紅葉茶屋 (T.O.P This is Our Place) (已結業)

食完正餐，同個朋友想坐底食個雪糕，見呢間餐廳裝修幾靚，座上客又幾多，價格又唔算話好貴，就故且入黎試下，佢主食類我無試，味道點我就唔知了，但我同朋友對我地個芭菲都不太滿意。職員好唔夠，等左一排先有人黎落單，糾結下叫左個紅豆抹茶軟朱古力芭菲。本身其實賣 $65 一個芭菲真係唔算貴，不過覺得佢味道品質上係唔值呢個價，賣相講真唔錯，但說好的紅豆去左邊？抹茶軟朱古力無乜抹茶味，只有死甜。雪糕本體係好軟滑，但又係死甜奶味，好假既味，又好甜，所以食到好辛苦，然後下面就係兩層cream同大量脆米。跟住覺得愈食愈凍，無食曬就放棄左，然後懷住一個不太爽既心情埋單走人。無服務無品質既情況下，回頭率係零。

好耐之前已經想食這間，見佢啲食物賣相好吸引，今日終於有機會食到了，叫了牛肉壽喜燒定食$98、海鮮四色茶漬飯$118加了$48選了兩個小食(單骨雞翼四件及黃金螺三件）最後加了杯凍黑蜜奶抹$38，價錢我覺得並不便宜，但賣相幾ok，個黃金螺有沙，好硬，個茶漬飯啲湯唔夠熱，食物味道就不過不失，無特別驚喜，埋單時個職員俾咗D印花我，原來做緊promo，儲夠一定數量印花可以換到食物，這個promo也不錯，下次想試吓佢啲甜品.

唔知係疫情影響抑或熱情減退，仲記得初開張時食客不斷，如今只剩小貓三四隻。生意淡薄，人手安排亦「不足」，雖然有三位職員駐店，但揚手數分鐘都無人為意，更莫講話會唔會主動加水。價錢對比質素同服務嚟計不值。鰻魚足秤，都幾軟嫩，但燒得唔夠香口、略嫌油香欠奉；飯面灑上頗多蛋絲，配飯食幾有口感👍🏻茶底加咗鰹魚粉提鮮，令泡飯更易入口。定食包含嘅兩款醃菜反而更出色，青瓜爽口，無草青味；冬瓜喺日本菜中第一次見到，浸滿湯水，飽滿爆汁。

試食過江龍紅葉茶屋好想試晒啲甜品呀～可惜得我一個人食甜最後揀左一個正餐share一款甜品😝滑蛋吉列豬扒定食滑蛋都滑吉列豬扒都香脆，但不夠鬆軟甜品要左白玉抹茶紅豆茶漬跟餐有一碗抹茶，同抹茶糖漿問左店員要點食將抹茶加入白玉紅豆內再用糖漿調味可惜最期待嘅白玉好大舊煮過龍，唔煙韌😥綠色白玉？相信應該有茶味但食落無分別失望😐

地點：係TOP入面，剛好星期六中午去到唔需要等位環境：見到有唔同款的座位，都闊落食物：蒲燒鰻魚滑蛋丼份量合理，鰻魚好食，蛋超級滑，無煮老，唔乾。另外其中一個綠色配菜超級咸，唔知係咩菜。但旬還好。湯係鏗魚味，唔係普通麵豉湯，好飲。 黑蜜牛奶抺茶成杯口感好豐富，上層有忌廉，下面係抺茶，甜度剛剛好。鹿兒島黑毛一口和牛定食和牛男朋友話好好食，牛無渣，牛唔會太小，份量適中。雜莓香橙紅茶尼杯唔加糖已經阿甜，所以無加另附糖，酸酸地幾開胃。鐮倉紅葉屋特製軟雪糕芭菲店鋪用了哈蜜瓜軟雪糕，好香甜，自己覺得比普通牛乳夾下層，食到一半先發現有黑糖附送，加左原來仲好食，抺茶啫喱唔太甜，這個價錢不錯。香橙提拉米蘇 懷著食Tiramisu期待食有些失落，都係咖啡粉夾好多，依加食落好似橙味蛋糕，上面一層橙味糖粉，塊葉啫喱無味，下面係海綿蛋糕，仲不幸地被我咬到蛋殼(好彩唔係其它)。$價錢略貴 。薯角(忘記影相)一般，上菜時超熱，一咬熱到嘴，唔太油同唔太乾。

