香草素雞.野菜.山藥慕絲另一款主菜唔係用重手調味去呃味蕾而係突出食材本身嘅味道去取悦食客山藥慕絲滑溜味道清麗帶淡香飽肚又低脂非常適合女生享用甜品椰香琥珀雪燕用椰青水取代厚重嘅椰汁而青瓜湯圓既有煙韌口味又有青瓜清爽感覺兩款甜品都令人毫無負擔最後每人一杯草本茶作結餘韻悠長再靜靜地傾下計非常舒服素食已唔再係「代替品」而係真係可以令人期待同享受…查看更多

這間名為 「素某 so’N」的新派素食餐廳，以簡潔清新的裝修為主調，還有小小圖書角，感覺寧靜舒適和好有文化氣息。特別要提12張木製餐桌，原來是由塌下的樹木再生製成，能拼砌成一張順木紋理的大形餐桌，既環保又充滿溫度。這家主打西式創意素食，餐點將傳統素食重新演繹，既保留清新健康的特質，又能在味覺和視覺上帶來驚喜。 我和朋友選了兩個午市套餐，包括主食、小食、甜品和飲品。一上桌，餐品已很吸睛，精緻漂亮😍🌟南瓜濃湯.野菜豆腐.稻庭烏冬$158彈牙柔順的烏冬放進綿密清甜的南瓜濃湯內，配上野菜豆腐，每口都食出自然清甜味，原始風味。🌟绣球菌貓耳朵粉套餐$158黑松露蘑菇醬味道濃郁，素帶子口感彈牙，加上貓耳朵粉，真是完美配搭👍🌟小食：南瓜百合口感軟糯，甜甜蜜蜜，超好味，給我多兩件更加好🤭🌟小食：薄荷漬草梅+$48味道酸酸甜甜，勁醒胃。🌟甜品：椰香琥珀雪燕細細杯但雪燕充足，口感嫩滑，滋潤養顏，但是椰香較為清淡。飲品：🌟揚眉冷泡茶，單樅姜花着 、甘草 、咖啡果皮 、薰衣草 、杜松子泡製，草本氣息清新，入口甘甜，冷泡更顯清爽解膩，適合夏日午後。🌟四季茶作主題飲品，我選了春天的「嫩芽Mocktail」，用烏龍茶.梨蓉.胡柚.橙皮.青檸調製，茶味香濃之餘果香味十足，清甜可口，十分解膩。…查看更多

我同屋企人都好鍾意食素，最近發現香港有一間高檔素食餐廳，真係令人驚喜！餐廳的環境優雅，服務亦相當周到，讓我們的用餐體驗更加分。前菜椒鹽豆腐豆腐外脆內嫩，椒鹽的香味恰到好處，令人食過返尋味。南瓜湯這碗湯的味道非常鮮美，南瓜的甜味與香料的搭配，帶來一份溫暖的感覺，十分適合秋冬季節。野菜天婦羅這道菜真係有驚喜！新鮮的野菜裹上薄薄的麵糊，炸至金黃酥脆，保持了蔬菜的鮮甜，讓人一口接一口。主菜日式咖哩素肉漢堡扒這個漢堡扒口感豐富，咖哩的香氣四溢，搭配新鮮的生菜，讓人感覺既健康又滿足。香草素雞、烤野菜、山藥慕絲素雞的味道和質感都很出色，搭配烤得恰到好處的野菜，山藥慕絲更是為整道菜增添了絲滑的口感。甜品椰香琥珀雪燕這道甜品清爽可口，椰香味十分濃郁，雪燕的口感讓人感到無比愉悅。茉莉菊花雪梨凍這道雪梨凍賣相太出色啦，味道清新解膩，香氣四溢，特別適合餐後享用，讓人心情愉快。飲品揚眉草本拼配茶這款茶的香氣獨特，喝上一口，感覺整個人都放鬆了。嫩芽特調這杯特調飲品清新怡人，搭配餐點非常合適。總的來說，這間高檔素食餐廳不僅提供了新鮮健康的料理，味道也令人驚喜，絕對值得再次光臨！…查看更多