以前黎食過一似自創甜品tiramisu，記得味道絕佳，今次食lunch故地重遊，但有點失望而回。1.海鮮四色茶漬飯茶漬飯有食用建議方法。三文魚味道普通，唔算好鮮，但唔會差，亦唔會太厚，食得過。吞拿魚一般我少食，因為易腥，呢碗吞牙魚都有少少腥，一定唔會超新鮮，但質素都過得去。蝦望落去冇咩色澤，較乾身，味道也只是一般。第一個食飯係點芥末豉油食，味道真係好普通。而第二個食飯係加茶。但茶竟然係唔熱，根本冇香味可言...這是敗筆無疑。第三食寫住按你喜愛方式享用，這個...無言。2.牛肉壽起燒定食壽喜燒味道都算唔錯。豆腐、冬菇等也滑，清清地調味唔會太鹹。牛肉肉質亦過得去，牛味算唔錯。然而並不是用鍋上菜，且餸菜都係唔多熱...咁佢俾左隻生生地嘅蛋，我真係唔敢撈落去食...麵豉湯同出面飲的有d唔同味，個人唔太鍾意...白飯只係用普通米。其實諗返轉頭，點餐到起菜真係肯定唔夠十分鐘。餸菜唔熱，呢一點今次真係幾強差人意。3.凍雜莓香橙紅茶好多雜莓，幾清新，唔多甜，我覺得甜d好味d。整體味道唔錯，又健康。個杯都大杯，只係冰實在超多又大粒，差唔多半杯係冰。另外呢度如果叫杯熱茶都係要另收錢，水就免費，叫侍應比兩杯

紅葉茶屋🍁Momiji Chaya -日本菜🇯🇵-茶館🍃🧁🍰🍦𝙈𝙤𝙢𝙞𝙟𝙞 𝘾𝙝𝙖𝙮𝙖 𝙨𝙚𝙧𝙫𝙚𝙨 𝙖 𝙬𝙞𝙙𝙚 𝙧𝙖𝙣𝙜𝙚 𝙤𝙛 𝙅𝙖𝙥𝙖𝙣𝙚𝙨𝙚 𝙘𝙪𝙞𝙨𝙞𝙣𝙚𝙨, 𝙗𝙪𝙩 𝙞𝙣𝙩𝙚𝙧𝙚𝙨𝙩𝙞𝙣𝙜𝙡𝙮 𝙢𝙤𝙨𝙩 𝙥𝙚𝙤𝙥𝙡𝙚 𝙤𝙛𝙩𝙚𝙣 𝙘𝙤𝙢𝙚 𝙛𝙤𝙧 𝙩𝙝𝙚𝙞𝙧 𝙙𝙚𝙨𝙨𝙚𝙧𝙩𝙨 𝙞𝙣𝙨𝙩𝙚𝙖𝙙 𝙤𝙛 𝙩𝙝𝙚 𝙢𝙖𝙞𝙣 𝙨𝙚𝙩𝙨. 𝘾𝙝𝙖𝙧𝙖𝙘𝙩𝙚𝙧𝙞𝙨𝙚𝙙 𝙗𝙮 𝙩𝙝𝙚𝙞𝙧 𝙖𝙩𝙩𝙧𝙖𝙘𝙩𝙞𝙫𝙚 𝙖𝙥𝙥𝙚𝙖𝙧𝙖𝙣𝙘𝙚𝙨 𝙖𝙣𝙙 𝙜𝙧𝙚𝙖𝙩 𝙫𝙖𝙧𝙞𝙚𝙩𝙮 𝙤𝙛 𝙘𝙝𝙤𝙞𝙘𝙚𝙨, 𝙩𝙝𝙚𝙞𝙧 𝙙𝙚𝙨𝙨𝙚𝙧𝙩𝙨 𝙬𝙞𝙡𝙡 𝙨𝙪𝙧𝙚𝙡𝙮 𝙬𝙤𝙧𝙩𝙝 𝙖 𝙩𝙧𝙮!🎂🍨🍈1️⃣抺茶蕨餅新地🍵💚Warabi- Mochi Maccha SundaeHKD $58味道分(tastefulness)：⭐️⭐️⭐️⭐️ 打卡分(photogenicity)：⭐️⭐️⭐️⭐️份量分(Size)：⭐️⭐️⭐️環境(Environment)：⭐️⭐️⭐️⭐️ 服務(Service): ⭐⭐⭐⭐➡️🍁With a crispy and editable waffle base, you may indulge yourself wit

香辣燒牛肉定食好可愛的一副餐具耶（在我眼中好可愛）雖然看似很精形但實際上是很大份的成座山咁既牛肉上高有生蒜🧄旁邊佔據了2/5位置的是健康蔬菜一小碟楓葉皿🍁盛載的蔥粒兩件齋青瓜和兩條筍另外還有一杯小小的味噌湯在下不客氣了 🥰很濃味的牛肉啊帶有點微辣如果比較怕辣的客官可以用旁邊的清菜做平衡當然青瓜件也有一定的緩和作用但 相信在下不會很辣的白飯比較粘粘粘在匙羹和碗都是對有強迫症的在下來說是一種挑戰但也一定要吃乾淨在下還有加了一份豆腐魚餅光聽名字就好吸引可惜是炸的只是咀嚼的我怎可能放過他滑溜溜的口感香脆的外皮和柔軟的內涵只有加入豆腐才能有這種幸福的感覺放了一陣子還是暖暖的 ❤️最後把可愛的一杯味噌湯喝完飽感剛剛好味噌湯真的擔當著重要的角色對 還有那杯熱熱的跟餐烏龍茶好喜歡 💕

係旺角站B出口直達嘅新商場T.O.P星期日既六點幾，唔使等位直入座位唔係闊落，但環境感覺舒服，分開左一邊食鐵板燒一邊食定食。叫咗一個牛肉壽喜燒定食，一個鰻魚茶漬飯，凍牛奶抹茶同埋熱蜂蜜薑紅茶。講左飲品先，抹茶味太重所以苦啲唔係好甜，至於杯薑茶就有驚喜，蜂蜜味同薑味都好濃飲落好舒服，如果大杯啲就正啦，因為野飲一杯都$28起。牛肉壽喜燒都幾多配料鰻魚都好味唔會太肥，啲飯加埋茶口感幾好兩款都好岩送飯份量都好夠 食晒都好飽但因為聽聞個甜品都出名，所以最後都叫左抺茶提拉米蘇兩個share甜度適中，唔會苦，啲抺茶粉好細緻，食落係好creamy見到店員都好忙碌但應枱都快～

T.O.P依個商場都開左一段日子，依間餐廳好有日式和室嘅感覺，係入面用餐都好舒服！重點嘅係佢地除左正餐之外，仲有唔少客人係特登黎食甜品嫁，一間餐廳有曬正餐同甜品夠曬方便😂**********<火炙刺身三文魚茶漬飯> $109依個茶漬飯有一半係三文魚刺身一半係火炙三文魚，上面仲有三文魚籽，份量都幾足料！無論係沾豉油食定加茶泡黎食都唔錯，個茶唔會好濃所以都幾容易入口🤣**********<明太子忌廉烏冬> $82依個忌廉非常之creamy，個忌廉汁好重奶味，明太子醬係加上個面嘅，另外仲有啲紫菜同海草，加埋一齊食都幾夾，但食多幾啖就會感覺有啲膩！**********<期間限定甜品盛合> $??(forgot)😂見到佢地嘅甜品好似幾正咁，原來想單叫個抹茶提拉米蘇試下，之後見到依個set計返好抵所以就叫左！個抹茶提拉米蘇係比較呈流質嘅口感，所以入口會好滑，但蛋糕會係舖最底層同埋平時薄，同食開個啲有啲唔同😆

今日行左好多地方都搵唔到食乜 經過T. O. P. 諗起每次經過有間叫紅葉都有人排隊 就去試下啦 我地三點去 見唔係好多人 就按飛等 好快就到我地啦我地叫左個辣牛肉烏冬同壽喜燒和牛定食 本來想試三文魚茶漬飯 見評價之後都係食和牛定食先上辣牛肉烏冬 幾大碗同肥牛既份量都多 前菜有凍冬瓜同 野菜 都幾開胃同埋消暑 至於和牛壽喜燒定食 牛既份量都多 而且大大塊 $129 算咁上下 加溫泉蛋一齊食 味道更好 但我鍾意食肥牛 而呢隻係比較瘦既和牛所以尚可 感覺辣烏冬果隻好味的 整體都ok 但如要飲水要叫侍應先有供應 為免麻煩 所以無叫 有收加一服務費 但真係無乜服務