老婆向來晌飲食上都偏素，雖然未至全素，但可以揀到嘅都會盡量揀素食菜式，今晚就專登帶佢嚟試一試「素某」，因為從食友嘅食評所見，菜式精緻，配搭具心思，環境又舒服，值得走訪一試:)。一入門口先睇到嘅喺開放式廚房，可見店家對自已廚房衛生方面極有信心。呢度唔單單喺間素食餐廳，仲喺間身心靈療癒嘅社區空間，內裡嘅佈置非常特別，一室簡約風，白色為主調，天花掛起一片片如波浪般嘅輕紗，加上燈光柔和，地方闊落，空間感好唔錯，加上客人都比較斯文，顯得更加寧靜盎然。周圍又放咗好多圖書供閱覽，甚有一股書卷氣息！最搞嘢晌門口棟咗個牌，有個相機標誌，初時仲以為唔可以影相，原來寫住「正在營業請亂拍照」，哈哈，真鬼馬！此外，一邊牆上投影不斷播放店家嘅訪問，介紹到佢哋喺結合健康素食+社區療癒為核心概念，晌香港呢個吋金呎土之地實屬少有。晌度真喺唔單單食餐飯咁簡單，仲喺一處讓人可以沉澱吓嘅空間。菜式只供應套餐「素某晚宴」，定價$298，包括席前小食、素某沙律、是日湯品、野菜天婦羅、主食指（5揀1）、甜品（5揀1，但部份需加錢）及特選拼配茶或配方茶，亦可加錢改配特調飲品。無論甜品物，還是飲品，名字都改得頗有詩意。翻完餐牌一轉，仲留意到有一版專登介紹店內嘅餐枱，原來所用嘅木材都喺嚟自香港打風時倒冧嘅大樹，依家喺分拆成全店12張枱，最神奇喺可以拼番埋一齊成一張順紋理嘅大餐枱，好在餐牌下端都有合併咗嘅樣睇睇，真喺有意思。嫩芽草本拼配茶先嚟兩杯餐飲，一杯揀番草本拼配茶，風味選上由單欉、歐薄荷、香茅、桂枝組合成嘅「嫩芽」。侍應細心介紹飲用方法，原茶葉泡約1分鐘後，倒落大杯，然後分小杯享用，而傍邊已備有一大個熱水壺，按自己飲速再泡。而茶色琥珀棕，透徹，飲落味道複雜富層次，薄荷香讓口感清爽，令人感覺舒服。展開特調 +$18老婆向來熱愛百香果，所以，一眼就相中呢款加入百香果嘅特飲，從餐牌所見，成份包括烏龍茶、乾薑、百香果、豆蔻、丁香、薑味汽水，組合非常特別。賣相很有層次，甚具夏日風情，口感清新，百香果嘅酸香，夾雜陣陣香料嘅香氣，好有特色。席前小食食物方面，先上枱喺豆角條，樣貌似喺平凡，但細節位有啲心思，加咗啲紅椒粒、蒜粒同巴馬臣芝士碎，仲用啲食用花瓣做裝飾，好睇又好食，爽爽脆脆為今餐有個好開頭。素某沙律清清哋嘅田園沙律，再加上清甜嘅橙肉、車厘茄、鷹咀豆，淋上胡麻醬，雖然簡簡單單咋，但勝在食材夠新鮮，令胃納大開。是日湯品今晚嘅餐湯一片綠油油，喺菠菜湯，有別一般西式嘅忌廉湯，無咁重奶味，但口感保持一貫嘅滑溜度，濃濃嘅菠菜味，真喺幾好飲。野菜天婦羅一次過上晒二人份嘅天婦羅，野菜包括有紫蘇葉、茄子、大花菇、蕃薯、秋葵，有幾個位真喺值得一讚，一來粉漿又薄又脆，炸得香而不膩，二來非日式佐以蘿蔔蓉，而有啲台式佐以梅子鹽，鹹鹹酸酸，襯天婦羅真喺頗特色，加上裝飾用嘅楓葉，都喺用威化紙做，可以入口，頗有心思！香草素雞•烤野菜•山藥慕絲整道菜嘅賣相好別緻，色彩艷麗，尤其是配上大量烤野菜，如野菌、車厘茄、青瓜、黃瓜、薯仔，啱晒我老婆，仲烤得頗為香口。素雞如大部份相類似嘅食品，都喺豆製品，霎眼望上去都有幾分似雞件，當然食味喺另一回事啦；而山藥慕絲小弟就覺得稱之為山藥泥比較似啲，佢嘅質感較似食薯蓉咁，又帶點粗粒感，原以為喺熱嘅，原來喺冷菜，就變得有啲似食薯仔沙律般，再者，山藥夠健康嘛。日式咖喱•素肉漢堡扒對比起個香草素雞，呢個素肉漢堡扒就八、九分似真肉嘅漢堡扒喇，大大件好厚身，煎得焦香，甚有口感，加點幻想，真喺好似食緊件漢堡扒，味道確唔錯；同樣加入咗大量烤野菜，更多咗櫻桃蘿蔔、甘筍仔、魔芋同幼滑到不得了嘅薯蓉；仲有一大個煎飯糰，焦香有咬口，飯粒又鬆軟，最正啲日式咖喱香味十足，微辣帶香，襯薯蓉，襯飯糰都好好味。麗楓秋栗 +$28最後梗喺甜品壓軸登場，侍應都幫忙換上新餐具。呢道栗子甜點賣相非常之靚仔，杯內喺紅茶啫喱，軟硬度啱啱好，又有紅茶香；杯面嘅栗子蓉打得柔滑，栗子香味十足，加埋原粒糖漬栗子、楓糖脆餅，真喺無無得輸。題外話，栗子蓉上嘅一串小葉，初時以為假嘅，試試嗒吓，再咬一口，有少少如花椒般味道滲出，煞是有趣。椰香琥珀雪燕另一道甜點雪燕喺凍食，最有心思喺將盛器都雪凍埋，而雪燕可講平民燕窩，如桃膠般，晶瑩剔透嘅雪燕本身無乜味，不過，加咗椰汁、杞子、紅棗，食味自然唔同晒，入口好潤，口感清爽，最緊要更喺健康富營養。今晚所食到嘅菜式，果真別出心裁，甚有心思，素食也可以食得精彩。用膳完畢，無需趕住走，可以繼續細嚐香茶，舒緩一下，可將煩惱一掃而空:)。…查看更多