日本鎌倉的紅葉茶屋來了奧海城第二期。這間餐廳可以講什麼都有，又有豐富的主餐，又有精緻的甜品，不論在任何時間去都。 不講太癈話啦，直接介紹啦~基本配料︰芭菲(忌廉，寒天，玉米片，銅鑼燒) / 新地(窩夫，忌廉，玉米片)之後開始選配料︰step 1  雪糕球 (任選1款)︰抹茶 / 雲呢拿 / 朱古力step 2  配料(任選2款)︰朱古力醬 / 士多啤梨 / 黑蜜 / 藍莓芝士忌廉 / 蕨餅 / 自家製白玉 / 香蕉 / 抹茶軟朱古力 / 焦糖 / 雜莓醬step 3 軟雪糕(任選1款)︰精選雪糕 (蜜瓜) / 牛奶我的芭菲  $38為何叫「我的芭菲」？好簡單，因為這是我選的特製配搭芭菲。 ( ......又說不講癈話)我選佐芭菲， 雲呢拿， 朱古力醬，士多啤梨，精選雪糕 (蜜瓜)，黑蜜(店員忘了放入去......)。基本上都不過不失，雖然士多啤梨是酸的，但重點的蜜瓜雪糕好好味，好重蜜瓜味，好似北海道食的。

行開旺角見呢間舖頭成日都排滿好多人，見大家都唔知食乜就決定試吓，今次我哋都等咗半個幾鐘先入到去。餐牌選擇唔少，我哋四個一致決定叫左：海鮮四色茶漬飯。刺身分別有三文魚、吞拿魚、甜蝦同魚子，色澤鮮艷，但食落普通，刺身質地為薄片，冇乜口感，新鮮程度同質素都好嘛嘛，好難餸到成碗飯，附有涼菜同茶製成茶漬飯，但味道一般。溫泉蛋卡邦尼烏冬。味道如賣相可見都係普普通通，卡邦尼醬汁來來去去味道分別不大，依間係我食過最奇怪嘅勁重奶味，嗰種奶味完全唔似卡邦尼，撈埋煙肉、蛋同烏冬感覺好膩，呢種奶味一啲都唔夾......牛肉壽喜燒定食。呢個係咁多樣入面最好味，牛肉肥瘦適中，牛味濃郁，配埋日式醬汁非常送飯，配菜有唔同嘅蔬菜、冬菇、豆腐、洋蔥、菇類等等，再配埋溫泉蛋好好味。特盛黑麻油濃厚豚骨湯拉麵。個名睇落好吸引，但一上到黎就覺得非常普通，湯底可見一啲都唔濃厚-_-只有面頭嗰啲黑色嘅麻油，食落冇乜黑麻油味，豚肉片見到都知係瘦肉，拉麵又係普通貨色，唯獨係隻蛋係糖心蛋好味啲，$89呢個價錢喺出面都可以食到好好味嘅拉麵，食完真係好失望。食完主食對甜品都冇乜期望，但見排咗咁耐又咁夜就唯有叫少少甜品頂下肚，上面呢個係綠茶豆腐

見網評勁好👍，又要去旺角一轉，突來一試。開1130am, 成了他們第一枱客，餐牌主打日式菜，有定食🍱和拉麵🍜。見有店長推介，於是叫左厚切豚肉🐷生薑燒定食$98 和牛肉🐮壽喜燒定食$98。定食有2前菜， 4粒青瓜🥒+幾片漬物(小菇🍄，昆布，支荳)，味道一般，提供纖維。味噌湯有一片昆布，味道清淡，渴一口便放棄。主菜豚肉🐷市價高企，份量算多，厚切吾算好厚，但同牛肉🐮壽喜燒相比，立見高下，牛肉好薄下。味道，🐷🐮都比佢個汁提升曬。豚肉跟一小碟白芝麻，加上薑汁，很嘢味! 雖然薄切牛肉，但個甜甜壽喜燒汁，好好味，跟一隻半生熟蛋🥚，相當吸引，煱中还有豆腐，菇🍄，洋蔥，菜，份量算多，加上一碗飯🍚，絕對可以食飽飽。唯一失色係服務，由座下到结帳，都冇送上一杯水🥛。連加一，$215.6, CP值👍。

行過見到一間，望落好日本feel，望餐牌亦好吸引我同朋友又有啲肚餓就入咗去食嘢。今我同朋友叫左一個海鮮四色茶漬飯+小食吉列蝦，飲品叫左一杯雪糕白玉牛奶抹茶海鮮四色茶漬飯，5分鐘左右已經送到枱，亦有一張教我地點樣食卡紙，完來有2種食法，可刺身亦可加高湯食，不過2種食法都試過，我就比較喜歡刺身既食法吉列蝦，炸粉唔會好厚，食落啱啱好，亦好脆口（下次會試埋個吉列蠔）雪糕白玉牛奶抹茶，甜度啱啱好，亦唔會話好苦，白玉有咬口，即叫即煮，等既時間會耐D）